मकवानपुर । नेपाल खेलकुद महासंघ मकवानपुरकाे अध्यक्षमा रूपा ढुङ्गाना चयन भएकी छिन् । महासंघकाे शनिबार हेटौंडामा भएको चाैथाे जिल्ला अधिवेशनले ढुङ्गाना अध्यक्षमा सर्वसम्मत चयन भएकी हुन् ।
नेकपा एमाले निकट महासंघकाे अधिवेशनले ढुङ्गानाकाे नेतृत्वमा ९ सदस्यीय कार्यसमिति चयन गरेको छ । महासंघ उपाध्यक्षमा सङ्ग्राम बल लामा र धन कुमार मुक्तान, सचिवमा विवेकानन्द न्याैपाने , सहसचिवमा मदन कुमार बल र काेषाध्यक्षमा बिमल विक चयन गरेको छ । यसैगरी सदस्यहरुमा कृति थापा, विमल घलान, ढुङ्गाना कुमार मुक्तान र लिल तामाङलाई चयन गरेको छ ।
अधिवेशनमा अन्नपूर्णपोस्टमा कार्यरत पत्रकार सरोज पौडेल र तेक्वान्दो खेलमा अन्तरास्ट्रिय निर्णायक कोष उतिर्ण गरेका विमल बहादुर बिश्वकर्मालाई सम्मान समेत गरेको छ ।
महासंघको केन्द्रिय महासचिव धरम बहादुर लामाको प्रमुख अतिथ्यतामा भएको अधिवेशनमा नेकपा एमाले केन्द्रिय सदस्य तथा जिल्ला ईन्चार्ज रामेश्वर राना, नेकपा एमाले जिल्ला उपसचिव आरती पाठक, महासंघ केन्द्रिय सचिव प्रभु नारायण शिवाकोटी, हेटौंडा उपमहानगरपालिका ११ नं. वडाध्यक्ष जुना दाहाल, महासंघ केन्द्रिय सचिवालय सदस्य सानू लामा, महासंघ प्रदेश कमिटी सह- संयोजक जेन श्रेष्ठ, युवा संघ मकवानपुरका अध्यक्ष राजेश नगरकोटी, महासंघ जिल्ला कमिटीका निवर्तमान अध्यक्ष सविन मोक्तान लगायतको अतिथ्यता रहेको थियो।
मकवानपुर । नेकपा माओवादी केन्द्र पार्टीकाे हेटौंडा उपमहानगर कमिटीको अध्यक्षमा प्रदीप अर्याल चयन भएका छन् । माओवादी केन्द्रकाे बुधबार बसेको बैठकले अर्यालको अध्यक्षतामा सर्वसम्मत ७५ सदस्यीय नगर कमिटी चयन गरेको हाे ।
यसैगरी माओवादी केन्द्र हेटौंडा उपमहानगर कमिटीको उपाध्यक्षमा गुणराज घिमिरे (शंकर), शोनी गुरुङ र लवराज ठकुरी चयन भएका छन् । सचिवमा तारादेवी मोक्तान, सहसचिवमा चमेलीमाया सिंजाली, कोषाध्यक्षमा गोकुल वैज्यु चयन भए । २ वर्ष कार्यकाल रहने नवनिर्वाचित कमिटीले १६ जना सदस्य मनोनित गर्नेछ ।
बैठकमा नेकपा माओवादी केन्द्रका केन्द्रीय सदस्य तथा मकवानपुर जिल्ला इन्चार्ज विजय गौतम, केन्द्रीय सदस्य कुमारी मोक्तान, केन्द्रीय सदस्य तथा हेटौंडा उपमहानगर इन्चार्ज प्रल्हाद लामिछाने, बागमती प्रदेश कमिटी उपाध्यक्ष प्रेमबहादुर पुलामी, प्रदेश कमिटी सचिवालय सदस्य ललितबहादुर घलान, सर्केश घलान, मकवानपुर जिल्ला संयोजक भीम पाख्रिनको उपस्थिति रहेको थियो ।
मकवानपुर । बागमती प्रदेश मन्त्रिपरिषद्काे मंगलबारकाे बैठकले प्रदेश सभाकाे वर्षे अधिवेशन आव्हान गर्ने, पर्यटन विकास आयोजना सहितका कार्यालयहरु खारेज गर्ने, ५ जना सचिवहरुको पदस्थापन तथा सरुवा गर्नेलगायतका निर्णय गरेका छ ।
बागमती प्रदेश सरकारले प्रदेशसभाको वर्षे (बजेट) अधिवेशन ५ जेठ गतेका लागि आह्वान गर्न सिफारिस गर्ने निर्णय गरेको छ । प्रदेश मन्त्रिपरिषदकाे बैठकले वर्षे (बजेट अधिवेशन) ५ जेठका लागि आह्वान गर्न प्रदेश प्रमुख समक्ष सिफारिस गर्ने निर्णय गरेको हो ।
प्रदेश सरकारका प्रवक्ता एवम् आन्तरिक मामिला तथा कानून मन्त्री सुरजचन्द्र लामिछानेका अनुसार बजेट अधिवेशन ५ जेठ बिहान ११ बजेका लागि बोलाउने गरी प्रदेश प्रमुख समक्ष सिफारिस गर्ने निर्णय भएको छ । यसअघि प्रदेशसभाको हिउँदे अधिवेशन बैठक २० चैतमा अन्त्य गरिएको थियो ।
यसैगरी बागमती प्रदेश सरकारले पर्यटन विकास आयोजना सहितका कार्यालयहरु खारेज गर्ने निर्णय गरेको छ । प्रदेश सरकारले २ वटा पर्यटन विकास आयोजना र २ वटा पर्यटन कार्यालय खारेज गर्ने निर्णय गरेको हो ।
पर्यटन मन्त्रालय अन्तर्गतको पर्यटन विकास आयोजना हेटौंडा र पर्यटन विकास आयोजना इकाइ कार्यालय काठमाडौं खारेज गर्ने निर्णय गरेको हो । बैठकले उपत्यका पर्यटन कार्यालय काठमाडौं र पर्यटन कार्यालय चितवनलाई खारेज गर्ने निर्णय गरेको हो । अस्थायी संरचनाको रुपका रहेको उक्त कार्यालयहरु खारेज गर्ने निर्णय गरेको प्रवक्ता लामिछानेले जानकारी दिए ।
उनका अनुसार पर्यटन मन्त्रालयको संगठन संरचना तेरिज स्वीकृत गर्दै उक्त अस्थायी कार्यालयहरु खारेज गर्ने निर्णय गरेको हो । बैठकले उक्त कार्यालयहरुको विकल्पमा स्थायी संरचनाको रुपमा पर्यटन कार्यालहरु स्थापना गर्ने निर्णय समेत गरेको छ ।
प्रदेश राजधानी हेटौंडामा मन्त्रालय र एक कार्यालय रहने तथा प्रदेशका अन्य ४ जिल्लाहरु नुवाकोट दोलखा चितवन र काठमाडौंमा पर्यटन कार्यालय स्थापना गर्ने निर्णय गरेको छ । प्रशासनका कर्मचारी प्रमुख रहनेगरी मन्त्रालय र मातहतका निकायमा साविकको ११७ जनाको दरबन्दीलाई घटाएर १०६ कायम गर्ने निर्णय गरेकाे छ । यसअघि २ वटा आयोजनामा प्राविधिक तर्फका इन्जिनिय र वन अधिकृत प्रमुख रहने व्यवस्था रहेको थियो ।
यस्तै बागमती प्रदेश सरकारले ५ सचिवहरुको पदस्थापन तथा सरुवा गरेको छ । संघीय सरकारबाट सरुवा भई आएका ३ सचिवको पदस्थापन गरेको हो भने २ सचिवको जिम्मेवारी हेरफेर गरेर गरेको हो ।
संघीय सरकारबाट प्रदेशमा आएका बैकुण्ठ अधिकारीलाई कृषि तथा पशुपन्छी विकास मन्त्रालय, हेमराज भुषाललाई उद्योग, वाणिज्य, भूमि तथा प्रशासन मन्त्रालय र झलकराम अधिकारीलाई युवा तथा खेलकुद मन्त्रालयमा जिम्मेवारी तोक्ने निर्णय गरेको हो ।
सामाजिक विकास मन्त्रालयको सचिवमा हाल उद्योग, वाणिज्य, भूमि तथा प्रशासन मन्त्रालयमा कार्यरत सचिव विनु बज्राचार्य र सहकारी तथा गरिवी निवारण मन्त्रालयमा प्रदेशसभा सचिवालयमा कार्यरत सचिव पूर्णबहादुर दर्जीलाई जिम्मेवारी तोक्ने निर्णय गरेको हो ।
प्रवक्ता लामिछानेका अनुसार बैठकले उद्योग मन्त्रालय अन्तर्गत भू-उपभोग परिषद् गठन गरी २ जना विशेषज्ञ सदस्य नियुक्त गर्ने निर्णय गरेको छ । जसमा तानसेन पाल्पाका विष्णुप्रसाद रिमाल र चितवनका हरिप्रसाद सुवेदीलाई नियुक्त गर्ने निर्णय भएकाे छ ।
बैठकले बागमती प्रदेश विश्वविद्यालय संरक्षण समिति (बोर्ड अफ ट्रष्टी) को सदस्यमा नुवाकोटका रामप्रसाद रिजाललाई नियुक्त गर्ने निर्णय गरेको छ भने प्रदेश उच्च शिक्षा परिषद्को पदेन सदस्यमा बागमती प्रदेश विश्वविद्यालयका अध्यक्ष चन्द्रमणि पौडेललाई नियुक्त गर्ने निर्णय गरेको छ ।
बैठकले स्थानीय तहसँगको समन्वय र मागका आधारमा विपद् स्वंयसेवक समुह गठन गर्न बजेट अख्तियारी दिने निर्णय गरेको छ । कुल १ करोड बजेट रहेको उक्त कार्यक्रम कार्यान्वयनका लागि मन्त्रिपरिषद् बैठकले स्वीकृति दिएको हो । बैठकले आगामी आर्थिक वर्ष २०८२/०८३ को वित्तीय समानीकरण अनुदान कार्यक्रम स्वीकृत गर्ने समेत निर्णय गरेको छ ।
बैठकले मुख्यमन्त्री तथा मन्त्रिपरिषद् कार्यालयको कर्मचारी दरबन्दी तेरिज स्वीकृत गरेको छ । मुख्यमन्त्री कार्यालयको कम्प्युटर अपरेटर (सहायक पाँचौ/अधिकृत छेठौं) लाई प्रशासनिक कर्मचारीको रुपमा प्रयोग गर्नेगरी दरबन्दी तेरिज स्वीकृत गरेको हो ।
मकवानपुर । पूर्व राष्ट्रपति विद्यादेवी भण्डारीले व्यवस्था परिवर्तन भएपनि नागरिकको जीवनस्तर सुधार हुन नसकेको बताएकी छिन् । मदन भण्डारी फाउण्डेशन मकवानपुरको चौथो वार्षिक साधारणसभालाई सम्बोधन गर्दै पूर्व राष्ट्रपति भण्डारीले यस्तो बताएकी हुन् ।
व्यवस्था परिवर्तन भए पनि नागरिकको अवस्थामा अझै पनि सकारात्मक परिवर्तन आउन सकेको देखिँदैन’ पूर्व राष्ट्रपति भण्डारीले भनिन् । ‘राजनीतिक परिवर्तन र संविधान समय समयमा बदल्दै आयौं तर, जनताले सकारात्मक परिवर्तनको महसुस गर्ने गरी सामाजिक र आर्थिक रुपान्तरणको कार्यभार पुरा गर्न बाँकी छ’ उनले भनिन् ‘जननेता मदन भण्डारीको विचारलाई सबै राजनीतिक दलले पछ्याउँदै नागरिकको जीवनस्तर परिवर्तन गर्नुपर्छ ।’
नागरिकको आवश्यकता अनुसारको विकास अहिलेको आवश्यकता भएको उनले बताइन् । ‘राजनीतिक दलले समाजको आर्थिक, सामाजिक व्यवस्थाको रुपान्तरणलाई मुल लक्ष्य बनाएर अगाडि बढनुपर्छ’ उनले भनिन् । मौलिक राजनीतिक सिद्धान्त ‘जनताको बहुदलीय जनवाद’ मार्फत् नागरिकको सक्रिय सहभागिता, बहुदलीय प्रतिस्पर्धा र खुला लोकतान्त्रिक प्रणालीसहित देशलाई समाजवादको दिशातर्फ उन्मुख भइरहेको उनको भनाई थियो ।
२०४७ सालको संविधानमा मदन भण्डारीको २७ बुँदे आलोचनाकै जगमा नेपालमा राजतन्त्र अन्त्य भएर संघीय लोकतान्त्रिक गणतन्त्र स्थापना भएको उनले दावी गरिन् । ‘‘‘वर्गीय विविधतायुक्त समाजमा नागरिकको हितमा काम गर्ने र सधै जनतासँग जोडिएको राजनीतिक दल मात्र शासनमा पुग्ने गर्छ’ पूर्व राष्ट्रपति भण्डारीले भनिन् ।
यसैबीच पूर्वराष्ट्रपति विद्यादेवी भण्डारीले नयाँ पुस्तामा मानवीय सेवाको भावना विकास गर्नुपर्ने बताएकी छिन् । मकवानपुरको हेटौंडा उपमहानगरपालिका –१५ स्थित दिव्यसेवा निकेतन आश्रयस्थलको अवलोकन गर्दै उनले यस्तो बताएकी हुन् । ’मानव जीवनको उत्कृष्ट सेवा नै मानव सेवा भएको हुँदा यसलाई नयाँ पुस्तामा पुर्याउन जरुरी रहेको छ’ उनले भनिन् ।
’मानव जीवनमा आउने प्रक्रिया मध्ये सबैले एकपटक बुढ्यौली अवस्थाबाट गुज्रनुपर्ने भन्दै यस्तो अवस्थामा परिवारको महत्व बढी हुन्छ’ भण्डारीले भनिन् ’कतिपय अवस्थामा यस्ता आश्रयस्थलहरु आवश्यक पर्छ । सरकारी र गैरसरकारी निकायबाट व्यवस्थित रुपमा भने संचालन गर्नु पर्छ ।’ उनले लोककल्याणकारी राज्यको अवधारणा अनुसार सरकारले यस विषयमा काम गरेको भएपनि सरकारको सबै क्षेत्रमा ध्यान नपुगेको हुनसक्ने भन्दै सरकारले गर्ने काम निजि क्षेत्र, गैरसरकारी क्षेत्रबाट हुनु राम्रो भएको बताइन् ।
’गैरसरकारी निकायका तर्फबाट भएका यस्ता कामका लागि धन्यवाद दिदै यसको निरन्तरताको कामना गर्दै नयाँ पुस्तामा पनि यस्तो भावना विकास गर्न जरुरी रहेको छ’ उनले भनिन् । ’बृद्धबृद्धाको हेरचाह र व्यवस्थापनका लागि हिजोको सामुहिक पारिवारिक प्रणाली नै ठिक थियो’ उनले भनिन् ’जेष्ठ नागरिकका क्षेत्रमा स्थानीय तहहरुले विशेष काम गर्नुपर्छ ।’ मदन भण्डारी फाउन्डेसन मकवानपुरको साधारणसभामा अतिथिका रुपमा सहभागी हुन हेटौंडा आएकी उनले दिव्यसेवा निकेतनको अवलोकन गरेकी हुन् ।

श्रीचन्द्र शर्मा स्मृति सम्मान –२०८२ बाट कमानेकी रेग्मी सम्मानित
मकवानपुर । श्रीचन्द्र शर्मा स्मृति सम्मान –२०८२ बाट हेटौंडा–८ कमानेकी शुभद्रा रेग्मी सम्मानित भएकी छिन् । राजनीतिक व्यवस्था परिवर्तनमा भूमिका निर्वाह गरेको भन्दै मदन भण्डारी फाउण्डेशन मकवानपुरले रेग्मीलाई नगदसहित सम्मान गरेको हो ।
फाउण्डेशनका अध्यक्ष रघुनाथ खुलालको सभाध्यक्षता तथा पूर्व राष्ट्रपति विद्यादेवी भण्डारीको प्रमुख आतिथ्यमा शनिबार हेटौँडामा भएको कार्यक्रममा पञ्चायती निरङकुशता विरुद्धको लडाईमा सहभागी भई सेल्टरदाताको रुपमा गतिशील रहेको भन्दै रेग्मीलाई सम्मान गरेको हो ।
कार्यक्रममा बागमती प्रदेशका प्रथम मुख्यमन्त्री डोरमणि पौडेलको पनि आतिथ्य रहेको थियो । फाउण्डेशनको साधारणसभाले पुनः खुलालको नेतृत्वमा २१ सदस्यीय नयाँ कार्यसमिति समेत चयन गरेको छ ।
मकवानपुर । प्रेस चौतारी नेपाल मकवानपुरले संगठनको केन्द्र तथा प्रदेश कमिटीमा मकवानपुरबाट प्रतिनिधित्व गर्ने चौतारीकर्मीहरुलाई बधाई तथा शुभकामना ज्ञापन कार्यक्रम गरेकाे छ ।
चौतारी मकवानपुरले जिल्लामा निर्वाचित भएर आएपछि सम्पन्न गरेकाे र २०८२ को चैतसम्म गर्ने कार्यक्रमको वार्षिक कार्ययोजना पनि सार्वजनिक गरेकाे छ । बिहिवार नेकपा एमालेका केन्द्रिय सदस्य तथा मकवानपुर ईन्चार्ज रामेश्वर रानाको प्रमुख आतिथ्यतामा बधाई पत्रसहित शुभकामना प्रदान गरिएको हो ।
प्रेस चौतारी नेपाल मकवानपुरले संगठनको केन्द्रिय सदस्यमा सर्वसम्मत चयन भएका शिवकुमार रिजाल, पुष्पराज अधिकारी, अनुशासन आयो सदस्य उज्वल अधिकारी र लेखा आयो सदस्य आरती ढकाललाई बधाई पत्रसहित सम्मान गरिएको हो ।
साथै प्रेस चौतारी नेपाल बागमती प्रदेश कमिटी महासचिवमा प्रकाश दाहाल , कोषाध्यक्षमा रामशरण दुलाल र सदस्यहरु विवश अधिकारी, रुपक कालीराज, रविन ढुंगाना र सुनिता विष्टलाई बधाई पत्रसहित शुभकामना दिईएको थियो ।
कार्यक्रममा सञ्चारिका समुह बागमती प्रदेश शाखामा महासचिव चयन भएकी प्रेस चौतारीकर्मी नानीमाया सापकोटा र सञ्चारिका समुह मकवानपुरमा अध्यक्षमा चयन भएकी प्रेस चौतारी मकवानपुर जिल्ला कार्यसमिति सदस्य निशा गुरुङलाई पनि बधाई पत्र सहित शुभकामना प्रदान गरिएको थियो ।
वार्षिक कार्ययोजनामाथि छलफल
प्रेस चौतारी नेपाल मकवानपुरले पहिलो पटक आफ्नो वार्षिक कार्ययोजनामाथि छलफल कार्यक्रम गरेको छ । प्रेस चौतारी नेपाल मकवानपुर अध्यक्ष सरिता दाहालले मकवानपुर शाखाले लामाे समयमा पुरा गर्ने भावि योजना,दिवसीय कार्यक्रम, प्रशिक्षणहरु जस्ता सवालका बार्षिक कार्ययोजना प्रस्तुत गरेपछी सोमाथी छलफल समेत भएको थियो ।
अध्यक्ष दाहालले आगामी बार्षिक कार्ययोजनामा प्रेस चौतारी मकवानपुरको कार्यालय निर्माणको लागि जग्गा खोजी तथा भवन निर्माण कार्यलाई प्राथमिकतामा राखिएको बताइन् । यसैगरी पत्रकारहरुको सम्मान र पुरस्कारको लागि अक्षय कोष स्थापना गर्ने र उक्त कोषको ब्याजबाट सम्मान र पुरस्कार प्रदान गर्ने, चौतारी उपचार कोष स्थापना गर्ने , उपचार कोषबाट जिल्लाका चौतारीकर्मी दुर्घटनामा पर्दा र गम्भिर बिरामी भएर उपचार गर्नुपर्दा चौतारीकर्मीलाई कोषको ब्याजबाट सहयोग गर्ने कार्ययोजना अघि सारिएको छ ।
यसैगरी संगठनको नेतृत्वले जिल्ला पार्टीको सहयोगमा अनलाइन पत्रिका सञ्चालन गर्नुका साथै उक्त अनलाइन आगामी चौतारीको नेतृत्वमा आउने कार्यसमितिलाई हस्तान्तरण गर्ने र कम्पनीमार्फत विभिन्न योजनाका कार्यक्रममहरुमा सहज बनाउने अध्यक्ष दाहालले प्रस्तुत गरिएको कार्ययोजनामा समेटिएको छ । यस्ता कार्यक्रमहरु गर्दा पत्रकार महासंघ सदस्यता वृद्धि गरेर महासंघमा चौतारीको बलियो उपस्थिति बनाउन र पार्टीको मिसन ८४ लाई महत्वपुर्ण योगदान सक्षम बनाउने अपेक्षा गरिएको छ ।
साथै ६/६ महिनामा चौतारीकर्मीको लेखन समीक्षा गर्ने , चौतारी सदस्यहरुले पार्टीको प्रचारमा गरेको योगदालाई समिक्षा गरेर प्रोत्साहन र सम्मानको सुरुवात गर्नुका साथै प्रेस चौतारीको कार्यालयलाई व्यवस्थित बनाउनको लागि कार्पेट , टेबुल–कुर्सी जस्ता फर्निचरदेखि , कम्युटर , प्रिन्टर , पंखा , दराजलगायतको व्यवस्थापन गर्न समन्वय र सहजिकरणको लागि अपिल गर्ने प्रेस चौतारीको वार्षिक कार्ययोजनमा समेटिएको छ ।
प्रेस चौतारी मकवानपुरकी अध्यक्ष सरिता दाहालको सभाध्यक्षतामा भएको कार्यक्रममा नेकपा एमाले मकवानपुरका इञ्चार्ज रानाले चौतारीसँग पार्टीकाे समन्वय सधै रहने बताए । पार्टीकाे विभिन्न संगठनमध्ये चौतारीलाई सशक्त पार्न सकेका लोकतन्त्रकाे सुदृढीकरणमा बल पुग्ने उनले बताए । यसैगरी एमाले मकवानपुर सचिव सिता विष्टले संगठनभित्र एकता अपरिहार्य रहेकाे बताइन् । कार्यक्रममा पत्रकार महासंघ बागमती प्रदेशका उपाध्यक्ष हरी हुमागाई , पत्रकार महासंघ मकवानपुरका अध्यक्ष बालकृष्ण अधिकारीलगायतले समेत चौतारीकाे कार्ययोजनामाथी सुझाव दिएका थिए ।
यसैगरी चैतारी मकवानपुरले १३६ औं श्रमिक दिवसकाे अवसरमा विहीबार प्रभात फेरी कार्यक्रम गरेको छ । जिफन्टको नेतृत्वमा आयोजित कार्यक्रममा चौतारीकर्मीहरुले पनि ब्यानर लिएर कार्यक्रममा सहभागिता जनाएका थिए ।