मकवानपुर । पछिल्लो २४ घन्टामा कोरोनामुक्त भएर ८ सय ५३ जना डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या १ लाख ६० हजार ५ सय ७७ जना पुगेको छ । यस्तै पछिल्लो २४ घन्टामा थप २७ सय ३६ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार मंगलबार नयाँ थपिएका कोरोनाका संक्रमितसँगै नेपालमा कोरोना संक्रमितको संख्या १ लाख ९९ हजार ७ सय ६० पुगेको छ ।
त्यस्तै पछिल्लो २४ घन्टामा नेपालमा थप २२ जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमणबाट मृत्यु हुनेको संख्या १ हजार १ सय ४८ पुगेको छ ।
मकवानपुर । राष्ट्रिय प्रजातन्त्र पार्टीले सरकारविरुद्ध जनसंघर्ष गर्ने भएको छ । राप्रपाका अध्यक्षत्रयबीच मंगलबार बसेको बैठकले देशको राजनीतिक अवस्था र पार्टी संगठनको समिक्षा गर्दै भावी कार्यक्रमबारे छलफल गरेको अध्यक्ष कमल थापाले सामाजिक सञ्जाल मार्फत जानकारी दिएका छन् ।
थापाले आफ्नाे केटीथापा ट्विटर ह्यान्डलमा ट्विट गर्दै मंगलबारकाे बैठकमा स्थानीय तहमा पार्टी समायोजनलाई तिव्रता दिने तथा कोरोना नियन्त्रणमा सरकारको असफलता, भ्रष्टाचारलगायतका विषयलाई लिएर जनसंघर्ष गर्नेबारे छलफल भएको बताएका छन् ।
थापाले बैठकबारे जानकारी दिँदै ट्विटरमा लेखेका छन्,‘राप्रपा त्रय अध्यक्षहरूको मंगलबार बसेको बैठकले देशको राजनीतिक अवस्था र पार्टी संगठनको समिक्षा गर्दै भावि कार्यक्रमवारे छलफल गरेको छ। स्थानीयतहमा पार्टी समायोजनलाई तिव्रता दिने तथा कोरोना नियन्त्रणमा सरकारको असफलता,भ्रष्टाचार लगायतका विषयलाई लिएर जनसंघर्ष गर्ने वारे समेत छलफल भएको छ ।”

मकवानपुर । मकवानपुरमा थप ३३ जनामा कोरोना भाइरस संक्रमण पुष्टि भएको छ ।
सोमबार संकलन गरिएको ८३ जनाको स्वाब र परीक्षण हुन बाँकी ६१ जनाको स्वाब सहित १ सय ४३ जनाको परीक्षणमा ३३ जनामा कोरोना संक्रमण देखिएको हेटौंडा उपमहानगरपालिकाका स्वास्थ अधिकृत भोलानाथ चौलागाईंले जानकारी दिए ।
कोरोना पुष्टि भएकामा ११ जना महिला र २२ जना पुरुष छ्न । पुष्टि हुनेमा हेटौंडा उपमहानगरपालिकाका २९ जना,बागमती गाउँपालिकाका २ जना,मकवानपुरगढी र जिल्ला बाहिरका १/१ जना रहेका छन् ।
मकवानपुर । मकवानपुरमा लामखुटेको टोकाईवाट हुने डेङ्गु रोगको बिरामी कम भएको पाइएको छ । चालू आर्थिक वर्षको चार महिनाको अबधिमा विगतको तुलनामा डेङ्गु रोगको बिरामी कम भएको जिल्ला जनस्वास्थ्य कार्यालय मकवानपुरले जनाएको छ ।
गत साउनदेखि कात्तिक महिना हुने यो रोगका बिरामी यस वर्ष कम रहेको पाईएको बताइएको छ । कार्यालयले दिएको जानकारी अनुसार चालू आर्थिक वर्षको साउन देखि कात्तिक महिनाको २३ गते सम्ममा १३ जनामा सो रोग फेला परेको वताइएको छ ।
गत आर्थिक वर्षमा तीन हजार भन्दा वढी व्यक्तिमा उक्त रोग फेला परेको थियो । चालू आर्थिक वर्षको हालसम्ममा साउन एक महिला र दुई पुरुष, भदौमा एक महिला र तीन पुरुष तथा असोजमा दुई महिला र चार पुरुषमा सो रोग देखा परेको जनस्वास्थ्य कार्यालयका सूचना अधिकारी राम केसीले जानकरी दिए । ज्वरो जाचँको क्रममा १३ जनामा सो रोग देखिएको हो ।
यस वर्ष कोरोना महामारीको सङक्रमणका कारण सरसफाईमा ध्यान दिएको र जथाभावी बाहिर नवस्नाले सो रोगको प्रकोप कम भएको चिकित्सकहरुको भनाइ रहेको छ । उक्त रोग एडिस् एजिप्टाई जातको कालो पोथी लामखुट्टेको टोकाईबाट सर्ने गर्छ ।
मकवानपुर । मकवानपुरको उत्तरी क्षेत्रमा रहेको नेपालकै लामो मानिने फलामे भर्याङमा छायांकन भएको गाजालु आँखैले बोलको गीत सार्वजनिक भएको छ । हेटौंडाका गायक आशिष अस्लामी मगरको स्वरमा रहेको गीत थाहानगर निवासी विवेक पाख्रिनले रचना गरेका हुन् ।
पर्यटकीय नगरीको सुन्दर दृश्य सहित तामाङ जातिमा हुने सोल्टा सोल्टीनीको प्रेम दर्शाइएको उक्त गीतमा कलाकारहरु भुपेन्द्र राना र सुजु मगर मुख्य भुमिकामा रहेका छन् । स्थानीय लोक संस्कृतिको झल्को दिने शैलीमा युवा युवतीका प्रेम देखिन्छ ।

गायक मगरको क्या राम्री बोलको गीतको श्रृङखला दुईको रुपमा आएको गाजालु आँखैको निर्देशन थाहा कला केन्द्रका अध्यक्ष सानुबाबु मोक्तानले गरेका हुन् । म्युजिक भिडियोमा एजे टिम हेटौंडाले छायाँङ्कन रहेकाे छ भने संगीत संयोजन अमृत ल्वागुनले गरेका हुन् । गीतमा सञ्चारकर्मी अमृत चिमरिया, कृपा गोपाली, सुब्बु रिजाल र सानुबाबु मोक्तान समेतको अभिनय रहेको छ ।
हेर्नुहाेस भिडियो