सरकारले व्यवस्थालाई दिन्छ
व्यवस्थाले जनतालाई दिन्छ
यो सूचना हो!
हुनेलाई फलिफाप छ
नहुनेलाई लथालिङ्ग पारेको छ।
हरेक सूचना यहाँ बिरूद्ध लिएर आउँछ
जुलुस र जनसभा लिएर आउँछ
अफसोस!
एकमुष्ठ आवाज दिएर पठाएको जनक्रान्तिको गीत
यहाँ
सुर न ताल मिलेको डिस्को डान्सर भएर फर्किन्छ।
यो सूचनाले मंजहरू बोकेर ल्याउँछ
उट्पट्याङ कुरा लिएर आउँछ
हे प्रभु!
हिजोको बिरालो त्यही मंजबाट बाघ जस्तै कराउँछ
पुग्ने गरि गाली र झपाई खाएर लस्करहरु घर फर्किन्छ।
सूचना व्यवसाय भएको छ यसघरी
ठामठिम मिले पछि निस्किन्छ यो।
बुझ्दैन सूचना थाप्ने कमजोर दिमागहरू।
सूचना पठाएर सूचना कै पर्खाइमा बसेको सरकार
बहुत काफर छ!
खास सूचना पठाउन उ डराउँछ।
सबै सूचनाहरू राम्रा र असल कहाँ हुन्छ्न् त१
जन्म मृत्यु
हानी फायदा
मिलन बिछोड
तमाम् छन् नि!
तर १ हामीसम्म आईपुग्ने हाम्रो सूचना
एउटै पनि राम्रा र असल नआएकाले सूचना सरकारलाई किन कहिले पुगेन?
यो सूचना कसले कसलाई दिने त अब।
दार्जिलिङ
मकवानपुर । असोज १३ शनिबार आज हेटौंडामा मिस्टर मकवानपुर भेट्रान्स २०८० हुदैछ । नेपाल शारीरिक संगठन तथा फिट्नेस महासंघ मकवानपुरको आयोजनामा हुने पहिलो पटक हेटौंडामा हुन लागेको मिस्टर मकवानपुर भेट्रान्स तथा महिला फिजिक्स प्रतियोगिताको तयारी पूरा भएको छ ।
कार्यक्रम संयोजक सुनिल मोक्तानका अनुसार प्रतियोगितामा विभिन्न तीन विधा गरी ४५ खेलाडीहरुको सहभागिता रहनेछन् । प्रतियोगितामा मिस्टर मकवानपुर, वेष्ट फिजिक्स वुमन च्याम्पियनसीप, मिस्टर मकवानपुर भेट्रान्स गरी तीन विधाका खेलहरुमा प्रतिस्पर्धा हुनेछन् ।
साथै प्रतियोगितामा ५५ औ एसियन बडिबिल्डिङ च्याम्पियन वुमन फिजिक्स तर्फ ५५ केजी मा गोल्ड मेडलिस्ट रजनी श्रेष्ठको प्रशिक्षण तथा प्रदर्शन रहने कार्यक्रम संयोजक मोक्तानले बताए । मिस्टर मकवानपुर विधामा ५५, ६०, ६५, ७०, ७५ केजी तौल समूहमा प्रतिस्पर्धा हुनेछ भने महिला खेलाडीहरुलाई शारिरिक सुगठन तर्फ आर्कषण गराउन वेष्ट फिजिक्स वुमन च्याम्पियनसीप विधा अन्तरगत खुल्ला तौल समूहमा प्रतिस्पर्धा गराइनेछ ।
यस्तै, मिस्टर मकवानपुर भेट्रान्स विधा अन्तरगत पनि खुल्ला तौल समूहमा प्रतिस्पर्धा हुने कार्यक्रम संयोजक मोक्तानले जानकारी गराए । मिस्टर मकवानपुरको विजेतालाई एक लाख, दोस्रो स्थान हुनेलाई ५० हजार र तेस्रो स्थान हुनेलाई तीस हजार नगदसहित ट्रफि मेडल प्रदान गरिनेछ ।
प्रतियोगितामा खेलाडी बढी प्रस्तुत गर्ने उत्कृष्ट तथा अनुशासित क्लबलाई वेस्ट क्लब घोषणा गर्दै नगदसहित सम्मान गरिने फिट्नेस महासंघका अध्यक्ष राजेश भेटवालले बताए । साथै पुराना खेलाडी र खेलको प्रवर्धन गर्ने पत्रकारिता क्षेत्र, सामाजिक क्षेत्र, खेलकुद शिक्षा क्षेत्रका व्यक्तित्वहरुलाई सम्मान गरिने भएको छ ।
कार्यक्रम हेटौंडा–२ स्थित पल्पसा हलमा अपरान्ह ४ बजेदेखी हुने प्रतियोगिता मनोरञ्जनात्मक साँस्कृतिक कार्यक्रम सहित हुनेछ ।
मकवानपुर । हेटौंडामा वैदेशिक रोजगारीको क्षेत्रमा देखिएका विधमान समस्याका बारेमा प्रदेशस्तरीय अन्तरक्रिया कार्यक्रम भएको छ ।
सुरक्षित आप्रवाशनका लागि राष्ट्रिय सञ्जालको आयोजनामा वैदेशिक रोजगारका सम्बन्धमा देखा परेका वर्तमान समस्या, सरकारद्वारा जारी नीति, ऐन, नियमावलीका बारेमा प्रदेशका सरोकारवाला निकायबीच अन्तरक्रिया भएको हो ।
सञ्जालको केन्द्रीय कोषाध्यक्ष चाँदनी राणाको सभाध्यक्षतामा भएको कार्यक्रममा हेटौंडा उपमहानगरपालिका प्रमुख मिनाकुमारी लामा, प्रदेश नीति तथा योजना आयोगका प्रा.डा. नरविक्रम थापा, श्रम रोजगार तथा यातायात मन्त्रालय बागमती प्रदेशका सचिव तिर्थराज भट्टराईलगायतको उपस्थिति थियो । श्रम तथा रोजगार विज्ञ निलाम्बर बडानले प्रस्तुतीकरण राखेका थिए ।
बडालले बागमती प्रदेश वार्षिक नीति तथा कार्यक्रम २०८०/८१ बारे जानकारी गराउँदै सातवटा प्रदेशमध्ये श्रम तथा रोजगारको क्षेत्रमा बागमती प्रदेशले बनाएको कानुन सबैभन्दा प्रभावकारी रहेको बताए । अन्य प्रदेश भन्दा बागमती श्रम तथा रोजगारको नीति निर्माणमा अब्बल देखिएको बडालको दाबी थियो ।
उनले ‘सिक्दै, कमाउँदै–कमाउँदै सिक्दै’ (व्यवसायिक र प्राविधिक शिक्षा) कार्यक्रम, सीप परिक्षणको संस्थागत प्रवन्ध (वैदेशिक रोजगारीमा आर्जित सीप), विप्रेषणलाई उत्पादनसँग जोड्न प्रोत्साहन, युवा उद्यमशीलता तथा रोजगार अभिवृद्धि कार्यक्रम, वैदेशिक रोजगारीबाट फर्किएकाहरुको ज्ञान, सीप र क्षमता उपयोग, समस्यामा परेर फर्केकाहरुको पुनःस्थापना, नेपाल पक्षराष्ट्र भएका सन्धि प्रतिवद्धता कार्यान्वयन प्राथमिकतामा रहेको बताए ।
बडालले वैदेशिक रोजगारीमा देखिएका समस्या तथा चुनौतीमा महिला आप्रवासी श्रमिक र घरेलु श्रमिकलाई लगाइएका विभिन्न स्वरुपका प्रतिबन्धले मानव बेचबिखन र शोषणको जोखिम बढाएको बताए ।
पर्याप्त जानकारी र सीपको अभावका कारण नेपाली महिलाहरु कम पारिश्रमिकमा काम गर्न जान बाध्य भएको, लिंग र लैंङ्गिकतामा आधारित खण्डिकृत तथ्यांकको अभावमा महिला र अन्य लिंगका व्यक्तिका अनुभव र योगदानको निरन्तर वेवास्ता भइरहेको बडालको भनाई थियो । नेपालले गन्तव्य मुलुकहरुसँग गरेका अधिकांश द्विपक्षीय सम्झौतामा लैंङ्गिक प्रावधान समाविष्ट नभएको, जोर्डनसँगको बाहेक अन्य सम्झौतामा घरेलु श्रमिकका अधिकार रक्षा सुनिश्चित नभएको, सेवा सुविधाको विकेन्द्रीकरण नहुँदा वैदेशिक रोजगारीका अवसर र न्यायमा पहुँच कम भएको बडालले बताए ।
अन्तरक्रियालाई सम्बोधन गर्दै नगर प्रमुख लामाले वैदेशिक रोजगारमा जाने नेपालीहरु हरेक देशमा पुगेको बताइन् । नेपालका नागरिकलाई धेरै अधिकार रहेको बताइन् । उनले ऐन, नियम कानुन कार्यान्वयन हुन नसक्दा एउटा जनप्रतिनिधिले चाहेर पनि राम्रो काम गर्न सहज नभएको बताएकी छन् । उनले संघ, प्रदेश र स्थानीय सरकारबीच काम गर्दा सहकार्य नहुनाले श्रम तथा रोजगारको क्षेत्रमा उल्लेखित प्रगति हासिल हुन नसकेको बताइन् ।
मेयर लामाले सक्षम नागरिक उत्पादन गर्ने र श्रम गर्न वैदेशिक रोजगारमा जादा कसरी सुरक्षित हुने कुरा सिकाउन जरुरी रहेको बताइन् । माइती नेपाल मकवानपुरको समन्वयमा कार्यक्रम भएको हो । स्थानीय तहको समन्वयमा वैदेशिक रोजगारलाई व्यवस्थित गर्नुपर्ने बारे छलफल भएको माइती नेपाल मकवानपुर प्रमुख माया लामाले बताइन् ।
मकवानपुर । सहमतीमै नेतृत्व छान्ने कसरत गरेकाे एमाले बागमतीकाे अधिवेशन अन्ततः निर्वाचनमै गएकाे थियाे । निर्धारित समय भन्दा ढिलाे गरी सुरु भएकाे निर्वाचन शुक्रबार बेलुका सकिएकाे छ ।
एमाले बागमती प्रदेश अधिबेशनकाे लागि भूगोल, जनसंगठन र मनोनीत गरी १ हजार १ सय ७४ प्रतिनिधि चयन भएकाेमा मतदानमा जम्मा १ हजार १ सय ३५ मत खसेकाे छ । मतदानमा ३२ जना अनुपस्थित भएको निर्वाचन कमिटिले जनाएकाे छ । आजै सकिएकाे निर्वाचनकाे आजै रातीसम्म आउने बताइएकाे छ ।
बागमती प्रदेश कमिटीको निर्वाचनमा यस अघि १ सय ६२ पदमा निर्विरोध निर्वाचित भएका छन् । सोमबार एमाले अध्यक्ष केपी शर्मा ओलीले उद्घाटन गरेर सुरु भएकाे अधिवेशनकाे पाचाैं दिन शुक्रबारसम्ममा २ सय ४५ पदमध्ये १ सय ६२ पदमा पदाधिकारी निर्विरोध निर्वाचित भएका हुन् ।
चितवन, सिन्धुपाल्चोक,काभ्रे, रसुवा जिल्लामा सर्वसम्मत हुँदा ९ जिल्लामा आंशिक निर्विरोध भएकाे नेता शेरबहादुर तामाङले बताए । निर्विरोध भएका १ सय ६२ पद मध्ये पदाधिकारीसहित ८३ र लेखा आयोग ७ पदमा निर्वाचन भएकाे हाे । एमाले पार्टी कार्यालय च्यासलमा भएकाे मतदानमा ४० वटा विद्युतीय मेसिन प्रयोग गरिएकाे थियाे ।
बागमतीको अध्यक्षमा केन्द्रीय सदस्यहरू कृष्णप्रसाद दाहाल र कैलाश ढुंगेल प्रतिस्पर्धामा छन् । ढंगेल र दाहालले अन्य ४ पदाधिकारी पदमा समेत प्यानल बनाएका छन् ।
त्यसैगरी उपाध्यक्षमा ईश्वरचन्द्र पोखरेल, दावादोर्जे लामा, नारायण खतिवडा र सुभाषचन्द्र ठकुरी प्रतिस्पर्धामा रहेका छन् । त्यस्तै उपाध्यक्षमा पनि पाँच जनाको उम्मेदवारी परेको थियाे । उपाध्यक्षमा ठकुरी, खतिवडा, लामा, पोखरेल र राजेन्द्र राजथला उम्मेदवारी दिएकाेमा राजथलाले पछि उम्मेदवारी फिर्ता लिएका थिए । यसैगरी सचिवमा रत्न गुरुङ, नवराज सिलवाल, हस्तबहादुर पण्डित र रामकुमार अधिकारीले उम्मेदवार छन्।
उपसचिवमा १२ जनाको उम्मेदवारी दिएका छन्। खड्कबहादुर खत्री, गंगादेवी श्रेष्ठ, डबल पाण्डे, टासी लामा, भक्तकुमारी लामा, ओमराज पन्त, ठाकुरप्रसाद गजुरेल, कृष्णहरि थापा, रमेश महर्जन, प्रेमबहादुर महर्जन, राजेन्द्र श्रेष्ठ र रीता गौतम ढकालले उपसचिवमा उम्मेदवार छन्।
मकवानपुर । जापान सरकारले बागमती प्रदेश सरकारसँग सहकार्य गर्ने भएका छन् । प्रदेशकाे भौतिक पूर्वाधार विकास मन्त्री युवराज दुलाल र मित्र राष्ट्र जापानको विदेश मन्त्रालयका डेपुटी मन्त्री सिमेजु फुमिजोबीच जापानको विदेश मन्त्रालयमा भेटघाटका क्रममा सहकार्य गर्नेबारे छलफल भएकाे हाे ।
मन्त्री दुलालका स्वकिय दीपक न्यौपानेका अनुसार शुक्रबार भएको भेटघाटमा बागमती प्रदेश तथा अन्तरगतका स्थानीय तहहरुमा पूर्वाधार र कृषि क्षेत्रमा जापानाले सहयाेगकाे सहकार्य गर्ने बिषयमा छलफल भएको हो । जापानका बिदेश मन्त्री फुमिजोले नेपालमा प्रदेश र स्थानीय तहसँग मध्ययम र साना आयोजनामा काम गर्न सकारात्मक रहेको बताएका थिए ।फुजिमाेकाे भनाई उदृत गर्दै न्याैपानेले भने ‘नेपालमा जापानी प्रविधिमा कृषिक्षेत्रमा परिबर्तन ल्याउन जापान सरकार तयार रहेको छ ।’
मन्त्री दुलालसंगै नेपालको तर्फबाट बागमती प्रदेश युवा तथा खेलकुद पूर्वमन्त्री रत्न ढकाल ,जापानका लागि नेपाली राजदुत दुर्गा बहादुर सुवेदी, महाभारत गाउँपालिका अध्यक्ष कान्छालाल जिम्बा, चौंरीदेउराली गाउँपालिका अध्यक्ष रेणुका चौंलागाई, राजदुताबासका प्रथम सचिव जीतबहादुर कार्की लगायतकाे उपस्थितिमा भेटघाट भएकाे थियाे ।
