देशभर मनसुनी वायुको प्रभाव रहेकोले केही स्थानमा हल्कादेखि मध्यम बर्षा भइरहेकाे जल तथा माैसम विज्ञान विभागकाे माैसम पूर्वानुमान महाशाखाले जनाएकाे छ । हाल देशभर सामान्य देखि पुर्ण बदली रहेको छ। प्रदेश १, गण्डकी प्रदेश र लुम्बिनी प्रदेशका केही स्थानहरुमा तथा बाँकी प्रदेशका थोरै स्थानहरुमा हल्का देखि मध्यम वर्षा भैरहेको महाशाखाले जानकारी दिएकाे छ।
असार २३ गते बुधबार देशका अधिकांश भूभागहरूमा सामान्य देखि पूर्ण बदली रहनेछ । प्रदेश १, प्रदेश २, बागमती प्रदेश, गण्डकी प्रदेश लुम्बिनी र कर्णाली प्रदेशका धेरै स्थानहरुमा तथा सुदूरपश्चिम प्रदेशका केही स्थानहरुमा हल्का देखि मध्यम वर्षाको सम्भावना रहेको छ ।
प्रदेश १, प्रदेश २, बागमती प्रदेश, गण्डकी प्रदेश र लुम्बिनी प्रदेशका थोरै स्थानहरुमा मेघ गर्जन/ चट्याङ्ग सहित भारी वर्षाको सम्भावना रहेको छ । प्रदेश १ का एक वा दुई स्थान धेरै भारी वर्षाको सम्भावना रहेको छ ।
प्रदेश १ बागमती प्रदेश, गण्डकी प्रदेश र लुम्बिनी प्रदेशका का एक वा दुई स्थान धेरै भारी वर्षाको सम्भावना रहेकोले उक्त प्रदेशहरुको पहाडी भू-भागमा भू-क्षय, पहिरो तथा गेग्रान बहाव (debris flow) को जोखिम रहेको साथै नदीनाला तथा खहरे खोलाहरुमा पानीको सतह बढ्न सक्ने तथा दैनिक जीवन/यातायात क्षेत्र प्रभावित हुन सक्ने भएकोले आवश्यक सतर्कता अपनाउनु समेत माैसम पूर्वानुमान महाशाखाले आग्रह गरेकाे छ ।
मकवानपुर । बागमती प्रदेशका मुख्यमन्त्री डोरमणि पौडेलले मगलबार मकवानपुरमा २ वटा पुलकाे उद्घाटन गरेका छन् । मकवानपुरको बकैया गाउँपालिकाकाे २ वटा पुल उद्घाटन मुख्यमन्त्री पाैडेल गरेका हुन् ।
पुलको उद्घाटन गर्दै मुख्यमन्त्री पौडेलले अब विकासको युग प्रारम्भ भएकाे बताए । अहिलेकाे सरकारले देशैभरी विकासको काम गरेको तथा बागमती प्रदेश सरकारको साढे ३ वर्षको कार्यकालमा मात्र हालसम्म ४६ वटा पुल निर्माण भएर सञ्चालन भैसकेको पाैडेलले बताए ।
उद्घाटन कार्यक्रममा बोल्दै नेकपा एमालेका नेता तथा प्रतिनिधिसभा सांसद कृष्ण प्रसाद दाहालले बकैया गाउँपालिकामा विकासको मुहान फुटेको बताए । बकैया नदि प्रणालिलाई उचित तटबन्धन गरेर हजारौ विगहा जमिन खेतियोग्य बनाउन सकिने कुरालाई मध्यनजर गर्दै यो पटकको बजेटमा संघीय सरकारले पनि तरकारी भण्डारणको लागि बकैयामा बजेट विनियोजन गरेको उनले बताए ।
मुख्यमन्त्री पौडेलले वकैया वडा नंबर ३ बकैया खाेलामा निर्माण भएकाे र ५ ठाँटी खाेलामा निर्माण भएकाे २ वटा पुलको उद्घाटन गरेका हुन् । २६ दशमलब २५ मिटर लम्बाई तथा ७ दशमलब २० मिटर चौडाई रहेकाे बकैयाको श्रीपुर र रातदमार बिचमा रहेको ठाँटी खोलाको पुल बागमती प्रदेश सरकार र स्थानीय सरकार बकैया गाउँपालिकाको संयुक्त १ करोड रुपैँयाको लगानीमा निर्माण भएकाे हाे । पुल निर्माण पछि बकैया वडा नंबर ४,५ र ६ का वासिन्दाहरुलाई सहज भएको छ ।
यसैगरी मगलबार नै बकैयाको हात्तिसुडेबाट बसन जोडने झोलुङ्गे पुलको पनि उद्घाटन भएको छ । संघीय सरकारको आर्थिक सहयोग, राडो नेपाल तथा टीभीएसयुको प्राविधिक सहयोगमा पुल निर्माण भएको हो । पुल निर्माण पछि बकैयाको ठाँटी खोलाले गर्दा हुने धेरै समस्याको निराकरण हुनुको साथै पुलको अभावमा खोलाकाे कारण बर्षेनी हुने धनजनकाे क्षती कम हुने स्थानीयहरु बताउँछन् ।
कार्यक्रममा बागमती प्रदेशसभा सदस्य जुनेली श्रेष्ठ, बकैया गाउँपालिकाका अध्यक्ष दामोदर खनाल, उपाध्यक्ष सरला बोलखे सहित स्थानीय राजतीतिककर्मी, वडा अध्यक्षहरुको सहभागिता रहेको थियो ।
मकवानपुर । हेटाैडाअस्पतालबाट प्रदान गरिदै आएका अन्य सेवा बन्द गरेर कोरोना भाइरसका संक्रमितको उपचारका गरिदै आएकाेमा अब अन्य सबै सेवा सुरु हुने भएकाे छ । कोभिड अस्पताल बनाइए पछी विगत २ महिनाबाट बन्द रहेका सम्पूर्ण सेवा असार २४ गते विहीबारबाट सुचारु गर्न लागिएको हेटौंडा अस्पतालले सूचना निकाले जानकारी दिएको छ ।
अस्पतालले तत्काल जनरल आइसीयू सेवा बाहेकका अन्य सेवा सूरु गर्न लागेको हो । अझैपनि कोरोना संक्रमितको उपचारको लागि आइसीयू सेवा प्रयोगमा आइरहेकोले अन्यका हकमा आइसीयू सेवा तत्काल उपलब्ध नहुने अस्पतालले जनाएको छ ।

मकवानपुर । नेपाली साहित्यका आदिकवि भानुभक्त आचार्यको २०८ औँ जन्मजयन्तीका दिनमा नवोदय साहित्यिक बगैँचा बाल क्लवले विशेष कार्यक्रमको आयोजना गर्ने भएको छ ।
आज (मङ्गलबार) पत्रकार सम्मेलन मार्फत यस्तो जानकारी गराइएको हो । नबोदय बोर्डिङ स्कुलको बाल क्लबको आयोजनामा आगामी २९ गते भानु जयन्तीको अवसरमा विविध कार्यक्रमको आयोजना गर्न लागिएको विद्यालयले जनाएको हो ।
क्लवकी अध्यक्ष अनुषा उप्रेतीले आदिकवि भानुभक्त आचार्यको जीवन कथामा आधारित नाटक प्रदर्शनी, पोलिङ, वर्तमान अवस्थामा बाल साहित्यलाई कसरी अगाडि बढाउन सकिन्छ भन्ने विषयमा बहस, तीनपुस्ते साहित्यकारहरुले रचना वाचन गर्ने, समालोचनात्मक दृष्टिकोणको साहित्यकार निमेष निखिललले प्रस्तुत गर्ने र विषयगत ५ वटा दिमाग ख्याउने प्रश्न सोधिने बताइन् ।
कार्यक्रममा वर्तमान अवस्थामा बाल साहित्यलाई कसरी अगाडि बढाउन सकिन्छ भन्ने विषयमा पत्रकार सुरेश श्रेष्ठ, शिक्षक दीपक गौतम, विद्यार्थी धनगडीका विभूती अधिकारी र बाल साहित्यकार यशु श्रेष्ठले बहस गर्नेछन् ।
यसैगरी तीनपुस्ते साहित्यकार रचनावाचनमा मुना अर्याल, पुरुषोत्तम आचार्य र प्रसन्ना चौलागाईँले रचना वाचन गर्ने अध्यक्ष उप्रेतीले बताइन् । नेपाली भाषा र साहित्यको जगेर्ना गर्ने, साहित्यतर्फ आकर्षित गराउँदै रचना मार्फत समाज सुधार गर्न,विभिन्न साहित्यकाहरुको स्मरण गर्दै सम्मान गर्न, नेतृत्व क्षमता तथा व्यक्त्तित्व विकास गराउँदै सिर्जनशील बन्न, तार्किक साथै काल्पनिक क्षमताको विकास गराउन, कुनै पनि काम गर्दा सञ्चार, सहकार्य, सिर्जनात्मक, समालोचनात्मकताको विकास गराउने उद्देश्यले कार्यक्रम गर्न लागिएको उप्रेतीको भनाइ रहेको छ । गतवर्षदेखि नवोदय साहित्यिक बगैँचा बाल क्लवले भानुजयन्ती विशेष कार्यक्रम गर्दै आइरहेको छ ।
देशमा मनसुनी वायुको प्रभाव रहेकोले सामान्य देखि पूर्ण बदली रहेकाे छ । हाल प्रदेश २ र बागमति प्रदेशमा आंशिक देखि सामान्य बदली र बाँकी प्रदेशमा सामान्य देखि पूर्ण बदली रहेको जल तथा माैसम विज्ञान विभाग, माैसम पूर्वानुमान महाशाखाले जनाएकाे छ ।
महाशाखाका अनुसार हाल प्रदेश १, बागमती, गण्डकी, लुम्बिनी र सुदुरपश्चिम प्रदेशका केहि स्थानहरुमा हल्का देखि मध्यम वर्षा भैरहेको छ। प्रदेश १, प्रदेश २, बागमती प्रदेश, गण्डकी प्रदेश र लुम्बिनी प्रदेशका धेरै स्थानहरुमा तथा कर्णाली र सुदूरपश्चिम प्रदेशका थोरै स्थानहरुमा हल्का देखि मध्यम वर्षाको सम्भावना रहेको छ ।
देश भरका प्रदेशहरूका थोरै स्थानहरुमा मेघ गर्जन/ चट्याङ्ग सहित भारी वर्षाको सम्भावना रहेकोले पहाडी भू-भागमा भू-क्षय, पहिरो तथा गेग्रान बहाव (debris flow) को जोखिम साथै नदीनाला तथा खहरे खोलाहरुमा पानीको सतह बढ्न सक्ने तथा दैनिक जीवन/यातायात क्षेत्र प्रभावित हुन सक्ने भएकोले आवश्यक सतर्कता अपनाउन समेत माैसम पूर्वानुमान महाशाखाले अनुरोध गरेकाे छ ।
माैसम पूर्वानुमान महाशाखाका अनुसार आगामी ३ दिनको मौसम पूर्वानुमान
असार २२ गते मंगलबार कर्णाली तथा सुदुर पश्चिम प्रदेशमा आंशिक देखि सामान्य बदली रहि देशका बांकी भूभागहरूमा सामान्य देखि पूर्ण बदली रहनेछ । प्रदेश १, प्रदेश २, बागमती प्रदेश, गण्डकी प्रदेश र लुम्बिनी प्रदेशका केही स्थानहरुमा तथा कर्णाली र सुदूरपश्चिम प्रदेशका थोरै स्थानहरुमा हल्का देखि मध्यम वर्षाको सम्भावना रहेको छ । प्रदेश १ का एक/दुई स्थानमा मेघ गर्जन/ चट्याङ्ग सहित भारी वर्षाको सम्भावना रहेको छ ।
असार २३ गते बुधबार देशका अधिकांश भूभागहरूमा सामान्य देखि पूर्ण बदली रहनेछ । प्रदेश १, प्रदेश २, बागमती प्रदेश, गण्डकी प्रदेश र लुम्बिनी प्रदेशका धेरै स्थानहरुमा तथा कर्णाली र सुदूरपश्चिम प्रदेशका थोरै स्थानहरुमा हल्का देखि मध्यम वर्षाको सम्भावना रहेको छ ।प्रदेश १, प्रदेश २, बाग्मती प्रदेश र गण्डकी प्रदेशका थोरै स्थानहरुमा मेघ गर्जन/ चट्याङ्ग सहित भारी वर्षाको सम्भावना रहेको छ । गण्डकी प्रदेश र लुम्बीनी प्रदेशका एक/दुई स्थानमा धेरै भारी वर्षाको सम्भावना रहेको छ ।
असार २४ गते विहीबार देशभर सामान्य देखि पूर्ण बदली रहनेछ । प्रदेश १, प्रदेश २, बागमती प्रदेश, गण्डकी प्रदेश र लुम्बिनी प्रदेशका धेरै स्थानहरुमा तथा कर्णाली र सुदूरपश्चिम प्रदेशका थोरै स्थानहरुमा हल्का देखि मध्यम वर्षाको सम्भावना रहेको छ। प्रदेश १, प्रदेश २, बाग्मती प्रदेश, गण्डकी प्रदेश र लुम्बीनी प्रदेशका केहि स्थानहरुमा मेघ गर्जन/ चट्याङ्ग सहित भारी वर्षाको सम्भावना रहेको छ ।