मकवानपुर । नेपाल प्रहरीले पाँच हजार भन्दा बढी नयाँ प्रहरी भर्नाकाे लागि विज्ञापन गरेकाे छ ।
प्रहरी जवान पदका लागि विज्ञापन निकालेर प्रहरी प्रधान कार्यालयले खुला प्रतियोगिताद्वारा समावेशी प्रावधान अनुसार ५ हजार २ सय २७ जना नयाँ प्रहरी भर्ना लिन लागेको हो । प्रहरी जवान पदमा भर्ना हुन चाहने याेग्यता भएका इच्छुक नेपाली नागरिकले आगामी कार्तिक १६ गतेदेखि मंसिर २३ गतेसम्म आवेदन दिन सक्ने प्रहरी प्रधान कार्यालयले प्रकाशित गरेको सूचनामा उल्लेख छ ।
प्रहरी प्रधान कार्यालयले खुलातर्फ २ हजार ८ सय १७ कोटा तोकेको छ भने अरू समावेशीतर्फ छ। आदिवासी जनजातिका लागि ७ सय ३७ जना र महिलातर्फ चार सय ४१ जनाको कोटा निर्धारण गरिएको छ । यस्तै मधेसी ६ सय ४६ जना दलित ३ सय ४५ जना र पिछडिएकाे क्षेत्र मा १ सय १६ जना प्रहरी जवान पदकाे लागि काेटा निर्धारणा गरी विज्ञापन भएकाे हाे । विज्ञापन भएकाे पदकाे लागि ७७ वटै जिल्ला प्रहरी कार्यालयमा दरखास्त दिन सकिने प्रहरी प्रधान कार्यालयले जनाएको छ ।
यस्तै प्रधान कार्यालयकाे सूचना बमाेजिम जिल्ला प्रहरी कार्यालय मकवानपुरले आउँदो कार्तिक १६ गते देखि दरखास्त फाराम दर्ता गरिने भएकाे छ । प्रहरी जवान पदमा आवेदन दिन ईच्छुक प्रहरी जवान पदको लागि उमेर १८ वर्ष उमेर पुरा भई २३ वर्ष ननाघेको तथा कक्षा ८ पास गरेकाे हुनु पर्ने जिल्ला प्रहरी कार्यालय मकवानपुरले जारी गरेकाे सूचनामा उल्लेख छ ।

मकवानपुर । राष्ट्रिय मानव अधिकार आयोगका अध्यक्ष अनुपराज शर्मासहितका पाँचैजना पदाधिकारी आज आइतबार देखि बिदा हुदैछन् । संवैधानिक परिषद्को सिफारिसमा राष्ट्रपतिबाट २०७१ साल कात्तिक २ गते आयोगमा पूर्वप्रधानन्यायाधीश अनुपराज शर्मा अध्यक्षका रुपमा नियुक्त भएका थिए ।
त्यस्तै साेही मितिमा आयोगको सदस्यका रुपमा प्रकाश वस्ती, सुदीप पाठक, मोहना अन्सारी र गोविन्द शर्मा पौडेल नियुक्त भएका थिए। संवैधानिक व्यवस्थाअनुसार ६ वर्षे कार्यकाल पूरा गरेका आयोगका ५ जना पदाधिकारीहरुकाे पदाधिकारी आइतबारबाट सकिएकाे हाे ।
वस्ती सर्वोच्च अदालतका पूर्वअस्थायी न्यायाधीश, पाठक मानव अधिकार आयोगकै पूर्वसदस्य, अन्सारी महिला आयोगकी पूर्वसदस्य र पौडेल वरिष्ठ अधिवक्ताको हैसियतमा आयोगको पदाधिकारी बनेका थिए।
आयोगकाले पदाधिकारकार सकिएका ५ जनाकाे जुम मिटिङमार्फत बिदाइ कार्यक्रम गरिरहेकाे जनाएकाे छ । शर्मा नेतृत्व पदाधिकारीहरुले केही दिनअघि मात्रै २ सय ८८ जना मानव अधिकार उल्लंघनकर्ताको नाम सार्वजनिक गरेको थियो।
‘शान्ति र सुरक्षाको प्रत्याभूति दिलाउन नेपाल प्रहरीकाे भूमिका प्रशंसनीय’
Tags: No Comments
मकवानपुर । बागमती प्रदेशका मुख्यमन्त्री डोरमणि पौडेलले शान्ति र सुरक्षाको प्रत्याभुति दिलाउन नेपाल प्रहरी भूमिका प्रशंसनीय रहेकाे बताएका छन् । प्रदेश प्रहरी कार्यालय हेटौंडाको आयोजनामा ६५ औ प्रहरी दिवस हेटौंडामा आयोजित कार्यक्रमलाई संबोधन गर्दै अपराध नियन्त्रण र अनुसन्धान गरी समाजमा शान्ति, अमनचयन र सुरक्षाको प्रत्याभुति दिलाउन नेपाल प्रहरीले निर्वाह गरेको भूमिका प्रशंसनीय रहेको पाैडेलले बताएका हुन् ।
‘विषम् परिस्थितिहरुमा समेत प्रहरी संगठनले निर्वाह गरेको चुनौतिपूर्ण जिम्मेवारीहरुले समाजमा नेपाल प्रहरीप्रति आशा र भरोसा बढेको छ’ उनले भने ‘मुलुकलाई सङकट परेको बेलामा भुकम्प, महामारी, बाढी पहिरो लगायत प्राकृतिक प्रकोप तथा दुघर्टनामा उद्धार तथा अन्य मानवीय सहायताका कार्यहरु, गम्भीर अपराध अनुसन्धानमा प्रहरीले प्राप्त गरेको सफलताले नेपाल प्रहरी जिम्मेवारीबोध र उत्तरदायित्वको भावनाबाट निर्दैशित हुनुको प्रतिफल हो ।’

संगठित एवम् जघन्य अपराध, महिला तथा बालबालिकामाथि हुने अमानवीय कार्यप्रति शुन्य सहनशिलता अपनाउनु जरुरी रहेको वताउँदै उनले भने – ‘पछिल्लो समय महिला तथा बालबालिकाहरु माथि भईरहेको दुब्र्यवहार, हिंसा तथा बलात्कारका घटनाहरुलाई गम्भिरतापुर्वक लिदैं अपराधिलाई कानुनी कठघरामा ल्याउन सशक्त ढंगबाट प्रस्तुत हुन आग्रह गर्दछु ।
विश्वब्यापी फैलिएको कोरोना महामारीले विगतको भन्दा फरक र अनपेक्षित अवस्था सिर्जना भएको र हिजोका दिनमा प्रहरी संगठनले निर्वाह गरेको भूमिकालाई फरक ढंगले आवश्यक स्वास्थ्य सुरक्षाको मापदण्डलाई ख्याल गर्दै पुरा गर्नुपर्ने भएको छ भने नागरिकलाई समेत महामारिको विरुद्ध जुध्न विश्व स्वास्थ्य संगठन तथा नेपाल सरकारले तय गरेको सुरक्षात्मक उपायहरु अवलम्बन गर्न तथा गराउन प्रहरीले भुमिका निर्वाह गर्नुपरेको उनले बताए ।

कार्यक्रममा उनले अमर प्रहरी स्मारकमा रेथ चढाई श्रदान्जली समेत अर्पण गरे। कार्यक्रममा मुख्यमन्त्री पौडेलले ‘विषम परिस्थीतिमा प्रहरी परिरचालन सम्बन्धी मार्ग निर्देशन २०७७ को लोकार्पण समेत गरेका थिए। त्यसैगरी प्रहरी दिवसकाे अवसरमा उनले विभिन्न व्यक्तित्वलाई पुरस्कार तथा सम्मान गरेका छन् ।

कार्यक्रममा आन्तरिक मामिला तथा कानून मन्त्री शालिकराम जमकट्टेलले नेपाल प्रहरी समायोजन हुने क्रममा रहेको बताए । उनले अमर प्रहरी परिवारका आश्रीत परिवारजनलाई कदरपत्र प्रदान गरे । कार्यक्रम प्रदेश प्रहरी कार्यालय हेटौंडाका प्रहरी नायब महानिरीक्षक बसन्तकुमार लामाको अध्यक्षतामा भएको हो । कार्यक्रममा बागमती प्रदेशका प्रमुख सचिब मानबहादुर विके, आन्तरिक मामिला तथा कानून मनत्रालयका सचिब मदन भुजेल, हेटौंडा उपमहानगरपालिकाका उपमेयर मिना कुमारी लामा लगायतकाको आतिथ्यता रहेको थियो ।
प्रहरी दिवसकाे कार्यक्रममा मुख्यमन्त्री डाेरमणि पाैडेलकाे सम्बाेधनकाे पूर्ण पाठ
मकवनापुर । राक्सिराङ गाउँपालिका ४ का स्थानीयले आफ्ना मागहरु सम्बोधन नगरी खानी सञ्चालन गर्न नदिने निर्णय गरेका छन् । मकवानपुरको पश्चिममा रहेकाे राक्सिराङ गिङ्गु डाँडामा हेटौंडामा सञ्चालनमा रहेकाे रिद्धिसिद्धि सिमेन्ट उद्योले बिगत् ३ वर्षदेखि खानी सञ्चालनको प्रयास गर्दै आएको छ ।
स्थानीय जनसरोकार समितिको आयोजनामा बुधबार भएको भेलामा खानी क्षेत्रकाे तल्लो ठाँउमा बसोबास गर्दै आएका ६४ परिवारले आफुहरुको उचित ब्यवस्थापन नभएसम्म खानी सञ्चालन गर्न नदिने निर्णय गरेका हुन् । उनीहरूले पुस्ताैंदेखि भोगचलन गर्दै आएको जमिनको उचित मुआब्जा र उच्च जोखिमा रहेकाहरुको पुर्नबासको माग गरेका छन् ।

उद्योगले जर्बजस्ती खानी सञ्चालन गर्न खोजे त्यसको प्रतिवादन गर्ने भेलाले निर्णय गरेको सरोकार समितिका अध्यक्ष गोपाल मुक्तानले बताए । उनका अनुसार सिमेण्ट उद्याेगकाे खानीले आसपासका २५ हेक्टर जमिन प्रभावित हुनेछ । चलनचल्तीको मुल्यमा उद्योग आफैले स्थानीयको जमिनि खरिद गर्नुपर्ने, जग्गा बिक्री गर्दा दश लाख रुपैयाँ भन्दा कम रकम प्राप्त हुनेहरुलाई अन्यत्र पुर्नबास गराउनुपर्ने स्थानीयहरुले माग गरेका छन् । साथै भेलामा उद्योगका प्रतिनिधि र स्थानीय जनप्रतिनिधिलाई बोलाएपनि उपस्थित नभएको भन्दै उनीहरुले आपत्ति जनाएका छन् ।
भेलामा बोल्दै सामाजिक अभियान्ता तथा जनता समाजवादी पार्टीका युवा नेता तुफान बिक्रम क्षेत्रीले स्थानीयहरुको उचित ब्यवस्थापनमा उद्योगले बेवास्ता गरेको बताए । ‘डाँडामाथि खानी खन्ने र मुनितिरका जनताको ब्यवस्थापन नगर्ने हो भने ठुलो बिपत्ति निम्तिनसक्छ’, उनले भने, ‘लुकिछिपि स्थानीयको माग सम्बोधन नगरी उद्योगले खानी सञ्चालन गर्न सक्दैन ।’ भेलामा जनसरोकार समितिका सचिव डिल बहादुर प्रजा,स्थानीय टोल विकास समितिका अध्यक्ष सुक्रमान प्रजा, ४ नम्बर वडा सदस्य कर्ण बहादुर बल लगायतले स्थानीयहरुको समस्याको बारेमा बोलेका थिए ।

भेलामा सहभागि स्थानीयहरु
खानी बिभागले भने हालसम्म गिङ्गु डाँडामा रिद्धिसिद्धि सिमेन्टले उत्खनन् अनुमति लिइनसकेको जनाएको छ । गिङ्गु डाँडादेखि गोराङ्दी खोला किनारसम्म भिरालो जमिनमा रहेको बस्ती खानी सञ्चालनपछि उच्च जोखिमा रहने भन्दै खानी बिभागको अध्ययन टोलीले उक्त बस्तीलाई अन्यत्र सारेर मात्र खानी सञ्चालन गर्न सकिने प्रतिवेदन बिभागमा बुझाएको छ ।
मकवानपुर । ६५ औं प्रहरी दिवस २०७७ को अवसरमा बागमती प्रदेश प्रहरी कार्यालय हेटौंडाको आयोजनामा बुधबार सार्वजनिक महत्वका धार्मिक स्थलहरुको सरसफाई गरिएको छ ।
बागमती प्रदेश प्रहरी कार्यालय साथै अन्तर्गतका १० वटै जिल्लाहरुमा एकै साथ सरसफाई कार्यक्रम भएको हो । प्रदेश भरीका १५ वटा धार्मिक स्थलहरुको सरसफाई गरीएको हो । प्रदेश भरीका ३ सय ७० जना प्रहरी कर्मचारी परिचालन गरी सरसफाई गरिएको बागमती प्रदेश प्रहरी कार्यालय हेटौंडा प्रहरी वरिष्ठ उपरीक्षक सुदिप गिरीले जानकारी दिए ।
धार्मिक स्थलको सरसफाई गर्ने कार्यक्रम अन्तर्गत बागमती प्रदेश प्रहरी कार्यालय हेटौंडाले प्रदेश प्रहरी प्रमुख प्रहरी नायव महानिरीक्षक बसन्त कुमार लामा, प्रहरी बरिष्ठ उपरीक्षक सुदिप गिरी, प्रहरी निरीक्षक रोशन थापा सहितको ४० जना प्रहरी कर्मचारीको टोलीले हेटौंडा उप महानगरपालीका १० स्थित गोरक्षेश्वर मन्दिरको सरसफाई गरेको थियो ।
प्रहरी दिवसकै अवसरमा बागमती प्रदेश प्रहरी कार्यालय हेटौंडाले विहीबार बृक्षारोपण गर्ने कार्यक्रम रहेको छ । प्रदेश अन्तर्गतका सम्पुर्ण जिल्लाहरुमा विहीबार बिहान सार्बजनिक महत्वका स्थलहरुमा बृक्षारोपण कार्यक्रम गरिने गिरीले बताए ।