मकवानपुर । साफ च्याम्पियनसिप-२०२१ मा नेपालसँग श्रीलंका ३-२ ले पराजीत भएकाे छ । साफ च्याम्पियनसिप अन्तरगत सोमबार भएकाे खेलमा नेपालले श्रीलंकालाई ३-२ ले हराएको हाे ।
माल्दिभ्सको राजधानी मालेस्थित नेसनल स्टेडियममा भएको च्याम्पियनसिपकाे ३३औं मिनेटमा नेपालका लागि सुमन लामाले पहिलो गोल गरेका थिए । त्यस्तै खेलको ५१औं मिनेटमा अन्जन विष्टले गोल गर्दै अग्रता दोब्बर बनाएका थिए ।
श्रीलंकाका लागि भने ५७ औं मिनेटमा मरविन ह्यामिल्टनले उत्कृष्ट गोल गरेका थिए । नेपालका लागि ८६औं मिनेटमा आयुष घलानले तेस्रो गोल गरेका थिए । श्रीलंकाका लागि इन्ज्युरी समयमा डिलोन डि सिल्भाले पेनाल्टीमार्फत दोस्रो गोल गरेका थिए । यसअघि पहिलो खेलमा माल्दिभ्सलाई पराजित गरेको नेपालले दोस्रो खेलमा श्रीलंकालाई पराजित गर्दै ६ अंक बटुलेको छ ।

