हेटौंडा । आसन्न स्थानीय तहको निर्वाचनमा प्रचारप्रसारको काम गर्नेगरी नेकपा एमालेले हेटौंडा ५ सितानगर टोलमा कार्यालय खोलेको छ ।
पार्टी जिल्ला सचिवालय सदस्य इश्वर ढुंगानाको प्रमुख आतिथ्यमा आज बुधबार कार्यालय उद्घाटन गरिएको हो ।
कार्यालय उद्घाटन गर्दै सचिवालय सदस्य ढुङ्गानाले एमालेले ५ नम्नर वडाको लागि कम बोल्ने काम बढि गर्ने नेता चयन गरेको बताउंदै यो नेतृत्वले समाजको आर्थिक सामाजिक विकासमा रोलमोडेलको काम गर्ने बताए । “तपाई हामीले हाम्रो टोलको लोकप्रिय सामाजिक व्यक्ति घिमिरेको उम्मेदवारीले समाजमा आशा जगाएको छ” ढुङ्गानाले भने । एमालेको सपना टोल बस्तिको बिकास, समृद्धिको भएको उनले बताए ।
एमालेले स्थानीय तहमा नै आय आर्जनको बाटो खोज्ने, पर्यटकीय गन्तव्यमा योजनाहरू बनाउने उनले बताए । “स्थानीय टोलको बिकास र स्थानीयवासीको समग्र सुरक्षाको लागि यसपटक एमालेको सिङ्गो टिम जिताउनुहोस” उनले भने ।
सितानगरको सुदुर भबिष्य कस्तो बनाउने भन्ने दुरगामी योजना एमालेले बनेकोले अबको कामको जिम्मेवारी सुशिल घिमिरेको टिमलाई दिन उनले आग्रह गरे । “बिगतदेखि नै एमालेको लालकिल्ला रहेको सितानगरमा अब बिजयको यात्रामा सामेल हुन बाँकी छ” ढुङ्गानाले भने ” आगामी ३० गतेको चुनाव वडाका उम्मेदवार मात्रै नभइ, टोल र समाजको भबिष्यको खाका बनाउने अन्तिम बिन्दु हो” ढुङ्गानाले भने ।
कार्यक्रम नेकपाए मालेबाट वडा अध्यक्षका उम्मेदवार सुशिल घिमिरेले सबै लागिपर्दा वडाको समृद्धि ल्याउन कठिन नभएको बताए । “हाम्रो वडा हामी सबै तरिकाले समृद्ध बनाउन सक्छौ” घिमिरेले भने “यसको लागि तपाईंहरूको साथ चाहिन्छ ।
वडाको विकासको सवालमा प्रतिबद्धता पत्रमा उल्लेख भएका योजनाहरू अनुसार काम गरेर देखाउने घिमिरेले बताए । उनले आफूलाई सामाजिक क्षेत्रमा काम गर्ने अभिलाषा पुरा गर्ने मौका दिन सितानगर टोलवासीसंग अनुरोध गरे ।

एमाले टोल समितिको अध्यक्ष सुरेश पोखरेलको अध्यक्षतामा कार्यक्रम भएको थियो । कार्यक्रममा अध्यक्ष पोखरेलले स्थानीय विकासको लागि स्थानीय टोलवासीलाई एक भएर एमालेको सुर्य चिन्हमा मतदान गर्न आग्रह गरे ।
कार्यक्रममा पार्टी वडा अध्यक्ष पदम बजगाईं, सचिब सुरेश लामिछाने, वडाका उम्मेदवारहरू ज्ञानबहादुर थापा, रन्जिता सिलवाल, रामबहादुर राई,भगवती बिकलगायतको उपस्थिति रहेको थियो ।
मकवानपुर । नेकपा एमाले हेटौंडा ५ ले वडाको बिभिन्न टोलमा प्रचारप्रसार कार्यालय उद्घाटन गरेको छ ।
आज हेटौंडा ५ को सचेत टोल र वनदेवी टोलमा प्रचारप्रसार कार्यालय उद्घाटन गरिएको छ । पार्टी जिल्ला सहसचिव सिता बिष्टद्वारा टोलस्तरिय प्रचारप्रसार कार्यलयको उद्घाटन गरिएको हो । टोल स्तरीय प्रचारप्रसार कार्यालयको उद्घाटन गर्दै पार्टी सह सचिब बिष्टले अबको निर्वाचनमा एमाले बाहेकाको दलले जितेमा जनताले देखेको समृद्धिको सपना पुरा नहुने बताइन् ।
राष्ट हितको सवालमा सोच्ने र जनताको चाहाना बुझेर विकासमा लागि पर्ने पार्टी एमाले नै भएको बिष्टले बताइन । ” एक रफ्तारमा भैरहेको बिकास परामादेशि सरकार आएपछि बिखन्डन गरिरहेको छ” बिष्टले भनिन् “अब राष्ट समृद्ध बनाउन एमाले नै चाहिन्छ, यो जनताले चाहेको कुरा पनि हो ।”
हेटौंडा ५ नम्बर वडामा युवालाई नेतृत्व गर्ने अवसर पार्टिले दिएको र यसलाई यहाँका जनताले अन्तिम निर्णयमा पुर्याउन स्थानीयसँग बिष्टले आग्रह गरिन । पर्यटनमा प्रचुर सम्भावना रहेको हेटौंडा ५ को वडामा आवश्यक योजनाबारे सुझाब दिन टोलवासीलाई बिष्टले आग्रह गरिन ।

कार्यक्रममा अध्यक्षका उम्मेद्बार सुशिल घिमिरेले बिगतमा छुटे विकास गर्न आफ्नो टिम लागिपर्ने बताए । “आफ्नो वडा आफ्नो टोल बनाउनको लागि हामी जुट्ने छौ,तपाइँहरूको साथ चाहियो” अध्यक्षका उम्मेदवार घिमिरेले भने । लामो समय स्थानीय ठाउँको विकासमा काम गरेको भिजन आफूसंग भएकोले स्थानीय क्षेत्रको आवश्यकता हेरेर काम गर्ने उनले बताए ।
कार्यक्रम पार्टी सचिवालय सदस्य इश्वर ढुंगाना, पार्टी वडा अध्यक्ष पदम बजगाईं, सचिब सुरेश लामिछाने, वडाका उम्मेदवारहरू ज्ञानबहादुर थापा, रन्जिता सिलवाल, रामबहादुर राई,भगवती बिकलगायतको उपस्थिति रहेको थियो । कार्यक्रम पार्टीको टोल अध्यक्षता अर्जुन चिमोरियाको अध्यक्षतामा भएको थियो ।
आगामी ३० वैशाखमा हुने स्थानीय तह निर्वाचनका लागि सत्तारूढ गठबन्धन आबद्ध चार दलबीच ६ महानगरपालिकामा तालमेल सहमति भए पनि उपमहानगरमा किचलो बढेको छ । पोखरा महानगरमा नेपाली कांग्रेसले अडान छाडेपछि सत्ताधारी दलबीच ६ महानगरको मेयर पदमा भने मंगलबार दिउँसै भागबण्डा मिलेको थियो ।
ती महानगरमा उपमेयरमासमेत भागबण्डा भइसकेको छ । तर, ११ उपमहानगर मेयर र उपमेयरमा सहमति जुट्न नसकेपछि सत्तारूढ दलले भागबण्डालाई अन्तिम रूप भने दिन सकेनन् । मंगलबार राति १० बजेबाट आज बुधबार बिहान २ बजेसम्म बसेको बैठकमा सहमति हुन नसकेको हो ।
सत्तारूढ दलले बनाएको निर्वाचन अनुगमन तथा परिचालन समिति संयोजक कांग्रेस नेता रामचन्द्र पौडेलले महानगर विषयमा सहमति भए पनि उपमहानगरमा बन्न नसकेको जानकारी दिए । ‘आज बुधबार ११ बजे पुनः बस्ने गरी बैठक सकियो, महानगरका विषयमा सहमति भए पनि उपमहानगरमा कुरा मिलेन,’ समिति संयोजक पौडेलले राजधानीसँग भने ।
६ वटै महानगर र ११ उपमहानगरमा गठबन्धन दलबीच तालमेल सहमतिलाई अन्तिम रूप दिन भन्दै रातारात बैठक बसिएको थियो । मंगलबार राति १० बजेबाट प्रधानमन्त्रीको सरकारी निवास बालुवाटारमा भएको चार घण्टा लामो छलफल बुधबार बिहान २ बजे बिनानिश्कर्ष सकिएको हो ।
गठबन्धन आबद्ध नेपाली कांग्रेस, नेकपा माओवादी केन्द्र, नेकपा एकीकृत समाजवादी र जसपा नेपालबीच ६ महानगरमा भने मेयर पदमा भागबण्डा भइसकेको छ । जसअनुसार ६ मध्ये तीन महानगर काठमाडौं, ललितपुर र विराटनगरको मेयर कांग्रेसले लिने, माओवादीलाई भरतपुर, एकीकृत समाजवादीलाई पोखरा र जसपालाई वीरगन्ज महानगर भाग परेको छ ।
स्रोतका अनुसार काठमाडौं महानगरमा मेयर कांग्रेसले लिँदा उपमेयर नेकपा एसलाई दिने सहमति भएको छ । ललितपुरमा उपमेयर माओवादी केन्द्रको भागमा परेको छ । यसैगरी, विराटनगरमा मेयर कांग्रेसले लिने भएपछि उपमेयर जसपाको भागमा परेको छ ।
भरतपुरमा मेयर माओवादीले लिने र उपमेयरसहित सबै वडाअध्यक्ष कांग्रेसले निलेगरी सहमति गरिएको दाबी गरिएको छ । त्यस्तै, पोखरामा नेकपा एसलाई मेयर दिएर सहमति गरिएपछि कांग्रेसलाई उपमेयर दिइएको छ ।
वीरगन्ज महानगरमा मेयर जसपालाई दिएर उपमेयर कांग्रेसले लिनेगरी सहमति भएको छ । पोखरा महानगर विषयमा कांग्रेसको अडान कायम रहँदा सोमबार गठबन्धनबीच सहमति जुटेको थिएन । तर, प्रधानमन्त्रीसमेत रहेका कांग्रेस सभापति शेरबहादुर देउवाले मंगलबार पोखरा कांग्रेसका नेतालाई मनाएपछि सहमति बनेको हो ।
पोखरा महानगरका कारण गठबन्धन नै टुट्ने अवस्था आएपछि देउवाले मंगलबार दिउँसो पोखराका कांग्रेस नेताहरूलाई काठमाडौं बालुवाटार बोलाएरै गठबन्धनको बाध्यता बुझिदिन आग्रह गरेका थिए । देउवाले बोलाएपछि कास्की कांग्रेसका सभापति किशोरदत्त बराल, गण्डकी प्रदेशका कांग्रेस सभापति शुक्रराज शर्मा र नेता यज्ञबहादुर थापासहितको टोली काठमाडौं आएको थियो ।
गठबन्धनमा आबद्ध दल शनिबारदेखि नै महानगर र उपमहानगर मेयर तथा उपमेयर पदको भागबण्डामा थिए । आइतबार र सोमबार दलबीच प्रमुख पद भागबण्डा’मा घनीभूत छलफल भएको थियो । सोमबार राति नै ६ महानगर विषयमा गठबन्धनमा आबद्ध दल सहमतिनजिक थिए । तर, पोखरा महानगरमा प्रमुख पदमा कांग्रेस र नेकपा एसको अडान जारी रहेपछि सहमति बनेको थिएन ।
मंगलबार प्रधानमन्त्रीसमेत रहेका कांग्रेस सभापति देउवाले कास्की कांग्रेस नेताहरूलाई बालुवाटारमै बोलाएर मनाएपछि गठबन्धन आबद्ध दलबीच महानगर भागबण्डामा सहमति भएको हो । २०७४ सालमा सम्पन्न स्थानीय तह निर्वाचनमा कांग्रेसले विराटनगर र ललितपुर महानगरपालिकामा जित हात पारेको थियो ।
वीरगन्ज महानगरमा जसपा, पोखरामा नेकपा एमाले तथा भरतपुरमा नेकपा माओवादी केन्द्रका उम्मेदवार निर्वाचित भएका थिए ।
गठबन्धनबीच ११ उपमहानगरमा मिलेन कुरा
सत्तारूढ गठबन्धन आबद्ध दलले ११ उपमहानगर मेयर तथा उपमेयरमा पनि भागबण्डाको अन्तिम तयारी गरेका थिए । यसका लागि मंगलबार राति १० बजे बैठक बोलाइएको थियो । दिउँसोको बैठकमा जसपा अध्यक्ष उपेन्द्र यादव सहभागी थिएनन् । रातिको बैठकमा भने उनीसमेत पुगे ।
उनले आफ्नो सहभागीबिना दिउँसो भएको सहमतिा इन्कार गरेपछि थप विवाद भएको हो । गठबन्धन आबद्ध बैठकमा सहभागी एक नेताका अनुसार मंगलबार दिउसो कांग्रेसलाई ७, माओवादी केन्द्रलाई २ र जसपा र नेकपा एकीकृत समाजवादीलाई एक– एक वटाका दरले उपमहानगरपालिका भागवण्डा गरिएको थियो ।
सहमतिअनुसार घोराही र जितपुर सिमरा उपमहानगर मेयर माओवादी केन्द्रको भागमा राखिएको थियो । हेटौंडा उपमहानगरपालिका नेकपा एकीकृत समाजवादीको भागमा राखिने सहमति थियो । तर, जनकपुर र नेपालगन्जमा भने कांग्रेस र जसपाको अडान रहेपछि उपमहानगरमा सहमति जुट्न नसकेको हो ।
दिउँसोको सहमतिअनुसार इटहरी, धरान, कलैया, बुटवल, तुल्सीपुर, नेपालगन्ज र धनगढी मेयर नेपाली कांग्रेसको भागमा परेको थियो । जनकपुर जसपालाई दिने सहमति थियो । राति ती दुई उपमहानगरमै सहमति जुट्न नसकेपछि बैठकबाट नेताहरू उठेका हुन् ।
यसैगरी, उपमेयरतर्फ कांग्रेसले जनकपुर, हेटौंडा, जितपुर सिमरा र घोराही उपमहानगर उपमेयर लिने धरान उपमहानगरपालिका उपमेयर माओवादी केन्द्रलाई दिने सहमति मंगलबार दिउँसो भएको थियो ।
त्यस्तै, एकीकृत समाजवादीले इटहरी, बुटवल र तुल्सीपुरमा उपमेयर लिने तथा जसपाको भागमा कलैया उपमहानगरपालिका उपमेयर दिने सहमति थियो । नेपालगन्ज उपमेयर जसपा र धनगढी उपमेयर माओवादीले राख्ने सहमति थियो । राजधानी दैनिकबाट
मकवानपुर । आसन्न स्थानीय तह निर्वाचन, २०७९ को लागि नेकपा एमाले, हेटौंडा ५ नं वडा कमिटीले चुनावि तयारीलाई तिब्रता दिएको छ ।
यस अन्तरगत वडा कमिटीले आज मंगलबार वडाको लागि पार्टीको तर्फबाट चुनावी प्रतिबद्धता संकल्प पत्र निर्माण समितिको बैठक बसेको छ । बैठकले प्रतिबद्धता पत्रमा समावेश गर्नुपर्ने कुराहरुमाथि छलफल गरेको छ । “हामीले प्रतिबद्धता पत्रको सामान्य खाका तयार पारेका छौ” प्रतिवद्धतापत्र निर्माण समिति संयोजक भरत दुलालले भने ।
चुनावी प्रतिबद्धतापत्रलाई ११ बैशाख भित्र अन्तिम रुप दिई सार्वजनिक गरिने उनले बताए । उक्त प्रतिबद्धता पत्रले नेकपा एमाले ५ नं वडाको समग्र विकासको लागि नेकपा एमालेको सोच एवम् दृष्टिकोणलाई थप स्पस्ट पार्ने बिस्वास गरिएको पार्टी जिल्ला सदस्य सन्तोष पौडेलले बताए ।
यसैगरी ७ वैशाखमा एमाले वडा समितिले केही सम्पर्क कार्यालयहरुको उद्घाटन गर्ने कार्यक्रम रहेको पार्टी वडा अध्यक्ष पदमबहादुर बजगाईंले बताए ।मकवानपुर ।
आसन्न स्थानीय तह निर्वाचन, २०७९ को लागि नेकपा एमाले, हेटौंडा ५ नं वडा कमिटीले चुनावि तयारीलाई तिब्रता दिएको छ ।
यस अन्तरगत वडा कमिटीले आज मंगलबार वडाको लागि पार्टीको तर्फबाट चुनावी प्रतिबद्धता संकल्प पत्र निर्माण समितिको बैठक बसेको छ । बैठकले प्रतिबद्धता पत्रमा समावेश गर्नुपर्ने कुराहरुमाथि छलफल गरेको छ । “बैठकपछि हामीले प्रतिबद्धता पत्रको सामान्य खाका तयार पारेका छौ” प्रतिवद्धतापत्र निर्माण समिति संयोजक भरत दुलाल ले भने ।
चुनावी प्रतिबद्धतापत्रलाई ११ बैशाख भित्र अन्तिम रुप दिई सार्वजनिक गरिने उनले बताए । त्यस प्रतिबद्धता पत्रले ५ नं वडाको समग्र विकासको लागि नेकपा एमालेको सोच एवम् दृष्टिकोणलाई थप स्पस्ट पार्ने बिस्वास गरिएको छ ।
यसैगरी ७ वैशाखमा एमाले वडा समितिले केही सम्पर्क कार्यालयहरुको उद्घाटन गर्ने कार्यक्रम रहेको पार्टी वडा अध्यक्ष पदमबहादुर बजगाईंले बताए ।
मकवानपुर । नेपाली कांग्रेस मकवानपुरको पार्टी कार्यालयमा कार्यकर्ताले ताला लगाईदिएका छन् ।
पार्टी कार्यालयमा नेपाली कांग्रेस हेटौंडा नगर समितिको बैठक बसिरहेको बेला कार्यकर्ताले ताला लगाईदिएका हुन । नेपाल तरूण दल हेटौंडा उपमहानगर समितिको नेतृत्वमा भातृ संगठनहरू समेतको संलग्नतामा ताला लगाईएको हो ।
गठबन्धन गर्दा हेटौंडा उपमहानगरपालिकाको मेयर नेपाली कांग्रेसले पाउनु पर्ने नत्र गठबन्धन नगर्ने निर्णय गर्न कार्यकर्ताको माग छ । बैठकमा नगरका सबै वडाका पार्टी सभापति सहित जिल्ला कार्यसमिति र केन्द्रिय सदस्यहरू समेतको उपस्थिति छ ।
आसन्न स्थानीय तहको निर्वाचनमा सत्तारूढ गठबन्धनमा कांग्रेसलाई सम्मानजनक भाग नहुने छनक पाएपछि दवाब दिन कार्यकर्ताले पार्टी कार्यालयमा ताला लगाउने सम्मको कदम चाल्नु परेको भन्दै एक कार्यकर्ताले आक्रोश ब्यक्त गरे ।