मकवानपुर । हेटाैडा ६ चाैघडामा रहेकाे मकवानपुर स्वास्थ्य चाैकीलाइ स्वास्थ सामग्री सहयाेग गरिएकाे छ । हेटौंडा-६ मा निर्माणाधीन सिद्धस्थली सामुदायिक अस्पतालले स्वास्थ्य चौकीलाई अक्सिजन कन्सन्ट्रेटर,मास्क,ग्रोल्बस (सर्जिकल पञ्जा), लगायतका स्वास्थ्य सामाग्री सहयोग गरेको स्वास्थ्य चाैकी प्रमुख ताेयानाथ ढुंगेलले जानकारी दिए ।
अस्पतालका डाक्टर अभन गौतमले स्वास्थ्य सामाग्री हेटौंडा-६ का वडाध्यक्ष अर्जुन प्रसाद चौलागाई र हेटौंडा उपमहानगरपालिका सिअहेब अधिकृत भोलानाथ चौलागाई हस्तान्तरण गरेका हुन्।
स्वास्थ्य सामाग्री ग्रहण गर्दै चौलागाईले संकटको अवस्थामा सिद्धस्थली सामुदायिक अस्पतालले स्वास्थ्य चौकीलाई स्वास्थ्य सामाग्री दिएकोमा खुशी व्यक्त गरेका छन। सामाग्री हस्तान्तरण गर्दै डाक्टर गौतमले संकटको अवस्थामा सबैले सहयोग गरी महामारी नियन्त्रणमा लाग्नु पर्ने भएकोले स्वास्थ्य चौकीलाई स्वास्थ्य सामाग्री सहयोग गरेको बताए।
हस्तान्तरण कार्यक्रममा मदन भण्डारी स्वास्थ्य विज्ञान प्रतिष्ठानका संचलक समिति सदस्य उत्सव चौलागाई, सञ्चारकर्मी भीमसेन पौडेल,अस्पताल संचालक गोमा गौतम लगायतको उपस्थिती रहेको थियो।
- श्रृजना नेपाल
मकवानपुर/ कोरोना संक्रमितलाई अस्पतालसम्म पुग्ने वातावरण सहज बनाउन सञ्चालन गरिएको अटो-एम्बुलेन्सका चालक यतिबेला सामाजिक तिरस्कारको सिकार बनिरहेका छन्। कोरोना संक्रमितको संख्या बढेसँगै अस्पताल ओहोरदोहोर गर्न सञ्चालन भएको अटो-एम्बुलेन्स चालकहरू समाजबाट अपहेलित बन्नुपरेको हो।
कोरोना संक्रमित अस्पतालसम्म पुग्न एम्बुलेन्स अभाव हुन थालेपछि मकवानपुरको प्रशासनले हेटौंडा उपमहानगरपालिकाको १९ वटा वडामा अटो-एम्बुलेन्स सेवा सञ्चालनमा ल्याएको छ। बिरामी बोक्न आफ्नो ज्यान जोखिममा राखेर अटो चलाएका चालकहरूमाथि समाजबाट अमानवीय व्यवहार हुने गरेको उनीहरू बताउँछन्।
हेटौंडा उपमहानगरपालिका–१२ का अटो-एम्बुलेन्स चालक प्रकाश अछामीले कोरोनासँग जुधिरहेका संक्रमितलाई अस्पतालसम्म साहारा दिन यो महामारीमा पनि अटो चलाउन शुरू गरेका थिए। कोरोनालाई पराजय गर्न लागिपरेका अरू हातलाई साथ दिन अटोलाई एम्बुलेन्स बनाएर सञ्चालन गरिरहेका अछामी अहिले आफैँ सहाराविहीन भएका छन्।
‘कोरोनाले छट्पटाइरहेका बिरामीलाई अस्पतालसम्म पुर्याउन पाए समाजमा मेरो पनि केही भूमिका हुन्छ होला भनेर यो महामारीमा पनि अटो चलाउन शुरू गरेँ, तर समाजले गाउँमा कोरोना ल्याइस् भन्दै धम्कीपूर्ण गालीगलौज गर्छन्। कुनैपनि सेवा सुविधा नलिइकन आफ्नो ज्यान जोखिममा राखेर काम गर्दा उल्टै सामाजिक तिरस्कार सहन परेको छ,’ उनले भने।
अछामीले छरछिमेकबाट मात्रै नभई परिवारबाटै पनि अछुत व्यवहार हुने गरेको बताए। दुई सातादेखि अटोबाटै एम्बुलेन्स सेवा दिन थालेका अछामी आफ्नै घरमा छुट्टिएर बसेका छन्।
हेटौंडा–१८ का अटो-एम्बुलेन्स चालक बुद्ध थिङलाई देख्नासाथ गाउँका बाटोमा उभिएकाहरू पनि दौडिँदै घरभित्र पस्ने गरेका छन्। ‘यसले त कोरोनाको बिरामी बोकेर आएको हो भन्दै बाटोमा उभिरहेकाहरू पनि मेरो अटो देख्नासाथ भागाभाग गर्छन्। यस्तो लाग्छ कि उनीहरूले मलाई हेर्दा र बोल्दा मात्रै पनि कोरोना सर्छ,’ थिङले भने।
उनले कोरोना भाइरसको संक्रमण तीव्र गतिमा फैलिरहँदा पनि समाजका मान्छेमा मानवीयता नपलाएको भन्दै दुःख व्यक्त गरे। थिङलाई छरछिमेकका धेरैले कोरोनाको बिरामी बोकेको भन्दै अब उनको अटो कहिल्यै नचढ्ने समेत बताएका छन्।
‘कोरोनाको बिरामी बोक्ने गरेको अटोमा पनि अब कोही चढ्छ? हामी त कहिल्यै चढ्दैनौ भन्छन्। म पनि के कम भोली तपाईंहरूलाई कोरोना लाग्दा कसको अटोमा चढेर जानुहुन्छ त भनेर सोध्छु, अनि चुप लाग्छन्,’ उनले थपे।
उनको घरमा २२ महिनाको छोरा छ। छोरालाई पनि आफूबाट जोखिम हुने होकि भन्ने डरले उनी घरको छुट्टै कुनामा एक्लै बस्दै आएका छन्। एउटै घरमा बसेर पनि उनले आफ्नै छोरालाई नसमाएको दुई साता भइसक्यो।
ज्यान जोखिममा राखेर समाजको तिरस्कार सहँदै अटो चलाएपनि स्थानीय वडा कार्यालय र प्रशासनबाट कुनै किसिमको सहयोग नभएको थिङको गुनासो छ। प्रशासन र वडाले अटोलाई एम्बुलेन्सको रूपमा सञ्चालन गरेको जस्तो देखेपनि सञ्चालनमा आएको दिनदेखि कुनैपनि निकायबाट सहयोग नपाएको उनले बताए।
हेटौंडा–५ का गोविन्द तिमल्सिनाको पनि प्रकाश र बुद्धको जस्तै पीडा छ। एम्बुलेन्सको अभाव कम गर्दै कोरोना संक्रमितको अस्पतालसम्मको पहुँच सहज गर्न अटो चलाएका उनको परिवारै अहिले सामाजिक बहिष्कारमा परेको छ। तिमल्सिनालाई मात्रै होइन, परिवारका अरू सदस्यलाई देख्दा मात्रै पनि छरछिमेकबाट विभेदपूर्ण व्यवहार हुने गरेको उनले बताए।
‘मसँग त बोल्दैनन्, देख्दा पनि मुन्टो उता फर्काएर हिँड्छन्, सबै तर मेरो परिवारलाई तपाईंको घरमा कोरोना बोकेर आएको मान्छे छ भन्दै अछुत व्यवहार गर्ने गरिएको छ,’ तिमल्सिनाले भने। उनले जिल्ला प्रशासन र वडा कार्यालयले बेवास्ता गर्दा पनि समाजबाट यस्तो व्यवहार हुने गरेको बताए।
जिल्लामा कोरोना संक्रमित र यसबाट ज्यान गुमाउनेको संख्या बढेसँगै अस्पताल धाउनेहरू पनि बढेका छन्। जसले गर्दा कोरोना संक्रमितले अस्पताल ओहोरदोहोर गर्न एम्बुलेन्स नपाएको भन्दै गुनासो आउन थालेपछि जिल्ला प्रशासन कार्यालय मकवानपुरले अटोलाई एम्बुलेन्सको रूपमा सञ्चालनमा ल्याएको थियो। निषेधाज्ञामा अटो चलाउने अनुमति र एकसेट पीपीई मात्रै दिएर आफूहरूलाई अलपत्र छाडेको अटो चालकहरूको गुनासो छ।
वडा अध्यक्षहरूलाई पनि आफैँले फोन गर्दा समेत वास्ता नगरेको उनीहरूले आरोप लगाएका छन्। अटो-एम्बुलेन्स चालकले कोरोनाका बिरामी बोकेर अस्पतालसम्म ल्याएबापत नियमअनुसार भाडा लिँदै आएका छन्। वडा र प्रशासनको समन्वयमा अटो-एम्बुलेन्सको रूपमा सञ्चालन गर्दा सुरक्षित बासस्थान र स्वास्थ्य सुरक्षाको व्यवस्था हुनुपर्ने उनीहरूको माग छ। (थाहा खबरबाट साभार)
मकवानपुर । जेसीआई हेटौंडा लेडीको आयोजनामा मंगलबार रक्तदान कार्यक्रम गरेकाे छ । काेराेना भाइरसकाे संक्रमण कोभिड–१९ महामारीका कारण रगतको अभाव भएकाे समयमा जेसीआई हेटौंडा लेडीले रक्तदान कार्यक्रमको आयोजना गरेको हाे ।
जेसीआई हेटौंडा लेडी रक्तसञ्चार केन्द्रमै पुगेर आयोजना गरिएको रक्तदान कार्यक्रममा ३० जनाले रक्तदान गरेका छन् । रक्तसञ्चार केन्द्रमा रगतको अभाव भएको जानकारी पाएकाे ३ दिनअघि मात्रै रक्तदान कार्यक्रम तय गरिएको कार्यक्रम संयाेजक जेसी सुनिता राइ श्रुतिले बताइन् ।
जेसीआई हेटौंडा लेडीले कोरोना महामारीको समयमा सर्वसाधारणलाई सचेतना अभिवृद्धि गर्ने, विपन्न परिवारलाई खाद्यान्न सामग्री सहयोग गर्ने, हेटौंडा अस्पताललाई अक्सिजन सिलिण्डर हस्तान्तरण गर्ने लगायतका कार्य गर्दै आएको छ ।
सामाजिक सेवाका लागि स्थापित संस्थाका जेसीआई हेटौंडा लेडीले आफ्ना पदाधिकारी तथा सदस्यहरुको सहभागितामा स्वास्थ्य सतर्कताका उपाय अपनाएर सहयोगीको साथ र सहयोगमा आवश्यक कार्य गरिरहेको जेसीआई हेटौंडा लेडी अध्यक्ष प्रतिमा श्रेष्ठ बताइन् ।
बालबालिकाको सवालमा भर्चुअल अन्तरक्रिया
Tags: No Comments
मकवानपुर/ कोरोना भाइरस (कोभिड–१९) को महामारीको समयमा मकवानपुरको विभिन्न बालगृहहरुमा बस्दै आएका बालबालिकाहरुको अवस्था बारे अन्तरक्रिया कार्यक्रम गरिएको छ ।
मकवानपुर जिल्लाका बालगृह संचालक र मानव अधिकार संरक्षण तथा मानब वेचबिखन बिरुद्धको सन्जाल का पदाधिकारीहरु विच सोमबार भर्चुअल अन्तर्कृयात्मक कार्यक्रममा गरिएको हो ।
कोरोना भाइरस (कोभिड–१९) को महामारीमा बाल्बालिकाहरुको सुरक्षा के कसरी गरिएको छ र बालबलिकाहरुको बहुआयामिक क्षेत्र लाई कसरी ब्यवस्थित गरिएको भन्ने बिषयमा छलफल तथा आगामी दिनमा बालबालिका लक्षित योजना र कार्यक्रम बनाउदा समाबेश गर्नु पर्ने विषयमाथि सुझाव प्राप्त गर्ने उद्देश्यले कार्यक्रम गरिएको थियो ।
संघीय सरकारले उपलब्ध गराउन पर्ने भ्याक्सिन लगाउन नपाउनाले कोभिडको जोखिम बढी भएको भन्दै सहभागीहरुबाटले गुनासो गरेका थिए । कार्यक्रममा मकवानपुरका ८ वटा बालगृह संचालकहरुले आ–आफ्नो बाल गृहको वर्तमान अवस्था बारे जानकारी गराएका थिए ।
हाम्रो घर बालगृहकी सन्चालक इन्दिरा डल्लाकोटीले १६ जना बाबु र ११ जना नानीलाई महामारीबाट बचाउँन बाहिरको मान्छेसँगको भेट प्रतिबन्ध गरेको बताइन् । उमेर अनुसार बालबालिकाहरुलाई खेल्ने र पढ्ने समयको व्यवस्थापन गरिएको उनले बताइन् ।
औपचारिक कक्षाहरु बन्द रहेकोले बालगृह मै आश्रित ठुलो कक्षामा अध्यनरत बालबालिकाहरुले सानो कक्षामा अध्ययनरत बालबालिकाहरुलाई नियमित सिकाइमा सहयोग गरिरहेको उनले बताइन् । यसैगरी नारी संरक्षण केन्द्रका कार्यक्रम संयोजक राम मिजारले २६ बालिका र २ बालक गरी हाल २८ जनालाई हप्तामा ३ वा ४ पटक आवश्यक बिषयमा परामर्श गर्ने गरिएको र अरितिक्त कृयाकलापमा ब्यस्त गराउँने गरिएको बताए । ‘विभिन्न उमेरका बालबालिकाको समुह बनाइ उत्प्रेरित गराउँदै कोभिड बाट बचेँर बसेका छौं’ मिजारले भने ।

यसैगरी मामाघर नेपालका अर्पण पराजुलीले बालकहरुलाई अतिरिक्त कृयाकलापमा ब्यस्त
गराउनेमा बढी ध्यान दिएको बताए । मामाघर नेपालमा हाल १८ जना बालकहरु आश्रित छन्।यसैगरी शान्ता घर बालगृहका कार्यालय प्रमुख केदार आचार्यले हाल २० जना बालिकाहरु गृहमा रहेको र उनीहरुलाई यो महामारीको कारण हालसम्म कुनै समस्या नभएको बताए ।
मानव अधिकार संरक्षण तथा मानब वेचबिखन बिरुद्धको सन्जाल का उपाध्यक्ष माया लामा,सचिब जगन्नथ सुबेदी, सदस्य कुमारी लामा, बाल कल्याण समाजका प्रकाश खतिवडा, शेयर एन्ड केयरका कृष्ण श्रेष्ठ, नारी सीप सृजना केन्द्र अध्यक्ष सरस्वती बर्तौलालगायतले संस्थाले बालबालिका केन्द्रित कार्यक्रमको बारेमा जानकारी गराएका थिए ।
सञ्जालकै सदस्य संस्था सिविन बाल हेल्प लाइन मकवानपुरका प्रमुख तथा बगमती प्रदेश बाल अधिकार समितिका सदस्य झविन्द्र ज्ञवालीले लकडाउनको अवस्थामा भएका बाल संरक्षण र उद्धारका घटना जानकारी गराएका थिए । लकडाउनको अबधिमा मकवानपुरका हेटौंडा, मकवानपुर गढी, बकैया र मनहरिमा ४ वटा हुन लागेका बाल विवाहको घटनालाई
रोक्न सफल भएको ज्ञावलीले बताए ।
बालगृह सञ्जाल मकवानपुरको अध्यक्ष समेत रहेका ज्ञवलीले बालगृहका बिषयमा सबै सरोकारवालाहरुसँग सहकार्य गरिने बताए । ज्ञावलीले बालगृहमा आश्रित बालबालिकाहरुको लागि बाल कानूनी साक्षरता कक्षा सञ्चालन गर्नु पर्ने आवश्यकता रहेको बताए । उनले कानुन अन्वेषण तथा स्रोत विकास केन्द्र (सेलर्ड) का फिल्ड अफिसर अधिवक्ता जगन्नाथ सुबेदीलाई लकडाउनको अवस्थामा बाल गृहमा बसेका बालबालिकाको निम्ती बाल कानुनी साक्षरता बारे भर्चुअल कक्षाहरु नियमित रुपमा चलाउनु आवश्यक भएकोले यस्तो कार्यक्रम गर्नको लागि अनुरोध समेत गरे ।
हेटौंडा उपनगरपालिका महिला तथा बालबालिका महाशाखा प्रमुख बिष्णु कुमारी लामिछानेले बाल गृह र अन्य संस्थाको कार्यसम्पादन र भावी योजनाको बारेमा आगामी समयको निम्ती उपयुक्त्त कार्यक्रम योजना तर्जुमाको गर्न सुझाब दिएकी थिइन् । हेटौंडा उपमहानगरपालिका महिला तथा बालबालिका महाशाखाको आयोजना र सिविन नेपाल बाल हेल्प लाइनको संयोजनमा कार्यक्रम भएको थियो । तस्बिरःझविन्द्र ज्ञावलि
मकवानपुर । मकवानपुर प्रहरीले श्रीमतीलाई कुटपिट गरी हत्या गरेको आरोपमा १ जना पक्राउ गरेकाे छ । जेठ ९ गते ४२ वर्षीया श्रीमती सुनिता थापा मगरलाइ कुटपिट गरी हत्या गरेकाे आराेपमा बारा निजगढ नगरपालिका रामथली घर भई हाल हेटौंडा उपमहानगरपालिका वडा नं १० बस्ने ५४ वर्षका माइला भन्ने कृष्ण बहादुर मोक्तानलाई प्रहरीले पक्राउ गरेको जनाएको छ।
जेष्ठ ९ गते दिउँसो हेटौंडा–१० न्युरेनी स्थित भुटनदेवी सामुदायिक जंगलमा शव फेला परेकाे थियाे । वेवारिसे अवस्थामा फेला परेको उक्त शवकाे पहिचान खुल्न आएकाेले मोक्तानकाे पहिचान पछी सोमबार हेटौंडा–८ कमानेबाट पक्राउ गरी आवश्यक अनुसन्धान भइरहेको प्रवक्ता रिमालले जानकारी दिए।