मकवानपुर । वडा प्रहरी कार्यालयकाे आयाेजनामा हेटाैडमा नागरिक सुनुवाई कार्यक्रम भएकाे छ । हेटौंडा-१० बसपार्कमा वडा प्रहरी कार्यालय हेटौंडा सानोपोखराको आयोजनामा नागरिक सुनुवाई कार्यक्रमको गरिएको हो।
सामुदायिक प्रहरी सेवा उप केन्द्र हेटौंडा-१० बसपार्कमा विहीबार प्रहरी साझेदारी कार्यक्रम अन्तर्गत नागरिक सुनुवाई कार्यक्रमको आयोजन गरिएको हो। सामुदायिक प्रहरी सेवा उप केन्द्र हेटौंडा-१० बसपार्कका अध्यक्ष प्रदिप कँडेलको सभाध्यक्षतामा सम्पन्न नागरिक सुनुवाई कार्यक्रममा मकवानपुर प्रहरी प्रमुख प्रहरी उपरीक्षक सोमेन्द्र सिंह राठौरको प्रमुख आतिथ्यता रहेको थियो।
कार्यक्रममा वडा प्रहरी प्रमुख प्रहरी निरीक्षक कृष्ण प्रसाद बिष्टले वडा प्रहरी कार्यालयले हालसम्म गरेको कार्य विवरण प्रस्तुत गरेका थिए भने मकवानपुर प्रहरी प्रमुख एसपी राठौरले नागरिकबाट आएको पश्नको र चाडवाड लक्षित सार्वजनिक तथा बसपार्कमा नागरिक सहायता कक्ष स्थापना गर्ने प्रतिबद्धता व्यक्त गरेका थिए।
कार्यक्रममा हेटौंडा-२ का वडासदस्य महेश्वरमान श्रेष्ठ,हेटौंडा-१० का वडासदस्य साधना श्रेष्ठ, हेटौंडा-४ का वडासदस्य राजेन्द्र कुमार वस्ताकोटी, आदर्श टोल विकास संस्थाका अध्यक्ष शान्ता गजुरेल,अधिकारकर्मी शर्मिला श्रेष्ठ,सविन भट्टाचार्य लगायतकाले मन्तव्य व्यक्त गरेका थिए।
मकवानपुर । हेटौंडा उपमहानगरपालिका र नेपाल खेलकुद सस्था (नेपाल स्पोर्टस अर्गानाइजेशन) बीच फुटबल एकेडेमी सञ्चालन गर्न भएको २५ लाखको सम्झौता रद्द भएकाे छ । हेटाैडा उपमहानगरपालिका र संस्थाका अध्यक्ष गणेश थापासँग असोज १२ गते फुटबल एकेडेमी तथा खेलाडी प्रशिक्षण सञ्चालन गर्न गरेको सम्झौता रद्द भएकाे हाे ।
हेटौंडा उपमहानगरले २५ लाखको सम्झौता नेपाल स्पोर्टस अर्गनाइजेशसँग असाेज १२ गते मंगलबार गरेको थियो । हेटाैडा उपमहानगरपालिकाले फुटबलको विकासका लागि भन्दै २५ लाख रुपैयाँ दिने सम्झौता गरेको थियो । तर बिहीबार हेटौंडा उपमहानगरले एक प्रेस विज्ञप्ती जारी गर्दै नगर प्रमुखस्त स्तरीय निर्णयबाट सो सम्झौता रद्द भएको जानकारी गराएको छ ।

अखिल नेपाल फुटबल संघ (एन्फा) अध्यक्ष हुँदा थापाले पदको दुरुपयोेग तथा आर्थिक अनियमितताको आरोपमा दोषी ठह¥याउँदै विश्व फुटबल महासंघ (फिफा) फुटबलको कुनै पनि गतिविधिमा संलग्न हुन नपाउने गरी प्रतिवन्ध लगाएको थियाे । फुटबलको कुनै पनि गतिविधिमा संलग्न हुन नपाउने गरी फिफाले प्रतिबन्ध लगाएको व्यक्तिसँग स्थानीय सरकारले सम्झौता गर्नु उचित नभएको भन्दै सम्झौता रद्द गरिएका बताइएकाे छ ।
मकवानपुर । नेकपा एमाले बागमती प्रदेशको ४ सय ७७ सदस्यीय कमिटी बनेकाे छ । याे सँगै एमालेले बागमती प्रदेश कमिटीले पूर्णता पाएको हाे ।
आनन्द पोखरेल अध्यक्ष र खेम लोहनी सचिव रहेको ४ सय ७७ सदस्यीय प्रदेश कमिटी बनेको हाे । कमिटीको इन्चार्ज एमाले केन्द्रीय सदस्य रामवहादुर थापा बादल, सहइन्चार्जहरुमा मकवानपुरका डोरमणी पौडेल सहित काशिनाथ अधिकारी, अरुण नेपाल, शेरबहादुर तामाङ र कृष्णगोपाल श्रेष्ठ रहेका छन् ।
यसैगरी प्रदेश कमिटि सदस्यहरुमा मकवानपुरका २७ जना परेका छन् ।
प्रदेश कमिटीमा अनन्त पौडेल,एकराज उप्रेती,कृष्ण प्रसाद दाहाल,महेश्वर सुवेदी,रघुनाथ खुलाल, रामचन्द्र राई,जुनेली श्रेष्ठ, सुवास ठकुरी,अणराज जर्गा, पद्मा पौडेल, कमल विष्ट,देवराज रिमाल,सुरेन्द्र पाठक,अर्जुन अर्याल,श्याम श्रेष्ठ, एकलाल श्रेष्ठ रहेका छन् ।
यसैगरी जयराम वाइवा, नवराज तिमल्सिना,भगवती पुडासैनी,सुन्तली चेपाङ,दिल बहादुर घिसिङ, भोजराज ढकाल,भारती पाठक,श्याम ढकाल,नारायण सापकोटा,बरीना बल / बलराम कालाखेती रहेका छन् ।
मकवानपुर । मकवानपुरमा बुधबार १ सय ८९ जना नेकपा एमाले पार्टी प्रवेश गरेका छन् । उत्तरी मकवानपुरकाे उत्तरी क्षेत्रमा रहेकाे थाहा नगरमा भएकाे एक कार्यक्रममा उनीहरु नेकपा एमाले प्रवेश गरेका हुन् ।
बुधबार भएकाे राष्ट्रिय युवा संघ नेपाल थाहानगरको अधिवेशनमा नेकपा माओवादी केन्द्र , नेपाली काँग्रेस लगायत विभिन्न पार्टी परित्याग गरी १ सय ८९ जना नेकपा एमाले प्रवेश गरेका हुन् । एमाले प्रवेश गर्नेहरुमा माओवादी केन्द्रको पार्टी तथा जनसंगठनको जिल्ला तहमा रहेका नारायण बल, संजिव बल, बबिता बल, राजेश गहतराज रहेका छन् ।
त्यसैगरी सोही पार्टीको क्षेत्रीय समतिमा रहेका कृष्ण बल, शान्ता बल, दर्जा पाख्रिन, दिलबहादुर पाख्रिन, हरिचन्द्र घलान, सिर्जना सिन्तान, आकाश थिङ, अनिल सुनार, विकास सुनार, अजय आलेमगर लगायत रहेका छन् । उनीहरुलाई हालै एमाओवादी छाडेर एमाले प्रवेश गरेकी नेतृ बरिना बलले एमालेमा भित्र्याएकी हुन् । स्वतन्त्र युवा समूह थाहानगरका अध्यक्ष सुमन रायमाझीको नेतृत्वमा ४३ जना युवाहरु पनि एमाले प्रवेश गरेका छन् ।
त्यस्तै चित्लाङका ६५ जना युवाहरु एमाले प्रवेश गरेका छन् । पार्टी प्रवेश गर्नेमा यसअघिको स्थानीय तह निर्वाचनमा समाजवादीबाट वडा अध्यक्षको उमेदवारी दिएका समेत रहेका छन् ।
त्यस्तै साविक आग्राबाट माओवादी परित्याग गरी ४१ जना कार्यकर्ताहरु एमाले प्रवेश गरेका छन् । एमाले प्रवेश गर्नेमा वाइसिएलका युवा नेता लिलाबहादुर थिङसमेत छन् । उता थाहा– ११ र १२ बाट नेपाली काँग्रेस परित्याग गरी ६ जना एमाले प्रवेश गरेका छन् ।
उनिहरुलाई नेकपा एमालेका केन्द्रीय सदस्य तथा युवा संघ इन्चार्ज महेश बस्नेत,जिल्ला इन्चार्ज रामेश्वर राना, जिल्ला सचिव एकालाल श्रेष्ठ, नगर इन्चार्ज विष्णुप्रसाद ढकाल, नगर अध्यक्ष अच्युत्तमप्रसाद ढकाल, युवा संयोजक प्रदिप भट्ट लगायतले स्वागत गरेका थिए ।
मकवानपुर । हेटाैडामा रहेकाे एक क्याम्पस र अनुसन्धान केन्द्र बीच समझदारी पत्रमा हस्ताक्षर भएकाे छ । हेटाैडा २ मा रहेका मकवानपुर बहुमुखी क्याम्पस र हेटाैडा १३ मा रहेकाे वनस्पती अनुसन्धान केन्द्र बीच रिसर्च इन्टर्न कार्यान्वयन सम्बन्धी समझदारी पत्रमा बुधबार हस्ताक्षर भएकाे हाे ।
क्याम्पस प्रमुख डाक्टर शंकर प्रसाद उपाध्याय र केन्द्र प्रमुख रघुराम पराजुलीले उक्त समझदारी पत्रमा हस्ताक्षर गरेका हुन् । अनुसन्धान केन्द्रमा वनस्पतिको अध्ययन, अनुसन्धान, संरक्षण तथा वनस्पति सम्बन्धी व्यवहारिक सिकाइको समेत अवसर रहेको बताइएकाे छ । त्यसैले रिसर्च इन्टर्नलाई पनि कार्यालयले प्रोत्साहन दिंदै आएको छ ।
आर्थिक वर्ष २०७८/०७९ को रिसर्च इन्टर्न कार्यक्रममा विज्ञान विषयमा स्नातक तहको पढाइ हुँदै आएको मकवानपुर बहुमुखी क्याम्पसबाट माग भइ आएकोले समझदारी पत्रमा हस्ताक्षर गरिएको पराजुलीले बताए । समझादारी पत्रमा क्पाम्पस र अनुसन्धान केन्द्र बीच रिसर्च इन्टर्नको लागि विद्यार्थी छनोट समन्वय समेत हुनेछ ।