तिमल्सिनाकाे ‘हार्न नसक्ने मान्छे म’ मामाघरमा विमाेचन
Tags: No Comments
मकवानपुर । मकवानपुरे कवि गणेशकुमार तिमल्सिनाको ‘हार्न नसक्ने मान्छे म’ पुस्तककाे मामाघर नेपालमा विमाेचन गरिएकाे छ । तिमल्सिनाकाे कविता तथा गजल संग्रह ‘हार्न नसक्ने मान्छे म’ को शुक्रबार हेटौडा ११ स्थित मामाघरमा आश्रित ५ जना भान्जाहरुले विमाेचन गरेका हुन ।
पुस्तक विमाेचन पछि पुस्तकका सम्पादक कवि निमेष निखिलले तिमल्सिनाका कविता र गजलहरु उत्कृष्ट रहेको बताए । जीवन भोगाईका सुखदुखकाे अवस्था र अनुभूतिको अभिव्यक्ति नै तिमल्सिनाको कविताको मूल भाव रहेको उनले बताए । प्रतिकुल समयसँग पौँठेजोरी खेल्ने हिम्मत र बाटो बिराएको राजनीतिले सहि बाटो पहिल्याउनु पर्छ भन्ने सन्देश उनको कविता तथा गजलमा समेटिएको निमेषकाे भनाई थियो।
पुस्तक विमाेचन कार्यक्रममा कवि आरसी रिजालले तिमल्सिनाको कविता तथा गजलहरुले वर्तमान मानिसहरुको भावनालाई बोलेको बताए । लामो समयदेखि विभिन्न पत्रपत्रिकामा आफ्ना रचनाहरु प्रकाशन गर्दै आईरहेका तिमल्सिनाले कृति प्रकाशन मार्फत समाजमा भएको समसामयिक विषयलाई उजागर गर्न खोजेको रिजालले जानकारी दिए । कार्यक्रम अनलाईन मिडिया एसोसियसन (ओमान) का अध्यक्ष धर्मेन्द्र दाहालले तिमल्सिनाको कविता तथा गजल संग्रहले मकवानपुरे साहित्यमा थप योगदान दिएको बताए । तिमल्सिनाकाे कविता तथा गजल मार्फत समाजमा ब्याप्त असन्तोष, राजनीतिक खिचातानीलाई ब्याङ्ग्यात्मक शैलीमा उजागर गर्न खोजेको दाहालकाे भनाई थियो ।
‘हार्न नसक्ने मान्छे म’ का सर्जक तिमल्सिनाले आफूले लामो समयदेखि साहित्यको क्षेत्रलाई नियालेको, विभिन्न सञ्चार माध्यममार्फत आफ्ना कविता, गजल सहितका साहित्यक विचारहरुलाई प्रस्तुत गर्ने गरेको बताए । “हार्न नसक्ने मान्छे म” पहिलो पुस्तक भएको भन्दै उनले आगामी दिनमा अन्य साहित्यिक कृतिको तयारी गरेको समेत बताए ।
मामाघर नेपालका सञ्चालक अर्पण पराजुलीको अध्यक्षतामा भएको पुस्तक विमाेचन कार्यक्रममा मकवानपुरका साहित्यकार, राजनैतिककर्मी तथा पत्रकारलगायतका उपस्थिति रहेकाे थियाे ।
१.
नजरसँग नजर मिल्दैनन् नजर झुकाइ रहे
मनसँग मन मिल्दैनन् मनमा माया लुकाइ रहे
फगत दौड जिन्दगीको,चुपचाप एक्लै हिड्दा
व्यथासँग व्यथा मिल्दैनन् व्यथा बल्झाइ रहे ।
२.
तिम्रो रहरमा म अटाउने भए
दिउँसै जून तारा आउने भए
शुभपलमा केही त माग्थे कि
भ्रम र यथार्थ नछुट्याउने भए
३.
जिन्दगीको घनत्व कति
आफ्नाको अपनत्व कति
सिकाइदियो सबै समयले
मर्नु र बाँच्नुको महत्व कति
४.
कृपा सबैलाइ इश्वरको घरमा
सब सकुशल विश्वासको भरमा
छाडेर जाने एकदिन यो चोला
तेरो मेरो किन मान्छेको रहरमा ।
लेखनाथ, पोखरा
१
ढुङ्गा र माटाे
जीवनकाे साहरा
गुन्द्रुक आटाे।
२
भिरमा घर
गाई चराउदै उ
के थियाे थर।
३
गरेर कर्म
पसिना चुहाउँदै
मानव धर्म।
४
उकालाे भिर
कुना र कन्दरामा
मनमा पिर।
५
गाँउकाे बाटाे
सुनाैलाे यात्रा भरी
धर्ती र माटाे।
६
पहाडी खाेच
जिन्दगी जिउदैछु
नवीन साेच।
७
छाउदै छाप्राे
एकलासमा घर
बाेकेर गाग्राे।
८
भाे उपहार
निर्जिव बिडम्वना
मायाँ नमार।
९
सुन्दर देश
पुर्खाकाे धराेहर
फिजिनु केश।
१०
राेप्दै छु आलु
बाँझाे वारि भित्र नै
ए मेरी कालू।
११
माटाेकाे गर्भ
सरद ऋतुहरु
बाेलाइ पर्व।
१२
पश्चिमी हुम्ला
अजङ्गकाे पहाड
पुगेर जुम्ला।
१३
कथा मिसियाे
एकलासमा घर
पिठाे पिसियाे।
१४
नदि बालुवा
घुम्तिकाे बाटाे भरी
खियाे तलुवा।
दोलखा हाल भक्तपुर
१.
छली देखेर माथा गरम हुन्छ मेराे
तिमीले आफैंले विचार पुर्याउनू अरू कुराहरू
बाेली कडा व्यवहार नरम हुन्छ मेराे।
२.
डराउँदिन कहिले पनि
मनमै बास बस्न पाए सुन!
हराउँदिन कहिले पनि ।
३.
यस्तै बाेल्न पाएपछि
खे के के हुन्छ मलाई यस्ताे
तिमी नजिक आएपछि
४.
अल्मलमा परेँ म त
कति हल्का भा हो यो मन
झरना झै झरेँ म त ।
५.
तिमी पर्याै लाखमा
छाँगाबाट जहिले झरेपनि
झर मेरै काखमा ।
सुर्योदय इलाम
मकवानपुर । गीतकार राधिका अधिकारीको ‘माइती देशको घाउ’ गीत सार्वजनिक भएकाे छ । पत्रकार तथा साहित्यकार अधिकारीकाे उक्त गीत तथा भिडियाे काव्य आचार्य युट्युब च्यानलबाट सार्वजनिक भएकाे हाे ।
काव्य आचार्य र मिना नेपालीको स्वर रहेकाे गीतमा दीपक शर्माले संगीत दिएका छन् भने राजेन्द्र बजागाईंको संगीत संयोजन रहेको छ। करिब ८ बर्षकाे अन्तररालमा गीत लेखनमा आएकी अधिकारी सार्वजनिक भएकाे गीत मार्फत देश छोडेर हिडेका आफन्तका कथा भन्ने प्रयास गरेकाे बताउँछिन् । गीतकाे भिडियोमा गायिकाद्वय काव्य र मिनाको साथमा राधिकाकाे समेत अभिनय रहेकेा छ ।
२०७१ सालमा अञ्जु पन्तको स्वरमा ‘जिन्दगीले आँफैलाई छलदा खेरी रोएँ धेरै’ गीत रेकर्ड गराएर गीत लेखनको औपचारिक यात्रा शुरु गरेकी हुन् राधिकाले । यसैगरी उनले २०७२ सालमा किनारा गीत गजलकाे एकल एल्बम बजारमा ल्याएकी थिइन्। उनका केही फुटकर गीत पनि बजारमा आएका छन्। गीत लेखनमा केही वर्ष निष्कृय रहेकाे स्वीकार्दै राधिकाले भनिन् ‘निरन्तरताले गीत संगीत सहितकाे यात्रा जारी रहने छ ।’
साहित्यसँगै सचार कर्मलाई मकवानपुरबाट अगाडी बढाएकी राधिका पछिल्लाे समय संघीय राजधानी बसेर कलम चलाउँदै आएकी छिन् ।