मकवानपुर । बागमती गाँउपालिका खेलकुद विकास समितिकाे आयाेजनामा मकवानपुरको बागमतीमा भएकाे चौथो बागमती गोल्डकपकाे उपाधी थ्रीस्टार क्लब ललितपुरले कब्जा जमाएकाे छ । जनता मावि फापरवारीकाे खेल मैदानमा चैत २३ गते भएकाे फाइनल खेलमा अफ्रिकन रुट् एसोसिएसन, क्याम्रुनलाई ३–२ गाेल अन्तरले हराउँदै थ्रीस्टारले उपाथी अाफ्नाे पाेल्टामा पारेकाे हाे ।
पहिलो हाफमा २ गोलले पछि परेको अवस्थाबाट उत्कृष्ट पुनरागमन गर्दै रुस्लान थ्री स्टार क्लबले चौथो बागमती गोल्डकप फुटबल प्रतियोगिताको उपाधि जितेको छ । इन्ज्युरी समयमा एनआरएका खेलाडीले पेनाल्टी बक्समा ह्यान्ड गरेपछि प्राप्त पेनाल्टीलाई कप्तान रुपेश केसीले गोलमा परिणत गर्दै टोलीलाई जित दिलाएका थिए । प्रशिक्षक उज्जन श्रेष्ठले थ्री स्टारको प्रशिक्षकका रुपमा पहिलो प्रतियोगितामा नै उपाधि जितेका छन् । बागमती गोल्डकप खेल्नु अघि थ्री स्टारले उनलाई प्रशिक्षक नियुक्त गरेको थियो ।
खेलको १२ औं मिनेटमा एमफोमले गोल गर्दै अफ्रिकी टोलीलाई अग्रता दिलाएका थिए । २९ औं मिनेटमा मौसाले गोल गर्दै क्यामरुनी टोलीलाई २–० ले अघि बढाए । पहिलो हाफमा केहि कमजोर प्रदर्शन गरेको थ्री स्टारले दोस्रो हाफमा भने सानदार पुनरागमन ग¥र्यो । मनिष डाँगीले ५८ औं मिनेटमा गोल गर्दै ललितपुरे टोलीलाई खेलमा फर्काए । त्यसको तीन मिनेटपछि नै निशान खड्काले फ्रिकिकमा गोल गर्दै २–२ को बराबरीमा ल्याए ।
थ्रीस्टार क्लब, बागमती युवा क्लब सर्लाहीलाइ हराउँदै र अफ्रिकन रुट् एसोसिएसन, क्याम्रुन जाबलाखेल युथ क्लबलाइ हराउँदै फाइनल प्रवेश गरका थिए । विजेता वन्दै थ्रीस्टारले नगद ८ लाख शिल्ड र प्रमाण पत्र हात पारेकाे छ । अफ्रिकन रुट् एसोसिएसन उपविजेतामा चित्त बुझाउँदै नगर ४ लाख प्राप्त गरेकाे छ ।

अफ्रिकन रुट्स् एसोसिएसनका गोलकिपर डीए सिल्भा प्रतियोगिताका उत्कृष्ट किपर, अफ्रिकन रुट्स् एसोसिएसनकै आखामी उत्कृष्ट मिल्डफिल्डर, उत्कृष्ट वेस्ट फरवार्ड माउसा बन्न सफल भए भने सर्वोकृष्ट डिफेण्डर थ्रीस्टारका जीवन गुरुङ र थ्रीस्टारकै उर्जन थापा उत्कृष्ट कोच बन्न सफल भए ।
प्रतियोगिताका सर्वोकृष्ट खेलाडी थ्रीस्टारका निशान खड्का बन्न सफल भए । प्रतियोगिताका विधागत सर्वोत्कृष्ट खेलाडीले ५१ हजार, विधागत उत्कृष्ट खेलाडीले प्रतिखेलाडी १० हजार र म्यान अफ दी म्याचले प्रतिखेलाडी ५ हजार प्रदान प्राप्त गरेका छन् ।
खेलकुद स्वास्थ्यका लागि खेलकुद राष्ट्रका लागि भन्ने नाराका साथ संचालित प्रतियाेगितामा अायाेजक बागमती खेलकुद विकास समिति , नव जनजागृती युवा क्लब सिमरा, थ्रि स्टार क्लब, मकवानपुर–११, एपीएफ क्लब, हिमालयन शेर्पा क्लब, जाउलाखेल युथ क्लब, बागमती युवा क्लब सर्लाही, विर्तामोड युनाईटेड र अफ्रिकन रुट् एसोसिएसन, क्याम्रुन सहभागीता जनाएका थिए ।
मकवानपुर । चितवन मुक्तिनाथ मोटर र्यालीको उपाधी भरतपुर भीमबहादुर पुनले जितेका छन् । टीडीएस अर्थात टाइम, डिस्ट्यान्स र स्पिडको आधारमा १ सय ४० किलोमिटर दुरी सुरक्षित यात्रासहित तोकिएको मापदण्ड पुरा गरेका पुनले उपाधी हासिल गरेका हुन् ।
यस्तै र्यालीमा विराटनगरका कविन श्रेष्ठले दोश्रो स्थान हासिल गरेको कार्यक्रमका संयोजक तथा नेपाल अटोमोबाइल एसोसिएसन बागमती प्रदेशका अध्यक्ष राजन पियाले जानकारी दिए । आन्तरिक पर्यटन प्रर्वद्धन, मोटर खेल विकास र जनचेतना फैलाउने लक्ष्य बोकेर ‘ ३ दिने मोटर र्याली ‘सेफ ड्राइभिङ अन हाइवे’ को मान्यतालाई आत्मसात गर्दै र्यालीले पर्यटन प्रर्वद्धनमा समेत महत्वपूर्ण भूमिका खेलेको पियाले बताए ।
अन्तारीक पर्यटन प्रर्वद्धनसगैँ सुरक्षित यात्राको सन्देश दिन चितवनको भरतपुरबाट पहिलो पटक ३ दिने मोटर र्यालीमा २४ वटा गाडी सहभागी रहेको थियो । विजेतालाई नेपाल अटोमोबाइल एसोसिएसनका केन्द्रिय उपाध्यक्ष अनिल बराल, कार्यक्रमका संयोजक तथा नेपाल अटोमोबाइल एसोसिएसन प्रदेश नम्बर ३ का अध्यक्ष राजन पिया र चितवन अटोमोबाइल डिलर्स एसोसिएसनका अध्यक्ष ईश्वकुमार श्रेष्ठले संयुक्त रुपमा उपाधी विजेतलाई शिल्ड र पुरस्कार प्रदान गरेका थिए ।
र्यालीका सहभागिहरुलाई विभिन्न ७ स्थानमा चेक प्वाइन्ट राखेर निगरानी समेत गरिएको थियो । चितवनको भरतपुररबाट सुरु भएको र्याली मुग्लिन, पोखरा, बेनी, लेते, मार्फा, जोमसोम हुदै मुक्तिनाथमा पुगेर समापन गरिएको थियो । र्यालीला भरतपुर महानगरपालिका र नेपाल पर्यटन बोर्ड गण्डकी प्रदेशले सहयोग गरेका थिए ।
यसै गरी मुस्ताङको लारजुगं स्थित कालीगण्डकी नदी तीरको मोटर जिम खानाको प्रतियोगितामा चितवन भरतपुरका विमलकुमार पौडेल प्रथम र रत्ननगर टाँडीका फरमान हमानी दोश्रो र भरतपुरका रविनकुमार श्रेष्ठ तेश्रो भएको चितवन अटोमोबाइल डिलर्स एसोसिएसनका अध्यक्ष ईश्वकुमार श्रेष्ठले बताए । साथै विजेतालाई भविष्यमा साउथ इस्ट एसियन जिमखाना प्रतियोगितामा सहभागिताका लागि पठाइने श्रेष्ठले जानकारी दिए ।
उद्योग वाणिज्य संघ चितवन, जश्मिन पेन्ट्स, एनवाईईएफ चितवन च्याप्टर र चितवनमा अवस्थित प्युजो गाडीको डिलर ओजोन मोटर्स, टाटा मोटर्सको डिलर सफल मोटर्स र इसुजु गाडीको डिलर कन्टिनेन्टल ट्रेडिङ इन्टरप्राइजेज, फोर्स मोट्र्स, टिभिएस मोटरसाईकलको मालश्री मोर्टस्, अर्ना वियर, जेएमी रेमिट, प्रभु बैक, एभेरेष्ट ईन्सुरेन्स आदिले समेत सहयोग गरेका थिए । चितवन र मुस्ताङ दुवै पर्यटकीय क्षेत्र हो । धार्मिक रुपमा समेत लोकप्रिय मानिएका चितवनको देवघाट र मुस्ताङको मुक्तिनाथलाई जोड्न र्यालीले सहयोग गरेको तथा पर्यटन प्रवद्र्धनमा सहयोग पुग्ने अपेक्षा गरिएको छ ।
मकवानपुर । देशैभर पुनः डढेलो लाग्न थाले पछी मकवानपुरसहितका ठाउँहरुमा प्रदुषणकाे मात्र बढेकाे छ । तुवाँलो फैलिएने क्रम बढिरहेको र वायुमण्डल स्थिर हुँदा अझै ३ दिनसम्म राम्रोसँग घाम नलाग्ने जल तथा मौसम विज्ञान विभागले बताएको छ ।
देशभर अहिले करिब ७ सय जंगलमा डढेलो लागेको छ । जसको असर सोमबारदेखि मौसममा समेत देखिन सुरु भएको हो । हाल पानी पर्ने सम्भावना स्थानीय प्रणाली विकास नहुँदा नरहेकोले वायुमण्डल केही दिन स्थिर रहने विभागले बताएकाे छ ।
वायु प्रदूषणको मात्रा ह्वात्तै बढ्दा राजधानी काठमाडौं संसारकै पहिलो नम्बरको प्रदूषित शहर बनेको बताइएकाे छ ।
केही दिनअघिको वर्षातले वातावरणमा फैलिएकाे प्रदुषण केही सफा भए पनि आइतबारदेखि पुनः प्रदूषणकाे मात्रा बढ्दै उकालो लागेको हो ।
एक्युएआइआरका अनुसार नेपालमा सोमबार बिहान सबैभन्दा धेरै वायु प्रदूषण धनगढी (एक्युआई–४२९), चितवनको भरतपुर (एक्युआई ३९८) र ललितपुरको भैंसेपाटी (एक्युआई ३२५) रह्यो । एक्वुआई ५० भन्दा माथि हुनु भनेको क्रमशः नराम्रोको मात्रा बढ्दै जाने हो । सोमबार बिहान काठमाडौंको एयर क्वालिटी इन्डेक्स ३३१ मापन हुँदा यो शहर संसारकै धेरै वायु प्रदूषण भएको सूचीमा पहिलो नम्बरमा रहेका छ ।
नेपालमा पानी नपर्नु, डढेलो, धुँवा, धूलो जस्ता कारणले प्रदूषण बढेको विज्ञहरुले बताएका छन् । विज्ञहरूले यस्तो समयमा सकभर घरबाहिर ननिस्किने, निस्कनै परे मास्कको अनिवार्य प्रयोग गर्ने, बालबालिका र वृद्धवृद्धाको विशेष हेरचाह गर्न सुझाएका छन् ।
देशका विभिन्न शहरहरुमा ३ देखि ४ किलोमिटरसम्म भिजिब्लिटी हुनसक्ने विभागले बताएको छ । सुदुरपश्चिम, कर्णाली र बागमतीमा हल्का वर्षा हुनसक्ने देखिन्छ बेलुकापख तर, यो वर्षाले तुवाँलो नहट्ने पनि विभागले जनाएकाे छ ।
मकवानपुर । प्रदेश १ का प्रदेश सभा सदस्य टंक आङ्बुहाङको सांसद पद खोसिएको छ । प्रदेश सरकारकाे मन्त्री बनेका आङ्बुहाङको मन्त्री बनेको दश दिनपछि पार्टीले पदमुक्त गरेपछि उनको सांसद पद खोसिएको हो ।
नेकपा माओवादी केन्द्रका सांसद आङ्बुहाङ गत चैत १३ गते प्रदेश १ सरकारको आर्थिक मामिला तथा योजना मन्त्री बनेका थिए। नेपाल कम्युनिष्ट पार्टी (माओवादी केन्द्र) त्याग गरेर भनेर मन्त्री बनेपछि पार्टीले उनलाई कारवाही गरेको जनाइएको छ । पार्टी त्याग गरेको भन्ने विषयमा स्पष्टिकरण माग्दा तोकिएको समयभित्र स्पष्टीकरण नदिएकाले उनीमाथि पार्टीले कारबाही गरेको हो। आङ्बुहाङलाई चैत १७ गते नेकपा माओवादी केन्द्र प्रदेश १ संसदीय दलले २४ घण्टे स्पष्टिकरण सोधेको थियो ।
नेपाल कम्युनिष्ट पार्टी (माओवादी केन्द्र) प्रदेश १ सभा संसदीय दलको सिफारिस अनुसार उनलाई पार्टीका केन्द्रीय अध्यक्ष पुष्पकमल दाहाल –प्रचण्ड’ले पार्टीको साधारण सदस्यसमेत नरहने गरी कारबाही गरेको हो। साथै आंङ्बुहाङलाई पार्टीले साधारण सदस्यता समेत नरहने गरी निष्काशन गरेको छ।
सर्वाेच्च अदालतले नेकपा विभाजन गरे पछी एमाले प्रवेश गर्दै मन्त्री बनेका आङ्बुहाङको कार्यकाल अब ६ महिनाको मात्रै हुनेछ । प्रदेश सभाकाे सदस्य नभएकाे सांसदले ६ महिना मात्रै मन्त्री बन्न पाउने प्रावधान छ । तत्कालीन नेकपा संसदीय दलका उपनेता आङ्बुहाङ ताप्लेजुङ ‘ख’ बाट निर्वाचित सांसद हुन्।
मकवानपुर । आगामी चैत्र २५ गते हुने पत्रकार महासंघकाे निर्वाचनमा महासंघ मकवानपुर शाखाकाे उम्मेदवारी टुंगाे लागेकाे छ । महासंघ मकवानपुर अध्यक्ष पदमा ४ जनाले उमेदवारी घाेषण गरेकाे भए पनि २ जनाले मात्र उम्मेदवारी दर्ता गराएका छन् ।
अध्यक्ष पदका लागि बालकृष्ण अधिकारी र मणिराज गौतमले आज नेपाल पत्रकार महासंघ मकवानपुर शाखाको कार्यालयमा उम्मेदवारी दर्ता गराएका हुन् ।महासंघ मकवानपुरको उपाध्यक्ष पदको लागि ध्रुबप्रसाद अधिकारी र राजन दाहालले उम्मेदवारी गराएका छन् ।
यस्तै महिला उपाध्यक्षतर्फ सम्झाना रिजाल र सरला अधिकारीले उम्मेदवारी दर्ता गराउँदा सचिव पदमा रामशरण दुलाल र शुभलक्ष्मी विश्वकर्मा र बाघी उम्मेदवार इन्द्रबहादुर (रमेश) बन्जाराले उम्मेदवारी दर्ता गराएका छन् ।
सह–सचिव समावेशी महिलातर्फ मन्दिरा बानियाँ (मानबी) र रुपकराज कालिराज, खुल्लातर्फ कपिल खड्का, देवराज पन्त, यम प्रसाद पौडेल (एपी शर्मा) र राज सापकोटाले उम्मेदवारी दिएका छन् ।कोषाध्यक्ष पदका लागि केशव समर्पण सुबेदी र तिलक अधिकारीले उम्मेदवारी दिएका छन् ।
सदस्य महिलातर्फ प्रतिक्षा न्यौपाने र रुपा गुरुङले उम्मेदवारी दर्ता गराएका छन् भने सदस्य दलिततर्फ शान्ति सुनारको मात्र उम्मेदवारी परेकोले उनी निर्विराेध निर्वाचित भइन् । त्यस्तै सदस्य आदीबासी जनजातिमा अजिता नगरकोटी, नवराज वाईबा र सदस्य (मधेशी) आदित्य कर्ण र मनिल महतो, अन्य समावेशीतर्फको सदस्यका लागि भने कसैले पनि उम्मेदवारी परेको छैन ।
खुल्लातर्फको ६ सदस्यका लागि भने १७ जनाले उम्मेदवारी दिएर चुनावी मैदानमा होमिएका छन् ।सदस्य पदका लागि अर्जुन संञ्जेल, अशेष ढुंगाना, उज्ज्वल अधिकारी, जिबराज बख्रेल, दिलबहादुर लामा, नानीमाया सापकोटा (गौतम), प्रदिप अधिकारी, प्रमोद अर्याल, प्रेमकला पौडेल (प्रिया), बलराम पुडासैनी, रेवती प्रसाद तिमल्सिना (नविन), विजय पौडेल, श्यामलाल (गणेश) दुलाल, सुमन दाहाल, सुशन लामिछाने, श्रृजना नेपाल र होमनाथ यादव चौलागाईले उम्मेदवारी दर्ता गराएका छन् ।
उता प्रदेश परिषद् सदस्य (खुल्ला) कैशल पाण्डे, गणेशदर्पण अधिकारी, छबिलाल श्रेष्ठ, विश्वराम अधिकारी (विवश), रविन्द्र गौतम, शिव चौलागाई, सुजन ढकाल, सुनिल शिवाकोटी, प्रदेश परिषद् महिलामा अन्जली थापा, आरती ढकाल, भावना रिजाल, आदीबासी जनजातितर्फ अमर लामा, अशोक सुजन श्रेष्ठ, रञ्जिता डंगोल, रोशन श्रेष्ठले उम्मेदवारी दिएका छन् ।
प्रदेश परिषद् सदस्य दलिततर्फ कृष्णराम परियारको मात्रै उम्मेदवारी परेकोले निर्विराेध भएका छन् ।मधेशीतर्फको परिषद सदस्यका लागि भने कसैको पनि उम्मेदवारी परेको छैन । त्यस्तै राष्ट्रिय परिषद् सदस्य (खुल्ला) मा भानुभक्त आचार्य, राजन (खुसराज) दाहाल, रामकुमार एलन, रिपेश दाहाल, महिलामा नानीमैया विष्ट र सरिता दाहाल उम्मेदवारी परेकाे छ । आदीबासी जनजातिमा सुर्वणलाल श्रेष्ठको मात्रै उम्मेदवारी परेकोले निर्विराेध निर्वाचित भएका छन् ।
चैत २५ गते एकै दिन नेपाल पत्रकार महासंघ केन्द्र, प्रदेश र जिल्ला निर्वाचन हुनेछ । नेपाल पत्रकार महासंघ मकवानपुर शाखामा आवद्ध १६४ जना पत्रकारहरुले मतदान प्रकृयामा सहभागी हुनेछन् ।