मकवानपुर । पेट्रोलियम पदार्थको मूल्य फेरी बढेकाे छ । नेपाल आयल निगमले फेरि पेट्रोलियम पदार्थको मूल्य बढाएको हाे ।
निगम सञ्चालक समितिको बुधबार बसेको बैठकले बुधबार राती १२ बजेदेखि लागू हुने गरी पेट्रोल, डिजेल र मट्टितेलको मुल्य बढाएकाे हाे ।
निगमकाे नयाँ मुल्यसूचि अनुसार पेट्रोल, डिजेल र मट्टितेलको प्रतिलिटर ५ रुपैयाले भाउ बढेकाे छ । बढेको मूल्यअनुसार अब काठमाडौँ उपत्यकामा पेट्रोल प्रतिलिटर १ सय ५५ रूपैयाँ पर्नेछ भने डिजेल तथा मट्टितेलको मूल्य प्रतिलिटर १ सय ३८ रुपैयाँ पर्नेछ। हवाई इन्धनको मूल्य पनि आन्तरिकतर्फ प्रतिलिटर १५ रूपैयाँ र अन्तर्राष्ट्रियतर्फ २०० डलर वृद्धि भएको छ।
खाना पकाउने ग्लपी ग्यासको मुल्यमा प्रतिसिलिण्डर निगमलाई ६ सय ६५ रुपैयाँ ३४ पैसा घाटा रहेको निगमको दाबी रहेकाे भए पनि मुल्य बढाइएकाे छैन । निगमका अनुसार पेट्रोलमा प्रतिलिटर २८ रुपैयाँ ५७ पैसा, डिजेलमा ३२ रुपैयाँ १५ पैसा घाटा छ भने मट्टितेलमा प्रतिलिटर २४ रुपैयाँ ३४ पैसा नाफा छ । यस्तै हवाई इन्धनमा पनि नाफा छ ।


