मकवानपुर । स्वतन्त्र विद्यार्थी युनियनको निर्वाचन अन्तर्गत मकवानपुरका बिभीन्न क्याम्पसहरुको मत परिणाममा अनेरास्ववियु विजयी भएको छ ।
स्वतन्त्र विद्यार्थी युनियनको निर्वाचन मत परिणाम अनुसार हेटौंडा–६ स्थित वंशगोपाल बहुमुखी क्याम्पसको अध्यक्षमा अनेरास्ववियूका दिवस सिल्वालको प्यानलनै विजयी भएको छ ।
यस्तै हेटौंडा १६ हटियाको जनप्रिय बहुमुखी क्याम्पस, हेटौंडा १९ को निर्मल बहुमुखी क्याम्पस तथा मनहरीको मनहरी बहुमुखी क्याम्पसमा भएको स्वतन्त्र विद्यार्थी युनियनको मतगणनाको नजिजा आएको छ।
हटियाको जनप्रिय बहुमुखी क्याम्पसमा मुनाको नेतृत्व
हटियाको जनप्रिय बहुमुखी क्याम्पसमा स्वतन्त्र बिद्यार्थी युनियनको अनेरास्ववियुहरुको प्यानलबाट छात्राहरुको कार्यसमिति निर्वाचित भएका छन । जनप्रियको अध्यक्षमा मुना गोले निर्वाचित भएकी छिन ।
स्ववियु सचिवमा पुष्पा वास्तोला, कोषाध्यक्षमा नमुना पोखरेल, सदस्यमा मेनुका दहाल, पवित्रा अधिकारी र विनिता तिमल्सिना निर्वाचित भएका छन ।
निर्मल बहुमुखी क्याम्पसमा सरोज अर्याल
हेटौंडा–१९, बस्तीपुरस्थित निर्मल बहुमुखी क्याम्पसमा अनेरास्ववियुका सरोज अर्यालको प्यानल विजयी भएको छ । अर्यालले १ सय ३२ मतसहित स्ववियु अध्यक्ष निर्वाचित हुँदा अध्यक्ष पदका अर्का आकांक्षी अनेरास्ववियु (क्रान्तिकारी) का जयबहादुर रोक्का ५२ महसहित पराजित भए ।
यस्तै सचिवमा सुसन पौडेल १ सय २६ मतसहित विजयी हुँदा सहदेव गोले ६० मतसहित पराजित भए । कोषाध्यक्षमा १ सय २८ मतसहित सूर्य बल विजयी हुँदा ५७ मतसहित सुदीप उप्रेती पराजित भए । सदस्यमा महेश कुमार सापकोटा (१३७ ), सुनिता बल (१३७), प्रमिला चौलागाई (१३३), मीरा बिसङ्के (१२५) र केपाश प्रजा (११६ ) विजयी भएका छन् ।
समानुपातिकतर्फ १ सय ३१ मत अनेरास्ववियुले प्राप्त गर्दा ५६ मत अनेरास्ववियु (क्रान्तिकारी) ले पाएको छ । निर्मल बहुमुखी क्याम्पसमा २ सय १० जना मतदाता रहेकोमा १ सय ८८ मत खसेको थियो ।
मनहरी बहुमुखी क्याम्पसमा स्ववियु अध्यक्षमा कुमार घिसिङ
यसैगरी मकवानपुरको मनहरी गाउँपालिकास्थित मनहरी बहुमुखी क्याम्पसको स्ववियु अध्यक्षमा कुमार घिसिङ विजयी हुनु भएका छन । निर्वाचनमा २९ मतसहित घिसिङ विजयी भएका हुन । अध्यक्षका अर्का आकांक्षी नेपाल विद्यार्थी संघका किशोर लम्सालले २७ मत प्राप्त गरे ।
मनहरी बहुमुखी क्याम्पसको स्ववियु सचिवमा नेपाल विद्यार्थी संघका गेमराज थिङ निर्विरोध निर्वाचित भएका छन् भने कोषाध्यषमा प्रविण रुम्बा ३१ मतसहित विजयी भएका छन् । कोषाध्यक्षका अर्का आकांक्षी अरुणा सापकोटाले २२ मत मात्रै प्राप्त गरिन् । सदस्यमा माधवप्रसाद अधिकारी (३४ मत), सीता सापकोटा (३२ मत) र प्रशान्त सुवेदी (२७ मत) निर्वाचित भएका छन् । ६० मतदाता रहेको मनहरी बहुमुखी क्याम्पसमा ५६ मत खसेको थियो ।
हेटौंडा क्याम्पस स्ववियु अध्यक्षमा अभि मैनाली निर्वाचित
हेटौंडा–४ स्थित हेटौंडा क्याम्पसको स्वतन्त्र विद्यार्थी युनियन (स्ववियु) को अध्यक्षमा अभि मैनाली निर्वाचित भएका छन् । निर्वाचनमा नेपाल विद्यार्थी संघका उम्मेदवार राजिव फुयाँललाई पराजित गर्दै अनेरास्ववियुका मैनाली अध्यक्ष सहित प्यानलै निर्वाचित भएको छ ।
८ सय ९७ मतदाता रहेको हेटौंडा क्याम्पसमा ४ सय ७७ मत खसेको थियो । अध्यक्षमा विजयी मैनालीले २ सय ९० मत पाउँदा पराजित उम्मेदवार फुयाँलले १ सय ८५ मत पाए । सचिवमा अनेरास्ववियुका अन्जान खड्काले २ सय ७२ मत पाउँदा नेविसंघका युवराज बिकले १ सय ९४ मत पाए ।
यस्तै कोषाध्यक्षमा अनेरास्ववियुकी अविना खड्काले २ सय ७० मत पाउँदा नेविसंघकी ज्योेति पुडासैनीले १ सय ९६ मत पाइन् । सदस्यमा तिलकबहादुर पाख्रिन, गणेश तिमल्सिना, नवीन कुमार चौधरी, भरतमोहन देवकोटा र रञ्जिता फुयाँल निर्वाचित भएका छन् ।
मकवानपुर । त्रिभुवन विश्वविद्यालय अन्तर्गतका क्याम्पसहरुमा आइत्वार भएको स्वतन्त्र विद्यार्थी युनियन (स्ववियु) को निर्वाचनमा वंशगोपाल बहुमुखी क्याम्पस हेटौंडा ६ अध्यक्षमा दिवस सिल्वाल विजयी भएका छ्न ।
सिल्वालको प्यानलमा नेकपा (एमाले) निकट अनेरास्ववियु, नेकपा (एकिकृत समाजवादी) निकट अनेरास्ववियू र नेत्रविक्रम चन्द नेतृत्वको नेकपा निकट अखिल (क्रान्तिकारी)बीच गठबन्धन थियो भने गौतमको प्यानलमा नेपाली कांग्रेस निकट नेविसंघ, माओवादी निकट अखिल क्रान्तिकारी र राप्रपा निकट राप्रविसंबीच गठबन्धन रहेको थियो ।
वंशगोपालमा आइतबार भएको निर्वाचनको अन्तिम मतरिणाम अनुसार नेकपा एमाले निकट अनेरास्ववियुको अध्यक्ष दिवस सिल्वालको प्यानलनै निर्वाचित भएको हो । सिल्वाल १८ मतसहित निर्वाचित हुँदा उनका निकटतम् प्रतिस्पर्धी राप्रपा निकट राष्ट्रिय प्रजातान्त्रिक बिद्यार्थी संगठन राप्रविसंकी मनिका गौतमले ९ मत प्राप्त गरिन् ।
यसैगरी वंशगोपालको स्ववियु सचिवमा अनेरास्ववियुकी प्रतिमा लामिछाने (२०), कोषाध्यक्षमा रुपा राई (१७), सदस्यहरुमा सपना राउत (२३), सुजन गोले (१७) मतसहित विजयी भएका छन् ।
मकवानपुर । हेटौँडा उपमहानगरपालिका वडा नं. ४ का वडा अध्यक्ष नवीन सिग्देलले भौतिक विकाससंगै सामाजिक र मानवीय विकासलाई प्राथमिकता दिनुपर्ने बताएका छन् ।
शुक्रबार हेटौँडा ४ मा रहेका गैर सरकारी संस्थाहरूको संयुक्त भेलामा बोल्दै उनले सामाजिक विकृति, विसंगति, कुरिती, कुसंस्कार, अन्धविश्वास, हिंसा, विभेद र असमानताको विरूद्व सामाजिक अभियान सञ्चालन गर्नुपर्नेमा जोड दिए ।
सामाजिक अभियानलाई प्रभावकारी बनाउन गैर सरकारी संस्थाहरूको महत्वपूर्ण भूमिका रहने भएकोले वडा कार्यालयले हातेमालो गरेर अगाडि बढ्ने उनले बताए । हेटौँडा वडा नं. ४ मा रहेका विभिन्न गैर सरकारी संस्थाहरूको भेलाले सामाजिक अभियान सञ्जाल मायाँ लामा(माईती नेपाल) को अध्यक्षतामा १३ सदस्यीय गठन गरेको छ ।
सञ्जालको सचिव जेरोम घले(नारी संरक्षण केन्द्र), कोषाध्यक्ष कमला सुवेदी (मकवानपुर महिला समूह), सदस्यहरू अर्जुन खड्का(सिडियो, नेपाल), सकुन्तला पौडेल(कोसिस नेपाल), राजु सुवेदी(मकवापुर पोजेटिभ समूह), सरू विक,(महिला तथा वालवालिका सरोकार केन्द्र), बुद्व लामा (ईस्थर ब्यान्जमिन), कुमारी वाईवा(हिमराईट्स, मकवानपुर), शान्ता वराल, शर्मिला श्रेष्ठ (उज्ज्वल भविष्य), दुर्गा घोरसाईनी(आश्रय नेपाल), राधिका चौलागाई (महिला जागरण समूह) रहेका छन् ।
सञ्जालको सल्लाहकारमा आरती पाठक(अस्मिता नेपाल), सरस्वती बर्ताैला(नारी सीप सृजना केन्द्र) र किरण थापा( ब्लु डाईमन सोसाईटी) रहेको ४ नं. वडा सचिव टीका कडेंलले बताए । भेलामा वडा सदस्य जनरल श्रेष्ठसहित विभिन्न संघसंस्थाका प्रतिनिधिहरूको उपस्थिति रहेको थियो ।
मकवानपुर । बागमती प्रदेशको मुख्यमन्त्री शालिकराम जम्कट्टेलले नेकपा एमालेसंगको गठबन्धन टुट्नुमा एमाले अध्यक्ष केपी शर्मा ओली जिम्मेवार रहेको बताएका छन । शनिबार हेटौंडामा नेपाल राष्ट्रिय कर्मचारी संगठन निजामती, नेपाल राष्ट्रिय कर्मचारी संगठन, कर्मचारी संगठन महासंघ र प्रगतिशिल स्वास्थ्यकर्मी महासंघको संयुक्त भेलाको उद्घाटन गर्दै जम्कट्टेलले यस्तो बताएका हुन् ।
‘शान्तिप्रक्रिया टुंगोमा पु¥याउने मुद्धा ओलीले वास्ता नगरेको कारण गठबन्धनमा सम्बन्ध चिसिएको हो उनले भने ‘बाहिर हेर्दा राष्ट्रपती पदको मात्र मुद्दा जस्तो देखिएपनि भित्रीरुपमा शान्तिप्रक्रियाको बिषयमा कुरा नमिलेकोले गठबन्धन टुटेको हो।’
कर्मचारी संगठनहरुले बिषय र योजना बनाउदा करार र अस्थाई कर्मचारीहरुको पनि हकहितको बिषय समेट्न उनले आग्रह गरे । उनले तल्लो दर्जाको कर्मचारीको हकहितको बिषयमा पनि गम्भिर बन्न सुझाए ।कर्मचारीहरुको समग्र समस्या समाधानको लागि र कर्मचारीलाई सेवाग्रहीप्रती थप उत्तरदायी बनाउन प्रदेश सरकारले गर्नुपर्ने कामको बिषयहरुमा सुझाव दिन समेत उनले कर्मचारीहरुलाई नै आग्रह गरे । ‘कर्मचारीहरुले पनि सरकारलाई सफल बनाउन लागि पर्नुपर्छ’ उनले भने ।
कार्यक्रममा बोल्दै उनले प्रदेश सरकारले बागमती प्रदेशको कृषि क्षेत्रमा गरेको लगानी उपलब्धीमुलक बनाउन समुहमा लगानी गर्ने बताए । बिगतमा प्रदेश सरकारले गरेको लगानीले जनजिवनमा प्रभाब परेको नदेखिएकोले यसपटक भने समुह वा वडालाई नै पकेट क्षेत्र बनाएर कृषिमा लगानी गर्ने उनले बताए । प्रदेश सरकारले हरेकक्षेत्रमा उपलब्धीमुलक कार्य गर्नको लागि ठुला आयोजनाहरुमा लगानी गरेर जनताले महशुस गर्न सक्ने विकास गर्ने योजना रहेको उनले बताए ।
नेपाल राष्ट्रिय कर्मचारी संगठन निजामतीका अध्यक्ष राजु अर्यालको अध्यक्षता भएको कार्यक्रममा प्रदेश सांसद प्रेम बहादुर पुलामी, नेपाल राष्ट्रिय कर्मचारी संगठन निजामतीका केन्द्रिय अध्यक्ष हरीबहादुर रावल, केन्द्रिय सदस्य बसन्तराज गौतम लगायतले मन्तव्य व्यक्त गरेका थिए ।
मकवानपुर । नेपाल राष्ट्रिय कर्मचारी संगठन निजामती मकवानपुरको अध्यक्षमा बसन्तकुमार सिटौंला चयन भएका छन् ।
शनिवार हेटौंडामा भएको संगठनको ५ औं जिल्ला अधिवेशनले सिटौंलाको नेतृत्वमा २१ सदस्य नयाँ कमिटि सर्वसम्मत गठन गरेको हो ।
संगठनको पुरुष उपाध्यक्षमा गणेश भूजेल, महिला उपाध्यक्षमा शान्ति खनाल, सचिबमा गोपाल लम्साल र कोषाध्यक्षमा मिरा अधिकारी सर्बसम्मत चयन भएका छन ।
संगठनका अध्यक्ष राजु अर्यालको अध्यक्षतामा भएको अधिवेशनमा बागमती प्रदेशका मुख्यमन्त्री शालिकराम जम्मकटेलको प्रमुख आतिथ्यता रहेको थियो ।
कार्यक्रममा नेकपा माओवादीका जिल्ला संयोजक सर्केश घलान, निती तथा योजना आयोग बागमती प्रदेशका सदस्य प्रल्हाद लामिछाने, संगठनका केन्द्रीय अध्यक्ष हरीबहादुर रावल, हेटौंडा अस्पतालका मेडिकल सुपरीटेण्डेन डाक्टर रामचन्द्र सापकोटा लगाएतकाले शुभकामना मन्व्य व्यक्त गरेका थिए ।