मकवानपुर । नेपाली कांग्रेसको १५औं महाधिवेशन अन्तर्गत मकवानपुरकाे हेटाैडा उपमहानगरपालिका सभापतिमा रामकृष्ण काेइराला निर्वाचित हुनु भएकाे छ । बुधबार भएकाे निर्वाचनमा सभापतिका अर्का उम्मेदवार कविन सांगामीलाई हराउँदै कोइराला निर्वाचित हुनु भएकाे हाे ।
कोइराला कूल खसेको ५८१ मतमध्ये २८४ मत सहित निर्वाचित हुनु भएकाे हाे भने । सांगामीले २७५ मत प्राप्त गर्नु भएकाे थियाे । त्यस्तै उपसभापति पदमा कुलप्रसाद चौलागाईं (३०७ मत) निर्वाचित हुनु भएकाे हाे । चौलागाईंले कृष्णप्रसाद दुलाललाई २४१ सहित हराउनु भएकाे हाे । नगर सचिव पदमा भने विजय पुडासैनी सर्वसम्मत चयन भएका छन् । सचिव पदमा उम्मेदवारी घाेषणा गरेका रामकृष्ण थापाले उम्मेदवारी फिर्ता लिएका थिए ।
काँग्रेस मकवानपुरकाे १० वटै स्थानीय तहको अधिवेशन बुधबार सम्पन्न भएको छ । अधिकांश पालिकामा नयाँ नेतृत्व सर्वसम्मत चयन भएका छन् । केही पालिकामा निर्वाचनबाट नयाँ नेतृत्व चयन गरिएको छ ।
जिल्लाको ७ वटा पालिकाहरूमा सर्वसम्मत रूपमा नेतृत्व चयन हुँदा ३ वटा पालिकामा भने निर्वाचनमार्फत नयाँ नेतृत्व चयन गरिएको हो । हेटौँडा उपमहानगरपालिकासहित राक्सिराङ, बागमती, बकैया र मनहरि गाउँपालिकामा सभापतिसहित केही पदका लागि निर्वाचित भएको थियो भने केही पदमा पदाधिकारीहरू निर्विरोध रूपमा निर्वाचित भएका थिए ।
यसैगरी काँग्रेस थाहा नगरपालिका समितिको सभापतिमा राजेन्द्रभक्त श्रेष्ठ चयन हुनु भएकाे छ । उपसभापतिमा सुरेश लामिछाने र इन्दीरा गोपाली, सचिवमा विरुजु लाल थिङ, सहसचिवमा विजय मल्ल तथा कोषाध्यक्षमा धनश्याम बलामी चयन भएका छन् । यस्तै, मकवानपुरगढी गाउँपालिकामा आकाशकुमार गोले सभापतिमा चयन हुनुभ भएकाे छ । यसअघि सभापतिका लागि आकाश गोले, आइत सिंह लो र बलराम घिमिरेको नाम चर्चामा रहे पनि अन्तिममा गोलेलाई चयन गरिएको हो । उपसभापतिमा सदीप अधिकारी र सुशीला फुयाँल, सचिवमा आइत सिंह लो तथा सहसचिवमा रामप्रसाद चौरेल चयन भएका छन् ।
कैलाश गाउँपालिकामा उदास कुमार ब्लोन सभापतिमा निर्विरोध चयन हुनु भएकाे छ । उपसभापतिमा भुवन सिंह घलान र लक्ष्मी तामाङ, सचिवमा तेजबहादुर ब्लोन तथा सहसचिवमा कृष्ण मोक्तान चयन हुनु भएकाे हाे । भीमफेदी गाउँपालिकामा मित्रबन्दु सिजाली सभापति चयन हुनु भएकाे छ । उपसभापतिमा सुमित्रा नेगी र रमेशकुमार थिङ, सचिवमा हरि लामा तथा सहसचिवमा जीतकुमार बल चयन हुनु भएकाे हाे ।
इन्द्रसरोवर गाउँपालिकामा सुमन श्रेष्ठ सभापतिमा चयन हुनु भएकाे छ । श्रेष्ठको सभापतित्वमा २४ सदस्यीय गाउँपालिका कार्यसमिति सर्वसम्मत चयन गरेको हो । बागमती गाउँपालिकाको सभापतिमा चोकबहादुर ठाडा मगर निर्वाचित हुनु भएकाे छ । ठाडा मगरले आफ्ना निकटतम प्रतिस्पर्धी दीपप्रसाद घोरासैनीलाई एक मतको अन्तरले पराजित गर्नु भएकाे हाे । मगरले ७५ मत प्राप्त गर्दा घोरासैनीले ७४ मत प्राप्त गरे ।उपसभापतिमा कुमारबहादुर केसी र अप्सरा थोकर, सचिवमा सुदीप पाख्रिन तथा सहसचिवमा राजु लोप्चन चयन भएका छन् ।
त्यसैगरी मनहरि गाउँपालिकामा राजकुमार श्रेष्ठ निर्वाचित हुनु भएकाे छ । प्रतिस्पर्धी राजेश अधिकारी र विष्णप्रसाद उप्रेतीलाई पराजित गर्दै श्रेष्ठ सभापतिमा निर्वाचित हुनु भएकाे हाे । श्रेष्ठले १३९ मत प्राप्त गरेका थिए भने अधिकारीले ६१ मत र उप्रेतीले ४ मत मात्र प्राप्त गरेका थिए । उपसभापतिमा अन्ततप्रसाद अर्याल पुरुषतर्फ र शान्ति अधिकारी महिलातर्फ निर्विरोध निर्वाचित भएका छन् । सचिवमा दीपकप्रसाद रिमाल र सहसचिवमा विष्णुमाया बल चयन भएका छन् ।
राक्सिराङ गाउँपालिकाको सभापतिमा देव लामा निर्वाचित हुनु भएकाे छ । निर्वाचनमा १२४ मत प्राप्त गर्दै सभापति बनेका लामा दोस्रो प्रयासमा निर्वाचित हुनु भएकाे हाे । यसअघि १४ औँ महाधिवेशन अन्तर्गत लामाले राक्सिराङको सभापतिमा वीरेन्द्र जिम्बासँग पराजित हुनु परेकाे थियाे ।बुधबारकाे निर्वाचनमा लामाले प्रतिस्पर्धी वर्तमान उपसभापति बुद्धराम मोक्तानलाई ५८ मत पराजित गर्नु भएकाे हाे । उपसभापतिमा महिलातर्फ दीपा सुनार निर्वाचित हुनु भएकाे छ भने उपसभापतिमा पुरुषतर्फ रामचन्द्र ब्लोन निर्वाचित हुनु भएकाे छ । सचिवमा टीकाराम थिङ निर्वाचित हुनु भएकाे छ ।
बकैया गाउँपालिकाको सभापतितर्फ मात्र भएको निर्वाचनमा विजय लामा थिङ र सुनिल भोम्जनलाई हराउँदै गोपालबहादुर न्यासुर निर्वाचित हुनु भएकाे छ । न्यासुरले १३९ मत प्राप्त गर्दै विजयी हासिल गर्दा प्रतिस्पर्धी सुनिल भोम्जनले ४५ मत र विजय लामा थिङ ३७ मत प्राप्त गरेका थिए ।
उपसभापति (पुरुषतर्फ) ज्ञानेन्द्र बजागाईं र उपसभापति (महिलातर्फ) सरिता सञ्जेल निर्वाचित हुनु भएकाे छ । सचिवमा सुशासन्त ब्लोन र सहसचिवमा गणेश सेञ्चुरी चयन हुनु भएकाे छ ।
मकवानपुर । बागमती प्रदेश मन्त्री परिषद् विस्तार भएको छ । नेपाल कम्युनिष्ट पार्टी (नेकपा) बाट रमा आलेमगर कृषि, पशुपन्छी, वन तथा वातावरण मन्त्रीमा नियुक्त हुनु भएको छ ।
आलेमगर मन्त्री नियुक्ति भएसँगै ८ वटा मन्त्रालय कायम रहेको बागमती सरकारले पूर्णता पाएको छ । शुक्रबार प्रदेश प्रमुख दीपकप्रसाद देवकोटाले मुख्यमन्त्री किरण थापाको उपस्थितिमा मन्त्री आलेमगरलाई पद तथा गोपनीयताको शपथ गराउनु भएको हो ।
यसअघि मुख्यमन्त्री थापाले कृषि, पशुपन्छी, वन तथा वातावरण मन्त्रालय आफैं मातहतमा राखेका थिए। बागमतीमा नेकपा एमालेको नेतृत्वमा राष्ट्रिय प्रजातन्त्र पार्टी (राप्रपा) र नेकपाको संयुक्त सरकार छ।
मकवानपुर । नेकपा एमालेलाई पुनर्जागरण तथा पुनर्गठनद्वारा राष्ट्रिय निर्णायक शक्तिकाे रूपमा पुनस्थापित गर्ने नेकपा एमाले केन्द्रीय लेखा आयाेग सदस्य नवीन सिग्देलले बताउनु भएको छ ।
नेकपा एमाले गढि गाउँपालिका कमिटीद्वारा आयाेजित मिसन पार्टी जागरण-२०८३ काे अभिमूखीकरण कार्यक्रममा उहाँले पार्टीप्रति लगाईएका सबै भ्रमलाई चिर्ने, कार्यकर्ता र जनतामा देखापरेकाे निरासा अन्त्य गर्ने र पहिलाे शक्तिकाे रूपमा एमालेलाई स्थापित गरिने बताए ।
बालेन्द्र सरकारप्रतिकाे जनताकाे माेहभङ्ग हुँदै गईरहेकाे, संकट र विपत्तमा नेकपा एमाले जनताले खाेजिरहेकाे उहाँले दावि गर्नुभयाे । मकवानपुर गढी गाउँपालिकाकाे मिसन पार्टी जागरण-२०८३ काे केन्द्रीय प्रतिनिधि रहनु भएकाे सिग्देलले मिसन जागरण अभियान वडा, कार्यकर्ता र जनता केन्द्रीत हुने बताउनुभयाे ।
प्रदेश कमिटीका सदस्य रामचन्द्र राईले जनतासंगकाे सम्बन्धलाई सुदृढ बनाउन हरेक कार्यकर्ता जनता समस्यामा जाेडिन पर्ने बताउनु भयाे । सबै तहकाे नेता र कमिटीले भएका कमिलाई सच्याएर भनाई र गराईमा एकरूपता हुनपर्ने बताउनु भयाे । वर्तमान सरकारका मन्त्रीहरूबाट जनताले कुनै अपेक्षा नरहेकाे बताउँदै, सरकार गैरजिम्मेवार बन्दै गईरहेकाे उहाँकाे भनाई थियाे । एउटा कम्युनिष्ट पार्टीकाे लक्ष्य निर्वाचन जित्ने मात्र नभएर सामाजिक रूपान्तरण ध्येय रहेकाे बताउनु भयाे । उहाँले भन्नुभयाे, विकास गतिशिल प्रक्रिया हाे, जनअपेक्षा बढ्दाे छ, नेकपा एमालेकाे नेतृत्वमा मात्र जनअपेक्षा सम्बाेधन हुनसक्ने छ ।
नेकपा एमाले मकवानपुर जिल्ला कावा अध्यक्ष हिदम लामाले भूराजनीतिकाे प्रभाव नेपाली राजनीति विगतदेखि नै रहेकाे र अहिले ठाडाे हस्तक्षेपले समस्या उत्पन्न भएकाे बताउनु भयाे । जेठ २४ गते नेपालकाे ईतिहासमा कालाेदिन राष्ट्रिय सम्पदा, सरकारी र व्यक्तिगत सम्पत्ति जलाउनु जेञ्जीकाे माग नभएकाे जेञ्जी आन्दाेलनकाे खाेलमा देश जलाउने कार्य भएकाे बताउनुभयाे । उहाँले राष्ट्रियता, लाेकतन्त्र, संविधानकाे रक्षा, विकास र समृद्विकाे लागि नेकपा एमालेकाे विकल्प नरहेकाे बालेन्द्रकाे ६ महिने सरकार सञ्चालनमा देखिएकाे असक्षमताले नै प्रमाणित गरेकाे दावी गर्नुभयाे ।
अभिमूखीकरणमा पार्टी सदस्यता नवीकरण र विस्तार, वडास्तरीय पार्टी सदस्य भेला, पार्टीकाे वडा र टाेल कमिटी पुनर्गठन, र जनसंगठन पालिका संयन्त्र भेला, चार्डपर्वकाे अवसरमा शुभकामना तथा चियापान विभिन्न कार्यक्रम तय गरिएकाे पालिका कमिटी सचिव राेमनाथ रेग्मीले बताउनु भयाे ।
पालिका कमिटीका अध्यक्ष जीतबहादुर घिमिरेकाे सभाध्यक्षतामा भएकाे कार्यक्रममा जिल्ला सचिवालय सदस्य विदुर हुँमागाईँ, कमिटीका उपसचिव अम्बिका अधिकारी, प्रदेश कमिटी सदस्य निर्मला देवकाेटा, जिल्ला सचिवालय सदस्य मेम्बर लाेलगायतकाे उपस्थित रहेका थियाे ।
मकवानपुर । बागमती प्रदेशका मुख्यमन्त्री किरण थापा मगरले प्रदेशसभाबाट विश्वासको मत प्राप्त गरेका छन् ।
सोमबारको लागि बोलाईएको प्रदेश सभा विश्वासको मत प्राप्त हुने अवस्था नभएपछि ३ पटक सारियो तर पनि संभव भएन । अन्ततः मंगलबार प्रदेशसभा बैठकमा मुख्यमन्त्री थापामगरले विभिन्न अफ्ठ्याराहरूको बिच विश्वासको मत लिएका हुन् ।
उपसभामुख अप्सरा चापागाईंका अनुसार मुख्यमन्त्री थापालाई विश्वासको मतको पक्षमा ५७ र विपक्षमा शून्य मत परेको छ । थापालाई नेपाली कम्युनिस्ट पार्टी (नेकपा) का २६ र नेकपा एमालेका २४ र राप्रपाका ७ जना सांसदले विश्वासको मत दिएका हुन् ।
राप्रपाका उद्धव थापा, राजु विष्ट, गिरबहादुर तामाङ, राजेन्द्र प्रजापति, डम्बर तामाङ, नुरज बज्राचार्य र मोनिका श्रेष्ठले विश्वासको मत दिएका छन् । यसअघि सरकार गठन र मुख्यमन्त्री थापालाई विश्वासको मत दिने सम्बन्धमा राप्रपा विभाजित बनेको थियो ।
प्रदेश सरकारलाई समर्थन गर्ने निर्णय गरेका दल नेता थापासहित मन्त्री बनेका ३ जनालाई राप्रपा केन्द्रले कारबाहीसमेत गरेको छ । उनीहरू चार जनालाई पदमुक्त गर्न राप्रपाले सोमबार प्रदेश सभा सचिवालयलाई पत्राचारसमेत गरेको थियो । राप्रपाका १२ जना सांसदमध्ये ७ जना सरकारको पक्षमा उभिएकाले नेता थापा संसदीय दलमा बहुमतमा रहेका छन् ।
प्रदेशसभाको प्रमुख प्रतिपक्षी दल नेपाली कांग्रेसले आजको प्रदेश सभा बैठक बहिष्कार गरेको छ । सरकार गठनविरुद्ध उच्च अदालत पाटन, हेटौंडा इजलासमा रिट परेको र रिट उपर सोमबार न्यायाधीश बबिता उप्रेतीको एकल इजलासले कारण देखाउ आदेश जारी गरेको थियो ।
साथै, रिट निवेदक पक्ष र सरकार पक्षलाई अलालतले १० भदौमा छलफलका लागि बोलाएको छ । सरकार गठनकै विषय अदालतमा विचाराधीन रहेका बेला विश्वासको मत लिन लागिएको भन्दै कांग्रेसले प्रदेशसभा बैठक रोक्न माग गर्दै आएको थियो ।
कांग्रेसका प्रमुख सचेतक महर्जनले आज विज्ञप्ति जारी गर्दै प्रदेशसभा बैठकमा अनुपस्थित रहन आफना ३६ जना सांसदलाई ह्वीप जारी गरेका थिए ।
यसैगरी, विपक्षी दल नेपाल मजदुर किसान पार्टी (नेमकिपा) का ३ जना र हाम्रो नेपाली पार्टीका २ जना सांसद पनि बैठकमा अनुपस्थित भए । १०४ सदस्यीय प्रदेशसभामा बहुमत पुर्याउन ५३ जना सांसदको समर्थन आवश्यक थियो ।
मुख्यमन्त्री थापा गत ४ भदौमा एमाले, नेकपा र राप्रपाको समर्थनमा बागमतीको मुख्यमन्त्री नियुक्त भएका थिए । थापाले विश्वासको मत पाएसँगै तत्कालका लागि सरकारमाथि देखिएको संवैधानिक संकट टरेको छ ।
मकवानपुर । बागमती प्रदेशका नव नियुक्त मुख्यमन्त्री किरण थापा मगरले सोमबार प्रदेश सभाबाट विश्वासको मत लिने भएका छन् । मुख्यमन्त्री थापाले भदौ ८ गते सोमबार १ बजे संसदबाट विश्वासको तय भएकाे हाे ।
एमाले, नेकपा र राप्रपाको समर्थनमा बिहीबार मुख्यमन्त्रीमा नियुक्ति भएका थापाले विश्वासको मत लिन संसद सचिवालयलाई पत्राचार गरेका छन् । नेपालको संविधानको धारा १६८ को २ बमोजिम सरकारको नेतृत्व गरेका थापालाई बिहीबार प्रदेश प्रमुख दीपक प्रसाद देवकोटाले उनलाई पद तथा गोपनीयताको सपथ गराएका थिए ।
मुख्यमन्त्री थापाले आगामी भदौ ८ गते विश्वासको मत लिने भएपछि प्रदेशसभा बैठक आह्वान गरिएको छ । प्रदेश सभा सचिवालयले एक सूचना जारी गर्दै भदौ ८ गते मुख्यमन्त्री थापाले विश्वासको मत लिन प्रदेशसभा बैठक बोलाइएको जनाएकाे छ । भदौ ८ गते दिउँसो १ बजेका लागि बोलाइएको बैठकमा मुख्यमन्त्री थापाले विश्वासको मत लिने सम्बन्धी कार्यसूची रहेको प्रदेशसभा सचिवालय हेटौँडाले जनाएको छ ।
उपसभामुख अप्सरा चापागाईंले प्रदेश सभाको आठौं अधिवेशनको १८ औं बैठक बस्ने गरी प्रदेशसभा नियमावली, २०७४ को नियम ६ बमोजिम सोमबार दिनको १ बजेको समय निर्धारण गरेका हुन् । उक्त बैठकमा मुख्यमन्त्री थापा मगरले नेपालको संविधानको धारा १६८ को उपधारा (४) तथा प्रदेश सभा नियमावली, २०७४ को नियम १४३ बमोजिम विश्वासको मतको प्रस्ताव पेस हुने बताइएकाे छ ।
मुख्यमन्त्रीमा नियुक्ति भएको १ महिना भित्र विश्वासको मत लिनु पर्ने संवैधानिक व्यबस्था छ ।
