मकवानपुर । भीमफेदी-कुलेखानी सडकखण्डमा बर्षाकाे कारण पहिराे जाँदा अवरूद्ध भएकाे सडक एकतर्फी सञ्चालनमा आएको छ।
शुक्रबार रातीबाट परेकाे अविरल बर्षाकाे कारण शनिबार बिहान पहिरो जाँदा हेटौंडा-भीमफेदी-कुलेखानी-काठमाडाैं सडकखण्डकाे भीमफेदी-६ देउराली नजिक पहिरो जाँदा सडक अवरुद्ध अवरुद्ध भएको थियो ।
शनिबार विहान १० बजे पहिरो पन्छाएर एकतर्फी यातायात संचालनमा आएको जिल्ला प्रहरी कार्यलय मकवानपुरले जनाएको छ । लेदो माटो सहितको पहिरो गएकोले पहिरो हटाउन क्रममै रहेको र छिट्टै दुई तर्फिनै सञ्चाचलनमा आउने प्रहरी जनाएको छ ।

