मकवानपुर। नेपाल उद्योग वाणिज्य महासंघ बागमती प्रदेशका नवनिर्वाचित कार्यकारिणी समितिका अध्यक्ष, पदाधिकारी तथा सदस्यहरुलाइ मकवानपुर उद्योग वाणिज्य संघले शनिबार स्वागत गरेको छ ।
स्वागत कार्यक्रममा संघका अध्यक्ष कृष्ण कटुवाल, नेपाल उद्योग वाणिज्य महासंघ बागमती प्रदेशका अध्यक्ष दिलसुन्दर श्रेष्ठ, केन्द्रीय सदस्य तथा संघका पूर्व अध्यक्ष अरुणराज सुमार्गी, नेउवामहासंघ बागमती प्रदेशका उपाध्यक्षद्वय सविन श्रेष्ठ, दुर्गाराज श्रेष्ठ, संघका वरिष्ठ उपाध्यक्ष माधव न्यौपाने र उपाध्यक्ष कृष्ण कुमार गुप्तालगायतले मन्तव्य राखेका थिए ।

स्वागत कार्यक्रममा हेटौंडामा कार्यक्रम आयोजना गर्दैगर्दा नेउवामहासंघ बागमती प्रदेशले पूर्णता पाएको, हेटौंडामै प्रदेशको कार्यालय रहने सुनिश्चित भएको र मकवानपुर उद्योग वाणिज्य संघकै नेतृत्वमा मध्यमाञ्चल स्तरीय महासंघको नेतृत्व रहदैगर्दा राज्य प्रदेश संरचनामा गएको कारण नेउवामहासंघ प्रदेश ३ को पहिलो जिम्मेवारीको नेतृत्व मकवानपुर उद्योग वाणिज्य संघले नै गरेको चर्चा गरिएको थियो । कार्यक्रममा प्रदेशको कृषिलगायत उद्योग व्यवसाय क्षेत्रको विकासको लागि पहल आवश्यक रहेको छलफल गरिएको थियो ।
बालमैत्री गाउँपालिका घोषणाको तयारी तिव्र
Tags: No Comments
मकवानपुर/बालमैत्री गाउँपालिका घोषणाको तयारीमा रहेका मकवानपुरका गाउँपालिकाहरुले आफ्नो तयारीलाई तिव्रता दिएका छन् ।
हालसम्म जिल्लाको मनहरी गाउँपालिकामात्रै बालमैत्री गाउँपालिका घोषणा भएको छ । जिल्लाको बकैया गाउँपालिकाले बालमैत्री गाउँपालिका घोषणाको तयारीलाई लगभग अन्तिम चरणका पु¥याएको गाउँपालिका अध्यक्ष दामोदर खनालले बताएका छन् । गाउँपालिकाले बालमैत्री घोषणाका चरणहरु पार गरेको र यसको निरन्तरताका लागि योजनाबद्ध रुपमा अगाडि बढेको अध्यक्ष खनालले बताए ।
गाउँपालिकाले बालमैत्री गाउँपालिका घोषणाको लागि आवश्यक विभिन्न कार्यक्रमहरु निरन्तर जारी राखेको खनालले बताए । बकैया गाउँपालिकामा बुधबार आयोजित अभिमुखिकरण कार्यक्रममा बोल्दै जिल्ला समन्वय समितिका सभापति रघुनाथ खुलालले बालबालिका नै देशका कर्णधार भएकाले बालबालिकाको क्षेत्रमा लगानी गर्न नहिचकिचाउन सुझाव दिएका छन् ।
प्रमुख खुलालले समाज रुपान्तरण नै विकासको मापन भएकाले समाजलाई परिस्कृत बनाउन सक्नुपर्ने बताए । उनले भौतिक उपलब्धीले मात्र विकासको मापन गर्न नहुने भन्दै समाजिक क्षेत्रमा समेत प्रयाप्त बजेट व्यवस्थापन गर्न आग्रह समेत गरे । समाजिक क्षेत्रमा गरिएका कामले समाज परिर्वतन गर्न सकिने उनको भनाई थियो ।

कार्यक्रममा जिसस उपप्रमुख भगवती पुडासैनीले बालमैत्री स्थानीय तह घोषणाले सामुदायिक विकासमा टेवा पुग्ने बताइन् । उनले बालमैत्री स्थानीय तह घोषणाका सुचकहरुको दीगोपनामा ध्यान दिन सुझाव दिइन् । यसैगरी जिल्ला समन्वय अधिकारी आन्नदराज पोखरेलले बालमैत्रीका सुचकहरुको गुणस्तरीयता, स्थानीयकरण र दीगो कार्यान्वयनको पक्षमा ध्यान दिन सुझाव दिए ।
कार्यक्रममा गाउँपालिका अध्यक्ष खनालले बालमैत्री स्थानीय शासन र यसका चरणहरुका बोरमा, उपाध्यक्ष सरला बोलखेले बालमैत्री स्थानीय शासन स्थापनाका लागि बिगत ३ वर्षमा गरिएको काम, प्रमुख प्रशासकिय अधिकृत रामकुमार पुडासैनीले बालमैत्री स्थानीय शासनका सुचक र बालमैत्री सहजकर्ता फणिकरमण प्याकुरेलले बालमैत्री स्थानीय तह घोषणाका लागि हालसम्म गरिएका कृयाकलाप, तथ्याङ्किय अवस्थाका बारेमा कार्यपत्र प्रस्तुत गरेका थिए ।
कार्यक्रममा जिसस सदस्य देवराज रिमाल, शाखा अधिकृत भीमलाल मर्हजन, गाउँपालिकाका १२ वटै वडाका वडाअध्यक्षहरु, कार्यपालिका सदस्यहरु, पालिका स्तरीय बाल सञ्जाल समितिका अध्यक्ष सरस्वती जिम्बा, बालअधिकार समितिका संयोजक झलक बहादुर थिङ, गाउँपालिकाका वाल क्लब, बालसञ्जालका पदाधिकारीलगायत कार्यालयका कर्मचारीहरुको सहभागिता थियो ।
मकवानपुर/ स्वास्थ्य सेवाको व्यवस्थालाई प्रभावकारी बनाउन लागिपरेको बागमती प्रदेश सरकारले स्वास्थ्य शिक्षाको पनि गुणस्तरीयतामा पनि विशेष ध्यान दिंदै आएको प्रदेशका मुख्यमन्त्री डोरमणी पौडेलले बताएका छन् ।
मुख्यमन्त्री पौडेलले मदनभण्डारी स्वाथ्य विज्ञान प्रतिष्ठानद्वारा छिट्टै नै हेटौंडामा चिकित्साशास्त्रको पढाइ सुरु गर्ने बताएका छन् । बुधबार प्रदेशको राजधानी हेटौंडामा मुख्यमन्त्री पौडेलले यस्तो बताएका हुन् । हेटौंडा–१, भिन्तुना पथस्थित मकवानपुर सहकारी अस्पतालको अति सघन उपचार कक्ष (आइसीयु) सहितको ट्रमा सेन्टरको उद्घाटन गर्दे मुख्यमन्त्री पौडेलले यस्तो बताएका हुन् ।
‘हेटौंडामा स्वास्थ्य शिक्षा उच्च तहको हुनेछ’ पौडेलले भने ।
जिल्लाको ठुलो रकम स्वास्थ्य उपचारको लागि बाहिर गएको भन्दै अब मकवानपुरमै उच्च स्तरको स्वास्थ्य सुविधा र त्यहि अनुसारको पढाई गर्ने उनले बताए । उद्घाटन कार्यक्रममा मकवानपुर सहकारी अस्पतालका अध्यक्ष विष्णुगोपाल महर्जनले सहकारी अस्पताल सञ्चालनमा आएको १० वर्षको अवधिमा थप सेवा विस्तार गर्न पाउँदा खुसी व्यक्त गर्दै अस्पतालले आगामी दिनमा थप सेवा विस्तार गरेर गुणस्तरमा सुधार गर्ने बताए ।
दुई करोड २५ लाख रुपैयाँ लगानी थप गरेर मकवानपुर सहकारी अस्पतालले आइसीयुसहितको ट्रमा सेन्टर विस्तार गरेको अध्यक्ष महर्जनले बताए ।
मकवानपुर / प्लान नेपालको आर्थिक सहयोग तथा राडो नेपालको सामाजिक सहजिकरणमा सञ्चालित समावेशी सुरक्षित विद्यालय प्रवर्द्धन कार्यक्रमको अनुगमन गरिएको छ ।
जिल्ला समन्वय समिति मकवानपुर उपप्रमुख भगवती पुडासैनी, हेटौंडा उपमहानगरपालिका नगर शिक्षा विकास महाशाखा प्रमुख गंगाधर रिमाल, जिल्ला प्रशासन कार्यालय मकवानपुरका प्रतिनिधि उद्वब दाहाल, पत्रकार महासंघ मकवानपुर उपाध्यक्ष सरिता दाहाललगायतको उपस्थितीमा कार्यक्रम लागु भएका विद्यालयहरुमा मंगलबार अनुगमन गरिएको हो । हेटौंडा उपमहानगरपालिका–१२ पान्तले स्थित बुद्ध माध्यमिक विद्यालय, हेटौंडा उपमहानगरपालिका–१४ बदेलधाप स्थित सुप्रभात आधारभूत विद्यालय र हेटौंडा उपहमानगरपालिका–५ स्थित बालज्योती माध्यमिक विद्यालयमा अनुगमन गरिएको हो ।
अनुगमन कार्यक्रममा बुद्धमाविका प्रध्यानाध्यापक किसन थापाले समावेशि सुरक्षित विद्यालय प्रवर्द्धन कार्ययक्रम अन्तरगत लागु भएका कार्यक्रमले विद्यार्थीहरुको सिकाइ उपलब्धीमा सकारात्मक सुधार आएको बताए । विद्यालयमा प्रशोधित शुद्ध पानीको व्यवस्था गर्न समस्या भइरहेकोमा संस्थाले युरोगार्डको व्यवस्था गरेपछि विद्यार्थी, शिक्षकहरु गरी झण्डै ८ सयजना लाभान्वित भएको प्रध्यानाध्यापक थापाले बताए ।

बुद्धमाविमा विद्यार्थी तथा शिक्षकको लागि शैक्षिक भ्रमण, अतितिक्त क्रियाकलाप, सरसफाइको सामग्री, छात्राहरुको लागि महिनावारी भएको समयमा आराम गर्ने कक्षाको व्यवस्थापनमा सहयोग गरिएको कार्यक्रम संयोजक राजु राउतले बताए ।
यसैगरी सुप्रभात आधारभुत विद्यालय प्रध्यानाध्याकप सीता तिवारीले संस्थाको सहयोगपछि विद्यालयको भौतिक तथा सामाजिक पाटोमा धेरै प्रगति भएको बताइन् ।
विद्यालयमा बाल क्लब गठन, नेतृत्व विकास, भुकम्पबाट बच्ने सीप सिकाई, सुरक्षित स्थानको छनौट जस्ता काम गरिएको तिवारीले बताइन् । यसैगरी विद्यालयमा बिद्युत जडान, खानेपानी, ह्वाइट बोर्डको व्यवस्था, सिलिङ फ्यानको व्यवस्थामा संस्थाले सहयोग गरेपछि विद्यालयको आकर्षण नै बढेको विद्यालय व्यवस्थापन समिति अध्यक्ष टेक बहादुर मोक्तानले बताए ।

विद्यालयमा कक्षा १ देखि ८ सम्म गरी १ सय १३ जना विद्यार्थी रहेका छन् । पाँचजना महिला शिक्षक मात्रै रहेको यो विद्यालयमा तामाङ समुदायको मात्रै बालबालिकाहरु अध्ययनरत छन् ।
यसैगरी अनुगमन कार्यक्रममा बालज्योती माविका प्रध्यानाध्यपक भरतप्रसाद अर्यालले पनि संस्थाको सहयोगपछि विद्यालयको समाजिक तथा भौतिक क्षेत्रमा धेरै सुधार आएको बताए । बालज्योति माविमा छात्रामैत्री शौचालय निर्माण, शुद्ध पानीको व्यवस्थापन, प्राथमिक उपचारको लागि आवश्यक सामग्री, अतिरिक्त क्रियाकलापमा सहयोग गरिएको थियो ।
१८ जना दृष्टि विहिन छात्रछात्राहरु समेत अध्ययनरत यो विद्यालयमा दृष्टि विहिनहरुको अध्ययनमा सहयोग आवश्यक भएको राडो नेपालका सामाजिक सहजकर्ता राजु लम्सालले बताए । अनुगमन कार्यक्रममा सहभागी जिल्ला समन्वय समिति मकवानपुर उपप्रमुख पुडासैनी, नगर शिक्षा विकास महाशाखा प्रमुख रिमाल,जिल्ला प्रशासन कार्यालय मकवानपुरका प्रतिनिधि दाहाललगायतले विद्यालयको आवश्यकतालाई सम्बोधन गर्ने क्रममा नेपाल सरकारबाट प्रदान गरीने सहयोग र गैरसरकारी संस्थाहरुले गर्ने सहयोगमा आपसी समन्वय भएका दोहोरापना नहुने र उपलब्धी प्रभावकारी हुने बताए ।
आगामी दिनमा विद्यालय र विद्यार्थीहरुको आवश्यकतालाई सम्बोधन गर्ने गरी काम गर्दा स्थानीय तहका जनप्रतिनिधिहरुसँग अनिवार्य रुपमा समन्वय गर्न पनि अनुगमनमा सहभागीहरुले सुझाव दिएका थिए । ३ वर्षको लागि सञ्चालित समावेशि सुरक्षित विद्यालय प्रवर्द्धन कार्यक्रम जनवरीको अन्त्यमा सकिदै छ । स्रोत केन्द्रले ताेकेको विद्यालयमा विद्यालयको आवश्यकता अनुसार काम गरिएको कार्यक्रमका सामाजिक सहजकर्ता लम्सालले बताए ।
मकवानपुर/मकवानपुर जिल्लाको राक्सिराङ गाउँपालिकाले स्थानीय विषयवस्तुहरु समाबेश गरेर तय पारेको पाठ्यक्रम सार्वजनिक गरेको छ । गाउँपालिकाले नवौ गाउँसभाको अवसरमा पाठ्यक्रम सार्वजनिक गरिएको हो ।
स्थानीयतालाई प्राथमिकता दिने दुईथरि बिषयलाई उजागर गरिएको छ । सोमबार दिउँसो बागमती प्रदेश सभाका सदस्य ओमबहादुर ग्लानको प्रमुख आतिथ्यतामा भएको गाउँसभामा स्थानीय भाषामा रेकर्ड गरिएका अडियो नागरिक बडापत्र सार्वजनिक गरियो । प्रमुख अतिथि ग्लानले सार्बजनिक गरेका हुन् । पाठ्यक्रममा चेपाङ, तामाङ र पर्वत खस भाषाका अडियोको सहायताबाट नागरिक बडापत्रमार्फत सेवाग्राहीहरुले सहज रुपमा सेवाका सम्बन्धमा जानकारी लिन सक्ने विश्वास गाउँपालिकाले गरेको अध्यक्ष राजकुमार मल्लले बताए ।

सोही अबसरमा गाउँपालिकाले कक्षा ५ सम्मका लागि तयार पारेको स्थानीय पाठ्यक्रममा आधारित पाठ्यपुस्तक पनि सार्वजनिक गरिएको थियो । गाउँसभाको उद्घाटन सत्रमा मन्तब्य राख्दै प्रमुख अतिथि सांसद ग्लानले राक्सिराङ गाउँपालिकाको विकासका लागि सबै राजनीतिक पार्टी, सरोकारवाला निकायहरुले साथ दिइरहेको बताए । उनले सबैको सहयोगले मात्र विकास सम्भव हुने भएकाले गाउँपालिकाले गरिरहेका सिर्जनात्मक कामहरुले नागरिकहरुमा सन्तुष्टि देखिएको समेत बताए ।
कार्यक्रममा बोल्दै नेपाल कम्युनिष्ट पार्टी (नेकपा) का इन्चार्ज बनस्तम थिङले आलोचनात्मक टिप्पणी गरे । उनले सबै वडामा समानुपातिक ढंगको विकास जरुरी रहेको बताए । आफ्नो पार्टी नेपाली काँग्रेसका सभापतिले भने झैँ समग्र राम्रो काम भएको छ भन्ने निचोडमा नपुगेको उनको भनाई थियो ।
उनीभन्दा अघि मन्तब्य राख्ने नेपाली काँग्रेस सभापति बीरेन्द्र जिम्बाले भने जनप्रतिनिधि आएपछि राक्सिराङको मुहार फेरिएको दाबी गरे । उनले खासगरी मोटरबाटो निर्माणमा गाउँपालिकाले देखाएको अग्रसरता प्रशंसनीय रहेको बताए ।
कार्यक्रममा वडाध्यक्ष बाबुलाल स्याङ्तानले राक्सिराङमा गाडी पुगेपनि गाडीको हुडमा
राखेर बजारमा बेच्न लैजाने कृषि उपजको उत्पादनमा जोड दिनुपर्ने बताए । ‘गाडीको हुडमा
राखेर दुई चार क्रेट गोलभेँडा र काउली मनहरीतिर जान थाल्यो भने मात्रै राक्सिराङ समृद्ध हुन्छ’, स्याङ्तानले भने ‘अन्यथा हामी उफ्रिएर मात्रै पनि हुन्न ।’
अर्का वडाध्यक्ष तथा प्रबक्ता रामकृष्ण प्रजाले राक्सिराङ गाउँपालिकाले सुशासन कायम गर्दै समग्र विकास निर्माणको नेतृत्व लिइरहेको बताए । शिक्षक महासंघको तर्फबाट अध्यक्ष मिथुन रुम्बाले शिक्षा क्षेत्रको सुधारका लागि बजेट सदैब अपूरो रहेको बताए । समाजसेवी चित्रबहादुर थापाले गाउँपालिकाले गरेको सुधारका कामहरुको प्रशंसा गरे ।
कार्यक्रममा उत्कृष्ट काम गर्ने कर्मचारीहरु, शिक्षक, उपभोक्ता समितिका पदाधिकारीहरु, विभिन्न संघसंस्थाहरु, कृषि तथा पशु फर्म सञ्चालकहरुलाई प्रशंसापत्रसहित सम्मान प्रदान गरिएको थियो । प्रमुख प्रशासकीय अधिकृत युवराज आचार्यले सञ्चालन गरे । उद्घाटन समारोहमा स्वागत उपाध्यक्ष निर्मला हिमडुङले स्वागत गरेकी थिइन् ।