मकवानपुर । राष्ट्रिय प्रजातन्त्र पार्टीका केन्द्रीय सदस्य राजाराम बर्तौलाले पदबाट राजिनामा दिएका छन् । ‘पार्टीभित्र गम्भीर सैद्धान्तिक विचलन र स्वेच्छाचारिता मौलाएको भन्दै बर्ताैलाले केन्द्रीय सदस्य पदबाट राजीनामा दिएको बताएका छन् ।
केन्द्रीय समिति बैठकमा महाधिवेशन दौरान निर्मल निवासबाट भएको हस्तक्षेपबारे छानबिन गर्नुपर्ने विषय उठान गरेकोमा नेतृत्वले बेवास्ता गरेको भन्दै बर्तौलाले साधारण सदस्यसमेत नरहने गरी पदबाट राजीनामा दिएका हुन् ।
‘नैतिकरूपमा पार्टीभित्र बस्न सक्ने आधार समाप्त भएकोले नैतिकताको आधारमा आजैका मितिदेखि साधारण सदस्य समेत नरहने गरी केन्द्रीय सदस्य पदबाट राजीनामा दिएको छु’, बर्तौलाद्वारा जारी विज्ञप्तिमा भनिएको छ ।
राप्रपा परित्याग गरेका मकवानपुरका बर्तौला कमल थापाकाे नेतृत्वमा केही दिन अघी गठन भएकाे राप्रपा नेपालमा प्रवेश गर्ने चर्चा रहेकाे छ ।


