मकवानपुर । लोकसेवा आयोगकाे निर्धारित परीक्षा स्थगित भएका छन् । सर्वोच्च अदालतबाट गत माघ २६ गतेको आदेश कार्यान्वयनको सिलसिलामा तोकिएका परीक्षा अनिश्चितकालका स्थगित भएको लोकसेवा आयोगले साेमबार सूचना प्रकाशित गरी जानकारी दिएकाे हाे ।
आयाेगले आगामी फागुन १३ गते २०७९ बैशाख १ सम्म शाखा अधिकृत वा सो सरह (प्राविधिक) का परीक्षा तोकिएको थियो ।त्यस्तै २०७९ बैशाख २ देखि १४ सम्म स्वास्थ्य सेवातर्फ सातौं र आठौं तहको परीक्षा तोकिएको थियो । आयोगका अनुसार फागुन २८ मा संयुक्त र एकीकृत सेवातर्फ नायब सुब्बा वा सो सरह (अप्राविधिक) को प्रथम चरण र २०७९ बैशाख ५ देखि बैशाख ९ सम्म द्वितीय चरणको परीक्षा तालिका तोकिएको थियो ।

