मकवानपुर । चितवन मुक्तिनाथ मोटर र्यालीको उपाधी भरतपुर भीमबहादुर पुनले जितेका छन् । टीडीएस अर्थात टाइम, डिस्ट्यान्स र स्पिडको आधारमा १ सय ४० किलोमिटर दुरी सुरक्षित यात्रासहित तोकिएको मापदण्ड पुरा गरेका पुनले उपाधी हासिल गरेका हुन् ।
यस्तै र्यालीमा विराटनगरका कविन श्रेष्ठले दोश्रो स्थान हासिल गरेको कार्यक्रमका संयोजक तथा नेपाल अटोमोबाइल एसोसिएसन बागमती प्रदेशका अध्यक्ष राजन पियाले जानकारी दिए । आन्तरिक पर्यटन प्रर्वद्धन, मोटर खेल विकास र जनचेतना फैलाउने लक्ष्य बोकेर ‘ ३ दिने मोटर र्याली ‘सेफ ड्राइभिङ अन हाइवे’ को मान्यतालाई आत्मसात गर्दै र्यालीले पर्यटन प्रर्वद्धनमा समेत महत्वपूर्ण भूमिका खेलेको पियाले बताए ।
अन्तारीक पर्यटन प्रर्वद्धनसगैँ सुरक्षित यात्राको सन्देश दिन चितवनको भरतपुरबाट पहिलो पटक ३ दिने मोटर र्यालीमा २४ वटा गाडी सहभागी रहेको थियो । विजेतालाई नेपाल अटोमोबाइल एसोसिएसनका केन्द्रिय उपाध्यक्ष अनिल बराल, कार्यक्रमका संयोजक तथा नेपाल अटोमोबाइल एसोसिएसन प्रदेश नम्बर ३ का अध्यक्ष राजन पिया र चितवन अटोमोबाइल डिलर्स एसोसिएसनका अध्यक्ष ईश्वकुमार श्रेष्ठले संयुक्त रुपमा उपाधी विजेतलाई शिल्ड र पुरस्कार प्रदान गरेका थिए ।
र्यालीका सहभागिहरुलाई विभिन्न ७ स्थानमा चेक प्वाइन्ट राखेर निगरानी समेत गरिएको थियो । चितवनको भरतपुररबाट सुरु भएको र्याली मुग्लिन, पोखरा, बेनी, लेते, मार्फा, जोमसोम हुदै मुक्तिनाथमा पुगेर समापन गरिएको थियो । र्यालीला भरतपुर महानगरपालिका र नेपाल पर्यटन बोर्ड गण्डकी प्रदेशले सहयोग गरेका थिए ।
यसै गरी मुस्ताङको लारजुगं स्थित कालीगण्डकी नदी तीरको मोटर जिम खानाको प्रतियोगितामा चितवन भरतपुरका विमलकुमार पौडेल प्रथम र रत्ननगर टाँडीका फरमान हमानी दोश्रो र भरतपुरका रविनकुमार श्रेष्ठ तेश्रो भएको चितवन अटोमोबाइल डिलर्स एसोसिएसनका अध्यक्ष ईश्वकुमार श्रेष्ठले बताए । साथै विजेतालाई भविष्यमा साउथ इस्ट एसियन जिमखाना प्रतियोगितामा सहभागिताका लागि पठाइने श्रेष्ठले जानकारी दिए ।
उद्योग वाणिज्य संघ चितवन, जश्मिन पेन्ट्स, एनवाईईएफ चितवन च्याप्टर र चितवनमा अवस्थित प्युजो गाडीको डिलर ओजोन मोटर्स, टाटा मोटर्सको डिलर सफल मोटर्स र इसुजु गाडीको डिलर कन्टिनेन्टल ट्रेडिङ इन्टरप्राइजेज, फोर्स मोट्र्स, टिभिएस मोटरसाईकलको मालश्री मोर्टस्, अर्ना वियर, जेएमी रेमिट, प्रभु बैक, एभेरेष्ट ईन्सुरेन्स आदिले समेत सहयोग गरेका थिए । चितवन र मुस्ताङ दुवै पर्यटकीय क्षेत्र हो । धार्मिक रुपमा समेत लोकप्रिय मानिएका चितवनको देवघाट र मुस्ताङको मुक्तिनाथलाई जोड्न र्यालीले सहयोग गरेको तथा पर्यटन प्रवद्र्धनमा सहयोग पुग्ने अपेक्षा गरिएको छ ।
मकवानपुर । देशैभर पुनः डढेलो लाग्न थाले पछी मकवानपुरसहितका ठाउँहरुमा प्रदुषणकाे मात्र बढेकाे छ । तुवाँलो फैलिएने क्रम बढिरहेको र वायुमण्डल स्थिर हुँदा अझै ३ दिनसम्म राम्रोसँग घाम नलाग्ने जल तथा मौसम विज्ञान विभागले बताएको छ ।
देशभर अहिले करिब ७ सय जंगलमा डढेलो लागेको छ । जसको असर सोमबारदेखि मौसममा समेत देखिन सुरु भएको हो । हाल पानी पर्ने सम्भावना स्थानीय प्रणाली विकास नहुँदा नरहेकोले वायुमण्डल केही दिन स्थिर रहने विभागले बताएकाे छ ।
वायु प्रदूषणको मात्रा ह्वात्तै बढ्दा राजधानी काठमाडौं संसारकै पहिलो नम्बरको प्रदूषित शहर बनेको बताइएकाे छ ।
केही दिनअघिको वर्षातले वातावरणमा फैलिएकाे प्रदुषण केही सफा भए पनि आइतबारदेखि पुनः प्रदूषणकाे मात्रा बढ्दै उकालो लागेको हो ।
एक्युएआइआरका अनुसार नेपालमा सोमबार बिहान सबैभन्दा धेरै वायु प्रदूषण धनगढी (एक्युआई–४२९), चितवनको भरतपुर (एक्युआई ३९८) र ललितपुरको भैंसेपाटी (एक्युआई ३२५) रह्यो । एक्वुआई ५० भन्दा माथि हुनु भनेको क्रमशः नराम्रोको मात्रा बढ्दै जाने हो । सोमबार बिहान काठमाडौंको एयर क्वालिटी इन्डेक्स ३३१ मापन हुँदा यो शहर संसारकै धेरै वायु प्रदूषण भएको सूचीमा पहिलो नम्बरमा रहेका छ ।
नेपालमा पानी नपर्नु, डढेलो, धुँवा, धूलो जस्ता कारणले प्रदूषण बढेको विज्ञहरुले बताएका छन् । विज्ञहरूले यस्तो समयमा सकभर घरबाहिर ननिस्किने, निस्कनै परे मास्कको अनिवार्य प्रयोग गर्ने, बालबालिका र वृद्धवृद्धाको विशेष हेरचाह गर्न सुझाएका छन् ।
देशका विभिन्न शहरहरुमा ३ देखि ४ किलोमिटरसम्म भिजिब्लिटी हुनसक्ने विभागले बताएको छ । सुदुरपश्चिम, कर्णाली र बागमतीमा हल्का वर्षा हुनसक्ने देखिन्छ बेलुकापख तर, यो वर्षाले तुवाँलो नहट्ने पनि विभागले जनाएकाे छ ।
मकवानपुर । आगामी चैत्र २५ गते हुने पत्रकार महासंघकाे निर्वाचनमा महासंघ मकवानपुर शाखाकाे उम्मेदवारी टुंगाे लागेकाे छ । महासंघ मकवानपुर अध्यक्ष पदमा ४ जनाले उमेदवारी घाेषण गरेकाे भए पनि २ जनाले मात्र उम्मेदवारी दर्ता गराएका छन् ।
अध्यक्ष पदका लागि बालकृष्ण अधिकारी र मणिराज गौतमले आज नेपाल पत्रकार महासंघ मकवानपुर शाखाको कार्यालयमा उम्मेदवारी दर्ता गराएका हुन् ।महासंघ मकवानपुरको उपाध्यक्ष पदको लागि ध्रुबप्रसाद अधिकारी र राजन दाहालले उम्मेदवारी गराएका छन् ।
यस्तै महिला उपाध्यक्षतर्फ सम्झाना रिजाल र सरला अधिकारीले उम्मेदवारी दर्ता गराउँदा सचिव पदमा रामशरण दुलाल र शुभलक्ष्मी विश्वकर्मा र बाघी उम्मेदवार इन्द्रबहादुर (रमेश) बन्जाराले उम्मेदवारी दर्ता गराएका छन् ।
सह–सचिव समावेशी महिलातर्फ मन्दिरा बानियाँ (मानबी) र रुपकराज कालिराज, खुल्लातर्फ कपिल खड्का, देवराज पन्त, यम प्रसाद पौडेल (एपी शर्मा) र राज सापकोटाले उम्मेदवारी दिएका छन् ।कोषाध्यक्ष पदका लागि केशव समर्पण सुबेदी र तिलक अधिकारीले उम्मेदवारी दिएका छन् ।
सदस्य महिलातर्फ प्रतिक्षा न्यौपाने र रुपा गुरुङले उम्मेदवारी दर्ता गराएका छन् भने सदस्य दलिततर्फ शान्ति सुनारको मात्र उम्मेदवारी परेकोले उनी निर्विराेध निर्वाचित भइन् । त्यस्तै सदस्य आदीबासी जनजातिमा अजिता नगरकोटी, नवराज वाईबा र सदस्य (मधेशी) आदित्य कर्ण र मनिल महतो, अन्य समावेशीतर्फको सदस्यका लागि भने कसैले पनि उम्मेदवारी परेको छैन ।
खुल्लातर्फको ६ सदस्यका लागि भने १७ जनाले उम्मेदवारी दिएर चुनावी मैदानमा होमिएका छन् ।सदस्य पदका लागि अर्जुन संञ्जेल, अशेष ढुंगाना, उज्ज्वल अधिकारी, जिबराज बख्रेल, दिलबहादुर लामा, नानीमाया सापकोटा (गौतम), प्रदिप अधिकारी, प्रमोद अर्याल, प्रेमकला पौडेल (प्रिया), बलराम पुडासैनी, रेवती प्रसाद तिमल्सिना (नविन), विजय पौडेल, श्यामलाल (गणेश) दुलाल, सुमन दाहाल, सुशन लामिछाने, श्रृजना नेपाल र होमनाथ यादव चौलागाईले उम्मेदवारी दर्ता गराएका छन् ।
उता प्रदेश परिषद् सदस्य (खुल्ला) कैशल पाण्डे, गणेशदर्पण अधिकारी, छबिलाल श्रेष्ठ, विश्वराम अधिकारी (विवश), रविन्द्र गौतम, शिव चौलागाई, सुजन ढकाल, सुनिल शिवाकोटी, प्रदेश परिषद् महिलामा अन्जली थापा, आरती ढकाल, भावना रिजाल, आदीबासी जनजातितर्फ अमर लामा, अशोक सुजन श्रेष्ठ, रञ्जिता डंगोल, रोशन श्रेष्ठले उम्मेदवारी दिएका छन् ।
प्रदेश परिषद् सदस्य दलिततर्फ कृष्णराम परियारको मात्रै उम्मेदवारी परेकोले निर्विराेध भएका छन् ।मधेशीतर्फको परिषद सदस्यका लागि भने कसैको पनि उम्मेदवारी परेको छैन । त्यस्तै राष्ट्रिय परिषद् सदस्य (खुल्ला) मा भानुभक्त आचार्य, राजन (खुसराज) दाहाल, रामकुमार एलन, रिपेश दाहाल, महिलामा नानीमैया विष्ट र सरिता दाहाल उम्मेदवारी परेकाे छ । आदीबासी जनजातिमा सुर्वणलाल श्रेष्ठको मात्रै उम्मेदवारी परेकोले निर्विराेध निर्वाचित भएका छन् ।
चैत २५ गते एकै दिन नेपाल पत्रकार महासंघ केन्द्र, प्रदेश र जिल्ला निर्वाचन हुनेछ । नेपाल पत्रकार महासंघ मकवानपुर शाखामा आवद्ध १६४ जना पत्रकारहरुले मतदान प्रकृयामा सहभागी हुनेछन् ।
मकवानपुर । नेकपा हालै सर्वोच्च अदालतकाे फैसलाबाट एकिकरण अघिकै नेकपा एमाले र नेकपा माओवादी केन्द्रमा विभाजन भएअनुसार, बागमती प्रदेशसभामा पनि सत्तारुढ नेकपा एमाले, मोदावादी केन्द्र छुट्टाछुट्टै कार्यालय स्थापना भएको छ। प्रदेश सभामा प्रतिनिधित्व गर्ने अन्य सानो दलहरुको समेत छुट्टाछुट्टै कार्यालय स्थापना भएको छ ।
नेकपा एमालेको आज आइतबार कार्यालय स्थापना गरिएको प्रदेशसभा सचिवालयले जनाएकाे छ । यसैगरी, प्रतिपक्ष दलको रुपमा रहेका नेकपा माओवादी केन्द्रका प्रदेशसभा परिसर भित्र छुट्टै संसदीय दलको कार्यालय र सभागृहको पनि आइतबार नै स्थापना गरिएको प्रदेशसभा सचिवालयका प्रमुख सचिव कृष्णहरि खड्काले जानकारी दिए । तर, प्रतिपक्ष दल नेपाली कांग्रेसको कार्यालय भने साविककै भवना कार्यालय रहेको छ । यस्तै, अन्य साना दलहरुको भने प्रदेशसभा सचिवालयको उत्तरतर्फको पुस्तकालयको माथिल्लो तल्लामा कार्यालय स्थापना भएको सचिवालयले जनाएको छ ।
प्रदेशसभामा हाल नेकपा एमालेको ५७ जना, प्रमुख प्रतिपक्ष दल नेकपा माओवादीको २३, प्रतिपक्ष दल नेपाली कांग्रेसका २२, साँझा विवेकशील दलको ३, नेपाल किसान मजदुर पार्टीको २, राप्रपाको २, र एक स्वतन्त्र सांसद गरी जम्मा ११० जना सदस्यहरु रहेका छन् ।
बागमती प्रदेशसभा सचिवालयको सातौं अधिवेशन बैठक यही चैत्र २४ गते दिनको १ बजे बस्ने भएको छ । गत माघ ७ गतेदेखि सुरु भएको प्रदेशसभाको सातौं बैठक अधिवेशन माघ ९ गते प्रदेशका मुख्यमन्त्री डोरमणि पौडेलविरुद्ध दर्ता भएको अविश्वासको प्रस्तावमाथि सामान्य छलफल पश्चात सूचना टाँसेर पटक पटक स्थगित हुँदै गरिदै आएकाे थियो । स्थगित भएको प्रदेशसभाको सातौं अधिवेशन बैठक मुख्यमन्त्रीविरुद्ध ल्याएको अविश्वासको प्रस्ताव नेकपा एमालेका नेपाल समूहले फिर्ता लिएसँगै बस्न लागेको हो ।
मकवानपुर । नेपालमा पछिल्लो २४ घण्टामा थप १ सय ७६ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
आइतबार ३ हजार ४ सय ५६ जनामा गरिएको पीसीआर परिक्षणमा थप १ सय ७६ जनामा कोरोना भाइरस संक्रमण पुष्टि भएको मन्त्रालयले जनाकारी दिएकाे हाे । यो सँगै नेपालमा हालसम्म कोरोना संक्रमितको संख्या २ लाख ७७ हजार ९ सय ४४ पुगेको छ ।
यस्तै आइतबार थप १ सय १७ जना कोरोना संक्रमित कोरोना संक्रमणमुक्त भएका छन् । यो सँगै नेपालमा कोरोना भाइरस संक्रमणमुक्त हुनेको संख्या २ लाख ७६ हजार २ सय ४० पुगेको मन्त्रालयले जनाएकाे छ ।
नेपालमा हालसम्म ३ हजार ३२ जनाले कोरोनाका कारणले ज्यान गुमाइसकेका छन् भने पछिल्लो २४ घण्टामा काेराेनकाे संक्रमणका कारण कुनै पनि संक्रमितको मृत्यु भएको छैन ।