मकवानपुर । मकवानपुरमा थप १ सय २५ जनामा काेराेना संक्रमण पुष्टि भएकाे छ । संक्रमित मध्य हेटाैडा उपमहनगरपालिकाका १ सय १० जना, बागमती गाउँपालिकाका १४ जना, मकवानपुरगढी गाउँपालिकाका १ जना रहेकाे हेटाैडा उपमहानगरपालिकाका स्वास्थ्य अधिकृत भाेलानाथ चाैलागाइले जानकारी दिए ।
संक्रमित मध्य ७७ जना पुरूष र ४८ जना महिला रहेका छन् । ३ जना मकवानपुर जिल्ला बाहिरका रहेकाे चाैलागाइले वताए । असाेज २५ गते लिइएकाे २९६ जनाकाे स्बाबकाे परीक्षण नतिजा साेमबार राती अाएकाेमा उक्त संख्यामा संक्रमित देखिएकाे हाे ।

काठमाडौं । चिनियाँ राष्ट्रपति सि जिङफिङले नेपाल भ्रमण गर्नुभएको एक वर्ष पुरा भएको अवसर पारेर नेपाल–चाइना मिडिया फोरमले प्रकाशित गरेको पुस्तक ‘प्रेसिडेण्ट सि जिङफिङ्स नेपाल भिजिट : अ पिक्टोरियल गाइड’ (President XiÚs Nepal Visit :A Pictorial Guide) को सोमबार पुर्व प्रधानमन्त्री, नेपाल कम्युनिष्ट पार्टी (नेकपा) का वरिष्ठ नेता तथा विदेश विभाग प्रमुख माधवकुमार नेपालले सार्वजानिक गरेका छन् ।
पुस्तक सार्वजनिक समारोहमा बोल्दै पूर्वप्रधानमन्त्री नेपालले नेपाल–चीन सम्बन्ध सधै हार्दिक र सुमधुर रहेको उल्लेख गर्दै यो सम्बन्धलाई अझै कसिलो र घनिभूत बनाउनु पर्ने बताए । चिनियाँ राष्ट्रपति सीको भ्रमणबाट नेपालले कति लाभ लिन सक्यो भन्ने समिक्षा गर्नुपर्ने बेला आएको उल्लेख गर्दै उनले भने–‘कागजीरुपमा त लाभ लियौं तर व्यवहारिकरुपमा कति लाभ लिनसक्यौ ? बेल्ट एण्ड रोड इनिसियटिभ्सबाट कति लाभ लिन सक्यौं ? यसको समिक्षा गर्दै भएका सहमति कार्यन्वयनमा जोड दिनुपर्छ ।’ नेपाल चीनको विश्वासिलो मित्र भएको भएको उल्लेख गर्दै पूर्वप्रधानमन्त्री नेपालले भने–‘हामी चीनसँग अझ विश्वासिलो र साझेदार देशकारुपमा अघि बढ्न चाहान्छौं ।’
पछिल्लो समय सी जिन फिङले चीनको नेतृत्व सम्हाल्नु भएपछि उनले बेल्ट एण्ड रोड सम्बन्धी नयाँ सिल्क रोडको नयाँ अवधारणा अगाडी सार्नु भएको उल्लेख गर्दै नेपालले भने–‘पुरानो सिल्क रोडले जसरी एसिया र युरोपलाई जोडेको थियो, त्यसरी नै सारा विश्वलाई जोड्ने पहल चिनियाँ नेतृत्वले गर्यो । उहाँ आएपछि यो अवधारणालाई अझ गति प्रदान गर्नुभयो । सिंगो मानवजातीको साझा भविष्यको परिकल्पना गर्दै सबैलाई आर्थिकरुपले लाभ हुने जुन प्रस्ताव अगाडी सार्नुभयो, त्यो अत्यन्तै सहनीय छ ।’
कार्यक्रमलाई सम्बोधन गर्दै चीनका लागि नेपालका पूर्व राजदूत लीलामणि पौड्यालले सन् १९६५ मा नेपाल–चीनविच कुटनैतिक सम्बन्ध स्थापना भएयताका विभिन्न महत्वपूर्ण आयामहरुका बारेमा चर्चा गरे । सीमासम्बन्धी सन्धी, पहिलोपटक प्रधानमन्त्री हुँदा केपी शर्मा ओलीले गर्नुभएको चीन भ्रमणमा भएको व्यापार तथा यातायातसम्बन्धी सम्झौता, बेल्ट एण्ड रोड इनिसियटिभ्समा नेपालको हस्ताक्षर, गणतन्त्र नेपालको पहिलो राष्ट्रपति भ्रमणका रुपमा राष्ट्रपति विद्या भण्डारीले गर्नुभएको चीन भ्रमण र चीनका राष्टपतिबाट २३ वर्षपछि भएको सिको नेपाल भ्रमण दुई देशवीचको सम्वन्धमा कोशेढुंगा भएको उनले बताए ।
चीन विश्वमै उत्पादनको घर र ठूलो व्यापार साझेदार देश भएको उल्लेख गर्दै पूर्व राजदूत पौड्यालले नेपालले चीनबाट लिनसक्ने लाभका विविध पक्षबारे उल्लेख गरे । उनले भने–‘विश्वमा उदयीमान देश चीनजस्तो छिमेकी मुलक चीनबाट लाभ लिन सकेमा नेपालको समृद्धिको लक्ष्य पुरा हुनसक्छ र नेपाल पनि चीनसँगसँगै विकास र समृद्धिको यात्रामा अगाडी बढ्न सक्छ ।’
विश्वमै ठूलो व्यापार साझेदार चीन जस्तो मुलुकको प्रभावशाली नेताको भ्रमण नेपालका लागि तात्वीक र आधारभूतरुपमै भिन्न र विशेष रहेको उनले बताए । त्यतिमात्र नभएर उक्त भ्रमण विश्व परिस्थिति र हाम्रो आन्तरिक कारणले पनि महत्वपूर्ण रहेको उनको भनाई थियो । राष्ट्रपति सी को भ्रमणका बेला चीनका लागि राजदूत समेत रहनुभएका पौड्यालले उक्त भ्रमण गराउँदाका आफ्ना अनुभव पनि बताए ।
कार्यक्रममा नेपाल–चाइना मिडिया फोरमका अध्यक्ष किशोर श्रेष्ठले चिनियाँ राष्ट्रपतिबाट २३ वर्षपछि भएको सी को भ्रमण नेपालका लागि विशेष दिनका रुपमा रहेको र यसले द्धिपक्षीय सम्बन्धमा विशेष महत्व बोकेको बताए । साेमबार सार्वजानिक गरिएको पुस्तक ‘प्रेसिडेण्ट सि जिङफिङ्स नेपाल भिजिट ः अ पिक्टोरियल गाइड’ मा चिनियाँ राष्ट्रपति सी, नेपालका पूर्वप्रधानमन्त्रीहरु पुष्पकमल दाहाल ‘प्रचण्ड’, माधवकुमार नेपाल, शेरबहादुर देउवा, परराष्ट्रमन्त्री प्रदीप ज्ञवाली, नेपाल कम्युनिष्ट पार्टीका विदेश विभाग उपप्रमुख विष्णु रिजाल, सन योङ / विएम रेग्मी का लेखहरु समावेश छन् ।
साथै, पुस्तकमा दुई देशका भएका संयुक्त वक्तव्यहरु, दुई देशका उच्चस्तरीय भ्रमणमा भएका सम्झौताहरु, सी भ्रमणका तश्वीर र साथै सी भ्रमणका बेला नेपाली छापा माध्यममा प्रकाशित सामाग्रीहरु पनि समावेश गरिएको छ ।
मकवानपुर । सिन्धुपाल्चोकमा शिक्षा तथा बालबालिकाका लागि क्रियाशील संघसंस्थाहरुको भर्चुअल जिल्ला भेलाले ९ सदस्यीय समिति सर्वसम्मत गठन गरेको हो ।
संस्था नै सदस्य रहने प्रावधानअनुसार संयोजक तामाङ ग्रामीण महिला सिर्जनशील परिवार(जिएमएसपी)का प्रतिनिधी हुन् । समितिको सह–संयोजकमा पेम्बातेम्बा लामा (केटाकेटी संस्था), सचिवमा सरु गिरी (हेलम्बु एजुकेसन एण्ड लाइभ्लीहुड पार्टनरसिप–हेल्प), कोषाध्यक्षमा कृष्णप्रसाद पराजुली (टुकी संघ सुनकोशी) र सदस्यहरुमा गोविन्द सापकोटा (सामुदायिक विकास तथा वातावरण संरक्षण मञ्च–सिडिइसिएफ), डोल्मा तामाङ (महिला आत्मनिर्भरता केन्द्र–माङ्क, रोशनी अधिकारी लामा (हेलम्बु महिला सञ्जाल सशक्तिकरण), छिरिङ लामा (नेपाल शिक्षा अभियान संस्था–एनइआइओ) र गणेश सिग्देल (विकासका लागि हामी–डब्लुएफडी) रहेका छन् ।
साधारण भेलाले छिरिङ लामा र रोशनी अधिकारी लामालाई केन्द्रीय प्रतिनिधीको रुपमा चयन पनि गरेको छ । भेलाको उदघाटन सत्रलाई सम्बोधन गर्दै एनसिई नेपालका केन्द्रीय अध्यक्ष डिल्लीराम सुवेदीले संवैधानिक रुपमै प्राप्त शिक्षा अधिकार व्यवहारत कार्यान्वयन गर्नका निम्ति एनसिई नेपालको सञ्जाल देशव्यापी बनाउने र सार्वजनिक शिक्षाको पक्षमा अभियानले सार्थकता पाउन सक्ने बताए । ‘सिन्धुपाल्चोकका शिक्षामा काम गरिरहेका संस्थाबिच समन्वय र सञ्जालीकरण गर्ने काम समन्वय समितिमार्फत् सम्भव बनाउनुपर्छ’ उनले भने ।
एनसिई नेपालका महासचिव लालबहादुर ओलीले शिक्षा विकासमा लामो समयदेखि अनुभव सम्हालेका र उल्लेखनीय योगदान दिइरहेका संस्थाहरुको उपस्थितिले एनसिईले लिएको अभियान सफल बन्नेमा विश्वास व्यक्त गरे । समाज कल्याण परिषद्की सदस्य एवं ग्रामीण महिला सिर्जनशील परिवारकी कार्यकारी निर्देशक नानीमाया थापाले एनसिई नेपालले स्थापनाकालदेखि नै थालेको अभियानप्रति आफू जानकार रहेको भन्दै यसको सदस्यका रुपमा संस्थाहरु आबद्ध हुन पाउनु खुशीको विषय भएको बताईन् ।
एनसिई बागमती प्रदेश संयोजक प्रकाश खतिवडाको अध्यक्षतामा भएको कार्यक्रममा उनले निःशुल्क तथा अनिवार्य आधारभूत शिक्षा संवैधानिक रुपमै उल्लेख भएकाले यसलाई यथार्थमा परिणत गर्न अभियानकर्मी एकजुट हुनुपर्नेमा जोड दिए ।
देशभर साँढे तीन सयभन्दा बढी संघ–संस्थाको सञ्जालका रुपमा क्रियाशील एनसिई नेपाल मुलुक संघीय संरचनामा रुपान्तरण भएसँगै प्रदेश र जिल्ला तहमा बिस्तार हुँदै आएको छ । सात वटै प्रदेश समन्वय समिति रहेको एनसिई नेपालको अहिलेसम्म २८ जिल्लामा समन्वय समिति गठन भईसकेको एनसिई केन्द्रीय सचिव सुदर्शन सिग्देलले बताए ।
मकवानपुर । पछिल्लो २४ घण्टमा मात्र १ हजार ४ सय ७३ जना संक्रमणमुक्त भएका छन् । याे सँगै काेराेना संक्रमण निकाे हुनेकाे संख्या ७७ हजार २ सय ७७ जना पुगेकाे साेमबार स्वास्थ्य तथा जनसंख्या मन्त्रालयकाे नियमित प्रेस बिफ्रिङमा प्रवक्ता डा. जागेश्वर गाैतमले जानकारी दिए ।
यसै गरी पछिल्लो २४ घण्टामा ४ हजार ४७ जनालाई कोरोना भाइरस (कोभिड-१९) को संक्रमण पुष्टि भएको छ । यससँगै कुल संक्रमितको संख्या १ लाख ११ हजार ८ सय २ पुगेको छ । उनीहरुमध्ये ६ सय ४५ जनाको मृत्यु भएको छ प्रवक्ता गाैतमले बताए ।
हाल देशभर ३३ हजार ८ सय ८० संक्रिय संक्रमित छन् । १९ हजार ९ सय ५७ होम र १३ हजार ९ सय २३ संस्थागत आइसोलेसनमा छन् । उनीहरुमध्ये २ सय ७९ जनाको आईसीयू र ६७ जनाको भेन्टिलेटरमा उपचार भइरहेको स्वास्थ्य तथा जनासंख्या मन्त्रालयले जनाएको छ ।
यस्तै पछिल्लो २४ घण्टामा काठमाडौं उपत्यकामा थप २ हजार २ सय ८३ जनामा कोरोना भाइरस संक्तमण पुष्टि भएको छ । जसमा काठमाडौंमा १ हजार ८ सय ८८ भक्तपुरमा १ सय १८ र ललितपुरमा २ सय ७७ जनामा संक्रमण पुष्टि भएको गौतमले जानकारी दिए । यस्तै उपत्यकासहित देशभर आज १४ हजार ५३० जनाको पीसीआर परीक्षण भएकोमा ४ हजार ४७ जनामा कोरोनाभाइरस संक्रमण पुष्टि भएको हाे ।
कहाँ कति थपिए संक्रमित ?
मोरङका २ सय २३ जना, सुनसरीका २ सय ४९, रुपन्देहीका १ सय २५, सुर्खेतका १ सय १, काभ्रेका ९०, चितवनका ७७, कास्कीका ७६, मकवानपुरका ७५, झापाका ७१, नवलपुर र कैलाली ६५/६५ जना, बाँकेका ४५, तनहुँका ३७, प्युठान र बर्दिया २६/२६ जना, धनुषा र सिन्धुपाल्चोकका २५/२५ जना, नवलपरासीका २४, सप्तरी र लमजुङ २१/२१ जना, कञ्चनपुरका १८, पर्साका १७, रामेछाप र पाल्पाका १४/१४ जना, रौतहट, दाङ र दैलेख १३/१३ जना, धादिङ र बैतडीका १२/१२ जना तथा बारा, सिराहा, नुवाकोट र स्याङ्जाका ११/११ जनामा कोरोना संक्रमण देखिएको छ ।
यसै गरी गुल्मीका १० जना, जुम्लाका ९, महोत्तरी, सर्लाही, बाग्लुङ, अर्घाखाँची र कपिलवस्तुका ८/८ जना, दोलखाका ७, रसुवा, डडेलधुरा र दार्चुलाका ६/६ जना, इलामका ५, हुम्ला र बझाङका ४/४ जना, गोरखा, सल्यान र अछामका ३/३ जना, उदयपुर, ओखलढुंगा, खोटाङ, पाँचथर, रोल्पा २/२ जना तथा तेह्रथुम, धनकुटा, भोजपुर, सिन्धुली, पर्वत, मुस्ताङ, म्याग्दी, डोटी र बाजुरामा १/१ जनामा संक्रमण देखिएको छ ।
मकवानपुर । मकवानपुरमा थप ४२ जनामा कोरोना भाइरस संक्रमण पुष्टि भएको छ ।
कोरोना संक्रमण पुष्टि हुनेमा हेटौंडा उपमहानगरपालिकाका २९ जना र बागमती गाँँउ पालिकाका १३ जना रहेका छन् ।
२ सय ११ जनाको स्वाब परीक्षण हुँदा आइतबार राती आएको रिपोर्टमा थप ४२ जनामा कोरोना संक्रमण देखिएको हेटौंडा उपमहानगरपालिकाका स्वास्थ्य अधिकृत भोलानाथ चौलागाईंले जानकरी दिए । आइतबार दिउँसो मात्रै हेटौंडा उपमहानगरपालिकाका २७ जनामा कोरोना संक्रमण पुष्टि भएको थियो ।