मकवानपुर । नेकपा एमालेको तर्फबाट हेटौंडा उपमहानगरपालिकाका मेयरका उम्मेदवार अनन्त पौडेल र उपमेयरकी उम्मेदवार सुमित्रा काफ्लेले आफुहरु निर्वाचित भएको खण्डमा हेटौंडाको शिक्षा क्षेत्रको विकासमा उल्लेख्य काम गर्ने बताउनुभएको छ ।
बिहिबार भएको `विद्यार्थीसँग मेयर र उपमेयरका उम्मेदवार´ कार्यक्रममा विद्यार्थीहरुको प्रश्नको उत्तर दिनुहुँदै उहाँहरुले हेटौंडामा प्राबिधिक तर्फ उच्च शिक्षासहित बिश्वविद्यालय निर्माण गर्ने काममा पहल गरिने बताउनुभयो ।
नेकपा एमाले निकट अनेरास्ववियु मकवानपुरको सहजीकरणमा भएको कार्यक्रममा मेयर पदका उम्मेदवार पौडेलले सामुदायिक विद्यालय घर अगाडि हुँदापनि सोही क्षेत्रमा निजि विद्यालयहरुका बसहरु प्रवेश गरि विद्यार्थी निजि तिर जाने काम भइरहेकोले अब अभिभावक आफैले सामुदायिक विद्यालयमा आफ्नो छोराछोरी पढाउन मन लाग्ने खालको विद्यालयको वातावरण सिर्जना गर्ने प्रतिबद्धता ब्यक्त गर्नुभयो ।
आफू २३ वर्ष विद्यालय ब्यवस्थापन समितिको अध्यक्ष हुँदा र हाल पनि मकवानपुर बहुमुखी क्याम्पसको संचालक समिति अध्यक्ष भइरहँदा धेरै अनुभव प्राप्त भएकाले सोही अनुसार शिक्षाको विकासमा जोड दिने उहाँको भनाई छ । एमालेले हेटौंडा नगरको लागि तयार पारेको घोषणा पत्रमा समेत अभिभावक बिहिन, आर्थिक अवस्था कमजोर भएका विद्यार्थीहरुलाई सिफारिसका आधारमा मात्र नभई प्रत्यक्ष पारिवारिक अवस्था बुझेर मात्र सम्बन्धित क्याम्पसमा निशुल्क उच्च शिक्षाको ब्यवस्था गर्ने उल्लेख गरिएको पनि बताउनुभएको छ ।
उपमेयरकी उम्मेदवार काफ्लेले विद्यार्थीहरुलाई विद्यालयमा अध्ययनका क्रममा आइपर्ने हरेक समस्यालाई समाधान गर्ने गरि उपमहानगरपालिका अगाडि बढ्नेमा ढुक्क हुन आग्रह गर्नुभएको छ । सुरुवातमै एकैपटक सबै विद्यार्थीलाई समेट्न नसकिएपनि टाढाबाट अध्ययन गर्न हेटौंडा आउने विद्यार्थीलाई सहज रुपमा छात्रावास लगायतको कार्यक्रमहरुको सुरुवात गर्ने, प्राबिधिक शिक्षा लिइरहेका विद्यार्थीलाई प्रयोगात्मक अभ्यास गर्नका लागि आवश्यक समन्वय गर्ने, सबैको पहुँचमा शिक्षा पुर्याउने कार्यक्रम ल्याउने उहाँले बताउनुभयो ।
हेटौंडा उपमहानगरपालिकाका बर्तमान मेयर हरिबहादुर महतले आफ्नो ५ वर्षको कार्यकालमा बिरोधीहरुले बिरोध गर्न नसक्ने गरि काम भएको दाबी गर्नुभएको छ । उहाँले भन्नुभयो, `हामीले यो ५ वर्षमा हेटौंडाको १९ वटै वडामा यति काम गरेका छौं कि नेकपा एमाले फेरि भोट माग्न जाँदा बिरोधीहरुले बिरोध गर्ने कुनै कुरा नै छैन ।´
उहाँले शिक्षाको क्षेत्रमा शिक्षालाई अपग्रेड गर्न शिक्षकहरुलाई अपग्रेड गराएको र अपग्रेड हुन नसकेका शिक्षकहरुलाई सम्मानजनक रुपमा अवकास प्रदान गर्ने कार्यक्रम ल्याएको, विद्यालयहरुमा नयाँ ज्ञान भएका शिक्षकहरुलाई अवसर प्रदान गरेको बताउनुभयो ।
अनेरास्ववियु मकवानपुरका अध्यक्ष विशाल पौडेलको सभाध्यक्षतामा भएको कार्यक्रममा बागमती प्रदेश युवा परिषद्का कार्यकारी उपाध्यक्ष सन्तोष चौलागाईं, जिल्ला युवा समिति मकवानपुरका अध्यक्ष शिवहरी दाहाल, अनेरास्ववियु मकवानपुर इन्चार्ज किशन घिसिङ, अनेरास्ववियु केन्द्रिय सदस्य नितेश लामिछाने लगायत हेटौंडाका विभिन्न बिद्यालयबाट विद्यार्थीहरुको उपस्थिति रहेको थियो ।
कपाल काट्दै रंगशाला निर्माण, अबको याेजना वडाको विकासमा
Tags: No Comments
मकवानपुर / स्थानीय तह निर्वाचन–२०७९ सन्निकट छ । आगमी ३० बैशाखमा स्थानीय तहको जनप्रतिनिधिको लागि मतदान हुँदै छ । आफ्नो वडाका कस्ता जनप्रतिनिधिहरु ल्याउने, आफ्नो गाउँपालिका, नगरपालिका, उपमहानगरपालिका र महानगरपालिकामा कस्तो व्यक्तिलाई आफ्नो प्रतिनिधिको रुपमा पठाउने भन्ने बहस / कौतुहलता र योजना मतदातामा छ । यो हुनु आवश्यक पनि छ ।
देशभर चुनावी माहोल चलिरहदा उम्मेदवारहरु आफ्नो योजना र एजेण्डा लिएर वडा–वडा, टोल–टोल र मतदाताको दैलोदैलो पुगिरहेका छन् । चुनावी घरदैलो अभियानमा केन्द्रित रहेका उम्मेदवारहरुको भिडमा नै छन् हेटौंडा–५ बाट एमालेका उम्मेदवार सुशील घिमिरे पनि ।
अधिकांश स्थानीयतहहरुमा पुरानै अनुहारहरुले नेतृत्वको उपस्थिती देखिए पनि उनी वडाका पुराना विकासप्रेमी तथा जनताको माझमा रमाएका व्यक्ति हुन् । “हेटौंडा ५ मा आशालाग्दा युवाहरु मध्येमा पर्दछन् सुशील, विकासप्रेमी मान्छे”एमाले सचिवालय सदस्य इश्वर ढुङ्गानाले भने “उनको नेतृत्वले हेटोंडा–५ लाई सुन्दर र नमुना बनाउँने छ ।”
सुशील पूर्व राष्ट्रिय बक्सिङ खेलाडी हुन् । सरल र ईमानदार व्यक्तिको रुपमा छवी बनाएको घिमिरलाई एमालेले वडाबाट सर्वसम्बत वडाको अध्यक्षको लागी सिफारिस गरेपछि वडाबासीमा आशा बढेको उनले बताए ।
वडाको जनप्रतिनिधिको रुपमा उम्मेदवार बनेका छन् ज्ञानु थापा, राम बहादुर राई, भगवती बिक र रञ्जीता सिलवाल पनि । वडाको काममा अनुभव हासिल गरेका ज्ञानु थापा र भगवती बिक अहिले अझै विकास र प्रगतिको लागि चुनावि मैदानमा होसिएका छन् । रामबहादुर राई र रञ्जीता सिलवाल नयाँ अनुहार हुन् । जनप्रतिनिधिमा नयाँ अनुहार भएपनि सामाजिक काममा भिजेका व्यक्तिहरु हुन रञ्जिता र रामबहादुर पनि ।
नेपाली राजनितीमा एउटै व्यक्ति पटक–पटक एउटै पदकमा देखिरहनु पर्ने बाध्यताकारी स्थिति बिच घिमिरेको राजनितीमा भएको ईन्ट्रीले उपमहानगरको १९ वडा मध्ये ५ नम्बर वडातर्फ सबैको चासो देखिन्छ ।
को हुन सुशील ?
महाकवि लक्ष्मीप्रसाद देवकोटाले एउटा रचनामा भनेका छन् ‘उद्देश्य के लिनु, उडी छुनु चन्द्र एक ।’ चन्द्र छुने उद्देश्य बोकेर हिडेका सुशिल आफ्ना वडावासीलाई उर्जा भर्ने काम गरेर देखाउने अभियानमा छन् । हेटौंडाको पिप्ले युवा क्लबका अध्यक्ष तथा नेपालका पूर्व राष्ट्रिय बक्सिङ खेलाडी सुशिल घिमिरेले लिएको महत्वकांक्षी उद्देश्य चन्द्र छोएजत्तिकै सावित हुने छन्, जब उनी निर्वाचन जितेर वडाको समग्र विकासमा बागडोर सम्हाल्न पुग्नेछन् ।
यसको परिक्षण देखाइसकेका छन् सुशीलले । उनले अगुवाइ गरेको केही कामले उनको लगाव र क्षमता परिक्षण भैसकेको बताउँछन् वडाका सुरेश लामिछाने ।
घिमिरेको अगुवाइमा देशकै नमूना क्याम्पा रंगशाला निर्माण भएर उदाहरणीय काम भएको छ । घिमिरे १२ वर्षको उमेरदेखि ‘मार्सल आर्ट’ क्षेत्रमा प्रवेश गरेका थिए । पछि मार्सल आर्टमा राम्रो भविष्य नदेखेपछि २०५४ सालमा बक्सिङ खेल्न शुरू गरेका उनले ६४ किलोग्राम तौल समूहको राष्ट्रिय प्रतिस्पर्धामा लगातार १० वर्ष जीत हासिल गरे । बक्सिङमा मिलेको ठूलो उपाधि श्रीलंकामा भएको दशौं दक्षिण एसियाली खेलकुद (साग) को रजत पदक रहेको उनले बताए । २०५८ सालमा भएको नेसनल बक्सिङ च्याम्पियनसिपमा उनी २० वर्षको हुँदा पहिलोपटक नेपाल च्याम्पियन भएका थिए । १२ अन्तर्राष्ट्रिय खेलमा उनले ३ वटा उपाधि जितेको बताए । सन् २००४ मा विभागीय टोली सशस्त्र प्रहरीमा बक्सिङ खेलाडीका रूपमा आवद्ध भएका उनी सशस्त्रको टीमबाट खेल्न शुरू गरेपछि ६४ किलोग्राम तौल समूहमा निरन्तर १० वर्ष बक्सिङ च्याम्पियन बने ।
‘मकाउ पुगेर पनि उनले पुरानै कामलाई निन्तरता दिएर अतिरीक्त आम्दानी गर्ने र खेल क्षेत्रमा केही गर्ने योजना बनाएँ, समय मिलाएर साथीभाईहरुको कपाल काटें,त्यो पैसाको अक्षयकोष बनाए, रेस्टुरेन्टमा काम गर्ने उनी ड्युटीबाट छुटेपछि साथीको घर, कोठा पुगेर भ-याङमुनि कपाल काट्थे र शुल्क लिन्थे नेपाली ३०० रुपैयाँ । जसले खेलक्षेत्रको आधार तय गर्न अक्षयकोष स्थापना गर्ने धोको पालेर राखेका थिए मनमा । कपाल काटेर कमाएको पैसा कभर्ड हल र रंगशाला निर्माणमा खर्च गरे अनि हेटौंडावासीलाई उपहार दिए रंगशाला ।
२०६० सालदेखि निरन्तर राष्ट्रिय च्याम्पियन भए । घिमिरे भन्छन्, ‘सानोमा काठमाडौंमा बक्सिङ प्रतियोगिता भएको थियो । त्यहाँ खेल्न जाँदा पहिलोपटक दशरथ रंगशाला घुम्न पुगे, रंगशाला देखेपछि आफ्नो ठाउँमा पनि यस्तै रंगशाला भइदिए हुन्थ्यो भन्ने सधैं मनमा लागिरहन्थ्यो । त्यो सयममा रंगशाला बनाउन सक्ने आँट नभए पनि सरकारले बनाउँछ कि भन्ने पनि आश थियो । यदि सरकारले बनाएन भने आफैंले बनाउँछु भन्ने सपना पनि बोकेर हिँड्थे सधैं ।’
खेल जीवन निरन्तर चलिरहँदा केही बाध्यता र केही रहर बोकेर खेल जीवन छाडेर मकाउ पुगे उनी । ‘मकाउको बसाइमा पनि निरन्तर रंगशाला बनाउने कुरा खेलिरहन्थ्यो,’ उनले भने, ‘७ वर्ष मकाउ बसें, त्यहाँ बस्दा साथीभाइको कपाल काटेर आएको पैसा जम्मा गरेर रंगशाला निर्माणका लागि अक्षयकोष बनाएँ’ उनले भने ।
हेटौंडा फर्केपछि रंगशाला बनाउने सपनाले उनलाई निदाउँन दिएन । २०७७ फागुनमा हेटौंडामा गोल्ड कप भयो । गोल्क कप हेर्न बाँसको प्याराफिट बनाइएको थियो, यो देखेर उनलाई अझै औडाहा भयो, दर्शको व्यापक भीड, प्याराफिट भने बाँसको । खेल हेर्दा हेर्दै हौसिएर उफ्रन खोज्दा लडेर दुर्घटना हुने जोखिम उत्तिकै ।
घिमिरेले २०५५ सालताका ६ वर्ष पिप्ले चोकमा आफू र क्लबका साथीभाइ मिलेर सैलुन चलाएका थिए । कपाल काटेबापत सैलुनबाट प्रतिव्यक्ति आउने ५ रुपैयाँ जम्मा गरेर क्लबको जर्सी किन्ने र खेल हुँदा खेलाडीलाई ग्लुकोज पानी खुवाउन र खाजा खान खर्चिन्थें उनी । यसरी जम्मा गरिएको पैसाबाट अन्य ठाउँमा हुने प्रतियोगितामा क्लबका खेलाडीहरूलाई खेल्न लैजाने गरेको उनका पछि लागेर खेल जीवनमा रमाइरहेका खेलाडीहरुको स्मरणमा ताजै छ आज पनि ।

‘मकाउ पुगेर पनि मैले त्यही पुरानै कामलाई निन्तरता दिएर अतिरीक्त आम्दानी गर्ने र खेल क्षेत्रमा केही गर्ने योजना बनाएँ” उनी भन्छन् “समय मिलाएर साथीभाईहरुको कपाल काटें,त्यो पैसाको अक्षयकोष बनाए । मकाउ हुँदा उनी रेस्टुरेन्टमा काम गर्थे । त्यहाँको ड्युटीबाट छुटेपछि साथीको घर, कोठा पुगेर घरको भ-याङमुनि कपाल काट्थे र शुल्क लिन्थे नेपाली ३०० रुपैयाँ । “नेपाल आएपछि अक्षयकोष स्थापना गरेर १० लाख जम्मा गर्छु भन्ने सोचेको थिएँ” उनले भने । कपाल काटेर कमाएको पैसा कभर्ड हल र रंगशाला निर्माणमा खर्च भएको उनले बताए ।
र, हेटौंडा फर्केपछि रंगशाला बनाउने सपनाले उनलाई निदाउँन दिएन । २०७७ फागुनमा हेटौंडामा गोल्ड कप भयो । गोल्क कप हेर्न बाँसको प्याराफिट बनाइएको थियो, यो देखेर उनलाई अझै औडाहा भयो, दर्शको व्यापक भीड, प्याराफिट भने बाँसको । खेल हेर्दा हेर्दै हौसिएर उफ्रन खोज्दा लडेर दुर्घटना हुने जोखिम उत्तिकै ।
होस्टे गर्नेको खाँचो थियो सुशिलले होस्टे गरे, हैंसेमा थपिए अरु रुचिकर व्यक्तिहरु र बन्यो आकर्षक रंगशाला हेटौंडा–५ क्याम्पाडाँडामा ।करीब ५ बिगाह क्षेत्रफलमा निर्माण भएको रंगशालामा करीब १० हजार दर्शक अटाउने क्षमताको छ ।
गोल्ड कपको उद्घाटन गर्न पुगे हेटौंडा उपमहानगरका मेयर हरिबहादुर महत । सुशिलले आफ्नो कुरा राखिहालेः ‘मेयर साप कतिञ्जेलसम्म यस्तो बाँसको प्याराफिटमा बसेर खेल हेर्ने रु आफ्नै ठाउँमा राम्रो रंगशाला बनाउन पाए हुन्थ्यो नि १’ मेयर महतले सकारात्मक जवाफ दिएपछि घिमिरेलाई थप हौसला मिल्यो ।
त्यसलगतै २०७८ वैशाखदेखि रंगशाला निर्माणका लागि मैदानको नापजाँच लगायत निर्माण लागत अनुमान गरियो । रंगशाला निमार्णका लागि ४ करोड अनुमानित लागत मूल्यांकन गरियो । सुशिल आफैं लागि परे रंडशाला बनाउन । अन्नतः लागत अनुमानभन्दा आधा कम अर्थात् झण्डै २ करोड रुपैयाँमा रंगशाल निर्माण सम्पन भयो ।
धर्तिमा उज्यालो छरीएदेखि साँझामा उज्यालो रहेसम्म रंगशालामा साबेल र पिक बोकेर भिडिरहेका भेटिन्थे सुशिल । उनको जोशलाई सघाए स्थानीय युवा र व्यवसायीहरुले र सघायो स्थानीय सरकारले पनि ।
होस्टे गर्नेको खाँचो थियो सुशिलले होस्टे गरे हैंसेमा थपिए अरु रुचिकर व्यक्तिहरु र बन्यो आकर्षक रंगशाला हेटौंडा–५ क्याम्पाडाँडामा । करीब ५ बिगाह क्षेत्रफलमा निर्माण भएको रंगशालामा करीब १० हजार दर्शक अटाउने क्षमताको छ । रंगशाला निर्माणमा हेटौंडा उपमहानगरपालिकाको १ करोड ९ लाख रुपैयाँ, ५ नम्बर वडा कार्यालयको ३० लाख रुपैयाँ बजेट परेको सुशिलले बताए ।
हाल वडा अध्यक्षकको लागी चुनावी मैदानमा होमिएका उनै सुशिल आफ्नो लागि नयाँ क्षेत्र भएपनि यस्तै प्रकारको विकास निर्माणमा स्थानीयसँगै साबेल, कुटो कोदालो बोकेर हिड्ने योजनामा छन् । म वडामा शासन गर्न हैन, वडाको विकासमा सहजिकरण गर्न जाने हो,मलाई विगतमा जस्तै वडावासीको साथ, माया र हौसला चाहिन्छ, उहाँहरुको मतदान मेरालागि त्यहाँसम्म पुग्ने बाटो हो ।’
जनसमुदायबाट ३० लाख रुपैयाँ संकलन भएयो थियो । निर्माण कार्यमा लाग्ने श्रम स्थानीयले जनश्रमदानमा सहयोग गरेका हुन् । रंगशाला निर्माणका लागि प्रदेश सरकारबाट कुनै पनि आर्थिक सहयोग भएन । यसअघि पनि उनले हेटौंडा–५ पिप्लेमा बक्सिङ रिङ सहितको बहुद्देश्यीय खेलकुद कर्भड हल बनाइसकेका थिए, भौतिक निर्माणमा उनको यो अनुभव रंगशला निर्माणमा समेत फलदायि बन्यो ।
‘कभर्ड हल निर्माण लागत मूल्यांकन १ करोड २५ लाख गरिएकोमा हेटौंडा उपमहानगरपालिकाको २५ लाख रुपैयाँ र स्थानीय जनश्रमदानबाट सम्पन गरिएको थियो,’ उनी भन्छन्, “खेलाडी भएकोले यहाँ खेल मैदान बनाउँदा आफ्नै घर बनाइरहेको जस्तो आभाष भयो, घरभन्दा बढी यहाँ खटिरहेँ ।”
बागमती प्रदेशको राजधानीको रूपमा रहेको हेटौंडामा खेलकुदका लागि एउटा रंगशाला आवश्यक थियो । रंगशाला निर्माण हुनु भनेको खेल क्षेत्रको विकास हुनु हो । आगामी दिनमा रंगशालाले थुप्रै खेलाडी उत्पादन गर्ने विश्वास लिएको उनले बताए ।
हाल वडा अध्यक्षकको लागी चुनावी मैदानमा होमिएका उनै सुशिल आफ्नो लागि नयाँ क्षेत्र भएपनि यस्तै प्रकारको विकास निर्माणमा स्थानीयसँगै साबेल, कुटो कोदालो बोकेर हिड्ने बताउँछन् । म वडामा शासन गर्न जाने हैन, वडाको विकासमा सहजिकरण गर्न जाने हो,मलाई विगतमा जस्तै वडावासीको साथ, माया र हौसला चाहिन्छ, उहाँहरुको मतदान मेरालागि त्यहाँसम्म पुग्ने बाटो हो ।’ पत्रकार सरोज पौडेलकाे सहयाेगमा तयार पारीएको ।
मकवानपुर । स्थानीय तह निर्वाचनकाे लागि हेटौंडा उपमहानगरपालिका वडा नम्वर–४ मा सत्तारुढ गठबन्धनले संयुक्त वडा भेला गरेकाे छ । संयुक्त वडा भेलामा नेता तथा कार्यकर्ता, शुभेच्छुक र मतदाताहरुसँग साक्षात्कार समेत गरेको छ ।
भेलामा गठबन्धनबाट हेटौंडा उपमहानगरपालिकाको मेयर र उपमेयर पदका उम्मेदवार मिना लामा र राजेश बानियाँले आम मतदाताले गठबन्धनका उम्मेदवारलाई मतदान गरी मुलुकबाट प्रतिगमनकारीहरुको अन्त्य गर्नुपर्ने बताए ।
सबै राजनीतिक दल, नागरिक समाज, पत्रकार एवम् बौद्धिक वर्गहरुसँग छलफल गरी आवश्यक राय, सुझाव संकलन गरी समृद्ध हेटौंडा उपमहानगरपालिका बनाउने दृढ संकल्पसहित आफूहरु चुनावी अभियानमा होमिएको र सबैको सहयोग पाए गठबन्धनकै उम्मेदवारहरुले जित हासिंल गरी जनताको पक्षमा काम गर्नेमा कुनै शंका नभएको उनीहरुको भनाई छ ।
कार्यक्रममा गठबन्धनबाट हेटौंडा–४ को वडा अध्यक्ष पदका उम्मेदवार हरिप्रसाद पौडेलले आफु यसअघि पनि उम्मेदवार भई झिनो मतले पराजित हुनुपरेका कारण जनहितका काम गर्ने योजना अधुरै रहेपनि यस पटक पुरा गर्ने बताए । उनले आफु सेवाभावसहित राजनीतिमा आएको भन्दै वडा अध्यक्ष भएपश्चात राज्यबाट प्राप्त गर्ने सेवा सुविधा सबै आर्थिक विपन्नता भएका गरिब दुखी जनताको लागि खर्च गर्ने प्रतिवद्धता जनाए ।
‘हामी भोलिबाटै घरदैलो अभियानमा जाँदै छौँ । उहाँहरुको मनोभावना अनुरुप नै योजनाहरु बनाउने छौँ । वडा अध्यक्ष भएपछि सोही योजनाहरुलाई कार्यान्वयन गरी समृद्ध वडा निर्माण गर्नुका साथै जनतालाई सहज ढंगबाट सेवा प्रवाह गर्नेछौँ ।’ उनले भने– ‘चुनावी अभियानमा सहयोग/सहकार्य गरी एक पटक सेवा गर्ने मौका प्रदान गरिदिनु हुन अपिल गर्दछु ।’
कार्यक्रममा नेकपा एकीकृत समाजवादी बागमती प्रदेश संसदीय दलकी मुख्य सचेतक मुनु सिग्देल, माओवादी केन्द्रकी केन्द्रीय सदस्य प्रमिला पुलामी, नेपाली कांग्रेसका नेता प्रदिप कोइराला, समाजवादीका नेता ललित बस्नेतलगायतका नेता तथा सत्ता गठबन्धनका आम कार्यकर्ताहरुको उपस्थिति रहेको थियो ।
मकवानपुर । आगामी ३० वैशाखमा हुने स्थानीय तहको निर्वाचनमा एमालेबाट हेटौंडाका मेयर र उपमेयरका उम्मेदवार अनन्त पौडेल र समित्रा काफ्लेले विद्यार्थीका कुरा सुन्ने भएका छन् ।
निर्वाचनमा विजय प्रश्चात हेटौंडा उपमहानगरपालिकालाई कस्तो बनाउने भन्ने योजनाको खोजीमा पौडेल र काफ्लेले विद्यार्थीसँग साक्षात्कार गर्न लागेका हुन् । एमाले मकवानपुरका पुराना नेता पौडेलले १५ वैशाख अर्थात भोली विहीवार विद्यार्थीको नजरमा हेटौंडाको विकासका लागि योजना सुन्ने छन् ।
कार्यक्रममा हेटौंडा नगरलाई कसरी विद्यार्थी मैत्री बनाउने र युवा–विद्यार्थीले खोजेको नगरको परिकल्पना बारे चर्चा हुने अनेरास्ववियु मकवानपुरका सहसचिव प्रमोद फुयाँलले जानकारी दिए । ‘कार्यक्रममा मेयर र उपमेयरका उम्मेदवारले विद्यार्थीहरुसँग साक्षात्कार गर्नुहुन्छ । विद्यार्थीहरुले देखेको नगरभित्र गर्नुपर्ने काम र विद्यार्थी मैत्री बनाउने कसरी भन्नेमा अन्तर्क्रिया केन्द्रित हुनेछ ।,’ फुयाँलले भने ।
‘हेटौंडा नगरलाई विद्यार्थी मैत्री बनाउन मेयर र उपमेयरको योजना के छ ? र विद्यार्थीहरुले हेटौंडाका आगामी मेयर र उपमेयरबाट शिक्षा क्षेत्रमा हेटौंडा नगर कस्तो बनोस भन्ने चाहन्छन्, भन्ने विषयमा जानकारी लिने कार्यक्रम हो ।,’ उनले भने ।
अनेरास्ववियुले नगर भित्रका विभिन्न विद्यालय र क्याम्पसमा अध्ययनरत विद्यार्थी प्रतिनिधिहरुलाई सहभागी हुन आग्रहसमेत गरेको छ । ‘आजको अन्तर्क्रियाले भोलीको भविष्य निर्धारण गर्छ । त्यसैले सबैलाई उपस्थित हुन आग्रह गरेका छौं ।,’ फुयाँलले भने ।
मकवानपुर । सात्ताधारी गठबन्धनबाट नेकपा एकीकृत समाजवादीलाई हेटौंडाको मेयर पद प्राप्त हुँदा समेत आफूले मेयरको टिकट नपाएपछि पार्टी जिल्ला अध्यक्ष श्रीधर पोखरेलले पार्टी त्यागेका छन् ।
उनले स्थानीय तहको भागबण्डा गर्न सत्ता गठबन्धन चुकेको आरोप लगाएका छन् । आज हेटौँडामा पत्रकार सम्मेलन गरी अध्यक्ष पोख्रेलले जिल्लास्तरीय गठबन्धन संयन्त्र र टिकट वितरणका विषयमा पार्टीले चालेको कदमको विरोध गर्दै पार्टी परित्यागको घोषणा गरेका हुन् ।
मकवानपुर स्वास्थ्य तथा जनसंख्यामन्त्री विरोध खतिवडाको गृह जिल्ला हो । पोख्रेलले ८ महिनाअघि समाजवादीको नेतृत्व सम्हालेका थिए । आसन्न स्थानीय तहको निर्वाचनमा उनले हेटौंडा उपमहानगरको मेयर पद दाबि गरेका थिए । लामो रस्सकस्सीपछि अन्तिम समयमा बहालवाला उपमेयर तथा पार्टी उपाध्यक्ष मिनाकुमारी लामाले मेयर टिकट पाएपछि उनी थप रुष्ट भएका थिए ।
पोख्रेल तत्कालीन एमालेमा रहँदा ओली निकट नेता हुन् । पूर्वमुख्यमन्त्री डोरमणि पौडेलसँग असन्तुष्ट भएपछि उनी विरोध खतिवडासँग नजिकिएर मेयर पदकै आश्वासनमा समाजवादी रोकेका थिए ।
पोख्रेलसँग पार्टी जिल्ला सचिवालय सदस्य वीरेन्द्र डीसी, देवेन्द्र कोइराला, उत्तम न्यौपाने, गोपालबहादुर स्याङ्तानले सामूहिक रूपमा पार्टी परित्याग गरेका हुन् ।
पोख्रेलले मकवानपुर जिल्लाको मनहरी, राक्सिराङ र कैलाश गाउँपालिकामा पार्टीले गठबन्धन गर्न असफल भएको र परिचित र संगठन निर्माणका काममा लागेकाहरूलाई बाइपास गरेका पनि उल्लेख गरे ।
खतिवडाको व्यक्तिगत इच्छाका कारण पार्टीले गठबन्धनमा अवसर चुकाउन बाध्य भएको गुनासो गरेका पोखरेलले एमालेबाट विद्रोह गरेको ८ महिना नपुग्दै पार्टीभित्र हुर्काउन खोजिएको व्यक्तिवाद प्रवृत्तिको विरुद्धमा आफू रहेको बताए ।

“आजभन्दा ठिक ८ महिना अगाडि नेपाल कम्युनिष्ट पार्टी एमालेबाट बिद्रोह गरि सुशासन, पार्टीलाई बिधि र पद्धती संगत ढंगबाट संचालन, पार्टीका नेता कार्यकर्ताको मुल्यांकन, गुटबन्दिको अन्त्य, नेपालको कम्युनिष्ट आन्दोलनको पुनर्गठन र एक व्यक्ति एक पद लगायतका सुन्दर नारा दिएर भएको विद्रोह ८ महिना नपुग्दै त्यस पार्टी भित्र जबर्जस्त ढंगबाट हुर्काउन खोजियो” उनले विज्ञप्तिमा भनेका छन् ।
“व्यक्तिबाद सरकारमा गएको मन्त्रि र राजकिय ठाउँमा पाएका अवसरमा पठाईएको व्यक्तिमा देखिएको नैतिक आचरणमा ह्रास र भ्रस्टाचारमा लिप्स मनोवृत्ति र दाश बनाउने सोच हाबी हुदै पार्टी नभई केहि व्यक्तिको स्वार्थ पुरा गर्न कार्यकर्ताको समस्यालाई नजर अन्दाज गर्दै प्राइभेट कम्पनीमा रुपान्तरण गर्ने गलत मनसायलाई टुलु टुलु हेरेर बसकिएन ।”
पोखरेल मकवानपुरका पुराना कम्युनिष्ट नेता हुन् । उनले आफू विगत ८ महिना नेकपा एस मकवानपुर जिल्लाको अध्यक्षमा रहदा साथ सहयोग गर्नेहरुलाई धन्यबाद दिदै कम्युनिष्ट आन्दोलनको रक्षाका लागि बिद्रोहमा निस्केको बताए ।