मकवानपुर । मकवानपुर प्रहरीले लागुऔषध सहित २ जना पक्राउ गरेकाे छ । हेटाैडा १० बसपार्क प्रहरी चाैकीबाट खटिएकाे प्रहरी चेकिङ टाेलीले भदाै ८ गते लागुऔषध फेनारागन एमपुल–९, डाईजोपाम एमपुल–९, नुरफिन एमपुल–९ सहित एमपुल उनीहरूलाई पक्राउ गरिएकाे हाे ।
विरगंजबाट चितवन तर्फ जाँदै गरेकाे ना ५ ख ३९४३ नं. काे बस चेकजाँच गर्दा उक्त परिमाणकाे लागुऔषध सहित चितवन रत्ननगरपालिका १० का दमन थापा र विनाेद चाैधरीलाई पक्राउ गरिएकाे जिल्ला प्रहरी कार्यालयले जनाएकाे छ ।
ना ५ ख ३९४३ नं. काे बसमा सवार थापाकाे साथबाट उक्त परिमाणकाे लागुऔषध फेला परेकाे तथा थापासँगै सवार चौधरी समेतकाे संलग्नता रहेकाेले दुवै जनालाई नियन्त्त्रणमा लिई आवश्यक अनुसन्धान भइरहेकाे जिल्ला प्रहरी कार्यालयका प्रवक्ता जयश्वर रिमालले जानकारी दिए ।
मकवानपुर प्रहरीले अपहरणमा परेका २ जना युवाको उद्वार गरेर ४ दिनपछि सकुसल परिवारको जिम्मा लगाएका छन् । प्रहरीले उनीहरुलाई भारतबाट उद्वार गरेर हेटौंडा स्थित परिवारको जिम्मा लगाएको हो ।
जिल्ला प्रहरी कार्यालय मकवानपुरले शनिबार पत्रकार सम्मेलन गरेर यो जानकारी सार्वजनिक गरेको थियो । हेटौंडा उपमहानगरपालिका वडा नम्वर –९ स्वागत टोल बस्ने २३ वर्षीय गोविन्द श्रेष्ठ र २२ वर्षीय पवन रानामगरलाई सकुसल उद्वार गरी शनिबार नै परिवारको जिम्मा लगाएको मकवानपुरका प्रहरी प्रवक्ता प्रहरी नायव उपरीक्षक जयश्वर रिमालले बताए ।
उनीहरु भदौ ३ गते राति ९ः ३० बजे हेटौंडा बसपार्क क्षेत्रबाट अपहरणमा परेका थिए । श्रेष्ठ र राना मगरलाई ३ जना भारतीय नागरिकहरुले विभिन्न प्रलोभन देखाएर भारतको मोतिहारीसम्म पु-याएको मकवानपुर प्रहरीले जानकारी दिएको छ । त्यसपछि उनीहरुलाई त्यहाँ बन्धक बनाइएको थियो ।
अपहरणकारीले उनीहरुसंँग प्रतिव्यक्ति ५ लाख भारतीय रुपीयाँ फिरौती माग गरेका थिए । फिरौती नपाए मृगौला बेचिदिने भन्दै यातना दिएका थिए पीडितको परिवारले जनाएक छ ।भारतीय प्रहरी र नेपाल प्रहरीको संयुक्त प्रयासमा उनीहरुको उद्वार गरिएको जिल्ला प्रहरी कार्यालय मकवानपुरका प्रहरी नायव उपरीक्षक रिमालले जानकारी दिए । घटनाको विषयमा थप अनुसन्धान भइरहेको रिमालले बताए ।
मकवानपुर प्रहरीले केही समय अगाडि मकवानपुर जिल्ला मनहरी गाउँपालिकाबाट अपहरीत एक बालिकालाइ पनि भारतबाट सकुसल उद्धार गरेको थियो ।
मकवानपुर । मकवानपुर प्रहरीले सुनकाे गहना चाेरी गरेकाे आरोपमा १ जना पक्राउ गरेकाे छ । मकवानपुरको हेटौंडामा सुनको गहना चोरी गरेको आरोपमा १ जना पक्राउ गरेकाे जिल्ला प्रहरी कार्यालयले जनाएकाे छ ।
मकवानपुर प्रहरीले हेटौंडा-२ स्थित मनोज राईको सुन बनाउने ठाउँबाट ६५ लाल सुन र ७६ हजार रुपैयाँ नगद चोरी गरेको आरोपमा हेटौंडा १० राप्तिरोड बस्ने २५ वर्षीय सन्दिप जोशीलाई पक्राउ गरेको जिल्ला प्रहरी कार्यालय मकवानपुरका प्रहरी प्रवक्ता जयश्वर रिमालले जानकारी दिए ।
गत साउन २३ गते हेटौंडा-२ राईको सुन बनाउने ठाउँबाट गहना र नगर चोरी भएको निवेदन प्राप्त भएकोले चाेरी गरेको आरोपमा जोशीलाई पक्राउ गरिएको प्रहरीले जनाएको छ । जोशीलाई भदाै २ गते शुक्रबार हेटौंडा-१२ पदमपोखरीबाट पक्राउ गरिएको र थप अनुसन्धानका भईरहेको प्रहरी प्रवक्ता रिमालले बताए ।
मकवानपुर । मकवानपुर प्रहरीले कुटपिट मुद्दामा फरार रहेका ३ जना प्रतिवादी पक्राउ गरेकाे छ । मकवानपुर जिल्ला अदालतकाे विभिन्न मितिमा भएकाे फैसला बमाेजिम जरिवाना ताेकिएका ३ जना फरार रहेकाे भदाै ४ गते उनीहरूलाइ पक्राउ गरिएकाे मकवानपुर प्रहरीले जनाएकाे छ ।
मकवानपुर जिल्ला अदालतकाे २०७७ साल मंशिर ९ गतेको फैसलाले कुटपिट मुद्धामा ५ हजार जरिवाना तोकिइ फरार प्रतिवादी हेटौडा ९ का ३२ बर्षिय यदु कुमार विश्वकर्मालाई जिल्ला प्रहरी कार्यालय मकवानपुरबाट खटीएको प्रहरी टोलीले भदाै ४ गते हेटाैडा ४ बाट पक्राउ गरिएकाे हाे ।
यसैगरी मकवानपुर जिल्ला अदालतकाे २०७७ साल मंशिर ९ गतेको फैसलाले कुटपिट मुद्दामा ५ हजार जरिवाना ताेकिइ फरार प्रतिवादी हेटौडा १६ का ४० बर्षिय राधिका विश्वकर्मालाई जिल्ला प्रहरी कार्यालय मकवानपुरबाट खटीएको प्रहरी टोलीले भदाै ४ गते नै हेटाैडा १६ बाट पक्राउ गरिएकाे जिल्ला प्रहरी कार्यालय मकवानपुरका प्रवक्ता जयश्वर रिमालले जानकारी दिए ।
जरिवाना भुक्तानको लागी सम्मानित मकवानपुर जिल्ला अदालतमा
उपस्थित गराउने कार्य भईरहेको ।
यस्तै मकवानपुर जिल्ला अदालतको २०७७ मंशिर ९ गतेको फैसलाले कुटपिट मुद्दामा ५ हजार जरिवाना तोकिइ फरार प्रतिवादी हेटौडा १६ घर भई हेटाैडा २ मा युनिभर्सल सुन पसल सञ्चालन गरि बस्ने वर्ष ४८ को रामचन्द्र घिमिरे विश्वकर्मालाई जिल्ला प्रहरी कार्यालय मकवानपुरबाट खटीएको प्रहरी टोलीले भदाै ४ गते हेटाैंडा १६ बाट पक्राउ गरिएकाे रिमालले बताए ।
पक्राउ परेका यदुकुमार, राधिका र रामचन्द्रलाई अदालतबाट ताेकिएकाे जरिवाना भुक्तानको लागि मकवानपुर जिल्ला अदालतमा उपस्थित गराउने कार्य भईरहेको प्रहरीले बताएकाे छ ।
मकवानपुर । मकवानपुर प्रहरीले ३ जना फरार प्रतिवादी पक्राउ गरेकाे छ । मकवानपुर जिल्ला अदालतकाे विभिन्न मितिमा भएकाे फैसला बमाेजिम कैद र जरिवाना भुक्तान गर्न रहेका फरार प्रतिवादी पक्राउ गरिएकाे मकवानपुर प्रहरीले जनाएकाे छ ।
मकवानपुर जिल्ला अदालत हेटौडाको २०७७ साल साउन ११ गतेको फैसलाले चेक अनादर मुद्दामा १ महिना कैद र ३ हजार जरिवाना भुक्तान गर्न बाँकी रही फरार रहेका हेटाैडा उपमहानगरपालिका १० का ३४ बर्षिय सन्तोष साहलाई जिल्ला प्रहरी कार्यालय मकवानपुरबाट खटिएको प्रहरी टोलीले भदाै २ गते बुधबार हेटाैडा १० बाट पक्राउ गरी आवश्यक कारवाहिको लागि सम्मानित जिल्ला अदालत मकवानपुरमा उपस्थित गराईएको जिल्ला प्रहरी कार्यालयका प्रवक्ता जयश्वर रिमालले जानकारी दिए ।
यसैगरी मकवानपुर जिल्ला अदालतको २०७५ साल असार १० गतेको फैसलाले सवारी ज्यान मुद्दामा १ महिना कैद र २ हजार जरिवाना भुक्तान गर्न बाँकी रही फरार रहेका हेटाैडा १२ का २७ बर्षिय उद्धव तिवारीलाई जिल्ला प्रहरी कार्यालय मकवानपुरबाट खटिएको प्रहरी टोलीले भदाै २ गते बुधबार हेटाैडा १२ बाट पक्राउ गरी आवश्यक कारवाहिको लागी सम्मानित जिल्ला अदालत
मकवानपुरमा उपस्थित गराईएको समेत प्रवक्ता रिमालले बताए ।
यस्तै मकवानपुर जिल्ला अदालतकाे २०७३ साल भदाै १५ गतेको फैसलाले लागुऔषध खैरो हिरोईन मुद्दामा २ महिना ११ दिन कैद भुक्तान गर्न बाँकी रही फरार रहेका हेटाैडा ५ का २६ बर्षिय प्रदिप राज कार्कीलाई जिल्ला प्रहरी कार्यालय मकवानपुरबाट खटिएको प्रहरी टोलीले भदाै २ गते हेटाैडा ५ बाट पक्राउ गरी आवश्यक कारवाहिको लागि जिल्ला अदालत मकवानपुरमा उपस्थित गराईएको रिमालले बताए ।