मकवानपुर । मकवानपुरगढी गाउँपालिका वडा नम्बर ३ मा नेकपा एमाले विजयी भएकाे छ । स्थानीय तह सदस्य निर्वाचन अन्तर्गत मकवानपुरगढी ३ मा एमालेको प्यानलनै विजयी भएको हाे।
मंगलबार बिहान प्राप्त मतपरिणाम अनुसार मकवानपुरगढी-३ को वडाध्यक्षमा नेकपा एमालेका भागवत घिमिरे सहित सदस्यमा प्यानलनै निर्वाचित भएका हुन्। घिमिरेले गठबन्धनका उम्मेदवार अर्जुन प्रसाद दाहाललाई ५७ मतले पराजित गर्दै वडाध्यक्षमा दोस्रो कार्यकालको लागि निर्वाचित भएका हुन्। घिमिरेले ९ सय ४३ ल्याउदा गठबन्धनका उम्मेदवार दाहालले ८ सय ८६ मत प्राप्त गरेका छन्।
वडा अध्यक्षमा घिमिरेसँगै महिला सदस्यमा मञ्जु याेञ्जन दलित महिला सदस्यमा विमला सुनार खुला सदस्यमा प्रेम बहादुर थाेकर र विदुर हुमागाई विजयी भएका छन् ।

