मकवानपुर । हेटौंडा लेडी जेसिजको जेसिज सप्ताह आज सोमबारबाट सुरु भएको छ। हेटौंडा लेडी जेसिजले आज भदौं २७ गतेबाट ३० गतेसम्म विभिन्न कार्यक्रमको आयोजन गर्दै जेसिज सप्ताह मनाउँदै छ ।
जेसिज सप्ताह अन्तर्गत २७ गते सोमबार मनहरी स्थित आमा घर नेपालमा सहयोग हस्तान्तरण, महिला हिंसा विरुद्ध सचेतना तालिम र हुप्रचौर सरसफाइ गरि ३ वटा कार्यक्रमको आयोजन गरिएको जेसिजले जनाएको छ।
त्यसैगरी २८ गते हेटौंडा-११ स्थित त्रिभुवन माध्यामिक विध्यालयमा आत्मरक्षा तालिम र मकवानपुर बहुमुखी क्याम्पसमा स्वर्गीय बुद्ध रत्न शाक्य स्मृति वक्तृत्वकला कार्यक्रमको आयोजना गरिएको हेटौंडा लेडि जेसिज अध्यक्ष कविता पौडेलले जानकारी दिइन।
त्यस्तै भदौ २९ गते मकवानपुरगढी-५ मा रहेको मञ्जुश्री आधारभूत विद्यालयमा शैक्षिक सामग्री सहयोग कार्यक्रम र स्लो स्कुटर रेसको आयोजन गरिएको र ३० गते विहान हेटौंडा-४ मा डेङ्गु विरुद्धको सचेतना कार्यक्रम गर्दै सोही दिन साँझ समापन कार्यक्रम रहेको जेसिज मुल कार्यक्रम संयोजक सजिता केसी खत्रीले बताईन ।
In: महिला/बालबालिका खबर, मुख्य खबर, राष्ट्रिय
Tags: No Comments

