मकवानपुर । मकवानपुरमा दशैंकाे लागि पिङ बनाउँदै गर्दा १ जनाकाे मृत्यु भएकाे छ । दशैँको पिङ बनाउने क्रममा लडेर मकवानपुरको भीमफेदी गाउँपालिका-६ माण्डुका प्रेम लामाकाे मृत्यु भएको हाे मकवानपुर प्रहरीले जनाएकाे छ ।
सोमबार भीमफेदी ६ माण्डुमा दशैँको लागि लिङ्गे पिङ बनाउँदै गर्दा ५३ बर्षिय लामा लडेका थिए । पिङको लठ्ठा बाध्ने क्रममा पिङबाट खसेर घाइते भएका लामालाई तत्काल उद्धार गरी अस्पताल लगिएकोमा उपचारका क्रममा सोमबार राती हेटौँडा अस्पतालमा मृत्यु भएको प्रहरीले जनाइएको छ।

