मकवानपुर । हेटौंडा भएको खुला कविता प्रतियोगितामा सुनसरीका सुरज पराजुलीको पर्खाल कविता प्रथम भएको छ । प्रदेश युवा परिषद बागमती आयोजना र साहित्य संगम मकवानपुरको सहकार्यमा भएको राष्ट्रिय युवा कविता उत्सव २०८० अन्तरगत खुला कविता प्रतियोगितामा पराजुलीले प्रथम स्थान हासिल गरि ४० हजार नगद पुरस्कार प्राप्त गरे ।
यस्तै चितवनका कवि अन्जान प्रदीपको कविता ‘कुण्डली’ले द्वितीय स्थान साहिल गरेको छ । द्वितीय हुँदै प्रदिपले ३० हजार पुरस्कार प्राप्त गरे । यसैगरी नुवाकोटका कवि एलिसा एकलासको कविता ‘निर्धो बक्ररेखा’ले तृतीय स्थान हासिल गर्दै २० हजार पुरस्कार प्राप्त गरिन । कविता प्रतियोगितामा तनहुँका भीमप्रसाद खतिवडा अनुरागको ‘मेरो यात्रा’ कविताले सान्त्वना भइ १० हजार रूपैयाँ प्राप्त गरे ।
कविता प्रतियोगिताको लागि प्राप्त १ सय ५३ कवितामध्ये प्रारम्भमा उत्कृष्ट २० छनौट गरिएको आयोजकले जनाएको छ । उत्कृष्ट २० मा छनौट भएका मध्ये १८ जना कविका कविता शनिबार हेटौंडामा वाचन समेतका आधारमा अङ्क प्रदान गरी नतिजा सार्वजनिक गरिएको निर्णायक मण्डल संयोजक निमेष निखिलले बताए ।
उत्कृष्ट कविताका कविहरूलाई बागमती प्रदेशका सामाजिक विकास मन्त्री कुमारी मुक्तान र परिषद्का उपाध्यक्ष सन्तोष चौलागाईंले नगदसहित कदरपत्रले सम्मान गरेका थिए ।
३ सदस्यीय निर्णायक मण्डल मण्डलमा चितवनका कवि भूपिन खड्का, काठमाडौँकी कवि डा. विन्दु शर्मा र हेटौँडाका कवि निमेष निखिल रहेका थिए ।
मन्त्री मोक्तानले युवाहरू लेखन, वाचन लगायत साहित्य सिर्जनामा लाग्नु सकारात्मक पाटो रहेको बताईन । उपाध्यक्ष चौलागाईँले पढ्ने मान्छेमा लेख्ने क्षमता हुने हुँदा पुस्तक पढ्नका लागि प्रेरित गर्नुपर्ने र यस अभियानमा सरिक सबै लेखकलाई धन्यवाद दिएका थिए।
विशिष्ट अतिथि कवी विप्लव प्रतिक र पूर्व सभासद् अनन्त पौडेल रहनु भएको कार्यक्रममा मकवानपुरका सम्पूर्ण साहित्यिक संस्थाबाट प्रतिनिधित्व गर्दै सर्जक सञ्जालका संयोजक तथा कविताका निर्णायक निमेष निखिलले मन्तव्य ब्यक्त गरेका थिए । सङ्गम अध्यक्ष डीबी बर्तौलाले मन्तव्यकका क्रममा साहित्य सङ्गमले साहित्य क्षेत्रको उन्नयनका लागि गुणात्मक कार्यक्रमहरू गरिरहने प्रतिबद्धता व्यक्त गरे ।
युवा पुस्तामा कविता क्रेज सत्रको बहसमा समीक्षक घनश्याम घिमिरे, कविद्वय केशव सिलवाल र सीमा आभास सहभागी रहेका थिए । बहसलाई सङ्गम अध्यक्ष बर्तौलाले सहजीकरण गरेका थिए ।
यसैगरी एकल कविता वाचन सत्रमा कवि विप्लव प्रतीकले १० कविता वाचन गर्दा सुनाउदा उपस्थित दर्शक मग्न भएको थिए । सङ्गम उपाध्यक्ष सानु खनालले पूर्व पत्रकार, गीतकार, अनुवादक, रङ्गकर्मीका साथै युवा पुस्ताका रोजाइका कविमध्ये एक भएकोले कार्यक्रमको एक महत्वपूर्ण हिस्साका रूपमा विप्लवलाई उपस्थित गराइएको बताए ।
पठन संस्कृतिमा टेवा पुर्याउन किताबघर हेटौँडाले पुस्तक प्रदर्शनी समेत कार्यक्रम भरी गरेको थियो । सर्जकहरूले प्रदर्शनीबाट आफ्नो रोजाइका पुस्तकहरू सङ्कलन गरेको किताब घर संचालक छवि अनित्यले जानकारी दिए ।
मकवानपुर । प्रदेश युवा परिषद, बागमती प्रदेशको आयोजना एवम् साहित्य सङ्गम मकवानपुरको सहकार्यमा आयाेजना गिरने राष्ट्रिय खुला कविता प्रतियोगिताका लागि उत्कृष्ट २० कविता छनौट गरिएकाे छ । उत्कृष्ट २० कविताका साथै कविहरुकाे समेत नामावली सार्वजनिक गरिएको हाे ।
आश्विन ८ गते प्रकाशित सूचनाबमोजिम प्राप्त कवितामध्ये चितवन, सिरहा, स्याङ्जा, रसुवा, नुवाकोट, दैलेख, भक्तपुर, तनहुँ, काठमाण्डौं, धादिङ, रौतहट, उदयपुर, सुनसरी र सिन्धुपाल्चोकका १/१, गोरखाका २ र मकवानपुरका ४ कविहरूका कविता छनौट चरणमा परेका प्रदेश युवा परिषद्का कार्यालय प्रमुख शारदा कुमारी मैनालीले जारी गरेकाे सूचनामा उल्लेख छ ।
उत्कृष्ट २० मा पर्न सफल कविहरूबीच असोज २७ गते शनिबार प्रतिस्पर्धा गराइनेछ । रोयल पार्टी प्यालेस हेटौंडा ४ मा हुने प्रतियाेगितामा प्रथम हुने कविले ४० हजार, द्वितीय हुनेले ३० हजार, तृतीय हुनेले २० हजार र सान्त्वना हुनेले १० हजार पुरस्कार प्राप्त गर्ने आयोजकले जनाएकाे छ । प्रतियोगितामा कवि स्वयम् उपस्थित भई कविता वाचन गर्नुपर्ने बताइएकाे छ ।
यसैगरी कविता वाचनकाे अवसरमा ‘नयाँ पुस्तामा कविता क्रेज’ विषयक बहस कार्यक्रम गरिने भएकाे छ । यसका साथै कवि विप्लव प्रतीकको एकल कविता वाचन सत्र समेत हुने साहित्य संगम मकवानपुर अध्यक्ष डीबी बर्तौलाले बताए । उनका अनुसार मकवानपुरका स्रस्टालगायतका पुस्तकहरू समेत प्रदर्शनीमा राखिने छ ।
के अलिकति पिएको थिएँ लजाएर गईन प्रिया
नशामा केही बोलेको थिएँ लजाएर गईन प्रिया ।
आफ्नो मान्छे हुँ म सानू त्यो लज्जा के को लागि
उनको छेउ के सरेको थिएँ लजाएर गईन प्रिया।
बिश्वास छ माया गर शंका भए छोडिदेउन है सानू
यति शब्द मात्र भनेको थिएँ लजाएर गईन प्रिया ।
प्रेम रसको प्रहारले पक्कै आज आफ्नो बनाउँछु
यति नै कुराले ढाँटेको थिएँ लजाएर गईन प्रिया ।
उनको हात समाउँदै विवाह प्रस्ताव राख्दा राख्दै
आँखा जुधाई मस्केको थिएँ लजाएर गईन प्रिया।
लक्ष्मिपुर इलाम
मकवानपुर । दामोदर-लोकप्रिया स्मृति पुरस्कार अन्तरा महतो र प्रज्वल चौधरीलाई प्रदान गरिएको छ । नेपाली लेखक संघ मकवानपुरको नवौँ साधारणसभामा १२ कक्षाको परीक्षामा जिल्लाकै उत्कृष्ट नतिजा ल्याउने अन्तरा र प्रज्वललाई उक्त पुरस्कारबाट सम्मानित गरिएकाे हाे ।
लेखक सङ्घ मकवानपुरले जिल्लाबाट कक्षा १२ को परीक्षामा उच्चतम नतिजा ल्याउने अन्तरा र प्रज्वललाई पुरस्कृत गरेको हो । लेखक सङ्घको शनिबार हेटौंडामा भएको साधारणसभाको अवसरमा हेटौंडा स्कुल अफ म्यानेजमेन्टबाट कक्षा १२ उत्तीर्ण गरेका चौधरी र महतोलाई प्रति व्यक्ति ११ हजार नगद र प्रमाणपत्रसहित उक्त पुरस्कार प्रदान गरिएको हो । अन्तराले ३.९ जीपीए र प्रज्वलले ३.७३ जीपीएसहित उत्कृष्ट नतीजा हासिल गरेका थिए ।
नेपाली लेखक सङ्घ मकवानपुरका निवर्तमान अध्यक्ष विष्णुप्रसाद गौतम र उहाँका मामा माधवप्रसाद पोखरेलले आफ्ना पूर्वजको स्मृतिमा पुरस्कार स्थापना गरेका हुन । ‘यस वर्षदेखि पुरस्कार प्रदान गर्न सुरु गरिएको छ’ नेपाली लेखक सङ्घ मकवानपुर अध्यक्ष छवि अनित्यले भने’अक्षयकोष स्थापना भएकोले पुरस्कारले आगामी वर्षहरुमा पनि निरन्तरता पाउने छ ।
सङ्घ मकवानपुरका अध्यक्ष अनित्यको अध्यक्षतामा भएको साधारणसभामा नेपाली लेखक सङ्घका केन्द्रीय सदस्य हयग्रीव आचार्यको प्रमुख आतिथ्यता रहेको थियो । कार्यक्रममा नेपाली कांग्रेस मकवानपुरका निवर्तमान कार्यबाहक सभापति विष्णुप्रसाद लामिछाने, लेखक सङ्घ मकवानपुरका संस्थापक अध्यक्ष कृष्णप्रसाद दाहाल, पुरस्कार संस्थापक विष्णप्रसाद गौतमलगायको उपस्थिति रहेको थियो ।
पाँच मिनेट पर्ख आधाघण्टा पछि आइपुग्छु है ! यो भन्नेहरूलाई त्यती बेला साह्रो परेको हुन्छ जब उ कुनै विमानस्थल पुग्नु छ । अनि जानु छ कतै अथवा कसैलाई बिदाई गर्नु छ वा कसैलाई स्वागत गर्न उपस्थित हुनु छ।
काेहि बेला आफैले भनेको कुरा आफैले भोग्नु पर्दो रहेछ। म यस्तै स्थितिमा परे आज । निकै अबेर भएर म चिन्तित थिए । समय बिहान ७ बजेको हुँदाे हो । मलाई मेरो आफन्तलाई बिदाइ दिनु थियो। हवाई जहाजको निर्धारित समय ९:४५ थियो। गाडी पार्किङ स्थलमा राखेर म कुद्दै थिए। पछिबाट मलाई कसैले बोलायो। फर्केर गुड मर्निङ भने मैले पनि।
अलिक समय छ सर !
उसले मलाई भन्यो।
म हाँसे मात्र। वास्तवमा मैले उसलाई राम्रो चिन्न नै सकिरहेको थिइनँ। कसरी भनौं उसलाई ! चिनिन भन्नु पनि कसरी?
उ एक लक्का युवक थियो।
म रोक्किए। केरेला जाँदै गरेको मेरो भतिजोलाई प्रस्थान द्वार अघि सामानसँग बस्दै गर्नु भनेको छु।
सरले मलाई राम्रो चिन्नु भएन होला !- मलाई उसले नै सुबिधा दिँदै प्रश्न गरे पछि मलाई ढुक्क भयो।
हो नि! म अलिक कन्फ्युज भए!- मैले यसो भने पछि उ मज्जाले हाँस्यो।
कुनै दिन उ मेरो कार्यलय आएको भन्दै प्रश्न गर्यो –
अहिले पनि छ तपाईको अफिस ?
मैले ‘छ’ भनिदिए । तर युवकले नाम बताएन । मैले सोधिन पनि ।
उ निक्कै खुलेर मसँग बोल्दै थियो । भन्यो – सर ! बोर्डिङ टाइम छ नि हतार नगर्नुहोस् ।
म हैन मेरो आफन्त जाने हो केरला।- मैले भने।
-ए हो सर ! मेरो पनि त साथीको हजबेन्ड जाँदै छन् । छोड्न आको म!
– लु जाउँ न त !
-हैन साथी छ उसको हजबेन्डसँग।
-हुन्छ ! अहिले भेटौं।
-हुन्छ सर म यतै छु।
म बिमानस्थलको प्रस्थान द्वारतिर हिँडे।
यो बिदाइको समय साह्रै दुखित र पीडामय हुन्छ । यस गरी म भतिजोलाई बिदाइको हात हल्लाउँदै छु । मसंग अरू धेरै हातहरू पनि बिदाइको भावमा हल्लिरहेका थिए।। जानेहरूले पनि ओझेल नहुन्जेल हात हल्लाउँदै गईरहेका छन्। यसै क्रममा आफ्नो लगेज डोर्याउदै गईरहेका व्यक्ति दगुर्दै मेरो छेउमा उभिरहेकी एक युवतीलाई आकस्मिक अंकमाल गरेर युवतीको निधारमा मायाले चुम्मन गर्यो अनि लव यु ! भनेर फेरी लगेज भए तिर गयो। यो दृस्य कुनै रोमान्टिक फिल्म हेरे जस्तै लाग्यो मलाई। यहाँ भएका अन्यलाई पनि यस्तै लागेर होला सबै ट्वाँ परिरहेका थिए।
मेरो छेउमा उभिएकी ती युवतीको आँखा भरी आँसु देखे मैले।
केही अप्ठ्यारो मानेर होला वरिपरी हेर्दै त्यो व्यक्ति ओझेल नहुन्जेल हात हल्लाई रहेको मैले देखे। कुनै अभागी दाम्पत्य जोड़ी हुनु पर्छ यो। दायित्व र परिवारको निम्ति गाँस अनि कपासको खोजमा पलायन हुनुपर्ने मुना र मदन जस्तै लाग्यो मलाई। स्थिति सामान्य हो तर मलाई नमिठो लाग्यो।
भतिजो भित्र पसिसकेको थियो । म पनि पार्किंग स्थल तिर लागे। गाडीमा म अघि बढिरहेको थिए अघि मसंग चिनेर बोल्ने केटो पल्लो पट्टीतिर एउटा स्पोर्ट्स बाइकमा देखे। मैले गाडीको गति घटाए । भनौं रोकेर बोलाउन मात्रै लागेको थिएँ एक युवती आएर त्यही बाइकको पछिल्लो सिटमा हाँस्दै बसी ।
दुवै खुसी भएको मलाई भान भयो दृष्य देख्दा। केटोलाई बोलाउन मलाई मुनासिव लागेन । यो दृष्य पनि कुनै फिल्मको लवली सिन जस्तै थियो।
मैले गाडी रोकिसेको थिए । बाइकको पछिल्लो सिटमा बस्ने ती युवती त्यही युवती थिईन जसलाई केही क्षण अघि एक व्यक्तिले माया पुर्वक चुम्बन गरेर बिदा लिएका थिए।
पाठकहरू….!!
मैले पनि त्यही सोच्दै अघि बढे जो हजुरले अहिले सोची रहनु भएको छ……!!
संयोगवस मलाई चिन्ने त्यो केटो मैले भेट्नु !
साथीको हजबेन्ड कतै जाँदै गरेको खुलासा हुनु।
त्यो बिछोडको रोमान्टिक चुम्बन ! युवतीको आँखामा आँसु।
त्यस पछी बाइकमा हाँसेर चढ्नु अनि रफ्तारमा बाइक अघि बढ्नु….!!
••••••••
तर मलाई पुर्ण विश्वाश छ यी दुई एक असल साथीदेखि माथि अरू केही होइनन् ।
दार्जिलिङ