- शारदा क्षेत्री
आफ्नै मन भित्रको जेलमा छ जिन्दगी
दुखेर झर्ने आँशुको भेलमा छ जिन्दगी
खुसि हुन खोज्दा झस्किएर दुख्छ मन
अनौठो कसिको खेलमा छ जिन्दगी ।
पल-पल मारेर जिबन जिउनु पर्ने
आफै संग हारेर विबन जिउनु पर्ने
कठै भन्ने यहाँ कोहि हुन्नन हजुर
आँशु झारेर संम्झनामा जिउनु पर्ने ।
के भरोसा गरौं उधारो जिन्दगीको
पलमै लगाउँछ तगारो जिन्दगीको
कोरोनाको भयावह बढ्यो संसारमा
भर छैन कुनै पल हतारो जिन्दगीको ।
सुनले झैँ हजार चोट पाएको जिन्दगी
टुक्रिएर मन मुटु मुर्छा खाएको जिन्दगी
बिर्सिएर पिर बेथा पाईला चाल्न खोज्दा
दुख्दै मरेको बगरमाथि हराएको जिन्दगी ।
पल पल गनेर पर्खनु कति म
यादमा दुख्दै चर्कनु कति म
नयनमा आँशुको सागर बोकी
भिजाएर परेली दर्कनु कति म ।
चितवन भरतपुर, हाल अमेरिका

