मकवानपुर । नेकपा एमाले पार्टीका मुख्य सचेतक महेश बर्तौलाले शिक्षा विधेयक आगामी संसदबाट पास गरिने बताएका छन् । मकवानपुरकाे हेटौंडामा सुरु नेपाल राष्ट्रिय शिक्षक संगठनको १४ औं जिल्ला अधिवेशनमा बोल्दै बर्तौलाले यस्तो बताएका हुन् ।
‘शिक्षा विधेयक राष्ट्रिय महत्त्वको विधेयक हाे’ उनले भने ‘हरेक शिक्षकहरुमा अधिकार सँगसँगै जवाफदेहिता पजि सँगसँगै होस् । एक शिक्षकले विद्यालय जान घरबाट निस्कदै गर्दा आफूसँगै आफ्ना नानी बाबू विद्यालय लैजान सक्ने वातावरण बनाउनुपर्नेछ । शिक्षकहरु स्थानीय तहमा रहन खोजिरहेका छैनन् भन्ने बिषय पनि बाहिर उठेको बताउँदै उनले भने “शिक्षकहरु संघीयता विरोधी होइनन् ।’
स्थानीय तहको नेतृत्वले यातना दिने मानसिकताको कारणले गर्दा शिक्षकहरु स्थानीय तह अन्तर्गत बस्न खोजिरहेका छैनन् ।’ केही स्थानीय तहमा शिक्षकहरुलाई संगठनमा संगठित भएकै कारण यताबाट उता र उताबाट अर्कोमा सरुवा गराई दुःख दिइरहेकाे उनले बताए । ‘संबिधानले निर्दिष्ट गरेका व्यवस्थाहरु उपयुक्त छन् तर नेतृत्वको कार्यशैलीका कारण यस्तो भइरहेका छन् । यसलाई विद्यालय शिक्षा विधेयकले समेट्नु पर्छ’ उनले भने ।
हिजो सिङ्गो व्यवस्था परिवर्तनको आन्दोलनको नेतृत्वदायी भूमिका निर्वाह गर्ने संगठनहरु अहिले पनि उत्तिकै ससक्त हुन जरुरी भएको उनले बताए । कार्यक्रममा प्रमुख अतिथि समेत रहेका प्रतिनिधि सभा सदस्य महेश बर्ताैलाले शिक्षा प्रति विश्वासमा कमजाेरी आएकाे बताए । कानूनी व्यवस्थापन समयमै नगर्दा शिक्षा क्षेत्रमा संकट रहेकाेले शिक्षकहरुमा रहेकाे निराशा आएकाे उनले बताए । ‘विद्यालय शिक्षा विधेययकका मसिनाे ढंगले काम गरिरहेका छाै, शिक्षामा आम नागरिकहरुकाे विश्वास बढाउन, शिक्षामा भएकाे विभेद हटाउन जरुरी रहेकाे छ’ उनले भने ।
‘सरकारी विद्यालयकाे स्तर उकास्ने गरि कानून प्रवर्धन गरी सुनिश्चित गर्नुपर्ने उनले बताए । २०६१ सालदेखिका शिक्षकहरुकाे वृत्ति विकास हुन नसकेकाे बताउँदै उनले भने ‘मानव संसाधन विकासकाे दृष्टिकोणले शिक्षकहरुलाई हेर्नु पर्छ ।’ स्थानीय सरकार समेतले शिक्षा क्षेत्रलाई वलियाे बनाउने दायित्व हाे तर राजनीतिक त्रुटिका कारण स्थानीय तहप्रति निराशा पैदा भएकाे छ उनले बताए ।
नेपाल राष्ट्रिय शिक्षक संगठनको १४ औं जिल्ला अधिवेशन शनिबारसम्म चल्ने छ ।
मकवानपुर । नेकपा (एकीकृत समाजवादी) स्थायी कमिटी सदस्य राम कुमारी झाँक्रीले निष्ठाको राजनीति गर्ने र पार्टीमा लागेर दुख गर्नेहरु पाखा लाग्दै गएको बताएकी छिन् । आइतबार पार्टी मकवानपुरको तेस्राे विस्तारित बैठकलाई सम्बोधन गर्दै उनले यस्तो बताएकी हुन् ।
पूर्व शहरी विकास मन्त्री समेत रहेकी झाँक्रीले राजनीति खुला रुपमा प्रवेश गरेर अघि बस्ने स्थल भएको बताइन् । ‘छिपछिपे पानीमा अवसर लिने बढी भए तर दुख गर्नेहरु किनार लागे’ उनले भनिन् । अवसर लिनेहरुले जनअपेक्षा अनुरुप काम नगरेको उनले बताइन् । ‘हामी उभिएकाे ठाउँमा हामीले गरेकाे विद्राेह ठिक थियाे तर विपक्षीलाई हामीले पार्टी विखण्डन गरेको लाग्नु ठिक लाग्न सक्छ’ उनले भनिन् ।
राजनीतिमा निराशाबाट बाहिर निस्कने रणनीति बनाउनु पर्ने झाँक्रीले बताइन् । ‘निराशा व्यक्तिकाे नीजि उत्पादन हैन, याे समाजकाे पुनर्उत्पादन भएकाेले हामी सबैलाई प्रभाव पारेकाे हुन्छ, हामी भयङ्कर निराशामा छाेेै भने अन्य दल भयङ्कर खुसी छन त? यस्काे तुलना गरेर हेराै’ उनले भनिन् । सबै दलकाे उस्तै समस्या छ, सबैभन्दा पुरानाे दल र सबैभन्दा नयाँ दलमा आन्तरिक र बाह्य रुपमा निराशा प्रष्ट देखिएको बताउदै उनले भनिन् ‘अन्य पार्टीहरुकाे संघर्ष पनि उस्तै छ ।’
राजनीतिक क्षेत्र सामुहिक काम र समाजकाे हिस्सेदारी भएर काम गर्ने स्थान भएर पनि सार्वजनिक पदधारणलाई पनि निजि सम्झने गरिएको उनको भनाइ थियो । ‘साढे तीन वर्षमा पार्टीका अध्यक्ष र सचिवालय वरपरका मान्छेले कति सार्वजनिक काम गरे त? सचिवालय भन्दा वाहेकलाई अवसर प्रदान नै गरेनन्’ उनले भनिन् । ‘पार्टीकाे काम र मन्त्री पद नीजि हैन, याे सामुहिक काम हाे उनले भनिन् ‘आज सामुहिकता मरेकाे छ विचारकाे राजनीति मरेकाे छ, कार्यशैली र व्यवहार नफेरेसम्म याे पार्टीभित्रकाे निराशा समापन हुन्न ।’
पार्टी छाेडेर जानेलाई गालि गर्नु भन्दा पार्टी चलाउने पद्दतीमा सुधार गर्नु पर्ने उनले बताइन् । ‘सल्लाहकार पदमा बसेका नेताहरुलाई पद चाहिन्छ तर जाे लडेर भिडेर उठेर हिड्छ उ पछाडि पर्छ ‘ उनले भनिन् ‘प्रतिष्पर्धामा भाग नलिनेलाई नै पद चाहिन्छ, याे प्रक्रिया न्यायिक छैन, हरेक मान्छेले सापेक्ष सत्यकाे नजिक भएर कुरा गर्नु पर्छ ।’
हामीले हाम्राे कार्यशैलीकाे, कार्यक्रमकाे, व्यवहारकाे र व्यक्तिकाे समीक्षा गर्ने आधार तय गर्दा मात्र संगठन बलियाे हुने उनले बताइन् । ‘पार्टीकाे एजेन्डा वस्तुगत हुनुपर्छ, आज समाज व्यवस्था भित्र जसकाे जाेर उसकाे बाेल भईरहेकाे छ’ उनले भनिन् ‘भूमिहिन, महिला, छुवाछुतकाे नारा पुरानो भए विकाउ नाराका साथ अब नयाँ ऐजेन्डा हुनुपर्छ ।’
बैठकमा जिल्ला कमिटीमा सदस्यहरु मनाेनित, सपथ ग्रहण, सचिवालय गठन, आगामी कार्ययाेजना बनाउने, सदस्यता नविकरण, वडा तहसम्मकाे कमिटी गठन तथा पुनर्गठन गर्ने, जनसंगठनहरुकाे पुनर्गठन गर्ने, विभागहरुमा जिम्मेवारी वाँडफाँड गर्ने, जेष्ठ कम्युनिष्ट मन्जकाे संयाेजक ताेक्ने लगायतका एजेन्डामा छलफल भएकाे थियो ।
बैठकले एवी थापा, आरके शर्मा, कमल लामा, जुना रुम्वा, मणि बाकल, रघुप्रसाद आचार्य, अमृत कठायत, कर्ण बहादुर प्रजा, धनराज महर्जन, प्रेम गुरुङ, भिम बहादुर मुक्तान, मनाेज सुवेदी, राजन दहाल, शिव प्रसाद चाैलागाई, सन्च माया पाख्रिन, किशाेर व्लाेन, प्रिति माया माेक्तान, विष्णु थिङ, लक्ष्मण गाैतम, मुकुन्द रेग्मी, एसपी पाेैडेल, कृष्ण उप्रेती, संगिता पाेखरेल, गाेरखानाथ राय लगायत सदस्यमा मनोनीत गरेको छ ।
यसै गरि सल्लाहकार परिषदमा अध्यक्षमा बैकुण्ठ सापकाेटा र सचिवमा नारायण अधिकारी, जेष्ठ कम्युनिष्ठ कमिटि संयाेजकमा बलराम थापा, उपाध्यक्ष कर्ण वहादुर पाख्रिनलाई मनोनित भएका छन् । कार्यक्रममा जिल्ला इन्चार्ज मुनु सिग्देलले मनाेनित सदस्यहरुलाई सपथ ग्रहण गराएकी थिइन् ।
पार्टी जिल्ला अध्यक्ष विष्णु दहालकाे सभाध्यक्षता तथा पार्टीका स्थायी कमिटि सदस्य झाँक्रीकाे प्रमुख आतिथ्यतामा भएको जिल्लाकाे तेस्राे विस्तारित बैठकमा पाेलिटव्युराे सदस्य तथा जिल्ला इन्चार्ज सिग्देल, केन्द्रीय सदस्य रामचन्द्र बल, जिल्ला सचिव ध्रुव भुजेल, गाेरखा जिल्ला इन्चार्ज रेखा लाेप्चन तामाङ लगायतको उपस्थिति रहेको थियो ।
मौलाकालिका, नवलपुर । पत्रकारको सामाजिक सुरक्षा ग्यारेन्टी गर्न प्रेस चौतारीले माग गरेको छ । समृद्धिको लागि सञ्चार कर्म, प्रेस चौतारीको मूल मर्म” भन्ने नाराका साथ श्रमजीवी पत्रकारहरुको अग्रणी संगठन प्रेस चौतारी नेपाल बागमती प्रदेश कमिटीको तेस्रो पूर्ण बैठकले आठ बुँदे मौलाकालिका घोषणापत्र जारी गर्दै यस्तो माग गरेको हो ।
पर्यटकीय एवं धार्मिक क्षेत्र मौलाकालिकामा कार्यवाहक अध्यक्ष राधेश्याम खतिवडाको अध्यक्षता र प्रेस चौतारी नेपालका केन्द्रीय महासचिव हिरा लामाको प्रमुख आतिथ्यमा तेस्रो पूर्ण बैठक बसेको हो । जारी घोषणापत्रमा श्रमजीवि पत्रकारहरुको न्यूनतम पारिश्रमिक, विदा, औषधी उपचार, विमा, उपदान लगायत सामाजिक सुरक्षाको ग्यारेन्टीको माग गरिएको छ ।
घोषणापत्रमा भनिएको छ “विशेषगरी सरकारी, सामुदायिक र निजी सञ्चारगृहहरुले आआफ्नो सञ्चारगृहमा कार्यरत श्रमजीवि पत्रकार तथा सञ्चारकर्मीहरुको सामाजिक सुरक्षा कोषको ग्यारेन्टी गर्न समेत यो बैठक माग गर्दछ ।” स्वरोजगाार मिडियाको संरक्षण र प्रवर्द्धनका लागि विशेष जोड दिंदै घोषणापत्रमा अगाडि भनिएको छ “स्वरोजगार मिडियाको संरक्षण प्रवर्द्धनका लागि समानुपातिक विज्ञापन नीति र स्थानीय स्तरका विज्ञापन तथा सूचना स्थानीय सञ्चारमाध्यमलाई नै उपलब्ध गराउन माग गर्दछ ।
साथै अनलाईन सञ्चारमाध्यहरुलाई पनि वैज्ञानिक ढंगले वर्गीकरण गरी लोककल्याणकारी विज्ञापन सहितका सरकारी सूचना तथा विज्ञापन प्रकाशित गर्ने वातावरण तयार गर्न यो बैठकले जोडदार माग गर्दछ ।” स्थानीय पत्रिका हुलाक कार्यालयमा दर्ता/ नविकरण गरेपछि पनि टिकट टाँस्नुपर्ने प्रावधान हटाउन समेत बैठकले माग गरेको छ ।
गत मंसिर २८ गते सम्पन्न नेपाल पत्रकार महासंघको २७ औं महाधिवेशनमा बागमती प्रदेश समिति, बागमती प्रदेशका १० जिल्ला समिति र यस भूगोलबाट केन्द्रीय समितिमा हाम्रो गठबन्धनको तर्फबाट केन्द्रीय समिति, प्रदेश समिति र शाखाहरुमा अघि सारिएका उम्मेदवारहरुलाई मतदान गर्ने सम्पूर्ण सदस्यहरुलाई बैठकले आभार प्रकट गरेको छ । विजयी सबैलाई बधाई समेत ज्ञापन गरिएको छ ।
प्रेस चौतारी नेपालको अगुवाई र पहलकदमीमा श्रमजीवी पत्रकारहरूको हित र पेशागत रक्षाको पक्षमा निर्माण भएका कानून, नीति, नियम, निर्णय एवम् प्रेस तथा अभिव्यक्ति स्वतन्त्रताको पक्षमा निर्माण भएका कानूनहरुको कार्यान्वयनका लागि दृढतापूर्वक उभिने दृढ संकल्प पनि बैठकले गरेको छ । जारी घोषणापत्रमा अगाडि भनिएको छ “पत्रकारको पेशागत दक्षता वृद्धि र सुरक्षाका सवालमा थप संवेदनशील हुन सरोकार राख्ने सबै पक्षसँग जोडदार माग गर्दछौं ।”
वर्तमान केपी शर्मा ओली नेतृत्वको सरकारले ‘समृद्ध नेपालः सुखी नेपाली’को राष्ट्रिय संकल्प पूरा गर्ने अभियानमा लागिरहेको ठहर गर्दै घोषणापत्रमा भनिएको छ “सरकारले राष्ट्रिय स्वाधिनता, सार्वभौमिकता, भौगोलिक अखण्डता र समृद्धिको पक्षमा गरिरहेको कामको दृढतापूर्वक समर्थन गर्दछौं । साथै ती कामहरुको बारेमा आम सञ्चार माध्यमबाट आम जनसमुदाय समक्ष पुर्याउन अधिकतम् योगदान गर्ने संकल्प गर्दछौं ।”
चौतारीका केन्द्रीय सदस्यहरु सरिता दाहाल (मकवानपुर), तिलक रिमाल (चितवन), प्रेम दाहाल (सिन्धुली)ले तयार गरेकाे घोषणापत्रमा उपचाररत पत्रकार भुपराज पाठक, फणि महत लगायतको स्वास्थ्य लाभको कामना समेत गरिएको छ । चितवन र यसका छिमेकी जिल्लाको पर्यटन विकासका निम्त महत्वपूर्ण रहेको पर्यटकीय एवं धार्मिक क्षेत्र मौलाकालिका क्षेत्रको थप विकासका लागि बैठकले माग समेत गरेको छ ।
मकवानपुर । नेपाल राष्ट्रिय शिक्षक संगठन गढी गाउँपालिका र इन्द्रसरोवर गाउँपालिकाकाे अधिवेशन भएकाे छ । गढी गाउँपालिकाको तेस्रो अधिवेशनले राजुप्रसाद गौतमकाे नेतृत्वमा कार्यसमिति निर्माण गरेको छ। शनिबार भएकाे अधिवेशनले गौतमलाई अध्यक्षमा समिति चयन गरेकाे हाे ।
संगठनकाे गढी गाउँपालिका उपाध्यक्षमा सुमिता घिमिरे र रामचन्द्र न्यौपाने, सचिवमा जयराम न्यौपाने, कोषाध्यक्षमा विष्णुमाया नगरकोटी, सहसचिवमा शारदा दुलाल, सहकोषाध्यक्षमा शान्तिमाया स्याङ्गबाे, चयन भएका छन् । यसैगरी सदस्यहरूमा हिरामाया स्याङ्तान, नवीन भुजेल, शकुन्तला गिरी, साधुराम पुडासैनी, रजनी दुलाल, सानु तितुङ, कविता दाहाल, ममता अधिकारी, सुभद्रा भट्ट, भुवन थिङ, राकेशकुमार दवे चयन भएका छन् ।
यस्तै संगठनकाे गढी गाउँपालिकाका सवै वडाहरुकाे वडा अध्यक्ष समेत चयन भएका छन् । वडाध्यक्षहरुमा क्रमशः आइपी दाहाल, मिधिलेशकुमार कुशवाह, मनमोहन देवकोटा, कल्पनाकुमारी गौतम, मनिषा तिमल्सिना, इन्द्रजित देवकोटा, दुधराज न्यासुर र पुन्डरी शर्मा चयन भएका छन् ।
यसैगरी शनिबार नै भएकाे इन्द्रसरोवर गाउँपालिकाकाे तेस्रो अधिवेशनले गोपु विशङ्खुकाे अध्यक्षमा गाउँ कमिटि गठन गरेकाे छ । संगठन गाउँ कमिटि उपाध्यक्षमा सरस्वती थापा मगर र भीमबहादुर स्याङ्गतान, सचिवमा धर्मराज बल, कोषाध्यक्षमा सुदिप थापा मगर, सहसचिवमा विरोसमाया थिङ्ग, सहकोषाध्यक्षमा अस्मिता चौलागाईं चयन भएका छन् ।
गढी गाउँपालिकाकाे अधिवेशन अध्यक्ष टङ्कप्रसाद चौलागाईंको सभाध्यक्षता, जिल्ला समिति मकवानपुरका अध्यक्ष श्रीराम दाहालकाे प्रमुख आतिथ्यतामा भएकाे अधिवेशनमा नेकपा एमालेको बागमती प्रदेश समिति सदस्य बद्री लम्साल,नेकपा एमाले जिल्ला सचिवालय सदस्य विदुर हुमागाई, संगठन बागमती प्रदेश सदस्य बालकुमार श्रेष्ठलगायतकाे विशेष आतिथ्यता रहेकाे थियाे ।
यसैगरी अधिवेशनमा संगठन जिल्ला उपाध्यक्ष कृष्ण पौडेल,पेशागत महासंघ बागमती प्रदेशका उपाध्यक्ष सीताराम दाहाल, नेकपा एमाले गढी गाउँपालिका अध्यक्ष जितबहादुर घिमिरे, बुद्धिजीवी परिषद् बागमती प्रदेश सदस्य मोहनप्रसाद न्यौपाने, सचिवालय सदस्य डीबी बर्तौला, शिक्षक महासंघ जिल्ला सहसचिव केदारप्रसाद तिमल्सिना, जिल्ला सदस्यहरु इन्द्र कार्की, सबिता तिमल्सिना लगायतकाकाे उपस्थिति रहेको थियो।
यस्तै इन्द्रसरोवर गाउँपालिकाकाे अधिवेशन संगंठन इन्द्रसरोवर कार्यवाहक अध्यक्ष संरचना शर्माको सभाध्यक्ष तथा इन्द्रसरोवर गाउँपालिकाका अध्यक्ष देवकृष्ण पुडासैनीको प्रमुख आतिथ्यतामा भएकाे हाे । संगठन इन्द्रसरोवरका उत्प्रेरक तथा शिक्षक बचत हित तथा ऋण सहकारीका अध्यक्ष शिवप्रसाद लामिछाने, नेपाल राष्ट्रिय शिक्षक संगठनका केन्द्रीय प्रतिनिधि तथा पूर्व कोषाध्यक्ष जयप्रसाद पोखरेललगायतको विशिष्ट आतिथ्यतामा अधिवेशन भएकाे हाे ।
मकवानपुर । राष्ट्रिय प्रजातन्त्र पार्टी केन्द्रिय अध्यक्ष राजेन्द्र लिङ्देनले देश अहिले सम्मकै सबैभन्दा अफ्ठेराे स्थितिमा रहेकाे बताएका छन् ।
बाराकाे जितपुर सिमारा उपमहानगरपालिकामा पार्टीकाे नगर अधिवेशनमा सहभागी हुन जादै गर्दा हेटौंडामा शनिबार कार्यकर्ता भेटघाट कार्यक्रममा उनले यस्तो बताएका हुन् । अहिलेकाे देशकाे स्थिति सामान्य आँखाले हेर्दा केही देखिन्न तर नदेखिने अस्थिरता रहेकाे अध्यक्ष लिङ्देनले बताए ।
‘कुटनीतिक तथा राजनितिक हिसावले देशमा संकट पैदा भएकाे छ‘ उनले भने । सुशासनकाे नारा दिंदै संविधानमा नमिलेकाे कुरा मिलाउँछु भनेर काङ्ग्रेस र एमालेले सरकार निर्माण गरेकाे उनले बताए । ‘भ्रष्टाचारको कारवाहीबाट जाेगिनका लागि अहिलेकाे सरकार निर्माण भएकाे छ’ लिङ्देनले भने ‘भ्रष्टाचारलाई संस्थागत गर्न सरकार गठन भएकाेले देशलाई जाेगउन याे व्यवस्था र याे नेतृत्वकाे विकल्प चाहिएकाे छ ।’
श्रम स्वीकृति लिएर ६१ लाख युवाहरु बैदेशिक राेजगारी रहेकाे बताउँदै उनले भने ‘गैरकानुनी रुपमा जाने कति हाेलान? हाम्राे युवाहरु वेचिएर आएकाे रेमिटेन्सकाे भरमा अर्थतन्त्र चलेकाे छ ।’ ‘देशकाे समस्या भनेकै २०४६ सालपछि सिमित पार्टी र सिमिति व्यक्ति र उनीहरुद्वारा ल्याएकाे व्यवस्था हाे’ उनले भने । साढे तीन दशकदेखि उनीहरुले ल्याएकाे व्यवस्था नभत्काएसम्म देश सहज बाटाेका हिड्न नसक्ने उनले बताए ।
‘राष्ट्रियता कमजाेर भएकाे छ, नेतृत्व तहकाे केटाकेटी व्यवहारकाे कारण देश दलदलमा फसेकाे छ’ उनले भने ‘भूराजनीतिक चक्रव्युकाे सिकार बन्ने अवस्थामा देश रहेकाेले अब जनताले आशा गरेकाे पार्टी भनेकै राप्रपा हाे ।’ राजनीतिलाई पेशा मान्ने एकै हुने बताउँदै उनले भने ‘हामी पूर्ण रुपमा सुशासनकाे बाटाेमा छाै, राष्ट्रियता प्रजातन्त्र र शुसासनका लागि राप्रपा छ, राष्ट्रियताकाे सवालमा हामी कहिल्यै चुकेका छैनाै ।’ देशकाे प्रधानमन्त्री पनि जनताले मत हालेर छान्न पाउनु पर्ने उनले बताए ।
लिङ्देनले हिजाे व्यक्तिकाे नामबाट पार्टीकाे मान्छे चिनिन्थ्याे तर हाल एउटै पार्टीकाे नामबाट मात्र चिनिने बताए । हाल राप्रपाकाे कार्यकर्ता भनेपछि ठाडाे शिर बनाएर हिड्न सक्छ, कमल थापाले पार्टी छाेडेर हिड्दा पार्टी बिग्रियाे त ? उनले प्रश्न गरे । दशा लागेरै थापाले पार्टी छाेडेर हिड्नु भएकाे हाे, दशा नै लागेसी के गर्न नसकिने उनले बताए । व्यक्तिबाट बल्ल हामी पार्टीकाे मान्छे भएका छाै उनले भने ‘पशुपति समशेर गुट, सुर्य वहादुर थापा गुट भन्ने हाल छैन । मकवानपुरलाई नसाेधी केन्द्रीय निर्णय पनि केही हुदैन ।’
हामी प्रजातन्त्रमा विश्वास गर्छाै, प्रदेश खारेजी गर्ने भन्ने कुरामा भ्रम सिर्जना हुन दिन नहुने उनले बताए । ‘हामीले प्रदेशमा सहभागी भएकाे जनताले नरुचाएकाे छैन, प्रदेशमा सहभागी नहुदैमा प्रदेश खारेज हुदैंन’ उनले भने । हामी प्रदेशमा सहभागी नहुँदा पार्टी कमजाेर हुने उनकाे भनाई थियाे । ‘व्यवस्थाकाे हरेक निर्वाचन प्रक्रियामा सहभागी हुनु पर्छ, भएका छाैं’ उनले भने ‘हामीले परिवर्तन गर्न खाेज्ने हाे । नसकेकाे खण्डमा अहिलेकाे व्यवस्थाकाे उपयाेग गरेरै लड्नुकाे विकल्प छैन।’
लिङ्देनले २०८२ बैशाखसम्ममा नगर, जिल्ला अधिवेशन सकिसक्ने याेजना अनुरुप नगर अधिवेशनमा सहभागी हुने बताए । संगठनलाई उच्च प्राथमिकतामा राखेर वडा तहकाे अधिवेशन सकाएर जिल्ला अधिबेशन गर्नुपर्ने जिम्मेवारी पूरा गर्न हरेक जिल्लामा निर्देशन पठाइसकेकाे उनले जानकारी दिए ।
कार्यक्रममा प्रतिनिधि सभा सदस्य दिपक बहादुर सिंहले हाल देश दाेसाँधमा अड्किएकाे बताए । पार्टीमा गुट उपगुट नभएकाे बताउँदै जसले गुटकाे नेतृत्व गर्न खाेज्छ उसलाई कारवाही गर्दै आएकाे उनले बताए । ‘हामी एक ढिक्का भयाै भने २०८१ मै केही गर्न सक्छौं उनले भने । सहकारीकाे प्रसंगमा सिंहले भने ‘सहकारीले गरीव जनताकाे पैसा व्याज सहित फिर्ता गर्नुपर्छ ।’ सम्पत्ति शुद्धिकरण गरेर ठुलाे रकम खाएर डकार्नेलाई अगाडि ल्याउनुपर्ने बताउँदै उनले भने ‘राष्ट्र जतना र देश बचाउनका लागि मकवानपुरका जनता लागिपरिरहेका छन् ।’ अबकाे विकल्प राप्रपा बाहेक अरु कुनै पार्टी नभएकाे उनले बताए ।
केन्द्रीय अध्यक्ष लिङ्देनकाे प्रमुख आतिथ्यता तथा पार्टी जिल्ला अध्यक्ष शिवराम थापाकाे सभाध्यक्षता भएकाे कार्यकर्ता भेटघाट कार्यक्रममा पार्टीका केन्द्रीय सदस्य तथा प्रतिनिधि सभा सदस्य दिपक बहादुर सिंहकाे विशिष्ट आतिथ्यता रहेकाे थियाे । कार्यक्रममा पार्टी केन्द्रीय सदस्य रामबहादुर थाेकर, रामहरी न्याैपाने, प्रशिक्षण विभाग उपप्रमुख खुस्वु वली, बागमती प्रदेश सचिव गुन्जन बहादुर न्याैपाने, जिल्ला वरिष्ठ उपाध्यक्ष सागर थापा, महिला केन्द्रीय सचिव सरस्वति थिङ केसीलगायतकाे उपस्थिति रहेकाे थियाे ।