मकवानपुर । नवोदय साहित्यिक बगैंचाले भर्चुअल सहिद दिवस विशेष कार्यक्रम गरेको छ l माघ १६ गते सहिद दिवसको अवसरमा महान् ४ सहिदहरू गङ्गालाल श्रेष्ठ, धर्मभक्त माथेमा, दसरथ चन्द एवम् शुक्रराज सास्त्रीको जीवनीमा आधारित वृत्तचित्र प्रदर्शनी, रचना वाचन तथा वक्तृत्वकला प्रतियोगिता गरेकाे हाे ।
वक्तृत्वकला प्रतियोगिता जीएस निकेतनकी उषा अधिकारी, तुलसी मेहरका प्रमिश रानाभाट नवोदय शिशु सदनका प्रिन्स बर्तौला उत्कृष्ट ३ मा पर्न सफल भएका छन् । ९ वटा विद्यालयहरूले सहभागिता जनाएको उक्त प्रतियोगितामा निर्णायकको भूमिकामा विनिता कार्की र दिप्सिका घिमिरे रहेका थिए ।
विद्यार्थीको बोलाई क्षमता तथा खोज अनुसन्धानको अभिवृद्धि गर्ने उद्देश्यले कार्यक्रम सञ्चालन गरिएको क्लबकी अध्यक्ष इलिशा पराजुलीले जानकारी दिइन् l उत्कृष्ट हुनेहरूलाई क्लबले विद्यालयमा नै बोलाएर पुरस्कार दिने पराजुलीले बताइन् ।
मकवानपुर । रेडियाे मकवानपुर र दिव्यतारा बहुउद्देश्यीय सहकारी संस्था लिमिटेडको स्थापना बार्षिकोत्सवको अवसरमा सुरु भएको सप्ताहाव्यापी कार्यक्रम अन्तरत पहिलो दिन शुक्रबार शहीद दिवसको सन्दर्भमा माविस्तरीय कविता प्रतियोगिता भएको छ ।
शहीद शीर्षकमा भएको प्रतियोगितामा जीएस निकेतनका समर्पण न्यौपाने प्रथम, त्रिभुवन नमूना माविका सुजन ढुङ्गाना द्वितीय, भानु माविका जेनिशा चौलागााइँ तृतीय, शारदा माविका कविना सञ्जेल र बालज्योति मावि पिप्लेका रिजाय कार्की शान्त्वना भएका छन् ।
प्रतियोगितामा जिल्लाको विभिन्न विद्यालयको २३ जना विद्यार्थीहरु सहभागी रहेका थिए । कविता प्रतियोगितामा साहित्यकारद्वय दीपक गौतम र भावना सापकोटाले निर्णायकको भूमिका निर्वाह गरेका थिए । कविता प्रतियोगितामा प्रथम, द्वितीय, तृतीय र शान्त्वना भएका विद्यार्थीहरुले क्रमश: नगद ५ हजार, ३ हजार, २ हजार र एकहजार रुपैयाँसहित प्रमाणपत्र प्राप्त गर्नेछन् ।
रेडियो मकवानपुरका स्टेसन म्यानेजर गणेशदर्पण अधिकारीको अध्यक्षतामा भएको कार्यक्रममा पत्रकार महासंघ मकवानपुर अध्यक्ष हरि हुमागाइँको प्रमुख आतिथ्यता रहेको थियो । रेडियो मकवानपुरले सामुदायिक रेडियो हुनुको नाताले आफ्नो धर्म निर्वाह गर्दै आएकोमा खुसी स्टेसन म्यानेजर अधिकारीले खुशी व्यक्त गरे । कार्यक्रममा पत्रकार महासंघ मकवानपुर उपाध्यक्ष कुमार अधिकारी, दिव्यतारा सहकारीका व्यवस्थापक रमेशप्रसाद कोइारालालगायतले मन्तव्य व्यक्त गरेका थिए ।
सहकारीको २३ औं स्थापना दिवस तथा रेडियोको ११ औं बार्षिकोत्सवको अवसरमा शनिबार राक्सिराङको सरिखेत पलाँसेमा सञ्चो हस्पिटलको प्राविधिक सहयोग एवम् राक्सिराङ गाउँपालिकाको समन्वयमा निःशुल्क स्वास्थ्य शिविर, १८ गते मामाघर नेपाललाई खाद्यान्न सहयोग, १९ गते एकल महिला, दलित वा विपन्न परिवारको दुईघरलाई खरको छानामुक्त गर्न जस्तापाता खरिद्का लागि जनही २५ हजार रुपैयाँ सहयोग, २० र २१ गते रेडियो मकवानपुर कप दोस्रो मिडिया कप फुटसल प्रतियोगिता र २२ गते समापन तथा पुरस्कार वितरण कार्यक्रम हुनेछ ।
मकवानपुर । जिल्ला प्रहरी कार्यालय मकवानपुरले बालविवाह रोक्नका लागिअभियान सुरु गरेको छ । बालबिवाह रोक्नकाे लागि प्रहरीले बुधबार विभीन्न समुदायका अगुवासँग छलफल गरेको छ ।
बुधबार सामुदायिक प्रहरी साझेदारी कार्यक्रम अन्तर्गत जिल्ला प्रहरी कार्यालय मकवानपुरले आयोजना गरेको कार्यक्रमा उपस्थित विभिन्न धार्मिक संघसंस्थाका प्रतिनिधिहरुले बाल बिबाह नियन्त्रणका लागि लागि पर्ने प्रतिबद्धता व्यक्त गरेका हुन् ।मकवानपुर प्रहरी प्रमुख प्रहरी उपरीक्षक सोमेन्द्र सिंह राठौरले बालबिवाह हुन नदिनका लागि प्रहरी पनि समुदायसंगकै साझेदारीमा लाग्ने बताए ।
मकवानपुर प्रहरी प्रमुख राठौरले मकवानपुरमा बाल विवाहको अवस्था र त्यसको कानुनी व्यवस्था बारे कार्यपत्र प्रस्तुत गरेको कार्यक्रममा हेटौँडा–२ का वडा सदस्य महेश्वरमान श्रेष्ठ, हेटौँडा–४ मा रहेको भुवनेश्वर मन्दिरका अध्यक्ष जगन्नाथ पाण्डे, नेपाल तामाङ घेदुङ मकवानपुर सचिव आत्मराम मोक्तान, मकवानपुर इसाइ समाजका सचिव मिलन कडेल, हेटौँडा जामे मस्जिदका अध्यक्ष जावेद हुसेन, कलाकार सुसान्त श्रेष्ठ पत्रकार महासंघ मकवानपुर शाखा अध्यक्ष हरि हुमागाइ लगायतले मन्तव्य व्यक्त गरेका थिए ।
कार्यक्रममा जिल्ला प्रहरी कार्यालय मकवानपुरका प्रहरी नायव उपरिक्षक ईन्द्रबहादुर राना, प्रहरी निरीक्षक अमरप्रसाद गजमेर, अविनाश अधिकारी, राजकुमार सापकोटा लगायतका विभिन्न धार्मिक मठ मन्दिर तथा संघ संस्थाका प्रतिनिधिहरु सहभागी रहेको थियो ।
मकवानपुर/चर्चित गायिका पुर्णिमा तामाङलाई राष्ट्रिय लोक तथा दोहोरी गीत प्रतिष्ठान केन्द्रिय कार्यलयले सम्मान गरेको छ । गायिका तामाङलाई राष्ट्रिय लोक तथा दोहोरी गीत प्रतिष्ठान केन्द्रिय कार्यलयले मानार्थ सदस्यताको प्रमाण तथा दोसल्ला र प्रमाणपत्र सहित सम्मानित गरेको हो ।
राष्ट्रिय लोक तथा दोहोरी गीत प्रतिष्ठान केन्द्रिय कार्यलय काठमाडौको २० औ वार्षिक साधारण सभाको अवसर गायिका तामाङलाई सम्मान गरिएको हो । प्रतिष्ठानबाट सम्मानित भए पश्चात गायिका तामाङले आफूमाथी गीत सङ्गीत क्षेत्रमा अग्रसर हुन थप उर्जा मिलेको र गीत सङ्गीत क्षेत्रमा निरन्तर अघि बढिरहने प्रतिवद्धता व्यक्त गरिन् ।
कार्यक्रम्मा दोहोरी प्रतिष्ठानका केन्द्रिय अध्यक्ष रमेस बि जि र वरिष्ठ गायिका तथा प्रतिष्ठानका वरिष्ठ उपाध्यक्ष रिता थापालगायत प्रतिष्ठानका भुतपुर्व अध्यक्षहरु तथा कलाकारहरुको उपस्थिती रहेको थियो ।
को हुन् पुर्णिमा ?
चर्चित गायिका पुर्णिमा तामाङ बिक्रम संवत २०५४ साल असोज २९ गते बुवा राम चन्द्र तामाङ र आमा कान्छी माया तामाङकी कान्छी सुपुत्रीको रुपमा धादिङ जिल्ला साविक बैरेनी गाविस (हाल गल्छी गाउँ पालिका वडा नं ७) मा जन्मिएकी हुन् ।
चर्चित गायिका पुर्णिमा तामाङलाई यतिबेला गीत गाउन भ्याई नभ्याई छ भने बिभिन्न संघ संस्थाबाट दैनिक सम्मानित भैरहेका छन । कलिलो उमेरमै चर्चित गायिका बन्न सफल भएका पुर्णिमा तामाङले झन्डै चार सयभन्दा बढी गीत गाईसकेकी छिन् । पुर्णिमाले गाएका हरेक गीतहरु करोड भ्युज सहित युटुबको टपटेन भित्र पर्ने गरेको लोक गायक बुद्धिमान घिसिङले बताए ।
पुर्णिमाले गाएका फुल भनौ जिन्दगी लाई, तिम्रो एउटा झुटले, मुुटु जली खरानी भो, एक्लो भए म, तिमी बिना पागल भाछु, तिम्रो मनमा जस्ता दर्जनौ गीतहरु दर्शकहरुले अत्याधिक रुचाएका घिसिङले बताए ।
आफुले गाएका गीतहरु चर्चित भए पश्चात गायिका तामाङ हङकङ, कोरिया, मलेसिया, दुबई, कतारलगायत देशहरुमा दर्शकहरुमाझ आफ्नो प्रतक्ष्य प्रस्तुती दिई स्वदेश फर्किसकेकी छिन भने झन्डै आधा दर्जनभन्दा बढी उतकृष्ट गायिका बिधाबाट अवार्ड चुमिसकेका गायिका दैनिक जसो विभिन्न संघ संस्थाबाट दैनिक सम्मानित भैरहेको लाक तथा दोहारी गीत प्रतिष्ठानले जनाएको छ ।

मकवानपुर । मेची महाकाली बुहारी संयुक्त आवाज मकवानपुर शाखाले हेटौंडाको सहीद स्मारकमा पीकनिक तथा अन्तरक्रिया गरेको छ ।
कार्यक्रम अनौपचारिक क्षेत्र सेवा केन्द्र(इन्सेक), मानव अधिकार समूह, हेटौंडाकी संयोजक चन्द्रावती पनेरुको प्रमुख आतिथ्य तथा मेची–महाकाली बुहारी संयुक्त आवाज मकवानपुरकी उपाध्यक्ष मन्जु फुयाँलको सभाध्यक्षतामा भएको थियो ।
कार्यक्रममा मेची महाकाली बुहारी संयुक्त आवाज मकवानपुरकी सहसचिव बविता उदासले संस्थाले जिल्लाका गरेको कामको बारेमा जानकारी गराएकी थिईन् । मेची महाकाली बुहारी संयुक्त आवाज मकवानपुरकी सदस्य राधा सापकोटाले सहजिकरण गरेको कार्यक्रममा साधारण सदस्य दीपलक्ष्मी खरेल लगायतले मन्तव्य व्यक्त गरेका थिए ।
मुख्य कार्यालय झापामा रहेको मेची महाकाली बुहारी संयुक्त आवाज गतवर्ष मकवानपुरमा गठन भई क्रियाशील छ । सुस्मिता केशी हत्याकाण्ड लगायत महिलामाथि हुने हिंसा र भेदभाव विरुद्ध संस्थाले सशक्त रुपमा आवाज प्रस्तुत गर्दै आएको छ ।