मकवानपुर । मकवानपुरमा थप ३ जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा २२ स्वाब परीक्षणमा थप ३ जनामा कोरोना देखिएको स्वास्थ्य कार्यलय मकवानपुरले जनाएको छ । यसैगरी, सोही जिल्लामा थप ३ जनाले कोरोना संक्रमणलाई जितेका छन् । जिल्लामा हाल ४४ जना सक्रिय संक्रमित उपचाररत रहेका छन् ।
यस्तै नेपालमा थप २ सय १९ जनामा कोरोना भाइरस संक्रमण पुष्टि भएको छ । पछिल्लो २४ घण्टामा ९ हजार ६ सय ७७ जनामा गरिएको परीक्षणमा थप २ सय १९ जनामा कोरोना देखिएको स्वास्थ्य तथा जनसंख्या मन्त्रालयले जनाएको छ ।
यसैगरि,साेही समयमा २ सय ८९ जना कोरोना संक्रमण मुक्त भएका छन् । कोरोना पुष्टी भएका २ जनाको आइतबार मृत्यु भएको मन्त्रालयले जनाएको छ । नेपालमा हाल ४ हजार ९ सय ६ जना सक्रिय संक्रमित रहेका छन् ।

