नेपाली काँग्रेसको सभापति पदका लागि भएको मतदान नतिजाविहीन बनेको छ । प्रधानमन्त्री शेरबहादुर देउवाले अग्रता कायम गरेता पनि विधानअनुसार ५० प्रतिशत भन्दा बढी मत पाउन नसकेपछि अब दोस्रो चरणको मतदान हुने भएको छ । दोस्रो चरणको मतदान आजै हुने र परिणाम पनि आजै आउने नेताहरुले बताएका छन् ।
कुल ४ हजार ६सय ८१ मतदातामध्ये देउवाले २ हजार २ सय ५८ मत पाएर पहिलो भएका छन् । तर, ५० प्रतिशत मत कटाउनका लागि उनलाई ८२ मतले साथ दिएन । दोस्रो स्थान हासिल गरेका डा. शेखर कोइरालाले १ हजर ७ सय २९ मत प्राप्त गरेका छन् । त्यस्तै तेस्रो स्थानमा प्रकाशमानसिंहले ३ सय ७१ मत पाएका छन् भने विमलेन्द्र निधिले २ सय ४९ मत पाएका छन् । सभापतिका अर्का दाबेदार कल्याण गुरुङले २० मत पाएका छन् ।
नेपाली काँग्रेसमा शेरबहादुर देउवाको विकल्पमा नयाँ नेतृत्व आउनुपर्ने बताइरहेका प्रकाशमान, विमलेन्द्र निधि र कल्याण गुरुङले पाएको मतसमेत जोड्दा देउवाको भन्दा बढी हुन जान्छ । तर, देउवाको विकल्प खोज्नेहरुले साझा उम्मदेवार नउठाएका कारण पहिलो चरणमा कसैले पनि जित हात पार्न नसकेको हो ।
दोस्रो चरणको चुनावमा विमलेन्द्र निधिले देउवालाई नसघाउने यसअघि नै घोषणा गरिसकेका छन् भने प्रकाशमानले के गर्छन् भन्ने अझै खुलेको छैन । तथापि उनले मत माग्ने बेलामा नेपाली काँग्रेसमा नेतृत्व परिवर्तन हुनेपर्नेमा जोड दिएका थिए ।
मकवानपुर । अखिल नेपाल महिला संघ (समाजवादी) बाग्मती प्रदेश कमिटी अध्यक्षमा मुनु सिग्देल चयन भएकी छन् । अनेमसंघकाे सोमबार काठमाडौंमा बसेको बैठकमा कमिटी घोषणा तथा सपथ ग्रहण गरिएको थियो ।
संघले सिग्देलको अध्यक्षतामा १ सय ५१ सदसीय प्रदेश कमिटी घोषणा गरेको हो । घोषित प्रदेश कमीटीकोे उपाध्यक्षमा शान्ता पौडेल र कमला श्रेष्ठ, सचिवमा सङिता पाख्रिन, उपसचिवमा शान्ता पाख्रिन र कोषाध्यक्षमा पार्वती सिलवाल छन् ।
बैठकमा अनेमसंघ समाजवादीको अध्यक्ष एवं नेकपा एकीकृत समाजवादीको उपाध्यक्ष जयन्ती राईले सदस्यलाई सपथ गराएकी थिइन् । बैठकलाई सम्बोधन गर्दै प्रमुख अतिथी राइले नेकपा एमालेमा ओलीको स्वेच्छाचारी र व्यक्तिवादी शैली हावी भएकाले आफूहरुले बिद्रोह गरेको बताइन् । ‘अहिले पनि महिलाहरु अनेक प्रकारका समस्या र हिंसाबाट पीडित छन्, अनेमसंघ (समाजवादी)ले महिलाका सबै प्रकारका विभेद र हिंसाका विरुद्ध अगुवाइ गर्दे महिलालाई राजनीतिक रुपमा संगठीत गर्नुपर्छ,’ राइले भनिन् ।
यसैगरी बैठकमा पार्टी उपाध्यक्ष एवं बाग्मती प्रदेशका इन्चार्ज केदार न्यौपाने र बाग्मती प्रदेशका पार्टी अध्यक्ष सावित्रा भूसालले पनि सम्बोधन गरेका थिए । सम्बोधनका क्रममा उनीहरुले पनि पार्टी निर्माण र महिलाका विषयमा प्रशिक्षण तथा घोषित कमिटीलाई शुभकामना दिएका दिए ।
कमिटी १ सय ५१ सादसीय रहेको जानकारी दिदै अध्यक्ष सिग्देलले संघले गर्ने कार्ययोजना समेत प्रस्तुत गरेकी थिइन् । बैठकमा पार्टीका केन्द्रीय सदस्य तथा अनेमसंघ कोषाध्क्ष मिना ज्ञावली, पार्टी केन्द्रीय सदस्य तथा अनेमसंघ प्रचार विभाग प्रमुख चमिना भट्टराई, केन्द्रीय सदस्य भागवती नेपाल, चुनु केसी, शान्ता पाख्रिन, शान्ता पौडेल लगाएतको उपस्थित थियो ।
मकवानपुर । नेपाली कांग्रेसको १४औं महाधिवेशनमा उम्मेदवारी दिएका पदाधिकारी र केन्द्रीय सदस्यका उम्मेदवारको अन्तिम नामावली प्रकाशन भएको छ। निर्वाचन समितिले राष्ट्रिय सभागृहमा प्रकाशन गरेको नामावली अनुसार सभापतिमा ५, उपसभापतिमा ७, महामन्त्रीमा ६ र सहमहामन्त्रीमा १९ जनाको उम्मेदवारी छ।
कांग्रेसमा पदाधिकारी र केन्द्रीय सदस्यगरी १४३ पदका लागि निर्वाचन हुँदैछ। शनिबार ५ सय ४८ जनाले उम्मेदवारी दर्ता गराएको मा ५५ जनाले मनोनयन फिर्ता गरेका छन्। सभातिमा उम्मेदवारी दिएका गोरखाका युवराज न्यौपानेले पनि आफ्नो उम्मेदवारी फिर्ता लिएका छन्।
महाधिवेशनबाट केन्द्रीय समितिको विभिन्न पदमा उम्मेदवारी दिएका ५६ जनाले मनोनयन फिर्ता लिएका छन् ।
पदाधिकारीमा उम्मेदवारी दिएका २ जना र केन्द्रीय सदस्य पदमा उम्मेदवारी दिएका ५४ जनाले आइतबार मनोनयन फिर्ता लिएका हुन् । शनिबार उम्मेदवारी दर्ता गरेकाहरुलाई शनिबार दिउँसो साढे १२ बजेसम्म मनोनयन फिर्ताको समय दिइएको थियो ।
उक्त समयमा सभापति पदमा उम्मेदवारी दिएका गोरखाका युवराज न्यौपाने र सहमहामन्त्रीमा उम्मेदवारी दिएका सुरेन्द्र चौधरीले उम्मेदवारी फिर्ता लिए । न्यौपानेले शेखर कोइरालालाई समर्थन गरे भने चौधरीले शेरबहादुर देउवा प्यानलका सहमहामन्त्रीलाई समर्थन गरे ।
उम्मेदवारी फिर्ता लिने ५४ केन्द्रीय सदस्य भने विभिन्न क्लस्टरका छन् । उम्मेदवारी फिर्ता लिनेको सूची हेर्नुहोस् ।
फिर्ता लिनेहरुमा जंगीलाल राय (प्रदेश-२), सञ्जयकुमार राय यादव (मधेशी), गोविन्दबहादुर बोहरा (सुदूरपश्चिम), मीनबहादुर विश्वकर्मा (दलित), सीताराम महतो (मधेशी), जुनाकुमारी दानी (खसआर्य), दीपक अधिकारी (खसआर्य), भीमार्जन आचार्य (खुल्ला), इन्दिरा थापा (प्रदेश-१), गणेशकुमार मण्डल (मधेशी), बीना पौडेल (महिला) रहेका छन् ।
त्यस्तै भक्तबहादुर बलायर, माया राना (जनजाति), गोपीलाल विक (दलित), मीनाकुमारी थापा (महिला),विष्णु पौडेल (खसआर्य), अनु गुरूङ (जनजाति), शकुन्तला थापा (महिला), महेशकुमार कर्मैचा (आदिवासी जनजाति), सिंहबहादुर राना (जनजाति), संगीता मण्डल (खुल्ला), सीता पौडेल (प्रेदश-१), कमलप्रसाद भुसाल (लुम्बिनी प्रदेश), उमेश कुमार बस्नेत (खसआर्य)ले पनि उम्मेदवारी फिर्ता लिएका छन् ।
उम्मेदवारी फिर्ता लिनेहरुमा माधवप्रसाद आचार्य (लुम्बीनी प्रदेश), केशवप्रसाद चन्द (सुदूरपश्चिम प्रदेश), विमल धमला, निरबहादुर विक (दलित) राजुराज जोशी (बागमती प्रदेश) गजेन्द्रबहादुर हमाल (लुम्बlनी प्रदेश), रवीन्द्रमान श्रेष्ठ (खुल्ला), दामोदर भुसाल (खुल्ला), हरिमोहन भण्डारी (खसआर्य), गणेशबहादुर खत्री (अपाङ्ग), लोकप्रसाद संग्रौला (खस आर्य), महेश नेपाली (दलित), बाला अधिकारी (खुल्ला) रहेका छन् ।
मुरारीप्रसाद आचार्य (खुल्ला), डा. खगेन्द्र पाण्डव अधिकारी (खुल्ला), देवराज भट्टराई (अपाङ्ग), टेकनारायण महतो (थारु), राजेन्द्र जैसवाल (मधेशी), पार्वती शाह (खसआर्य), इस्तियाक मोहमद खाँ, वीरबल राई (प्रदेश-१), केशव थापा (खुल्ला), माया क्षेत्री बराल कार्की (खसआर्य)ले पनि उम्मेदवारी फिर्ता लिएक छन् ।
भूमिप्रसाद राजवंशी (आदिवासी जनजाति), प्रकाश महर्जन (आदिवासी जनजाति), रोहित विश्वकर्मा (दलित), टेकनारायण पाण्डे (अपाङ्ग), देवीप्रसाद चौधरी (थारु), उत्तमप्रसाद चापागाई (खुल्ला), युवराज गुरूङ (आदिवासी जनजाति), तिलप्रसाद सुब्बा (जनजाति) र राजेन्द्रबहादुर गोर्खाली (राजु) खुल्लाबाट उम्मेदवारी फिर्ता लिएका हुन् ।
















मकवानपुर । नेपाली कांग्रेसको १४ औं महाधिवेशनबाट केन्द्रीय समितिको पदाधिकारी र केन्द्रीय सदस्यमा नयाँ नेतृत्व चयन गर्न १ सय ३४ पदका लागि ५ सय ४८ जनाले मनोनयन दर्ता गराएका छन् । शुक्रबार वेलुका उम्मेदवारी मनोनयनको समय सकिए पछी उक्त संख्यामा मनाेनयन दर्ता भएकाे नेपाली काँग्रेस निर्वाचन समितिले जनाएकाे छ ।
निर्वाचन समितिका अनुसार सभापति पदमा शेरबहादुर देउवा, शेखर कोइराला, प्रकाशमान सिंह, विमलेन्द्र निधि, कल्याण गुरुङ र युवराज न्यौपानेले मनोनयन दर्ता गराएका छन् । त्यस्तै उपसभापतिमा विजय गच्छदार, पूर्णबहादुर खड्का, धनराज गुरुङ, चन्द्र भण्डारी, सुजाता कोइराला र दिव्यश्वरी शाहले मनोनयन दर्ता गराएका छन् । गच्छदार र खड्का देउवाको प्यानल, गुरुङ र भण्डारी कोइरालाको प्यानल, सुजाता कोइराला प्रकाशमान सिंह प्यानल र दिव्यश्वरी शाहले विमलेन्द्र निधिको प्यानलबाट उम्मेदवारी दिएका हुन् ।
महामन्त्रीमा डा. प्रकाशशरण महत, प्रदीप पौडेल, डा. मिनेन्द्र रिजाल, गगन थापा, विश्वप्रकाश शर्मा र डा. राजाराम कार्कीले मनोनयन दर्ता गराएका छन् । महत र पौडेल सभापति देउवा, रिजाल र थापा कोइराला, शर्मा प्रकाशमान सिंह र कार्कीले निधि प्यानलबाट उम्मेदवारी दिएका हुन् ।
त्यस्तै ८ सहमहामन्त्री पदका लागि २० जनाको उम्मेदवारी परेको छ । सहमहामन्त्रीमा खस आर्य, महिला, दलित, मधेसी, जनजाति, पिछडिएको क्षेत्र, थारु र अल्पसंख्यक क्लस्टरबाट १/१ जना निर्वाचित हुनेछन् । देउवा समूहबाट महिला कोटाको सहमहामन्त्रीमा महालक्ष्मी उपाध्याय डिना, जनजातिबाट भीष्मराज आङ्देम्बे, दलितबाट मानबहादुर विश्वकर्मा, मधेशीबाट महेन्द्र यादव, खस आर्यबाट किशोरसिंह राठौर, थारुबाट उमाकान्त चौधरी, अल्पसंख्यकबाट फरमुल्लाह मन्सुर (बारा) र पिछडिएको क्षेत्रबाट जीवनबहादुर शाही उम्मेदवार छन् ।
शेखर कोइराला समूहबाट सहमहामन्त्रीको उम्मेदवारमा खस आर्यबाट देवराज चालिसे, पिछडिएको क्षेत्रबाट बद्री पाण्डे, दलितबाट जीवन परियार, महिलाबाट कमला पन्त, जनजातिबाट विकास लामा, मधेसीबाट रामकृष्ण यादव र थारुबाट तेजुलाल चौधरी र अल्पसंख्यबाट शेख वकिलले उम्मेदवारी दिएका छन् । सहमहामन्त्रीमा यीबाहेक सुरेन्द्रप्रसाद चौधरी, रञ्जित कर्ण, गंगा सुनार र चेतराज बरालले पनि उम्मेदवारी दिएका छन् ।
त्यस्तै खुलातर्फको ३५ जना केन्द्रीय सदस्यका लागि १ सय ९ जनाको उम्मेदवारी परेको छ । कुल १ सय २१ केन्द्रीय सदस्यका लागि ५ सय ९ जनाको उम्मेदवारी परेको छ । महिलातर्फको खुला ९ पदका लागि ३१ जना, दलिततर्फ ९ पदका लागि ३९, आदिवासी जनजाति १५ पदका लागि ८७ जना, खस आर्य १३ जनाका लागि ९३ जना, मधेसी ९ जनाका लागि ३२ जना, थारु ४ जनाका लागि १४ जना, मुस्लिम ३ जनाका लागि १६ जना, पिछडिएको क्षेत्रको १ पदमा २ जना, अल्पसंख्यक १ पदका लागि ६ जना र अपांग १ पदका लागि १६ जनाको उम्मेदवारी परेको छ ।
त्यस्तै प्रत्येक प्रदेशबाट निर्वाचित हुने ३ केन्द्रीय सदस्य पदका लागि प्रदेश १ बाट १३, प्रदेश २ मा ५, बागमतीमा ९, गण्डकीमा ७, लुम्बिनीमा ११, कर्णालीमा ७ र सुदूरपश्चिमबाट १२ जनाको उम्मेदवारी परेको छ ।
मकवानपुर । नेकपा माओवादी केन्द्र मकवानपुरका नेता एवम् जिल्ला सचिव बलराम वल नेकपा एमालेमा प्रवेश गरेका छन् । बलसँगै प्रतिनिधि सभा २ को प्रदेश सभा (ख) संयोजक नरेन्द्र रिजाल सहित १२ जना शुक्रबार नेकपा एमालेमा प्रवेश गरेका हुन् ।
शुक्रबार नेकपा एमालेका केन्द्रीय अध्यक्ष केपी शर्मा ओलीसँगको भेटमा उनीहरुलाई एमाले पार्टी प्रवेश गरेकाे हुन् । एमाले अध्यक्ष ओलीले खादा ओढाएर बल सहितका नेतालाई स्वागत गरेका थिए । मकवानपुरको कम्युनिष्ट आन्दोलनका प्रभावशाली नेताको रुपमा रहेका वल जनमोर्चा र माओवादीको एकिकरणसँगै माओवादीमा रहेका थिए । माओवादी केन्द्रको तर्फबाट स्थानीय तहको निर्वाचनमा हेटौँडा उपमहानगरपालिकाको उपमेयरको उम्मेद्वार समेत रहेका वललाई मकवानपुरे कम्युनिष्ट आन्दोलनको प्रखर वक्ताको रुपमा समेत चिनिदै आएका छन् ।
बल सहित राधाकृष्ण रिजाल,बसुन्धारा सुरेन्द्र रिजाल, राज वाइवा, नविन रिजाल, केसर भुजेल, रञ्जन सापकोटा, राधा भुजेल र समिर विष्ट लगायत नेकपा एमालेमा प्रवेश गरेका हुन् । उनीहरुले देश र जनताका लागि काम गर्ने केपी ओलि जस्तो नेता अर्को सय वर्ष नपाइने भन्दै ओली नेतृत्वको पार्टीमा समाहित हुन पाउँदा एकदमै खुशी लागेको बताएका छन् ।