रेणुका चाैलागाईं
१.
ढुङ्गा बोल्नुपर्छ अब माटो बोल्नुपर्छ
सहिदहरूको रगतको टाटो बोल्नुपर्छ
धेरै बोले सुकिला र बाठाहरू देशमा
यो देशको लागि अब लाटो बोल्नुपर्छ ।
२.
बाँझै छ गाउँमा खेतबारी शहर पसियो
छोडेर गाउँघर शुन्य पारी शहर पसियो
पाइदैन खान साँझ झोला भरेर नफर्के,
गमलामा फलाउन तरकारी शहर पसियो ।
काभ्रे हाल काठमाडाैं
चाैलागाईंकाे भरखरै विमाेचन भएकाे मुक्तक संग्रह ‘जीवनजस्ताे जीवन’बाट

