जिल्ला समन्वयबाट बकैया गाउँपालिकालाई बालमैत्री घोषणाको अनुमति प्रदान
Tags: No Comments
मकवानपुर/बालमैत्री स्थानीय शासन लागु भएको स्थानीय तहको रुपमा घोषणा कार्यक्रमको तयारीमा लागेको मकवानपुरको बकैया गाउँपालिकालाई जिल्ला समन्वय समिति मकवानपुरले अनुमति प्रदान गरेको छ ।
जिल्ला समन्वय समिति (जिसस) मकवानपुरले बकैया गाउँपालिकालाई बालमैत्री स्थानीय तह घोषणाका लागि औपचारीक रुपमा अनुमति प्रदान गरेको हो । आईतबार जिल्ला समन्वय समिति मकवानपुरका प्रमुख रघुनाथ खुलाललको अध्यक्षतामा बसेको स्थानीय तह समन्वय बैठकमा गाउँपालिकालाई जिल्लाको दोस्रो बालमैत्री अवलम्बन गर्ने स्थानीय तह घोषणाको अनुमति प्रदान गरिएको हो ।
जिसस प्रमुख खुलालले गाउँपालिका अध्यक्ष दामोदर खनाल, उपाध्यक्ष सरला बोलखेलगायत टोलीलाई बालमैत्री घोषणाको लागि योग्य भएको प्रमाणपत्र प्रदान गरे । गाउँपालिकाले बालमैत्री स्थानीय शासन कार्यान्वयन कार्यविधि २०६८ बमोजिमका सुचकहरुमा घोषणा योग्य उपलब्धी हासिल गरि बालमैत्री स्थानीय तह कार्यविधि २०७० बमोजिमको प्रकृयाहरु पुरा गरेको अनुगमनबाट पुष्टि भएको हुँदा जिल्लाको दोस्रो बालमैत्री स्थानीय तहको रुपमा घोषणाका लागि अनुमति प्रदान गरिएको जिसस प्रमुख खुलालले बताए ।
आगामी विहीबार (माघ २९ गते) बकैया गाउँपालिकालाई बालमैत्री घोषणा गर्न लागिएको छ । घोषणापछि मकवानपुरको बकैया गाउँपालिका जिल्लाको दोस्रो बालमैत्री स्थानीय तह बन्नेछ । मकवानपुरको मनहरी गाउँपालिका एक वर्ष अगाडि बालमैत्री घोषणा गरिसकिएको छ ।
प्रमाणपत्र प्रदान गर्दै खुलालले बालमैत्री घोषणाको सफलताको शुभकामना व्यक्त गरे । बालमैत्री स्थानीय शासनको निरन्तरतासंगै समृद्ध बकैया निर्माणको अभियानमा लाग्न उनले अनुरोध गरे ।
‘गाउँपालिकाले सबै प्रकारको तयारी अन्तिम चरणमा पु¥याछ, यसबारे अनुगमनमा सहभागी अवथा विश्लेषण् गरिदिनु भएकोमा धन्यवाद’ गाउँपालिका अध्यक्ष खनालले भने । कार्यक्रममा गाउँपालिकालाई प्रमणपत्र प्राप्तपछि आफूहरुलाई कदम झनै उत्साही बनाएको गाउँपालिका उपाध्यक्ष सरला बोलखेले बताइन् ।
यस्तै बैठकले शहीद स्मृति स्थानीय तह राष्ट्रिय गोल्डकप फुटबल प्रतियोगिताका लागि जिल्लाका १० वटै स्थानीय तहले आर्थिक सहयोग गर्ने निर्णय गरेको छ । मकवानपुर जिल्ला फुटबल संघले आयोजना गर्ने शहीद स्मृति स्थानीय तह राष्ट्रिय गोल्डकप प्रतियोगिताका लागि स्थानीय तहले घोषणा गरेको रकम उपलब्ध गराउने निर्णय गरेको हो । गोल्डकप सञ्चालनका लागि यसअघि नै जिल्लाका गाउँपालिकाहरुले ५ लाखका दरले र नगरपालिकाले १० लाख तथा उपमहानगरपालिकाले १५ लाख रुपैयाँ सहयोग गर्ने निर्णय भएअनुसार रकम उपलब्ध गराउने निर्णय भएको प्रमुख खुलालले बताए ।
बैठकमा जिसस उपप्रमुख भगवती पुडासैनी, थाहा नगरपालिकाका मेयर लबशेर बिष्ट, उपमेयर खड्ग गोपाली, बकैया गाउँपािलका अध्यक्ष दामोदर खनाल, उपाध्यक्ष सरला बोलखे, कैलाश गाउँपालिकाका अध्यक्ष टंक मोत्तान, उपाध्यक्ष सुकुमाया थिङ्, मकवानपुरगढी गाउँपालिका अध्यक्ष विदुर हुमागाई, मनहरी गाउँपालिका अध्यक्ष एकराज उप्रेती, भीमफेदी गाउँपािलका उपाध्यक्ष पाबर्ती राना, बागमती गाउँपािलका उपाध्यक्ष धनमाया स्याङ्तान, समन्वय अधिकारी आनन्दराज पोखरेल, जिसस सदस्य देवराज रिमाललगायतको सहभागिता थियो ।
मकवानपुर/जिल्ला प्रहरी कार्यालय मकवानपुरले विभिन्न समयमा फरार रहेका ६ जना प्रतिवादीलाई सोमबार पक्राउ गरेको छ ।
जसमा २१ वर्ष अघिदेखि फरार सूचिमा रहेका प्रतिवादीदेखि २ वर्ष अगाडिबाट फरार सूचिमा रहेकाहरु छन् । जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक इन्द्र बहादुर रानाका अनुसार जिल्ला अदालत मकवानपुरले २०५६ असार १६ गतबाट फरार हरेका कर्तव्य ज्यान मुद्दाका फरार प्रतिवादी रहेका छन् ।
१६ असार २०५६ मा जिल्ला अदालत मकवानपुरको फैसलाले कर्तव्य ज्यान मुद्दामा २१ वर्ष ६ महिना कैद सजाय तोकिएका साबिक ठेगाना मकवानपुर जिल्ला बुढिचौर गाविस–५ घर भई हाल मकवानपुरको मकवानपुरगढी गाउँपालिका–८ बस्ने ७३ वार्षीय फरार प्रतिवादी देवलाल रुम्बालाई सोमबार प्रहरीले पक्राउ गरेको हो । रुम्बालाई मकवानपुर जिल्ला मकवानपुरगढी गाउँपालिका– ८ बाट पक्राउ गरी कैद भुक्तानको लागि जिल्ला अदालत मकवानपुरमा उपस्थित गराउने कार्य भइरहेको प्रनाउ रानाले बताए ।
यसैगरी जिल्ला अदालत मकवानपुरले २२ जेठ २०७५ को फैसलाले लागू औषध मुद्दामा १० महिना कैद सजाय तोकिपछि फ रार रहेका मकवानपुर जिल्ला मनहरी गाउँपालिका– ९ बस्ने ४८ वर्षीय फरार प्रतिवादी चेपाङ माइला भन्ने भोजबहादुर प्रजालाई पनि प्रहरीले पक्राउ गरेको हो । प्रजालाई मकवानपुर जिल्ला मनहरी गाउँपालिका–८ बाट पक्राउ गरी कैद भुक्तानको लागि जिल्ला अदालत मकवानपुरमा उपस्थित गराउने कार्य भइरहेको रानाले बताए ।
यसैगरी वन मुद्दामा विभिन्न मितिको फैसलाले दश हजार जरीवाना तोकिएपछि फरार रहेका ४ जना फरार प्रतिवादीलाई पनि प्रहरीले सोमबार नै पक्राउ गरेको छ । जिल्ला अदालत चितवनले २० असार २०७४ को फैसलाले वन मुद्दामा दश हजार जरीवाना भुक्तान गर्न बाँकी रहेका फरार प्रतिवादी जिल्ला मकवानपुर जिल्ला मनहरी गाउँपालिका–६ बस्ने ४३ वर्षीय राम सिंह लोप्चनलाई पनि प्रहरीले सोमबार नै पक्राउ गरेको छ । लोप्चनलाई मनहरी गाउँपालिका–६ बाट पक्राउ गरिएको हो ।
यसैगरी जिल्ला अदालत चितवनले २० असार २०७४ को फैसलाले वन मुद्दा नै दश हजार जरीवाना भुक्तान गर्न बाँकी रहेका फरार प्रतिवादी मकवानपुर जिल्ला मनहरी गाउँपालिका–६ बस्ने ३२ वर्षिय कान्छा भन्ने राज कुमार तामाङ, घरैबाट पक्राउ गरिएको छ । यसैगरी जिल्ला अदालत चितवनले २० असार २०७४ को फैसलापछि फरार रहेका प्रतिवादी मकवानपुर मनहरी गाउँपालिका–६ बस्ने २९ वर्षिय छिरिङ मोक्तान र सोही स्थान निवासी ३८ वर्षिय प्रतापसिंह जिम्बालाई प्रहरीले पक्राउ गरेको हो ।
मोक्तान र जिम्बालाई दुबैलाई प्रहरीले घरैबाट पक्राउ गरेको बताएको छ । प्रहरीले पक्राउ गरिएका सबै जनालाई तोकिएको कैद तथा जरिवाना भुक्तानको लागि जिल्ला अदालत मकवानपुरमा उपस्थित गराउने कार्य पक्रिया सुरु गरेको प्रनाउ रानाले बताए ।
मकवानपुर/संघीय सरकारले भारतको सहयोगमा ल्याएको कोरोना भाइरस (कोभिड–१९) विरुद्धको भ्याक्सिन ‘कोभिशिल्ड’ बागमती प्रदेशको राजधानी हेटौंडा आइपुगेको छ ।
सरकारले कोभिड–१९ विरुद्धको खोप ‘कोभिशिल्ड’ आईतबारबाट ७ वटै प्रदेशमा पठाउन थालिएको थियो । भारतबाट ल्याएपछि खोप स्वास्थ्य सेवा विभागको टेकुस्थित केन्द्रीय चिस्यान केन्द्रमा राखिएको थियो ।
खोप केन्द्र बनाएर लगाउने पहिलो चरणको उक्त खोप अस्पताललाई नै खोप केन्द्र बनाएर लगाइनेछ । बागमती प्रदेशका विभिन्न जिल्लाहरुमा र काठमाडौँ उपत्यकामा भने १० भन्दाबढी अस्पतालमा खोप वितरण गरिने सरकारको तयारी रहेको छ । उक्त खोप स्वास्स्थ्य संस्थामा कार्यरत कोभिड–१९ व्यवस्थापनमा अग्रपङ्क्तिमा खटिने स्वास्थ्यकर्मी, सहयोगी कर्मचारी, एम्बुलेन्स तथा शववाहन चालक, कोभिड–१९ को सङ्क्रमणबाट मृत्यु भएका शवको व्यवस्थापनमा खटिने सुरक्षाकर्मी, स्थानीय तहमा कार्यरत फोहोर व्यवस्थापन तथा सरसफाइकर्मीलाई दिइनेछ ।
बागमती प्रदेशको रामेछापमा १४ सय १६, सिन्धुलीमा १४ सय ८०, ललितपुरमा ७८ सय १२, रसुवामा ७ सय ५७, चितवनमा ३७ सय ४१, काभ्रे ३६ सय ३८, नुवाकोट २४ सय, दोलखा २१ सय ४२, भक्तपुर ३८ सय ४५, सिन्धुपाल्चोक १७ सय ७३, ३३ हजार ५ सय ९, धादिङ १५ सय ९, मकवानपुर २२ सय ८९ जनालाई पहिलो चरणमा कोरोना भ्याक्सिन दिइनेछ । बागमती प्रदेशको लागि पहिलो चरणमा उपलब्ध गराएको सातहजार ६ सय भाइल कोरोना विरुद्धको भ्याक्सिन बागमती प्रदेशको सामाजिक विकास मन्त्रालयअन्तर्गत् हेटौंडा–१ मा रहेको प्रदेश आपूर्ति केन्द्रमा भ्याक्सिन भण्डारण गरिएको छ ।
हेटौंडामा प्राप्त भएको भ्याक्सिन बागमती प्रदेशको तीन र प्रदेश २ को छ जिल्लालाई उपलब्ध गराइने छ । उनका अनुसार बागमती प्रदेशको मकवानपुर, चितवन र सिन्धुली तथा प्रदेश २ को बारा, पर्सा, रौतहट, सर्लाही, महोत्तरी र जिल्लालाई भ्याक्सिन उपलब्ध गराइनेछ ।
दुई मात्रामा दिइने खोप पहिलोपटक लगाएको एक महिना वा चार हप्तापछि दोस्रो मात्रा दिइने संघीय सरकारको स्वास्थ्य मन्त्रालयका प्रवक्ता डा. राजेश्वर गौतमले बताए । गौतमका अनुसार माइनस दुई डिग्री सेल्सियसदेखि माइनस आठ डिग्री सेल्सियसमा राख्न सकिने उक्त ‘कोभिशिल्ड’ खोप भारतमा ७० प्रतिशत प्रभावकारी देखिएको छ ।
अहिले विश्वमा फाइजर एन्ड बायोएनटेक कम्पनी (अमेरिका), मोडेर्ना (अमेरिका), ग्यामेलिया (रसिया), ‘स्पुतनिक–भी’ (रसिया) र अक्सफोर्ड अक्ट्राजेनिका (बेलायत) र चीनको ‘साइनोभ्याक्स’ लगायतका खोप कोभिड–१९ विरुद्ध प्रयोग भइरहेका छन् । थाहा सन्देश दैनिकबाट
मकवानपुर/हेटौंडाको हुप्रचौरमा भएको छैटौं हेटौडा भेट्रान्स कप एट ए साइड फुटबल प्रतियोगिताको उपाधि बगरभाइ खलक पोखराले जितेको छ ।
शनिबार भएको फाइनल खेलमा बगरभाइले सानो गौचरण काठमाडौलाई १-० अन्तरमा पराजित गरेको हो । खेलको दोस्रो हाफको ४० औं मिनेटमा मनोज गुरुङले गरेको गोल नै बगरभाइलाई उपाधि चुम्ने निर्णायक बन्यो । खेलको म्यान अफ द म्याच बगरभाइका नरेश श्रेष्ठ घोषित भए ।
विजेता र उपविजेता टिमलाई हेटौंडा उपमहानगरका मेयर हरि बहादुर महत र बागमती प्रदेश प्रहरी प्रमुख बसन्त लामाले नगद, शिल्ड र प्रमाण पत्र प्रदान गरेका थिए । प्रतियोगितामा विजेता बगरभाइ खलक पोखराले प्रमाण पत्र, शिल्ड र नगद १ लाख १ हजार १ सय ११ रुपैया प्राप्त गरेका थिए भने उपविजेता सानो गौचरण काठमाडौंले नगद ५१ हजार १ सय ११ रुपैया प्राप्त गरेका थिए ।

खेलमा उत्कृष्ट मिडफिल्डर बगरभाइका राजकुमार केसी, उत्कृष्ट फरवर्ड बगरभाइका मनोज गुरुङ, उत्कृष्ट डिफेन्स सानो गौचरणका चुन बहादुर थापा, उत्कृष्ट गोलकिपर बगरभाइका दिलिप क्षेत्री उत्कृष्ट समुह कोच बगरभाइका अन्जन देवकोटा, उत्कृष्ट खेलाडी बगरभाइका इश्वर गुरुङ चन्द घोषित भएका थिए । उनीहरुलाई जनही ५ हजार पुरस्कार प्रदान गरीएको थियो । बगरभाइ खलक पाचौं हेटौंडा भेट्रान्स कपको समेत विजेता समुह हो ।
मकवानपुर/६ महिनापछि बसेको बागमती प्रदेशको प्रदेश सभा बैठक २ दिन बसेर अनिश्चितकालको लागि स्थागित गरिएको छ ।
बागमती प्रदेशको प्रदेशसभाको बैठक अर्को सूचना जारी नभएसम्मका लागि स्थगित गरिएको हो । बुधबार बसेको बैठकमा संसदीय दलका नेताहरुले शुभकामना मन्तव्य व्यक्त गरे लगत्तै अर्को सूचना नभएसम्मका लागि स्थगित गरिएको हो । बैठकमा सभामुख सानुकुमार श्रेष्ठले अर्को सूचना नभएसम्मका लागि स्थगित भएको जानकारी गराएका थिए । यससँगै अब अर्को बैठक कहिले बस्छ भन्ने अन्यैलता जन्मिएको छ ।
प्रदेशको मुख्यमन्त्री डोरमणि पौडेलको अविस्वासको प्रस्ताबमाथि मत विभाजन गर्नुपर्ने प्रचण्ड माधब समुहका सांसदले भन्दै आएपनि हिउँदे अधिवेसन सुरु गरेको पहिलो दिनमानै संसद बैठक अनिश्चित कालका लागि स्थगित गरिएको हो ।
आफ्नै दल नेकपाका सांसदहरुले मुख्यमन्त्री डोरमणि पौडेलविरुद्ध अविश्वासको प्रस्ताव दर्ता गराएसँगै अन्योल बनेको बागमती प्रदेशसभाको बैठकमा उक्त विषयले भने प्रवेश नै पाएको छैन । गत साउन ८ गते चालू आर्थिक वर्ष २०७७÷०७८ को बजेट पारित गरेर स्थगित गरिएको प्रदेशसभा ६ महिनापछि सुरु गरिएको थियो ।
प्रदेशसभा बैठकको सुरुवातमा सदनमा प्रतिनिधित्व गर्ने दलहरुको तर्फबाट बोल्ने संसदीय दलका नेताहरुले प्रधानमन्त्री केपी शर्मा ओलीले असंवैधानिकरुपमा प्रतिनिधिसभाको विघटन गरेकोभन्दै त्यसको विरोध गरेका थिए । उक्त विषयमा मुख्यमन्त्री पौडेलले भने प्रवेश नै गरेनन् । मुख्यमन्त्री डोरमणि पौडेलले छोटो अवधिमा प्रदेश सरकारले समृद्धि र विकासको काम गरेको दाबी गरे ।
बागमती प्रदेशका मुख्यमन्त्री डोरमणि पौडेलले फरकमत, असहमति र अविश्वास गर्नेलाई सम्मान गरिने बताउँदै आएका छन् ।
प्रदेश सभाको सातौं अधिवेसनको पहिलो बैठकमा बोल्दै मुख्यमन्त्री पौडेलले विषम परिस्थितिमा रहेको भन्दै प्रधानमन्त्रीले संसद विघटन गरि निर्वाचान मिति तोकिएको अवस्थामा केहीले सत्ता पक्ष र प्रतिपक्षले विरोध जनाइरहेको प्रति खासै आपत्ति जनाएनन् ।
आफूलाई काम गर्न नदिने अवस्था भएपछि प्रधानमन्त्री ओलीले जनता सामु नयाँ जनादेशको लागि चुनाव रोज्नुपरेको उनले बताए । एउटै विचार अनि पार्टी भएता पनि अविश्वास गरिएको उनले गुनासो
गरे । उनले प्रदेश सरकार शुन्य अवस्थाबाट प्रदेश सरकार अहिलेसम्म धेरै अघि बढेको र विभिन्न नमुनालायक योजनाहरुमा सफल भएको बताए ।