मकवानपुर । हेटौडामा प्रथम हेटौंडा स्काउट क्याम्प-२०८० शु्क्रबार (आज) बाट हुदैछ । हेटौंडा उपमहानगरपालिकाको आर्थिक सहयोग र नेपाल स्काउट, स्थानीय स्काउट कार्यालय हेटौंडा उपमहानगरपालिका समितिको आयोजनामा प्रथम हेटौंडा स्काउट क्याम्प-२०८० हुने भएको हाे ।
स्थानीय तहकामा स्काउटको माध्यमबाट यूवा तथा बालबालिकाहरुको सर्वाङ्गिण विकास गरी देश विकासमा अग्रसर असल नागरिक बनाउने उद्देश्यले आजदेखि २८ गतेसम्म स्काउट क्याम्प हुने संयोजक दीपेन्द्र रोक्काले बताए ।
हेटौंडा–१८ स्थित गोरक्षनाथ माविमा हुने क्याम्पमा क्याम्पमा नगरभित्रका २५ भन्दा बढी सामुदायिक तथा संस्थागत विद्यालयहरुका चार सयभन्दा बढी स्काउटमा आबद्ध प्रशिक्षार्थिहरू सहभागि रहने संयोजक रोक्काले बताए । क्याम्पका लागि जिल्लाका अन्य गाउँपालिकामा रहेका विद्यालयका स्काउटको समेत सहभागिता रहनेछ ।
कार्यक्रममा स्काउटरहरुले ओमेगा जम्प, सुपरम्यान जम्प,टायर क्रसिङ,मंकी ब्रिज क्रसिङ,कमान्डो ब्रीज क्रसिङलगायत स्काउटिङ गतिविधिमा सहभागिता जनाउने छन् ।
क्याम्पमा निबन्ध प्रतियोगिता, नृत्य प्रतियोगिता, क्याम्प सजावट प्रतियोगिता रहनेछ । क्याम्पमा विद्यार्थीहरुलाई विपद् व्यवस्थापन तालिम, प्राथमिक उपचार तालिम, वातावरण संरक्षण सम्बन्धी तालिम समेत दिने व्यवस्था मिलाइएको राेक्काले जानकारी दिए ।
क्याम्प सञ्चालनका लागि १० लाख रुपैयाँ खर्च हुने अनुमान गरिएको छ । जसमध्ये हेटौंडा उपमहानगरपालिकाले ८ लाख सहयाेग गर्ने तथा बाँकी रकम अन्य सहयोगी दाताहरुको सहयोग र हेटौंडा उपमहानगर समितिले सहयाेग गर्ने बताइएकाे छ ।
मकवानपुर । मकवानपुर जिल्लाकाे इन्द्रसराेवर गाउँपालिकामा सुमाे दुर्घटना हुँदा ९ जना घाइते भएका छन् । भीमफेदी– कुलेखानी–काठमाडौं सडक खण्ड अन्तरगत इन्द्रसरोवर २ बतासेमा जेठ २४ गते बेलुका ७:३० बजेको समयमा सुमाे दुर्घटना भएकाे हाे ।
हेटौडा तर्फबाट काठमाडौं तर्फ जादै गरेको ना.१ ज १७६४ नम्बरको सुमो आफै अनियन्त्रित भई सडकबाट ४०/५० मिटर तल खसी दुर्घट्ना हुँदा ९ जना घाइते भएकाे मकवानपुर प्रहरीले जनाएकाे छ । सुमाे दुर्घटनामा घाइते भएकालाई इलाका प्रहरी कार्यालय भीमफेदीकी प्रहरी निरीक्षक प्रतिमा कार्कीसहितकाे प्रहरी टेालीले उपचारकाे लागि काठमाडाै पठाइएकाे हाे ।
दुर्घटनामा घाइते हुनेहरुमा सुमो चालक हेटौडा ३ का २३ वर्षिय बुद्ध रुम्बा, हेटाैडा १८ का २४ वर्षिय ईसाख मोक्तान, मकवानपुर कैलाश गाउँपालिका ९ का ३० वर्षिय भिम बहादुर मोक्तान, हेटौडा १८ का १८ वर्षिय सुमन घलान, बारा नितनपुर १० का २२ वर्षिय करण पटेल र २२ वर्षीय रामजित राउत र काठमाडौंका २५ वर्षिय बिमला तमाङ रहेका प्रहरी निरक्षक कार्कीले जानकारी दिइन् ।
अन्य २ जना घाइते प्रहरी पुग्नु अगाडीनै उपचारको लागि काठमाडौं तर्फ पठाएकोले नाम थर नखुलेको प्रहरीकाे भनाइ रहेकाे छ । घाइते सवै जनाकाे अवस्था मध्यम तथा सामान्य रहेकाे छ । सुमो घटना स्थलमा रहेको र चालक प्रहरीको नियन्त्रणमा रहेकोकाे प्रहरीले जनाएकाे छ ।
मकवानपुर । हेटौंडा उपमहानगरपालिका–१९ झ्याम्रुस्थित नेपाल टेलिकमको टावरबाट सल्किएको आगोले स्थानीयकाे गोठ समेत जलेर क्षति पुगेको छ । नेपाल टेलिकमको टावर मुनी राखिएको ब्याकपबाट सल्किएको आगोले स्थानीय धर्मराज मोक्तानको गाईगोठमा क्षति पुगेको मकवानपुर प्रहरी जनाएको छ ।
बागमती प्रदेश प्रहरी कार्यालय हेटौंडाका अनुसार आगलागीबाट मोक्तानको गोठमा रहेका १० वटा बाख्रा, ५ वटा बोका, अन्नपात, लत्ताकपडा, फर्निचर र नगद १ लाख ५० हजार गरी करीब ८ लाख ६१ हजार बराबरको क्षती भएको छ ।
नेपाल टेलिकमको ब्याकप वाईरिङ मेशिनको मुल्य एकिन नभएको प्रहरीले जनाएको छ । घटना सम्बन्धमा थप अनुसन्धान कार्य भईरहेको प्रहरीले जनाएको छ ।
मकवानपुर । हेटौंडा उपमहानगरपालिकाको छुट्टाछुट्टै स्थानमा २ जनाको मृत्यु भएको छ । हेटौंडा १२ सिक्रेनीमा झुण्डिएर १ जना र हेटौंडा १९ मा रुख काट्ने क्रममा लडेर १ जनाको ज्यान गएको मकवानपुर प्रहरीले जनाएको छ ।
झुण्डिएर मृत्यु हुनेमा हेटौंडा १२ कि १३ वर्षीय रोजी भुजेल र लडेर मृत्यु हुनेमा हेटौंडा १९ का अन्दाजी २५/२६ वर्षीय कुमार स्याङ्तान रहेको जिल्ला प्रहरी कार्यालय मकवानपुरका प्रवाक्ता टेक बहादुर कार्कीले जानकारी दिए ।
जेठ २४ गते बुधबार हेटौंडा १२ सिक्रेनी चारघरे बस्ने रुपक भुजेलकि बहिनी रोजीले घरको झ्यालको भेन्टिलेटरमा सलको पासो लगाई झुण्डिएर मृत्यु भएको प्रहरीले जनाएको छ । मृत्युको कारण खुल्न सकेको छैन भने आबश्यक अनुसन्धान भइ रहेको प्रहरीको भनाई छ ।
यस्तै जेठ २४ गते हेटौंडा १९ बुद्धचोक बस्ने कुमार स्याङ्तानको घर नजिकको जलेश्वर सामुदायिक वनमा सालको रुख काट्ने क्रममा खोल्सामा खस्दा मृत्यु भएको मकवानपुर प्रहरीले जनाएको छ । घटनाको बिषयमा थप अनुसन्धान भइरहेको प्रहरीले जनाएको छ ।
मकवानपुर । बागमती प्रदेश प्रहरी कार्यालयले अपराध तर्फ ४ हजार ५४ वटा मुद्दा दर्ता गरेका छ । अपराध सम्बन्धी मुद्दा अन्तरगत सबै भन्दा बढी आत्महत्यामा ७ सय ९४ मुद्दा दर्ता भएको कार्यालयले जनाएको छ ।
बागमती प्रदेश प्रहरी कार्यालयले बुधबार पत्रकार भेटघाट कार्यक्रम गर्दै चालू वर्षको प्रगति विवरण सार्वजनिकमा उक्त तथ्यांक सार्वजनिक गरेको हो ।
कार्यालयका प्रहरी वरिष्ठ उपरिक्षक एंव प्रवक्ता दीपक रेग्मीले प्रगति विवरण सार्वजनिक गरेकाे तथ्याङ्क अनुसार लागूऔषधमा ३ सय २२, चोरीमा २ सय ५९, जबरजस्ती करणीमा २ सय २४, सवारी ज्यानमा २ सय ८ मुद्दा दर्ता भएको जानकारी दिए । रेग्मीका अनुसार ज्यान मार्ने उद्योगमा ६३, जबरजस्ती करणी उद्योगमा ५९, ठगी ५७, कर्तव्यज्यान अन्तर्गत ३६, जुवातासमा ३३ र अन्य शीर्षकमा एक हजार ९ सय ३४ मुद्दा दर्ता भएको हो ।
प्रगति विवरण सार्वजनिक कार्यक्रममा प्रदेश प्रहरी कार्यालय हेटौंडाका प्रमुख डिआइजी किरण राणाले प्रहरीको सुरक्षामा सुधार ल्याउन आफूले नयाँ कन्सेप्ट लिएर जिल्लामा स्मार्ट कन्ट्रोल रुम निर्माणमा लागिपरेको जानकारी दिइन् । स्मार्ट कन्ट्रोल रुम चालु आवमा नै निर्माण सम्पन्न गरी सुचारु गर्ने तयारीमा रहेको उनले बताइन् । सञ्चारकर्मीहरुसँगको अन्तरक्रियामा उनले अपराध नियन्त्रणमा कुनैपनि कसर बाँकी नराख्ने बताइन् ।
कार्यालय आन्तरिक शुद्धीकरण देखि अपराध नियन्त्रणको अभियानमा रहेको बताउँदै राणाले भनिन् ‘लागूऔषध नियन्त्रण, प्रदेशभित्रका फरार अपराधी पक्राउमा तीव्रता, सबै किसिमको तस्करी नियन्त्रण, अवैध प्राकृतिक स्रोतसाधनको दोहनलाई पूर्ण रुपमा निषेध, प्रहरी जनशक्ति सुदृढिकरण एंव शुन्यसहनशीलाको नीति अवलम्बन गर्ने लगायतका योजना रहेको छ ।’
संगठनमा कतिपय व्यक्तिहरुबाट गल्ती हुने गरेकोमा संगठन शुद्धीकरण गरेर जाने जानुपर्छ डिआइजी राणाले भनिन् – मकवानपुरमा गाँजाको खेती तथा ओसारपसार अत्यधिक मात्रामा हुने गरेकोले त्यसको व्यवस्थापनमा लागिपरेका छौं ।’आफूले गाँजा न्युनीकरणका लागि आन्तरिक मन्त्रालयका मन्त्री र मुख्यमन्त्रीसँग छलफल गरेको र व्यवस्थापन गरेर अगाडि बढ्ने प्रतिवद्धता समेत उनले जनाइन् ।
प्रदेश प्रहरी कार्यालयकाे उपत्यकाका ३ जिल्ला बाहेक प्रदेशका १० जिल्ला कार्यक्षेत्र रहेकाे छ ।