मकवानपुर । हेटौंडामा बसको ठक्करबाट १ जना पैदलयात्रीको मृत्यु भएको छ । बुधबार बिहान पूर्वपश्चिम राजमार्ग अन्तर्गत हेटौंडा-९ कर्रा पुल नजिकै बसको ठक्करबाट गम्भीर घाईते भएका पैदलयात्रीको उपचारको क्रममा हैटौंडा अस्पतालमा मृत्यु भएको हो ।
बसकाे ठक्करबाट मृत्यु हुनेमा अन्दाजी ३०–३५ वर्षकाे पुरुष रहेकाे तथा मृतककाे सनाखत हुन नसकेको मकवानपुर प्रहरीले जनाएकाे छ । पूर्वबाट आउँदैगरेको बागमती प्रदेश ०३–००१ खा १६३३ नम्बरको बसले बुधबार बिहान ३ बजेर ३० मिनेटको समयमा पैदल यात्रीलाई ठक्कर दिएको थियो । बसलाई नियन्त्रणमा लिएर अनुसन्धान भइरहेको जिल्ला प्रहरी कार्यालय मकवानपुरले जानकारी दिएको छ ।

