मकवानपुर । नेकपा माओवादी केन्द्र मनहरी–५ नं. वडा कमिटि अध्यक्षमा गाेविन्द सापकोटा चयन भएका छन् । असाेज ५ गते मंगलबार मनहरीकाे डिल्लीपुरमा भएकाे भेलाले सापकोटाको अध्यक्षतामा २९ सदस्यीय वडा कमिटी गठन गरिएको छ ।
कमिटीको उपाध्यक्षमा सुब्बाप्रसाद शिलवाल, सचिवमा कान्छाराम मुक्तान, सहसचिवमा कुमार सुबेदी, कोषाध्यक्षमा शारदा सुबेदीलाई चयन गरिएको छ । त्यस्तै सदस्यहरुमा श्यामबहादुर घलान, हिरालाल पाख्रिन, चन्द्रबहादुर रुम्बा,लिलाबहादुर रुम्बा, कृष्णप्रसाद लामिछाने, कुमार राना, सन्तबहादुर वाइबा, रिता रुम्बा, मिठू रिजाल, मोहन दर्लामी, अशोक स्याङ्तान, जीवन विष्ट, सुनमाया थिङ, बद्रीप्रसाद रिजाल, चन्द्रबहादुर राई, भरत मुक्तान, केदार खद्का क्षेत्रीलगायत रहेका छन् ।
माओबादी केन्द्र मनहरी– ५ का अध्यक्ष कृष्णप्रसाद रिजालको सभाध्यक्षतामा भएको कार्यक्रममा माओबादी केन्द्र बागती प्रदेशका सदस्य बिर बहादुर घलान (ज्वाला), मनहरीका ईन्चार्ज राज कुमार पाख्रिन, गाउँ कमिटी अध्यक्ष रामप्रसाद कालाखेती, वाईसिएिल मनहरीका अध्यक्ष कृष्ण रुम्बा (झाँक्री) ,गाउँ कमिटी सदस्य केशब सुबेदी लगातयकाको उपस्थिति रहेको थियो ।
भेलामा बोल्दै नेकपा माओबादी मकवानपुरका इन्चार्ज कुमारी मोक्तानले एमाले अध्यक्ष केपी शर्मा ओलीको अराजक गतिविधिका विरुद्ध पार्टीबाट विद्रोह गर्न आवश्यक रहेको बताइन् । माओवादीकी केन्द्रीय सदुस्य समेत रहेकी मोक्तानले सम्पुर्ण जनतालाई एकजुट भई उक्त अभियानमा साथ दिन आह्वान गरिन् । कार्यक्रमलाइ नेकपा माओवादिका ५ नम्वर वडा इन्चार्ज दिपेन्द्र अधिकारिले सहजीकरण गरेका थिए ।
मकवानपुर । बागमती गाउँपालिकाका २४ जना नेपाली काँग्रेस पार्टीमा प्रवेश गरेका छन् । विभिन्न पार्टी परित्याग गरी उनीहरू काँग्रेस प्रवेश गरेका हुन् ।
काँग्रेस प्रवेश गर्नेमा स्थानीय तहको निर्वाचनमा नेकपा एमालेको तर्फबाट बागमती गाउँपालिका २ का वडाअध्यक्ष पदका उम्मेदवार हर्कबहादुर गोलेसहित २४ जना छन् । कांग्रेस बागमती गाउँपालिकाले असाेज ५ गाे मंगलबार आयोजना गरेको अगुवा कार्यकर्ता भेला तथा अन्तरक्रिया कार्यक्रममा पार्टी सभापति एवम् बागमती प्रदेश संसदीय दलका नेता इन्द्रबहादुर बानियाँले उनीहरुलाई टिका र खादा लगाएर स्वागत गरेका छन् ।
कार्यक्रमलाई सम्बोधन गर्दै नेता बानियाँले राष्ट्रियता, लोकतन्त्र, समाजवाद र संविधानको रक्षाका लागि कांग्रेसको भूमिका विगतदेखि नै महत्वपूर्ण रहेको बताए । उनले स्थानीय क्षेत्रबाटै कांग्रेसका कार्यकर्ता जागरुक भएर जनचेतना अभिवृद्धिको कार्यक्रम संचालन गर्नुपर्ने पनि बताए । अधिवेशनमा होमिएको कांग्रेसले संगठन विस्तारको अभियानलाईसमेत तीब्रताका साथ अघि बढाएको बताउँदै उनले आगामी स्थानीय तहको निर्वाचनमा कांग्रेसले मकवानपुरका सबै स्थानीय तहको नेतृत्व गर्ने जिकिर गरे ।
कार्यक्रममा नेपाली कांग्रेस मकवानपुरका उपसभापति विष्णुप्रसाद लामिछाने, प्रमूख सल्लाहकार माईकल रामचन्द्र अर्याल, सचिव बुद्ध लामा, कोषाध्यक्ष गोपीलाल विश्वकर्मा, सल्लाहकार रिता खनाल, प्रभातकुमार दाहाल, प्रवक्ता प्रदिप कोइराला, जिल्ला सदस्यहरु अमृता थापा मगर, सुशान्त श्रेष्ठ, इन्दिरा न्यौपाने, भीमसेन महत, भरत पराजुली, महासमिति सदस्यहरु दामोदर सुवेदी, धर्म लामिछाने, उर्मिला पुलामीे, नेपाल महिला संघ जिल्ला अध्यक्ष लक्ष्मी श्रेष्ठ, महिला नेतृ अञ्जना उपाध्यायलगायतका नेता कार्यकर्ताहरुको उपस्थिति रहेको थियो ।
मकावनपुर । मकवानपुरबाट २०६४ सालको पहिलो संविधानसभामा नेकपा माओवादीबाट निर्वाचित सभासद दिलबहादुर घिसिङ (फुर्वा) नेकपा एमालेमा प्रवेश गरेका छन् । नेकपा माओवादी नेता फुर्वा पछिल्लो समय मोहन वैद्य नेतृत्वको माओवादीमा थिए ।
घिसिङसँगै मकवानपुरकी माओवादी नेता वरिना बल तामाङ, राजेश गहतराजलगायतका नेता मंगलबार एमाले प्रवेश गरेका हुन् । असाेज ५ गते मंगलबार नेकपा एमाले अध्यक्ष केपी शर्मा ओलीलाई भेटेरै उनीहरू पार्टी प्रवेश गरेका एमाले नेता महेश बर्ताैलाले बताए ।
एमाले प्रवेश गरेका फुर्वा सहितका नेतालाई महासचिव ईश्वर पोखरेल, सांसद कृष्णप्रसाद दाहाल,मकवानपुरका एमाले नेताहरू हिदम लामा र महेश बर्तौलाले स्वागत गरेका थिए ।
मकवानपुर । संविधान रक्षाको जिम्मेवारी कांग्रेसकाे काधमा आएको नेपाली कांग्रेसकी केन्द्रीय सदस्य एवं संविधानसभा सदस्य महालक्ष्मी उपाध्याय डीनाले बताएकी छिन् ।
७ औ संविधान दिवसको अवसरमा सन्त नेता कृष्णप्रसाद भट्टराई स्मृति केन्द्र मकवानपुरले हेटौंडामा आयोजना गरेको संविधान निर्माणमा कृष्णप्रसाद भट्टराईको प्रेरणा विषयक बिचार गोष्ठि कार्यक्रममा बोल्दै डिनाले नेपाली कांग्रेसको नेतृत्वमा जारी भएको संविधानको सफल कार्यान्वयन र जगेर्ना गर्ने दायीत्व पनि नेपाली कांग्रेसकै नेता तथा कार्यकर्ताको काधमा आएको बताएकी हुन् ।
नेतृ डीनाले सन्त नेता कृष्णप्रसाद भट्टराईका मार्गमा हिडेमात्रै पनि कांग्रेसले संविधानको रक्षा गर्नसक्ने बताईन् । उनले सन्त नेता कृण्णप्रसाद भट्टराईको त्याग र बलिदानलाई आत्मसात गर्ने हो भने नेपाली कांग्रेसलाई धुर्विकृत हुनबाट जोगाउन सकिने र एकतावद्ध बनाएर लैजान सहयोग पुूग्ने विश्वास व्यक्त गरिन् ।
कार्यक्रममा नेपाली कांग्रेस मकवानपुरका कार्यवहाक सभापति विष्णु लामिछाने, प्रमुख सल्लाहाकार माइकल रामचन्द्र अर्याल, सहप्राध्यापक कृष्णप्रसाद दाहाल, नेपाली कांग्रेस हेटौंडा नगरसभापति आनन्दराम पराजुली, स्मृति केन्द्रका उपाध्यक्षद्वय शुभाषचन्द्र अधिकारी र मञ्जु खराललगाएतले सन्त नेता कृष्णप्रसाद भट्टराईको बारेमा चर्चा गरेका थिए ।
स्मृति केन्द्रका अध्यक्ष बिजेन्द्र अग्रवालको सभाध्यक्षतामा भएको कार्यक्रममा नेपाली कांग्रेस मकवानपुरका सल्लाहाकार अशोक शाक्य, प्रवक्ता प्रदिप कोइराला, जिल्ला सदस्य राजिव सुवेदी, सुशान्त श्रेष्ठ, इन्दिरा न्यौपाने, अमृता थापा, सुनिल अधिकारी लगायत नेपाली कांग्रेसका विभिन्न भातृसंगठनका जिल्ला अध्यक्ष, सुभेच्छुक संस्थाका अध्यक्ष एवं प्रतिनिधि लगाएतको उपस्थिति रहेको थियो ।
संविधान दिवसको अवसरमा स्मृति केन्द्रको आयोजनामा पार्टी कार्यलयमा दिप प्रज्वलन कार्यक्रम समेत गरिएको छ ।
अध्यक्ष र केन्द्रीय सदस्य मात्रै महाधिवेशनबाट निर्वाचित गर्ने निर्णय गरेको एमालेले अब पदाधिकारीसहित सबै केन्द्रीय सदस्य निर्वाचित हुने व्यवस्था गर्न लागेको छ ।
पार्टीभित्रैबाट तीव्र आलोचना भएपछि पार्टी उपमहासचिव एवं संगठन विभाग प्रमुख विष्णु पौडेलले आफ्नो सांगठनिक प्रस्तावमा संशोधन गर्दै सबै पदाधिकारीसहित केन्द्रीय सदस्यहरू निर्वाचित हुने प्रस्ताव समेटेका हुन् । यसअघि अध्यक्षबाहेकका पदाधिकारी निर्वाचित केन्द्रीय कमिटीबाट अध्यक्षले चयन गरिने उल्लेख गरिएको थियो ।
ललितपुरको च्यासलस्थित तुलसीलाल स्मृति प्रतिष्ठानमा आइतबारदेखि सुरु भएको एमाले स्थायी कमिटी बैठकमा पार्टीको राजनीतिक, सांगठनिक तथा वैचारिक कार्यदिशाको विषयले प्रवेश पाएको छ । बैठकमा विधान महाधिवेशन केन्द्रित छलफल सुरु भएको छ । केही समयपश्चात् एमालेले १०औं महाधिवेशन गर्दै छ । १०औं महाधिवेशन अघि एमालेले छुटै विधान महाधिवेशन गर्ने तयारी गरेको छ ।
एमाले उपाध्यक्ष युवराज ज्ञवालीका अनुसार विधान महाधिवेशन अघि स्थायी कमिटी, केन्द्रीय कमिटीबाट प्रस्ताव पारित गरेर विस्तृत छलफलका लागि विधान महाधिवेशनमा प्रस्तुत हुनेछ । विधान महाधिवेशनमा विधान पारित गरेपछि सोहीअनुसार १०औं महाधिवेशनमा नेतृत्वको चयन गरिनेछ ।
यता, नवौंं महाधिवेशनले सक्रिय राजनीतिबाट ७० वर्ष लागेपछि बिदा लिनुपर्ने व्यवस्था गरेको थियो । तर, केही नेताले ७० वर्षको प्रावधान हटाउन खोजेपछि उमेर हदको सो व्यवस्था कायम नै राखिने भएको छ । दोस्रो पुस्ताका नेताहरूको दबाबले उमेर हदसम्बन्धीको व्यवस्था कायम राखिएको हो ।
यस्तै, एमालेले आफ्नो विधानमा सात सदस्यीय सचिवालय गठनको प्रस्ताव गरेको छ । यसअघि तत्कालीन एमाले र माओवादी केन्द्रबीच एकीकरण भई गठन भएको नेकपाजस्तै एमालेमा अब सात सदस्यीय सचिवालय हुनेछ । विधान महाधिवेशनबाट विधान पारित भएपछि एमालेमा अब अध्यक्षको नेतृत्वमा सचिवालय रहने व्यवस्था गरिनेछ ।
‘हामीले १०औं महाधिवेशन पछि निर्वाचित अध्यक्षको नेतृत्वमा सात सदस्यीय सचिवालय गठन गर्ने व्यवस्था विधानमै राख्दै छौं । पार्टीको काम तथा तत्कालै गर्नुपर्ने निर्णय त्यो सचिवालयबाटै हुनेछ,’ ज्ञवालीले भने, ‘यस्तै महासचिवको नेतृत्वमा कार्यालयसम्बन्धी अर्को सचिवालय रहनेछ, त्यसले कार्यालयको काममा केन्द्रित हुनेछ ।’
यसैगरी, उपाध्यक्षको संख्या घटाएर सचिवको संख्या बढाउने प्रस्ताव गरिएको छ । यसअघि उपाध्यक्षको संख्या सात राखिएको थियो भने सचिवको संख्या पाँच रहेको थियो । तर, त्यसमा संशोधन गर्दै उपाध्यक्षको संख्या तीन र सचिवको सात पु¥याउने प्रस्ताव भएको छ । नवौं महाधिवेशनबाट उपाध्यक्ष र सचिवको संख्या पाँच÷पाँच राखिएको थियो । उपमहासचिवको संख्या दुई जना राखिएको छ ।
विधानमा केन्द्रीय कमिटीको संख्या २ सय २५ राखिएको छ । केन्द्रीय कमिटीको एक तिहाइको संख्यामा पोलिटब्युरो र पोलिटब्युरोको एक तिहाइ संख्यामा स्थायी कमिटी गठन गर्ने प्रस्ताव विधानमा गरिएको छ । यद्यपि पोलिब्युरो कमिटी राख्ने कि नराख्ने विषयमा अहिले छलफल जारी नै रहेको छ । त्यसैगरी, महाधिवेशनको प्रतिनिधि राष्ट्रिय प्रतिनिधि परिषद् सदस्यलाई बनाउने प्रस्ताव विधानमा गरिएको छ ।
विधान महाधिवेशनमा प्रस्तुत गरिने राजनीतिक प्रतिवेदनको मस्यौदा तयार गर्न अध्यक्ष केपी शर्मा ओलीको संयोजकत्वमा र संगठनात्मक प्रस्तावको मस्यौदा तयार गर्न महासचिव ईश्वर पोखरेलको संयोजकत्वमा कार्यदल गठन यसअघि नै भइसकेको छ । यसैगरी, संगठन विभाग प्रमुख पौडेलको संयोजकत्वमा विधान संंशोधन मस्यौदा कार्यदल र रामबहादुर थापाको संयोजकत्वमा विधान महाधिवेशन व्यवस्थापन कार्यदल गठन भएको छ ।
एमालेले आउँदो १५, १६ र १७ मा विधान महाधिवेशन काठमाडौंमा गर्दै छ । एमालेभित्र पहिलोपटक नेतृत्व चयन र नीति निर्णय गर्ने छुटाछुटै महाधिवेशन गर्दै छ । विधान महाधिवेशमा राजनीतिक प्रतिवेदन, संगठनात्मक प्रस्ताव र विधान प्रस्तुत हुनेछ । राजधानी दैनिकमा प्रकारशित समाचार साभार