मकवानपुर । मकवानपुरकाे हेटौडामा राष्ट्रिय भू संरक्षण दिवस मनाईएको छ । भू तथा जलाधार व्यवस्थापन कार्यालय मकवानपुरको आयोजनामा राष्ट्रिय भू संरक्षण दिवस, २०७९ मंगलबार मनाइएकाे हाे ।
हेटौंडा उपमहानगरपालिका वडा नं १५ भोर्लेमा २ सय वटा बाँसको बिरुवा राेपी भू संरक्षण दिवस मनाईएको हो । भू तथा जलाधार व्यवस्थापन कार्यालय प्रमुख सृजना गुरुङको सभाध्यक्षता तथा प्रदेश वन निर्देशक विद्यानाथ झा प्रमुख आतिथ्यतामा दिवस मनाइएकाे हाे । दिवसकाे अवसरमा निर्देशक झाले जनताको सहभागिताले जलाधार व्यवस्थापन कार्य सफल हुँदै आएकाे बताए । अव जनतासँग आर्थिक साझेदारी समेत गरी आगामी दिनमा जलाधार व्यवस्थापन थप सफल बनाउनु पर्ने उनले बताए ।
दिवसकाे अवसरमा हेटौडा उपमहानगरपालिका १५ नम्बर वडाध्यक्ष सुनिल मोक्तानले वन तथा वातावरण मन्त्रालयको साथ र सहयोगले बस्ती तथा खेतियोग्य जमिनको संरक्षणमा सहयोग पुगेको बताए ।

