मकवानपुर । जिल्ला प्रहरी कार्यालय मकवानपुरले ३ क्वीन्टल गाँजा बरामद गरेको छ । प्रहरीका अनुसार हेटौंडाको थानाभर्याङबाट बुद्धचोकतर्फ आउँदै गरेको ना ८ ख १७३८ नम्बरको टिपरलाई जाँच गर्दा ३ सय ५ किलो लागुऔषध गाँजा फेला पारेको हो ।
प्रहरीले टिपरमा सुरक्षाजाँच गर्ने क्रममा टिपरको पछाडी रातो त्रिपालले छोपेको अवस्थामा खोली हेर्दा लागुऔषध गाँजा रहेको १२ वटा बोरा र एउटा प्लाष्टिकको सानो पोका फेला परेको प्रहरीले जनाएको छ ।
उक्त लागुऔषधसहित टिपरलाई नियन्त्रणमा लिई जिल्ला प्रहरी कार्यालयमा राखिएको छ । टिपर चालक फरार रहेको र खोजी कार्य भइरहेको प्रहरीले जनाएको छ ।

