मकवानपुर । मकवानपुर प्रहरीले भीमफेदी गाउँपालिका वडा नंबर २ भैसेबाट लागू औषध नाईट्रोभेट सहित २ जना पक्राउ गरेकाे छ ।
त्रिभुवन राजपथ हुँदै काठमाडाैं जाँदै गरेको बा ९६ प ३२८५ नंबर को मोटरसाईकललाई चेकजाँच गर्दा लागु औषध नाईट्रोभेट ८७० ट्याब्लेट सहित २ जना पक्राउ परेको जिल्ला प्रहरी कार्यलय मकवानपुरले जनाएको छ ।
पक्राउ पर्नेमा मोटरसाईकल चालक सतिश दमाल मगर र बज्र रोकाया रहेको प्रहरीले जनाएको छ । प्रहरी चौकी भैँसे मकवानपुर बाट प्र.ना.नि. कुल बहादुर श्रेष्ठको कमाण्डमा खटिएको चेकिङ टोलीले उनीहरूलाइ नाईट्रोभेट ८७० ट्याब्लेट सहित पक्राउ गरेकाे र उनिहरु माथि आवश्यक अनुसन्धान भईरहेको जिल्ला प्रहरी कार्यलय मकवानपुरका प्रवक्ता प्रहरी नायव उपरीक्षक इन्द्र बहादुर राना जानकारी दिए ।
पक्राउ परेका मगर प्युठान मल्लरानी गाउँपालिका वडा नंबर ३ घर भई हाल जिल्ला काठमाडाैं बालाजु शान्तीटोल बस्ने वर्ष १८को र राेकाया कालीकोट घोचायबाडा गाउँपालिका वडा नंबर ३ घर भई हाल काठमाडाैं महानगरपालिका वडा नंबर ३ बस्ने वर्ष १८ कै रहेकाे प्रहरीले बताएकाे छ ।
भीमफेदी सुमाे दुर्घटनामा थप एक जनाकाे मृत्यु
Tags: No Comments
मकवानपुर । मकवानपुरको भीमफेदी गाउँपालिका ६ मा भएकाे सुमो दुर्घटनामा थप १ जनाको मृत्यु भएको छ । आईतबार दिउँसो हेटौंडाबाट काठमाण्डौ जाँदै ना १ ज ४१०६ नंबरको सुमो दुर्घटना भइ सडकबाट डेड सय मिटर तल खसेको थियो ।
सुमाे दुर्घटनास्थलमै २ जनाको मृत्यु भएको थियो भने १ जनाको उपचारको क्रममा मृत्यु भएको जिल्ला प्रहरी कार्यलय मकवानपुरले जनाएको छ । घटनास्थलमै मृत्यु भएका मृतकको अनुहार क्षतविक्षत भएकोले चिन्न सकिने अवस्था नभएकाे मकवानपुर प्रहरीले बताएकाे छ । तर साथमा भेटिएको कागजपत्रका आधारमा उनीहरूकाे साथमा रहेकाे नागरिकता र पासपाेर्टकाे अाधारमा हेटौंडा उपमहानगरपालिका–१३ पदमपोखरी बस्ने २५ वर्षीय भिमबहादुर थिङ र मकवानपुरको राजन राना मगर रहेकाे प्रहरी उपरीक्षक इन्द्र बहादुर रानाले जानकारी दिए ।
उपचारकाे क्रममा मृत्यु हुनेमा झापा जोरपानी–७ की २५ वर्षीया देवीकुमारी गिरीको भीमफेदीस्थित प्राथमिक स्वास्थ्य केन्द्रमा सामान्य उपचारपश्चात् थप उपचारको क्रममा हेटौंडा अस्पतालमा मृत्यु भएको हो । यसै गरी दुर्घटनामा घाइते हुनेहरुमा हेटौंडा उपमहानगरपालिका वडा नम्बर ३ बसामाडी बस्ने ३० वर्षीया शर्मिला थिङ, रौतहट रङ्गपुर गाउँपालिका बस्ने २९ वर्षीय सुजनकुमार काफ्ले, मकवानपुरगढी गाउँपालिका–४ बस्ने २७ वर्षीय सोमबहादुर गुरुङ, सुमो चालक भीमफेदी–४ घर भई हाल सामरी बस्ने विष्णु मगर र अन्दाजी ५ वर्षीय एक बालक रहेका छन् ।
घाइते ५ जनाकाे हेटौंडा अस्पताल र चुरेहिल अस्पतालमा उपचार भईरहेको बताइएकाे छ । घाइते मध्य ४ जनाको अवस्था पनि गम्भीर रहेको प्रहरीले जनाएको छ ।
मकवानपुर । हेटाैडा काठमाडाैं छाेटाे मार्ग अन्तर्गत मकवानपुरकाे भीमफेदीमा सुमाे दुर्घटना हुँदा २ जनाकाे मृत्यु भएकाे छ । हेटौंडाबाट काठमाडाैं जादै गरेको टाटासुमो भीमफेदी गाँउपालिका ६ जुरिखेतमा दुर्घटना हुदा २ जनाको घटनास्थल मै ज्यान गएकाे र ६ जना घाइते भएकाे प्रहरीले जनाएको छ ।
हेटौंडाबाट काठमाडौंका लागि ७ जना यात्रु लिएर गएकाे ना. १ ज ४१०६ नम्बरको सुमो आज मध्यान्न दुर्घटना भइ भिरबाट १ सय मिटर तल खोल्सामा खसेको थियो । दुर्घटनामा २ जना पुरुषको मृत्यु भएको प्रहरीले जनाएको छ।
घाइते ६ जना मध्य ३ जनाको प्राथमिक स्वास्थ्य चौकी भीमफेदी र ३ जनाको हेटौंडा अस्पतालमा उपचार भइरहेको मकवानपुर प्रहरीले जानकारी दिएकाे छ । दिउँसो करिब साढे १२ बजेको समयमा सुमो दुर्घटना भएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक ईन्द्रबहादुर रानाले जानकारी दिए ।
मकवानपुर । लायन्स क्लब अफ हेटौंडा पाथिभरा गोल्डले दिव्य सेवा निकेतन, हेटौंडालाई खाद्यान्न सहयाेग गरेको छ ।
सहयाेग कार्यक्रममा दुई बोरा चामल, दाल, चिनी, चियापत्ति, तेल, विस्कुट, पिठो, नुन लगायतका सामग्री वितरण गरेको कार्यक्रम संयोजक अप्सरा मानन्धरले बताईन् । कार्यक्रम लायन्स क्लब इन्टरनेशनल ३२५ वि २ की क्षेत्रीय प्रमुख अंकिता सुमार्गीको प्रमुख आतिथ्य तथा लायन्स क्लब अफ हेटौंडा पाथिभरा गोल्डकी अध्यक्ष रश्मी बस्नेतको अध्यक्षतामा भएको हाे ।
कार्यक्रममा लायन्स क्लब इन्टरनेशनल ३२५ वि २ की जोन चेयरपर्सन शोभा श्रेष्ठ, दिव्य सेवा निकेतनका केन्द्रीय अध्यक्ष टिआर निरौला, लायन्स क्लब अफ हेटौंडा पाथिभरा गोल्डकी पुर्व अध्यक्षहरु माधवी बोस, आशिका श्रेष्ठ लगायतको आतिथ्य रहेको थियो ।
मकवानपुर । विहीबारबाट सुरु भएको नेपाल विद्यार्थी संघ (नेवि संघ) मकवानपुर र अनेरास्ववियूको संघर्ष कार्यक्रम अन्तर्गत शुक्रबार हेटौंडा उपमहानगरपालिकाको मुल गेटमा १ घण्टा धर्ना दिएका छन् । मकवानपुरका दुई विद्यार्थी संगठनले विभिन्न प्लेकार्ड सहित उपमहानगरपालिकामा धर्ना दिएका हुन् ।
यसै गरी संघर्षकाे कार्यतक्रम अन्तर्गत राष्ट्रिय परीक्षा बोर्डको कार्यालय हेटौंडा शाखा, प्याव्सन मकवानपुर, मकवानपुर बहुमुखी क्याम्पस, हेटौंडा क्याम्पस र हेटौंडा स्कुल अफ म्यानेजमेन्ट क्याम्पसलाई लेखा शाखामा तालाबन्दी लगाउने लिखित जानकारी गराएको अनेरास्ववियू मकवानपुरका संयोजक किशन घिसिङले बताए । असोज १८ गतेदेखि सम्पुर्ण शैक्षिक संस्थाको लेखा शाखामा विद्यार्थी संगठनले ताला लगाउने भएको छ । यस्तै असोज १९ गते हेटौंडाको बुद्धचोकमा प्लेकार्डसहित प्रदर्शन गर्ने घिसिङले जानकारी दिए ।
मकवानपुरका संस्थागत विद्यालय तथा निजि क्याम्पसहरुले अनलाइन कक्षाकाे नाममा असुलिरहेको शुल्क समान गर्न, विद्यार्थीलाई विद्यालयसम्म जोड्ने कार्यक्रम सञ्चालन हुनुपर्ने, सबै विद्यार्थीलाई शिक्षाको पहुँचमा ल्याइनुपर्ने, विद्यार्थीको घरभाडा मिनाहा गर्नुपर्ने माग संगठनले गरेका छन् ।