मकवानपुर । मकवानपुरकाे हेटौंडा उपमहानगरपालिकामा श्रीमतीको कुटाईबाट श्रीमानको मृत्यु भएको छ । हेटौंडा ३ जम्बोमा घरायसी विवादको क्रममा ४१ बर्षीय अनिता विकको कुटाइबाट उनको श्रीमान् ४३ बर्षीय मित्रलाल सुनारको मृत्यु भएको जिल्ला प्रहरी कार्यालय मकवानपुरले जनाएको छ ।
मंगलबार आपसी विवादको क्रममा विकले सुनारलाई कुटपिट गरि धकेल्दा अचेत भएका उनकाे हेटौँडा अस्पतालमा उपचारको क्रममा मृत्यु भएको प्रहरीले जनाएकाे छ । विकलाई मकवानपुर प्रहरीले नियन्त्रणमा लिइ घटनाबारे आवश्यक अनुसन्धान भइरहेको प्रहरीले जनाएको छ ।
मकवानपुर/सदनमा सांसदको गणपूरक संख्या नपुगेपछि आज बसेको वागमती प्रदेशसभा बैठक अर्को सूचना नभएसम्मका लागि स्थगित गरिएको छ ।
सभामुख सानुकुमार श्रेष्ठले अर्को सूचना जारी नभएसम्मको लागि बैठक स्थगित गरेका हुन् । दिउँसो १ बजेका लागि बोलाइएको बैठक ४० मिनेट ढिलो गरी सुरु भएको थियो । यद्यपि गणपुरक संङ्ख्या नपुगेपछि बैठक केहि मिनेट मात्रै बसेर स्थगित गरिएको थियो ।
बैठकले सदनमा पेश भएको ३ वटा विधेयकलाई दफावार छलफलको लागि सम्बन्धित समितिमा पठाउने निर्णय गरेको छ ।
बैठकले प्रदेश ऐन, प्रदेश विपद् व्यवस्थापन ऐन २०७५ लाई संशोधन गर्न बनेको विधेयक, प्रदेश संचार माध्यम व्यवस्थापन ऐन २०७५ लाई संशोधन गर्न बनेको विधेयक र प्रदेश अनुसन्धान ब्युरो सेवाको गठन, स्थापना, काम, कर्तव्य र अधिकार सम्बन्धमा व्यवस्थापन गर्न बनेको विधेयकमाथि छलफल गरी त्यसको दफावार छलफलका लागि समितिमा पठाउन स्वीकृती प्रदान गरेको हो ।
मकवानपुर /नेपाली कांग्रेस बागमती प्रदेश कार्यसमितिको हेटौंडामा भएको बैठकले कोषाध्यक्षसहित विभिन्न समिति र विभागहरु गठन गरेको छ ।
प्रदेश सभापति ईन्द्रबहादुर बानियाँको अध्यक्षतामा बसेको बैठकले कोषाध्यक्षमा दीर्घमान श्रेष्ठलाई चयन गरेको हो । बैठकले १६ सदस्यीय कार्यसम्पादन समितिसमेत थप गरेको छ । समितिको सदस्यहरुमा प्रभात तामाङ, सन्तबहादुर प्रजा, प्रमोद रिमाल, ईन्द्रमान महर्जन, तारा गुरुङ्ग कैलाश कोइराला, गंगा दाहाल रहेका छन् ।
त्यस्तै अर्जुन उप्रेती, नातिकाजी कार्की, सरु बानियाँ, विवशकुमार वाईबा, जितबहादुर मगर,चित्रबहादुर कार्की, महान अर्याल, डा. भगवान खड्का र लक्ष्मी महर्जन रहेका छन् ।
त्यसैगरी बैठकले ९ सदस्यीय प्रदेश संसदीय समिति गठन गरेको छ । समितिको सदस्यहरुमा जगदिशनरसिं केसी, लामा कार्पु तामाङ, तिलक रुवाली,दीपेन्द्र आचार्य, भद्रा भण्डारी, कृष्णलाल भँडेल, निमा लामा, छिरिङ्ग दोर्जे लामा र अर्जुन न्यौपाने रहेका छन् ।
त्यस्तै बैठकले प्रवक्ता, लेखा समिति संयोजक, अनुशासन समिति र विभागको संयोजकहरु समेत गठन गरेको छ । कांग्रेस बागमती प्रदेशको प्रवक्तामा तिलक रुवाली, लेखा समपति संयोजक कृष्णकुमार श्रेष्ठ (सिन्धुली) र सहमहामन्त्री हरिशरण श्रेष्ठको संयोजकत्वमा चम्फुरत्न लामा र तारादेवि दुलाल पन्त सदस्य रहेको प्रदेश अनुशासन समिति गठन गरिएको छ ।
हेटौंडामा भएको तेश्रो बैठकले प्रदेश विभाग प्रमूखहरुसमेत तोकेको छ ।
कानून तथा संसदीय मामिला विभागमा सानुकान्छा श्रेष्ठ, प्रदेश तथा स्थानीय निकाय उपेन्द्र लम्साल, भातृसंस्था समन्वय विभागमा प्रज्वल दवाडी, पेशागत तथा बुद्धिजीवीमा प्रा.डा. केशवभक्त सापकोटा रहेका छन् ।
त्यस्तै भाषा, साहित्य कला संस्कृतिमा धनकुमारी थापा (सरु), शिक्षा विज्ञान तथा प्रविधिमा रमेशकुमार बखती, स्वास्थ्य विभागमा डा. अमित सिं कार्की, गैरसरकारी संस्था तथा सामाजिक सेवामा रुकु अधिकारी, उद्योग व्यापार वाणिज्य तथा आपूर्तिमा निर्मला पण्डित, युवा तथा खेलकुदमा राजिव पौडेल, ट्रेड युनियन तथा श्रमिकमा भगवती कुमारी खड्का र बैदेशिक रोजगार समन्वय विभागमा सविन तामाङ्ग संयोजक रहनुभएको प्रवक्ता रुवालीले जानकारी दिए ।
सोमबार रातीसम्म चलेको बैठकले मूख्य कार्यालय उद्घाटन गर्न हेटौंडा आइपुगेका पूर्व केन्द्रीय महामन्त्री एवं केन्द्रीय सदस्य प्रकाशमान सिंहलाई धन्यवाद ज्ञापनसमेत गरेको प्रवक्ता रुवालीले जानकारी दिए । प्रदेश कार्यसमितिका सदस्यहरुलाई आज मंगलबार दिउँसोसम्म स्थानीय तह निर्वाचन सम्बन्धि प्रशिक्षण कार्यक्रम रहेको प्रबक्ता रुवालीले जानकारी दिए ।
मकवानपुर । नेकपा एमाले बागमती प्रदेश कमिटिमा मकवानपुरका ७ जना मनाेनित भएका छन् । मकवानपुरका ७ सहित प्रदेश कमिटिमा ७९ जना सदस्य मनोनित भएका छन् । एमाले बागमतीले सोमबार विज्ञप्ति जारी गर्दै कमिटिको फागुन २६ गतेकाे तेस्रो पूर्ण बैठकले मकवानपुरका ७ जनासहित ७९ जना सदस्य मनोनयन गरेको जानकारी दिएकाे हाे ।
मकवानपुरबाट बुद्धरत्न मानन्धर, हरिबहादुर महत, ईन्द्रमान स्याङ्तान, सम्राट तुम्बाहाम्फे, डिल्लीप्रसाद दाहाल, रामचन्द्र अर्याल र श्यामभक्त श्रेष्ठ प्रदेश कमिटि सदस्यमा मनोनित भएका हुन् । एमाले बागमती प्रदेशका अध्यक्ष केशबराज पाण्डेको अध्यक्षता तथा एमालेका केन्द्रीय कमिटिका अध्यक्ष केपी शर्मा ओलीको प्रमुख आतिथ्यमा फागुन २६ गते काठमाडौंमा बसेको बैठकले उनीहरुलाई प्रदेश कमिटीमा मनोनयन गरेको हो ।
यस्तै, बैठकले पार्टीका प्रत्येक सदस्यहरु कुनै न कुनै कमिटीमा आवद्ध हुने र कमिटीका प्रत्येक सदस्यले गरेका कार्यको मापन गर्न सकिने गरी जिम्मेवारी प्रदान गरेको जनाएको छ । प्रत्येकलाई व्यक्तिगत अनुभव र रुचि अनुसार, पार्टी काममा आवश्यकताको आधारमा जिम्मेवारी बाँडफाँड गरिएको दावी गरेको छ ।
मकवानपुर । बागमती प्रदेशका प्रदेश प्रमुख यादवचन्द्र शर्माले सीमान्तीकृत र विपन्न समूहलाई लाभ पुर्याउने गरी कार्य गर्नु बताएका छन् । हेटौँडामा जातीय छुवाछुत अन्त्यका लागि सरकार र नागरिक समाजको भूमिका विषयक अन्तरक्रिया कार्यक्रममा प्रदेश प्रमुख शर्माले कानुनी व्यवस्था तथा संरचना थप प्रभावकारी बनाउँदै जातीय वर्ग वर्गभित्र पनि सीमान्तीकृत र विपन्न समूहलाई बढी लाभ पु¥याउने गरी कार्य गर्नु पर्ने बताएका हुन् ।
सम्पूर्ण दलित अधिकारकर्मी, अभियान्ताहरुलप्रति सम्मान व्यक्त गर्दै भेद्भाव र छुवाछुतलाई पूर्ण रूपमा अन्त्य गर्न अहिलेकाे आन्दोलनले मात्र नपुग्ने शर्मा बताए । उनले भने, ‘कोही पनि मानिस जातीय विभेद र छुवाछुतबाट अपहेलित र अपमानित हुनुहुँदैन,मुलुकमा जातीय भेद्भाव र छुवाछुतलाई पूर्ण रूपमा अन्त्य गर्न अझै नीति तथा कार्यक्रम निर्माण गर्न आवश्यक रहेको छ ।’
कार्यक्रममा बागमती प्रदेश सभासदस्य मुनु सिग्देलले दिवसको अवसरमा शुभकामना सन्देश दिँदै जातीय विभेद तथा छुवाछुत मानव समाजको कलंक भएको उल्लेख गर्दै २१ औँ शताब्दीमा कोही पनि मानिस जातीय विभेद र छुवाछुतबाट अपहेलित र अपमानित हुन नहुने बताइन् । उनले जब सम्म आर्थिक र समाजिक विकास हुँदै तव सम्म छुवाछुतको अन्त्य नहुने उद्घोष गरिन्। निर्णय तहमा पिछडिएका समुदायका व्यक्तिहरु पुग्न जरुरी रहेको भन्दै अबको स्थानिय तहमा महिलालाई आगडि बढाउन महिलाले नै अग्रसर हुनुपर्नेमा जोड दिइन् ।
नेकपा माओवादि केन्द्रका सचिव भिम पाख्रिनले निति निमार्ण बनाउन सरकारले खुट्टा कमाईरहेको बताए। उनले विभिन्न ऐन, नियम व्यवस्था बने पनि जातीय भेदभाव तथा छुवाछुतलाई उन्मूलन अन्त्य नभएको भन्दै सरकारले नै यस बिरुद्ध अभियान संचालन गर्नुपर्नेमा जोड दिए ।
कार्यक्रमका अवधारण पत्र प्रस्तुत गर्दै मानव अधिकारी तथा जातिय भेदभाव सरोकार केन्द्र नेपालका अध्यक्ष कमल कुमार विश्वकर्माले सरकारमा बस्नेहरुकै कारण जातीय भेदभाव तथा छुवाछुत भएकाे बताए । उनले विभिन्न दलित अधिकारीकर्मीहरु तथा अभियान्ताहरुले सदनदेखि सरकार र गाउँदेखि शहरसम्म विभिन्न कार्यक्रम गरेता पनि सरकारले यस दिवसलाई वेवास्ता गरेको बताए । सामाज जातीय भेदभाव निर्मुल नहुने कारण सरकारको उदासीनता भएको विश्वकर्माले बताए ।
जातीय भेदभाव गर्न नपाईने स्पष्ट कानुनी व्यवस्था भएपनि पछिल्लो समय जातिय भेदभाव तथा छुवाछुतका घटना वृद्धि भइरहेको भन्दै दलित समुदायका अधिकारलाई सुनिश्चित गर्नुपर्ने सहभागिहरु त्था अधिकारकर्मीहरुको माग छ । छुवाछूत अन्त्यका लागि कडा कानुन बनाएर कार्यान्वयनमा ल्याउनु पर्नेमा समेत सहभागिहले जोड दिएका छन् ।
मानव अधिकार तथा जातिय भेदभाव सरोकार केन्द्र नेपालका अध्यक्ष विश्वाकर्मा तथा बागमती प्रदेश प्रमुख शर्माको प्रमुख आथित्थ्यतामा भएकाे कार्यक्रममा हेटौँडा उपमहानगर पालिकाकी उपमेयर मिना लामा,नेपाल उत्पिडिन जातीय मुक्ति समाजका केन्द्रीय सदस्य केशव रसाईली,गैसस महासंघ बागमती प्रदेशका उपाध्यक्ष आरती पाठक, सामाजिक विकास मन्त्रालयकी चन्द्रा ब्यान्जन्कार,मुक्ति मोर्चाका केन्द्रीय सदस्य जंग बहादुर विक लगायतले छुवाछुत तथा जातिय भेदभाव अन्त्यको गर्न सरकार लाग्नुपर्नेमा जोड दिएका थिए ।
संयक्त राष्ट्र संघले सन् १९६५ मा जातीय विभेद उन्मुलन सम्बन्धी महासन्धि पारित गरी जाति तथा रंगभेद उन्मुलन दिवसको रुपमा मनाउने घोषणा गरे पनि नेपालले भने सो महासन्धिलाई सन् १९७१ मा मात्रै अनुमोदन गरेको थियो । तर यो दिवस भने सज् १९६६ देखि हरेक वर्ष मार्च २१ तारिखमा मनाउने गरिन्छ । हेटाैडमा पनि मानव अधिकार तथा जातिय भेदभाव सरोकार केन्द्र नेपालको आयोजनामा ५७ औँ अन्तराष्ट्रिय जातिय विभेद उन्मुलन दिवस मनाइएको हो ।