मकवानपुर । राष्ट्रिय प्रजातन्त्र पाटी (राप्रपा) केन्द्रीय अध्यक्ष थापाले राप्रपा फुट्नको लागि नभएको दाबी गरेका छन् । गृह जिल्ला मकवानपुरमा शनिबार हेटौंडा उपमहानगरपालिका राप्रपा नगर अधिवेशनको उद्घाटन गर्दै अध्यक्ष थापाले आउँदो दिनमा राप्रपा नफुट्ने बताएका हुन् । मेरो ४ वर्षे कार्यकाल नसकिदै फेरी पार्टीलाई एक गराउने काम भएको छ उनले भने अब फेरी पार्टी फुटाउने छैनौ भनेर दुई अध्यक्षलाई गिता छुन लगाएर कसम खुवाएको छु । त्यसकारणले गर्दा पार्टी फुट्दैन् ।’
अध्यक्ष थापाले मुलुकमा राजनीतिक स्थायित्व ल्याउन र जनतालाई शान्ति सुरक्षाको अनुभूति दिलाउन नयाँ निर्वाचनको कार्यतालिका घोषणा गर्नुपर्ने बताए छन् । उनले मुलुकमा अहिले नयाँ सोच र चिन्तनका साथ राजनीतिक स्थायित्वका लागि सरकारले छिट्टै नयाँ निर्वाचनको कार्यतालिका घोषणा गर्नुपर्ने बताएका हुन् ।
अध्यक्ष थापाले मुलुकमा सुशासन स्थापना र आर्थिक समृद्धि ल्याउनका लागि नेपाली जनताले नेकपालाई दुई तिहाइको बहुमत दिएको उल्लेख गर्दै उक्त पार्टीका आन्तरिक झगडाले उग्र रुप लिँदा अहिले संसदीय प्रजातन्त्रमाथि नै सङ्कट आइपरेको आरोप लगाए ।
प्रमुख प्रतिपक्ष नेपाली कांग्रेसले पनि मुलुकमा आर्थिक समृद्धि ल्याउनेतर्फ केन्द्रित हुनुका सट्टा सरकार परिवर्तन गर्ने भूमिकामा तल्लिन हुँदा देशमा अराजकता र हिंसा बढ्दै गएकोमा चिन्ता व्यक्त गर्दै उनले सनातन हिन्दूधर्मको संरक्षणका लागि राप्रपा अग्रसर रहेको बताए।
राप्रपाका केन्द्रीय सदस्य मधु अधिकारीले प्रजातन्त्रको मूल्य–मान्यतालाई राजनीतिक दलले आत्मसात गर्न नसक्दा अहिले मुलुक सङ्कटको धरापमा फसेको बताए।
पार्टीका जिल्ला अध्यक्ष रामहरि न्यौपाने, जिल्ला महिला प्रजातान्त्रिक सङ्गठनका अध्यक्ष इन्दिरा न्यौपाने र राप्रपा हेटौँडा उपमहानगरपालिका अध्यक्ष गुरुप्रसाद सापकोटाले राप्रपाले देशमा प्रजातान्त्रिक संस्कार र आर्दशलाई अवलम्बन गरेर पार्टीको सङ्गठनलाई दरिलो बनाउन जनताको घरदैलोमा पुग्नुपर्ने बताए ।
मकवानपुर । नेकपा एमालेका माधव नेपाल र झलनाथ खनाल समूहले समानान्तर कमिटि बनाएको छ । शुक्रबार बसेको केन्द्रीय कमिटीले समानान्तर संरचना बनाएको हो ।
पार्टी अध्यक्ष केपी शर्मा ओलीले एकलौटी निर्णय गर्दै नेपाल–खनाल निकट नेताहरुको जिम्मेवारी खोसे पछि काउन्टरमा समानान्तर कमिटि खडा गरिएको बताइएकाे छ ।
नेपाल खनाल समुहले प्रदेश १ को संयोजकमा भीम आचार्य, प्रदेश २ संयाेजकमा घनश्याम भुसाल, वाग्मती प्रदेश संयोजकमा अष्टलक्ष्मी शाक्य, गण्डकी प्रदेश संयोजकमा सुरेन्द्र पाण्डे लाइ ताेकेकाे छ । लुम्बिनी र कर्णाली प्रदेश संयोजकमा युवराज ज्ञवाली र सुदूरपश्चिम प्रदेश संयोजनको जिम्मेवारी भीम रावललाई दिइएको छ ।
यस्तै युवा संगठनको जिम्मेवारी रघुजी पन्त, विद्यार्थी संगठन विभाग प्रमुख गोकर्ण विष्ट, प्रचार विभाग प्रमुख योगेश भट्टराईलाई दिइएकाे हाे । महिला विभाग प्रमुख अष्टलक्ष्मी शाक्य, वुद्धिजिवी विभाग प्रमुख प्रमेश हमाल, कानुन विभागको प्रमुखको जिम्मेवारी गोविन्द वन्दी र टीकाराम भट्टराईलाई दिइएको छ ।
मकवानपुर । शनिबार देशभर आंशिकदेखि सामान्य बदली रही देशका केही स्थानमा हल्का वर्षाको सम्भावना रहेको छ ।
जल तथा मौसम विज्ञान विभागको मौसम पूर्वानुमान महाशाखाका अनुसार शनिबार दिउँसो देशर आंशिकदेखि सामान्य बदली रहने र देशको पहाडी भू–भागका केही स्थानहरुमा मेघ गर्जन र चट्याङसहित वर्षाको सम्भावना रहेको छ ।
देशका उच्च पहाडी तथा हिमाली भू–भागहरुमा हल्का हिमपातको सम्भावना समेत रहेको महाशाखाले जनाएको छ । गण्डकी, बागमती र प्रदेश नं १ मा आंशिकदेखि सामान्य बदली रही बाँकी भू–भागहरूमा मौसम सामान्यतया सफा रहने छ ।
गण्डकी, बागमती प्रदेश र प्रदेश नं १ को पहाडी भू–भागका एक दुर्इ स्थानमा मेघ गर्जनरचट्याङसहित वर्षाको सम्भावना रहेको छ । देशका उच्च पहाडी तथा हिमाली भू–भागहरुमा हल्का हिमपातको सम्भावना रहेको छ । शनिबार दिनभर देशका पहाडी भू–भागका थोरै स्थानहरुमा मेघ गर्जन, चट्याङ, हावाहुरीसहित वर्षाको सम्भावना रहेकोले आवश्यक सतर्कता अपनाउन महाशाखाको अनुरोध छ ।
मकवानपुर । फागुन २७ गते विहीबारबाट बागमती प्रदेशको राजधानी हेटौंडामा सूरु भएको स्थानीय तह शहीद स्मृती राष्ट्रिय गोल्डकप तेस्रो संस्करणको शुक्रबार भएकाे दोस्रो खेलमा त्रिभुवन आर्मीले विजयी सुरुवात गरेको छ ।
वन विज्ञान क्याम्पसकाे खेल मैदानमा भएकाे शनिबारकाे खेलमा ‘ए’ डिभिजन टिम जावालाखेल युथ क्लबलाई टाईब्रेकरमा हराउँदै आर्मीले सेमिफाइनल यात्रा पक्का गरेको छ । खेलको निधार्रित समयमा गोलरहित बराबरी खेलेपछि खेल टाईब्रेकरमा धकेलिएको थियो । टाईब्रकेरमा आर्मीका गोलरक्षक विश्वास चौधरीले जावलाखेलको दुई प्रहार रोकेपछि खेलको नतिजा आर्मीको पक्षमा आएको हो । म्यान अफ दी म्याच बनेको चौधरीले जावलाखेलका विदेशी खेलाडी विडेल लुईज र राजेन्द्र रावलको प्रहार रोकेका थिए ।
जावलाखेलको लागि विदेशी खेलाडी फोडे फफना र रुपबहादुर लामाले गोल गरेका थिए । यस्तै आर्मीको लागि टाईब्रेकरमा टंक बस्नेत, दिपक गुरुङ, विकास तामाङ र सेसेहाङ आङदेम्बेले गोल गरेका थिए । शनिबार खेलमा नेपाल पुलिस र संकटा क्लब भिड्ने छन् ।
प्रतियोगिताको विजेताले उपाधिसहित १० लाख तथा उपविजेताले ५ लाख पाउनेछ । त्यस्तै विधागत उत्कृट हुने खेलाडी ट्रफिसहित नगद २५–२५ हजार प्राप्त गर्नेछन् । प्रतियोगिताका सर्वोत्कृष्ट हुने खेलाडी बुलेट बाईक प्राप्त गर्नेछन् । सर्वोत्कृष्ट खेलाडीको लागि नेपालमा गरिएको प्रतियोगिताहरुमा सबैभन्दा ठुलो राशीको पुरस्कार रुपमा बुलेट बाईक भएको आयोजकले दाबी गरेको छ ।
चैत्र ७ गते सम्म चल्ने प्रतियोगितामा गितामा लिग च्याम्पियन मछिन्द्र सहित ए डिभिजनका ६ वटा क्लब, एक विदेशी (अफ्रिकन रुटुस एशोसिएसन ढुवल क्यामरुन), साविक विजेता मकवानपुर–११ र दुई मोफसलका टोलीले सहभागिता जनाएको छ ।
मकवानपुर । कृषिमा विदेशी लगानी संघर्ष समितिले कृषिमा प्रत्यक्ष विदेशी लगानीको खारेजी माग गर्दै फागुन २५ गते उद्योग तथा वाणिज्य र श्रम तथा उपभोक्ता हित समितिका सभापतिलार्इ बुझाएकाे ज्ञापनपत्र माथि शुक्रबार छलफल भएकाे छ ।
नेपाल राजपत्रमा गत पुस २० गते प्रकाशित कृषिमा वैदेशिक लगानी अनुमति दिने नेपाल सरकारको निणर्य फिर्ता माग गरी बुझाइएकाे ज्ञापनपत्र माथि अाज शुक्रबारका अन्य समितिका सभापतीसंगको बैठकमा कृषिमा विदेशी लगानी संघर्ष समितिलार्इ निमन्त्रणा गरी बैठकमा सहभागी गराईयो ।
छलपफल बैठकमा वाणिज्य र श्रम तथा उपभोक्ता हित समिति सभापती बिमल प्रसाद श्रीवास्तव, समिति सदस्यहरू भिषेक प्रताप शाह, अमृता देवी अग्रहरी, गोपाल बहादुर बम, दिल कुमारी, दुर्गा कुमारी विश्वकर्मा देवेन्द्र पौडेल, नर बहादुर धामी, प्रकाश रसाईली, प्रमोद कुमार यादव, प्रमोद शाह, भिमसेन दास प्रधान, माया देवी न्यौपाने, मुकुन्द न्यौपाने, लाल प्रसाद साँवा लिम्बु, बिन्दा पाण्डे, सुजाता परीयार, डा.सुर्य नारायण यादव, सोम प्रसाद पाण्डेय, र हिराचन्द्र के.सीको सहभागिता रहेको थियो ।

संघर्ष समितिबाट संयोजक शिवराम के.सी, महासचिव प्रल्हाद दाहाल, कोषाध्यक्ष बाबुराम अधिकारी, सदस्य सुमित केडिया, नवराज बस्नेत, नेपाल डेरी एसोसिएसनका अध्यक्ष राधाकृष्ण सापकोटा सहित कृषि क्षेत्रका विज्ञको सहभागीता रहेको थियो । यस बैठकमा समिति सभापती लगायतका सदस्यहरूले कृषि प्रधान देश भएको कारण स्वदेशी कृषि क्षेत्रको विकास र सरकारले त्यसको संरक्षण गर्नुपर्ने कुरामा जोड दिएका थिए ।
विदेशी लगानीले देशको अर्थतन्त्रलाई नराम्रो असर पुर्याउने र स्वदेशी रोजगारी समेत खोसिने कुराहरुले गर्दा नेपालको कृषि षेत्रमा विदेशी लगानी ल्याउनु उचित नभएको जिकिर सहभागीहरूले गरेका छन् । संघर्ष समितिका महासचिव प्रल्हाद दाहालले आत्मनिर्भर उन्मुख कृषि क्षेत्रमा बिदेशी लगानी ल्याउँदा यहाँको लगानी डुब्ने र भएको रोजगारी गम्न गइ उद्योगी नै भोलि तिनै बिदेशी लगानीबाट संचालित कम्पनीमा कामदारको रुपमा काम गर्नु पर्ने हुनसक्ने बताए ।
संयोजक शिवराम के.सिले विदेशी लगानी आउनु भनेको देशको दुर्भाग्य भएकाेले देशको अर्थतन्त्र खस्किनुका साथै स्वरोजगार भएका किसानहरु, उद्योगी व्यवसायीहरुको समेत रोजीरोटी खोसिने उल्लेख गरे । सबै एसोसिएसन तथा संघ महासंघका प्रतिनिधिहरुले नेपालमा विदेशी लगानी भित्रिंदा समग्र किसान, उद्योगी व्यवसायी र अन्य धेरै क्षेत्रमा असर पर्ने, स्वदेशी उत्पादन प्रयोग नहुँने, देशको अर्थ व्यवस्था धारासायी हुने, स्वरोजगार किसानहरु बेरोजगार हुने बताएका थिए ।
विदेशी लगानी तथा प्रविधि हस्तान्तरण ऐन, २०७५ मा विदेशी लगानी निषेध गर्ने व्यवस्था भए पनि गत पुष ५ गतेको मन्त्रिपरिषद्को बैठकले ऐन संशोधन गरी कृषिका प्राथमिक उत्पादन क्षेत्रमा प्रत्येक्ष विदेशी लगानी गर्न सकिने नियमावली समेत बनाएको थियाे । नेपाली भूमिहिन,सिमान्त, कृषि श्रमिक,महिला र सानाकिसानहरु, कृषिउपज, उत्पादक र उद्यमीलाई बिर्सेर कृषिमा विदेशी लगानी ल्याउने निणर्य किसान र उद्योगीमारा हुनुको साथै देशको हित विपरीत भएकाे भन्दै संघर्ष समितिले श्रम तथा उपभोक्ता हित समितिमा ज्ञापनपत्र बुझाएकाे थियाे ।
यसरी कृषिमा विदेशी लगानी खुल्ला गरिंदा एकातर्फ नीजि तथा सरकारी क्षेत्रको अर्वौ लगानी जोखिममा पर्ने सम्भावना छ र त्यसको नकारात्मक असर रोजीरोटीमा पर्न गई ग्रामिण क्षेत्रका किसानको हातमुख जोर्ने मुख्य आयआर्जनको बाटो समेत अवरुद्ध भई देश चरम गरीवीतर्फ धकेलिने निश्चित प्राय रहेकाे छलफलमा उठेकाे छ ।

कृषि क्षेत्रमा हालसम्म देखिएको खर्वौंको लगानी भई ६५ प्रतिशत जनता कृषिमा आश्रित रहि स्वरोजगार भईरहेको वर्तमान अवस्थामा कृषिको प्राथामिक तहमा कुनै पनि शर्तमा विदेशी लगानी आउँदा ठूलो जनसंख्याको आर्यश्रोत गुम्ने खतरा भएकोले कृषिमा प्रत्यक्ष वैदेशिक लगानी ल्याउने निणर्य अविलम्ब फिर्ता लिन नेपाल सरकारलाइ नेपाल डेरी एसोसिएसनका निवर्तमान अध्यक्ष सुमित केडियाले अाग्रह गरेका छन् ।
कृषिमा विदेशी लगानी खुल्लाको निणर्यले कृषिका प्राथमिक बजार अर्थात उत्पादनको क्रममा विदेशी लगानी आउँदा नेपाली मौलिकपन हराउने र नेपाली कृषि संस्कृति माथि नै घात हुन्छ । नेपाली ग्रामीण पारिवारीक तथा आत्मनिर्भर खेती प्रणाली अवलम्वन गरि जिविका चलाउँदै आएका करीव दुई तिहाई साना किसानहरुको रोजगारी खोसिने र जिविकोपार्जनमा समेत प्रत्यक्ष असर पर्ने छ । खाद्य संप्रभुतालाई सम्मान गर्दै नेपालको मौलिकपना, पर्यावरण, पोषण सुरक्षा, साथै दिगो कृषिको अभ्यासमा केन्द्रित बहसलाई बेवास्ता गर्दै सरकारले गरेको यस्तो निणर्यको हामी भत्सर्ना गर्दछौ एसोसिएसनका अध्यक्ष सापकोटाले भने ।