मकवानपुर/ जिल्ला प्रहरी कार्यालय मकवानपुरले लागुऔषध खैरो हिरोइन सहित २ जनालाई नियन्त्रणमा लिएको छ ।
जिल्ला प्रहरी कार्यालय मकवानपुरबाट खटिएको प्रहरी टोलीले मकवानपुर जिल्ला हेटौंडा उपमहानगरलिका–१५ पुर्व पश्चिम लोकमार्ग सडकखण्डबाट व्यक्ति र मोटरसाइकल नियन्त्रणमा लिएको हो ।
बाराको पथलैयाबाट हेटौडा तर्फ आउदै गरेको बा ९९ प ३०४१ नं. मोटरसाईकललाई जाँज गर्ने क्रममा मकवानपुर हेटौडा – १० बस्ने २३ वर्षी ठिल्ले लामा तामाङ र पछाडी सवार हेटौंडा –४ बस्ने २६ वर्षीय अजय घलेलाई नियन्त्रणमा लिइएको हो।
उनीहरुको साथबाट ७ ग्राम ६०० मिली ग्राम लागुऔषध खैरो हेरोईन फेला परेको निमित्त प्रहरी प्रवक्ता प्रहरी निरीक्षक सुमन बाँनियाले बताए । उनीहरुलाई मकवानपुर जिल्ला अदालतबाट दिन १५ को म्याद लिई थप अनुसन्धान कार्य भईरहेको बानियाँले बताए ।

