मकवानपुर । बागमती प्रदेशका आन्तरीक मामिला तथा कानुन मन्त्री शालिकराम जम्कट्टेलले शुक्रबार बागमती प्रदेश प्रहरी कार्यालयकाे निरीक्षण गरेका छन् ।
निरीक्षणकाे क्रममा मन्त्री जम्कट्टेल समक्ष प्रदेश प्रहरी प्रमुखले कार्यपत्र प्रस्तुत गरेका थिए। मन्त्री जम्मकट्टेलले बागमती प्रदेश सरकारको बजेटबाट निर्माण हुने प्रदेश प्रहरी मुख्यालयको भवन निर्माण स्थलको अवलोकनका गरेकाे प्रदेश प्रहरी कार्यालयका प्रवक्ता प्रहरी वरिष्ठ उपरीक्षक सुदिप गिरीले जानकारी दिए ।

निरीक्षण भ्रमणको क्रममा आन्तरीक मामिला तथा कानुन मन्त्रालयका सचिव मदन भुजेलकाे समेत सहभागिता रहेको थियो ।
मकवानपुर । बागमती प्रदेशका मुख्यमन्त्री डोरमणि पौडेलले कोरोना नियन्त्रणका लागि आईसीयु संख्या बढाउने बताएका छन् । बुधबार सङ्घीय संसदको शिक्षा तथा स्वास्थ्य उपसमितिका पदाधिकारीसँग भएको छलफलमा उनले हाल गम्भीर प्रकृतिका बिरामीहरू देखापर्न थालेकोले आईसीयुको संख्या बढाउनु पर्ने धारणा राखेका हुन ।
उनले प्रदेश सरकारले आईसोलेशन निर्माण एबम संचालन गरिरहेको जानकारी दिदै यसको नियन्त्रणका लागि प्रदेश सरकार जिम्मेवार भएर लागेको बताए । अन्य जिल्लामा संक्रमण कम भएपनि अहिले काठमाडौमा कोरोनाबाट थप सङ्कट उत्पन्न हुन सक्नेतर्फ संघ, प्रदेश र स्थानीय तहको समन्वय र सहकार्य अनिवार्य रहेकोमा मुख्यमन्त्री पौडेलले बताए ।काठमाडौको सङ्क्रमण दर घटाउन प्रदेशले विभिन्न स्थानमा आईसोलेशन निर्माण गरि काम गरिरहेको पनि उनले जानकारी दिए ।
यसैगरी कोरोना सङ्क्रमणकै कारण शिक्षा क्षेत्र समस्याग्रस्त बनेको बिषयमा छलफल भएको थियो । छलफलका क्रममा समितिका सदस्य जिवनराम श्रेष्ठले शिक्षा र स्वास्थ्यका क्षेत्रमा प्रदेशसँग समन्वय र सहकार्य हुने बताए । हाल काठमाण्डौ लगायत ललितपुर, चितवन, दोलखा, काभ्रे जिल्लामा प्रदेश मातहतका अस्पताल रहेका छैनन् । ति जिल्लामा आफ्ना मातहतका अस्पताल संचालन गर्न सोहि जिल्लामा रहेका एक एक वटा स्वास्थ्य केन्द्रहरुलाई स्तरोन्नती गर्न लागिएको छ । ती स्वास्थ्य केन्द्रलाई प्रादेशिक अस्पतालका रुपमा बिकास गर्न नेपाल सरकारलाई पत्राचार गरीसकिएको प्रदेश सरकारले जनाएको छ ।
काठमाडाैकाे कोरोना संक्रमितलाई राख्न प्रत्येक स्थानिय तहमा १००/१०० बेडको आइसोलेशन निर्माण भइसकेको छ । अहिले प्रदेशका अस्पतालहरुमा आवश्यकताअनुसार आईसीयु र भेन्टिलेटरसहितको सुबिधा उपलब्ध गराईएको सामाजिक बिकास मन्त्रालयले जनाएको छ ।
प्रदेशले कोरोना परीक्षणका लागि २ स्थानमा ल्याब सञ्चालन गरिरहेको र ४ वटा तत्काल थप हुने भएका छन् भने सिन्धुली, भक्तपुर नुवाकोट र हेटौंडामा थप गर्न लागिएको छ । हाल प्रदेशमा ३ हजार २ सय ६० आइसोलेशन बेड, ६ सय ३० आइसीयु बेड रहेका छन भने १ सय ९५ वटा भेन्टिलेटर बेड रहेकाे सामाजिक विकास मन्त्रालयले जानकारी दिएकाे छ ।
मकवानपुर / गत भदौ ३१ गरेको निर्णय अनुसार बागमती प्रदेश सरकारले गौतम बुद्ध अन्तर्राष्ट्रिय क्रिकेट रंगशाला निर्माणका लागि रकम हस्तान्तरण गरेको छ । प्रदेश सरकारले बुधबार धुर्मुस सुन्तली फाउन्डेसनलाई तीन करोड रुपियाँ रकम हस्तान्तरण गरेको हो ।
मुख्यमन्त्री तथा मन्त्रिपरिषद्को कार्यालय हेटौंडामा एक कार्यक्रमको आयोजना गर्दै मुख्यमन्त्री डोरमणि पौडेलले फाउन्डेसनका अध्यक्ष सिताराम कट्टेल र उपाध्यक्ष कुन्जना घिमिरेलाई ३ करोड रकमको चेक हस्तान्तरण गरेका हुन् । कार्यक्रममा बोल्दै मुख्यमन्त्री पौडेलले धुर्मुस सुन्तलीले उत्साहका साथ गरेको कामको प्रसंसा गरे । उनले रंगशाला निर्माण तिव्र गतिमा भएको भन्दै खुसि समेत व्यक्त गरेका थिए ।
‘रंगशाला निर्माण परियोजना छिटो सक्नुहोस’ उनले भने ‘सरकारले आगामी दिनमा पनि सहयोग जारी राख्ने छ ।’ रंगशाला निर्माणमा चुनौती धेरै रहेकोले जसरी पनि सफल बनाउनुपर्ने बताउदै यो गौरवको आयोजना भएको पौडेलले बताए । ‘आगामी वर्षलाई पनि सरकार छ भन्ने सम्झनु ।’ उनले भने । यस्तै कार्यक्रममा सामाजिक विकास मन्त्री युबराज दुलाल आगामी दिनमा पनि सरकारका तर्फबाट सहयोग हुने बताए । परिकल्पना अनुसार सफलताको लागि शुभकामना दिदै फाउण्डेसनलाई चुनौती पन्छाएर अगाडि बढ्न दुलालले सुझाव दिए ।
यसैगरी फाउण्डेसनका अध्यक्ष सिताराम कट्टेलले सहयोग रकम बुझ्दै खुसिको दिन भएको प्रतिक्रिया दिए । सरकारले सहयोग गर्छ भन्ने अपेक्षा रहेको भन्दै जग्गा दिएर सुरु गरेको र हाल रकम सहयोग गरेकोमा धन्यवाद दिए । रंगशाला निर्माणमा हाल २ सय ३३ जनशक्तिले काम गरीरहेको उनले जानकारी दिए ।
’सहयोगी मनहरुले सहयोग गरी रहेको भएपनि लकडाउनले परिस्थिति जटील बनाएको छ’ उनले भने–‘अवस्था समस्याजनक छ तर पनि काम गर्दै छौ, ७ करोड तिर्न बाँकी छ । तर, पनि हामीले हिम्मत हारेका छैनौं ।’ कार्यक्रममा प्रदेशका प्रमुख सचिव डा. मानबहादुर बिक, मुख्यमन्त्रीका प्रमुख राजनीतिक सल्लाहकार जे एन थपलिया, जिल्ला समन्वय समिति मकवानपुरका प्रमुख रघुनाथ खुलाल, सामाजिक विकास मन्त्रालयका सचिव दीपक काफ्ले लगायत सहभागी थिए ।
बागमती प्रदेश सरकारले चितवनमा बन्दै गरेको गौतम बुद्ध अन्तर्राष्ट्रिय क्रीकेट मैदान निर्माणका लागि धुर्मुश सुन्तली फाउण्डेसनलाई ३ करोड दिने निर्णय गत भदौ ३१ गते नै गरेको थियो । प्रदेश सरकारको सशर्त अनुदानका रुपमा आर्थिक वर्ष २०७७र०७८ का लागि अनुदान रकम दिन लागको हो ।
कोभिड १९ को संक्रमणका अवस्थामा पनि निरन्तर निर्माणगरीरहेको भन्दै काम सुचारु गर्न सहज होस भनेर सहयोग गर्न लागिएको सरकारका प्रवक्ता आर्थिक मामिला तथा योजनामन्त्री कैलाश ढुङ्गेलले जानकारी दिए ।
मकवानपुर । पछिल्लो २४ घण्टामा थप २ हजार ३४० जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या हालसम्म ६७ हजार ५ सय ४२ पुगेको छ। उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले मंगलबार गरेकाे नियमित प्रेश बिफ्रिङ प्रवक्ता डा.जागेश्वर गाैतमले जानकारी दिए ।
यसअघि सोमबारको तथ्यांकअनुसार नेपालमा कोरोना संक्रमणमुक्त हुनेको संख्या ६५ हजार २ सय २ रहेको थियो। मन्त्रालयका अनुसार सोमबारसम्म कोरोनाका कारण ज्यान गुमाउनेको संख्या ५ सय ५४ पुगेको थियो। पछिल्लो २४ घण्टामा थप ९ जनाको कोरोनाले मृत्यु भएसँगै ५ सय ६३ पुगेको छ।
मंलगरबार असाेज २० गतेसम्म देशभर २२ हजार ७०९ जना सक्रिय संक्रमित रहेका छन् । जसमा संस्थागत आइसोलेसनमा ९ हजार १ सय १८ र होम आइसोलेसनमा १३ हजार ५ सय ९१ जना रहेकाे प्रवक्ता गाैतमले वताए।
यस्तै आज ११ हजार ४७ जनाको पीसीआर परीक्षण हुँदा १ हजार ५ सय ५१ जनामा कोरोना संक्रमण पुष्टि भएको गौतमले जानकारी दिए । उनका अनुसार संक्रमितमध्ये काठमाडौं उपत्यकाका मात्रै १०१७ जना रहेका छन् ।
यसैगरी बागमती प्रदेशमा मंगलबार एकैदिन १ हजार १५२ जना कोरोना भाइरस (कोभिड–१९) संक्रमित थपिएका छन् । प्रदेशमा पछिल्लो २४ घण्टामा ३ सय ९९ जना महिला र ७ सय ५३ जना पुरुष गरी १ हजार १ सय ५२ जना कोरोना संक्रमित थपिएको मन्त्रालयका प्रवक्ता गौतमले जानकारी दिए ।
मंगलबार बागमती प्रदेशको काठमाडौंमा ७ सय ८३, काभ्रेमा २४, चितवनमा ८१, दोलखामा १, धादिङमा ५, नुवाकोटमा ५, भक्तपुरमा १ सय १६, मकवानपुरमा ६, चितवनमा १ सय ३, दोलखामा १, धादिङमा १२, नुवाकोटमा १०, रामेछापमा २, ललितपुरमा १ सय १८ र सिन्धुलीमा २ जनामा संक्रमण पुष्टि भएको हो ।
त्यस्तै, प्रदेशमा हालसम्म कोरोना संक्रमण निको हुनेको कूल संख्या २२ हजार ४ सय २५ जना पुगेको छ । यसअघि प्रदेशमा संक्रमण निको हुनेको संख्या २१ हजार १सय ८७ जना थियो ।
प्रवक्ता गौतमका अनुसार प्रदेशमा हाल ७ हजार २ सय ६८ जना आइसोलेशनमा, ८ हजार ४ सय ६२ जना होम आइसोलेशनमा, ४ सय ४२ जना क्वारेन्टाइनमा, २ सय २५ जना आइसियुमा र २९ जना भेन्टिलेटरमा रहेका छन् ।
प्रदेशमा पछिल्लो २४ घण्टामा थप ६ जनाको कोरोना संक्रमितको मृत्यु भएको छ । मृत्यु हुनेमा काठमाडौंका ५९ वर्षिय, ६० वर्षिय, ललितपुरका ६७ वर्षिय र चितवनका ६० वर्षिय महिला रहेका छन् ।
तालिकामा हेर्नुहाेस







चितवन। चितवनमा एक कोरोना सङ्क्रमितको मृत्यु भएको छ। भरतपुर अस्पतालमा उपचाररत कालिका नगरपालिका–७ जुटपानीका ६२ वर्षीय पुरुषको आइतबार बिहान ६:३५ बजे मृत्यु भएको अस्पतालका सूचना अधिकारी लीलाधर पौडेलले जानकारी दिए।
असोज १६ गते कोरोना सङ्क्रमणसहित उनी भरतपुर अस्पतालको कोभिड आइसीयूमा भर्ना भएका थिए। उनमा खोकी र स्वासप्रश्वासको समस्या देखिएको अस्पतालले जनाएको छ। यससँगै कोरोनाका कारण चितवनका मात्रै २४ जनाको मृत्यु भएको छ।