मकवानपुर । संघीय अर्थमन्त्री तथा नेकपा माओवादी केन्द्रका स्थायी कमिटी सदस्य जनार्दन शर्मा (प्रभाकर) आज आइतबार हेटौंडा आउने भएका छन् । मन्त्री शर्मा नेकपा (माओवादी केन्द्र) का सहायक संगठन योङ्ग कम्युनिष्ट लिग (वाइसीएल) हेटौंडा नगर सम्मेलनलाई सम्बोधन गर्न हेटौंडा आउने बताइएकाे छ ।
नेकपा एकता विभाजनपछि हुने भएको वाइसीएल हेटौंडा नगरकोे प्रथम सम्मेलनलाई सम्बोधन गर्न शर्मा हेटौंडा आउन लागेको केन्द्र मकवानपुरका प्रचार विभाग प्रमुख कमान सिं पाख्रिन पृथकले जानकारी दिए । उनका अनुसार, शर्मासँगै वाइसीएल केन्द्रीय इन्चार्ज राम प्रसाद सापकोटा (दीपशिखा), संयोजक सुमन देवकोटा (अब्दुल) पनि हेटौंडा आउने भएका छन् ।
सम्मेलनलाई पार्टी केन्द्रीय सदस्य तथा बागमती प्रदेश सामाजिक विकास मन्त्री कुमारी मोक्तान, पार्टी मकवानपुर जिल्ला अध्यक्ष प्रेमबहादुर पुलामी (छिन्तु) लगायतले सम्बोधन गर्ने कार्यक्रम रहेको प्रचार विभाग प्रमुख पाख्रिनले बताए । आइतबार हुने सम्मेलनले वाइसीएल हेटौंडा उपमहानगर कमिटीको नयाँ नेतृत्वसहितको कमिटी निर्माण गर्ने जनाइएको छ ।
मकवानपुर । नेपाल शिक्षक संघ मकवानपुरले चियापान तथा सम्मान कार्यक्रम गरेकाे छ । सघ शुभ दीपावली,नेपाल सम्बत एवं छठ पर्वको अवसरमा चियापान,शुभकामना आदानप्रदान तथा शिक्षक सम्मान कार्यक्रम गरेकेा हाे।
शिक्षक संघ मकवानपुर अध्यक्ष राम कुमार अधिकारीको सभाध्यक्षता तथा नेपाली कांग्रेस केन्द्रीय सदस्य महालक्ष्मी उपाध्याय ‘डिना’को प्रमुख आतिथ्यतामा कार्यक्रम भएको हो। प्रमुख अतिथि उपाध्याय ‘डिना’ले समाज परिवर्तनमा शिक्षकहरूको योगदान महत्वपूर्ण रहेको तथा शिक्षकले गरेको त्यागलाई सम्मान गर्नुपर्ने बताइन् ।
कार्यक्रममा शिक्षा क्षेत्रमा महत्वपूर्ण योगदान पुर्याउने विभिन्न विद्यालयमा कार्यरत तथा सेवा निवृत्त भएका शिक्षकहरूलाई सम्मान गरिएको छ। शिक्षक संघ मकवानपुरले शिक्षकहरू प्रमोद विडारी,राजेश घिमिरे,गोविन्द पोखरेल,नरहरीनन्द उप्रेती,पुष्कर केसी, गंगनदेव चौरसीया,सन्तविर पाख्रिन,मिरा गोर्खाली,सुभद्रा पाण्डे, ईन्द्रबहादुर गोले, सरस्वती शिवाकोटी, सुनिता भट्टराई, रमेश सुवेदी, अरूण कुमार सिंह, सारदा दाहाल न्यौपाने,कृष्ण माया लटौला मदन लामिछाने, ज्ञानु पौडेल, शंकर पराजुली, अप्सरा देवकोटा, राजेश्वर देवकोटा, विभा झा, गंगा चिमोरिया, राजेन्द्र बर्तौला, रंजन कठायत लगायत ५० जना शिक्षकहरूलाई सम्मान गरेकाे हाे ।
कार्यक्रममा नेपाल शिक्षक संघ बागमती प्रदेश वरिष्ठ उपाध्यक्ष दिपकलाल खतिवडा,बागमती प्रदेश सदस्य स्वेता कोइराला, नेपाली कांग्रेस मकवानपुर शिक्षा विभाग प्रमुख कृष्ण प्रसाद दाहाल, हेटौंडा -६ नम्बर वडाध्यक्ष अर्जुन प्रसाद चौलागाई,लेखक संघ मकवानपुर अध्यक्ष छवि अनित्य, शिक्षक संघ मकवानपुर उपाध्यक्ष गणेश प्रसाद हुमागाई, सचिव टिका प्रसाद दाहाल लगायतकाले दीपावली,नेपाल सम्वत,छठ पर्वको शुभकामना सहित मन्तव्य व्यक्त गरेका थिए।
कार्यक्रममा शिक्षक संघ मकवानपुरका प्रदेश,संघिय कार्य समिति तथा स्थानीय तह अन्तर्गतको विभिन्न पदमा रहेका शिक्षकहरूको सहभागी रहेको थियो।
मकवानपुर । नेकपा एमालेको मकवानपुरमा शनिबार ८ वटा पालिका अधिवेशन सम्पन्न भएकाे छ ।
शनिबार भएकाे अधिवेशनले इन्द्रसरोवर गाँउपालिका अध्यक्षमा देवकृष्ण पुडासैनीको नेतृत्वमा ६३ सदस्यीय कार्यसमिति सर्वसम्मत रुपमा चयन गरेको छ ।
यसैगरी कमिटीको उपाध्यक्षमा प्रताप भोम्जन, सचिवमा धनविर स्याङ्तान, उपसचिवमा बैकुण्ठ थापा र उमा लामा चयन भएका छन् । राक्सिराङ् गाउँपालिका र कैलाश गाउँपालिकामा यसअघि नै अधिवेशन सम्पन्न भइसकेको छ ।
मकवानपुर । आज (शनिबार) ८ पालिकामा एमाले मकवानपुरको अधिवेशन हुँदैछ । गत कात्तिक ९ गतेको लागि तोकिएको एमाले अधिवेशन मकवानपुरमा भने आजको लागि सारिएको थियो ।
जिल्लामा कात्तिक ९ गते नै उद्योग वाणिज्य संघको निर्वाचनको कार्यक्रम रहेकोले अधिवेशन आजसम्मलाई सारिएको जनाइएको छ । आज जिल्लाका १० वटा स्थानीय तहमध्ये ८ वटा पालिकामा एमाले अधिवेशन हुने भएको एमाले मकवानपुरले जनाएकाे छ । हेटौंडा उपमहानगरपालिका, थाहानगरपालिका, भीमफेदी गाउँपालिका, मकवानपुरगढी गाउँपालिका, बागमती गाउँपालिका, बकैया गाउँपालिका, इन्द्रसरोवर गाउँपालिका र मनहरी गाउँपालिकामा एमाले अधिवेशन हुने भएको हो ।
जिल्लाको २ वटा पालिकामा भने अधिवेशन सम्पन्न भइसकेका छन् । शुक्रबार कैलाश र विहीबार राक्सिराङ गाउँपालिकामा एमालेको पालिका अधिवेशन सम्पन्न भएको हाे । शुक्रबार कैलाशमा भएको अधिवेशनबाट पुण्यप्रसाद भण्डारीलाई पार्टीको गाउँपालिका कमिटी अध्यक्ष मा सर्वसम्मत चयन गगरिएको छ । भण्डारीको अध्यक्षतामा ७५ सदस्यीय गाउँपालिका कमिटी गठन भएको हो ।
यस्तै, एमाले राक्सिराङ गाउँपालिकाको अध्यक्षमा सिहराम रुम्बा (रोहन) चयन भएका छन् । पार्टीको विहीबार भएको अधिवेशनबाट रुम्बाको अध्यक्षतामा ७५ सदस्यीय गाउँपालिका सदस्यीय सर्वसम्मत चयन भएका हुन् ।
वडा अधिवेशनमा सहभागी भएका १० हजार ५ सय सङ्गठित सदस्यहरूले छानेका प्रतिनिधिहरू पालिका अधिवेशनमा सहभागी हुने पार्टीले जनाएकाे छ । नेकपा एमालेले पालिका अधिवेशनबाट मकवानपुरको हेटौंडा उपमहानगरपालिकाबाट ८५ सदस्यीय नगर कमिटीलाई नेतृत्व प्रदान गर्नेछ भने, थाहा नगरपालिका र ८ गाउँपालिकामा ७५ सदस्यीय कमिटी चयन हुने एमाले जिल्ला अध्यक्ष बद्री लम्सालले बताए ।
यसैबीच हेटौंडा उपमहानगरपालिको अधिवेशनलाई एमाले नेता लुम्बिनी प्रदेशका पूर्व मुख्यमन्त्री शंकर पोखरेल उद्घाटन गर्ने कार्यक्रम रहेको छ । मकवानपुरगढी गाउँपालिकाको अधिवेशनलाई एमाले नेता बागमती प्रदेशको पूर्व मुख्यम्रन्त्री डोरमणी पौडेलले र थाहा नगरपालिको अधिवेशनलाई एमाले नेता पूर्व ऊर्जा, जलस्रोत तथा सिँचाइ मन्त्री टोपबहादुर रायमाझीले उद्घाटन गर्ने कार्यक्रम रहेको एमाले मकवानपुरे जानकारी दिएकाे छ ।
यसैगरि पूर्वी मकवानपुरको बागमती गाउँपालिको अधिवेशनलाई एमाले नेता पूर्व खानेपानी तथा सरसफाइ मन्त्री मणि थापाले र बकैयाको अधिवेशनलाई एमाले नेता एवं प्रतिनिधिसभाको अर्थ समितिको सभापति कृष्ण दाहालले उद्घाटन गर्ने कार्यक्रम रहेको छ ।