मकवानपुर । मंसिर ४ गते सम्पन्न प्रतिनिधि सभा र प्रदेश सभा निर्वाचनको मतगणना जारी छ । हालसम्म बागमती प्रदेशमा प्रतिनिधि सभातर्फ १४ वटा सिटको अन्तिम टुङगो लागेको छ ।
जसमा नेपाली काँग्रेस ८ सिट सहित अग्र स्थानामा रहेको छ भने राष्ट्रिय स्वतन्त्र पार्टी ४ सिट सहित दोस्रो स्थानमा रहेको छ ।
यसैगरी नेकपा एमाले २ सिट सहित तेस्रो स्थानमा रहेको छ । मतगणना जारी रहदा हालसम्म प्रतिनिधि सभातर्फ बागमती प्रदेशमा कुन पार्टीले कुन जिल्लाको कुन क्षेत्रमा जित्यो ?
नेपाली काँग्रेस
काठमाडौं क्षेत्र १ प्रकाशमान सिंह
काठमाडौं क्षेत्र ३ सन्तोष चालिसे
काठमाडौं क्षेत्र ४ गगन थापा
काठमाडौं क्षेत्र ५ प्रदीप पौडेल
काठमाडौं क्षेत्र १० राजेन्द्र कुमार केसी
ललितपुर क्षेत्र १ उदय समशेर राणा
रसुवा क्षेत्र १ मोहन आचार्य
राष्ट्रिय स्वतन्त्र पार्टी
ललितपुर क्षेत्र ३ तोषिमा कार्की
काठमाण्डौ क्षेत्र ७ गणेश पराजुली
काठमाण्डौ क्षेत्र २ साेबिता गाैतम
काठमाण्डौ क्षेत्र ८ विश्वभक्त श्रेष्ठ
नेपाल कम्युनिष्ट पार्टी एमाले
ललितपुर क्षेत्र २ प्रेमलाल महर्जन
काठमाण्डौ क्षेत्र ९ कृष्णगाेपाल श्रेष्ठ
मकवानपुर । मकवानपुर क्षेत्र नम्बर १ को प्रदेशसभा ख मा नेकपा एमालेका उम्मेदवार एकालाल श्रेष्ठले अग्रता लिएका छन् ।
पछिल्लो मतपरिणाम अनुसार एमालेका एकालालले ६ हजार ३९६ मतसहित अग्रता बढाएका छन् । उनलाई राप्रपाका उम्मेदवार गुञ्जनबहादुर न्यौपानले ६ हजार ९१ मतसहित पछ्याइरहेका छन् ।
यसैगरी सोही क्षेत्रमा नेपाली कांग्रेसका उम्मेदवार आनन्दराम पराजुलीले ५ हजार ५३९ मतसहित श्रेष्ठ र न्यौपानेलाई पछ्याइरहेका छन् ।
यस क्षेत्रमा हालसम्म २० हजार ५३३ मतगणना भएको छ ।
मकवानपुर । नेकपा एमाले मकवानपुर अध्यक्ष हुन् एकलाल श्रेष्ठ । पहिलाे चुनावी मैदानबाटै दाैड जित्ने तयारीमा रहेका उनी मङ्सिर ४ गते हुने प्रतिनिध सभा तथा प्रदेश सभा सदस्य निर्वाचनमा पहिलोपटक उम्मेदवार रहेका छन् । मकवानपुरकाे क्षेत्र नम्बर १ प्रदेश सभा ख का उम्मेदवार श्रेष्ठ जनप्रतिनिधि बन्न चुनावी प्रचार प्रसारकाे दाैडधुपमा छन् ।
२०४४ सालदेखि विधिवत रुपमा कम्युनिस्ट राजनीतिमा प्रवेश गरेका एकालाल श्रेष्ठ मकवानपुर तथा हेटौंडाबासीका लागि कुनै नौलो नाम हैन । बुवा भिमलाल श्रेष्ठ र आमा चन्द्रकुमारी श्रेष्ठको जेठाे छाेरा एकलालकाे जन्म २०२७ साल साउन १७ गते भएकाे हाे । एकालाल पूर्णलालिन राजनीति र समाजसेवामा समर्पित छन् । हेटौंडाको सिद्धार्थ माविमा कक्षा ८ मा पढ्दै गर्दा अखिल नेपाल राष्ट्रिय स्वतन्त्र विद्यार्थी युनियनको सदस्यता लिएर २०४४ सालबाट राजनीतिमा पाइला राखे ।
पञ्चायत कालमा राजनीति गर्न पक्कै पनि सहज थिएन तर पनि त्यो चुनौतीपूर्ण अवस्थाको सामना गर्दै उनी निरन्तर राजनीतिमा सकृय रहे । २०४५ सालमा अनेरास्ववियु जिल्ला कमिटी सदस्य क्रमशः सचिव, उपाध्यक्ष हुँदै २०५२ सालमा अनेरास्ववियुको जिल्ला कमिटी अध्यक्ष बन्न सफल भए । जिल्ला अध्यक्षको जिम्मेवारी पाउनु पनि निरन्तर विद्यार्थी राजनीतिमा उर्जाशिल भएर लागेको प्रतिफल रहेकाे उनी बताउँछन् । हेटौंडामा नै जन्मिएका एकालालले पछिल्लो समयमा देशमा भैरहेको धेरै राजनीतिक उथलपुथल नजिकबाट नियाल्ने अवसर पनि पाए । राजनितीलाई व्यवसाय हैन सेवा बनाउनुपर्छ भावना उनीमा विद्यार्थीकालदेखि नै जागृत थियो ।
निरंकुश निर्दलीय पञ्चायत विरुद्ध २०४६ सालमा भएको आन्दोलनमा श्रेष्ठले पनि सक्रीय भएर भाग लिएका थिए । उनीसँग हेटौंडामा हुने हरेक आन्दोलनमा अग्रपंक्तिकाे माेर्चा सम्हालेकाे अनुभव छ । विद्यार्थीको नेतृत्व गर्दै आन्दोलनमा लागिरहँदा उनले जेलजीवनको पनि सामना गर्नुपरेको थियो । यी यावत कुराहरु सम्झिदा जहिले पनि देश जोगाउनको लागि हरेक कुराको सामना गर्न सक्नुपर्छ भन्ने उर्जा प्राप्त हुने उनी बताउँछन् । अनेरास्ववियुको मकवानपुरको अध्यक्ष हुँदैगर्दा दुई कार्यकाल केन्द्रीय सदस्य, सचिवालय सदस्य समेत हुने मौका पाए । केन्द्रिय सचिवालय सदस्य भएपछि केन्द्रिय राजनीतिमा पनि उनको सम्पर्क बढ्दै गयो ।
एकलालसँगै त्यसबेला विद्यार्थी राजनीति सँगै गरेका ठाकुर गैरे, भानुभक्त ढकाल, शेरधन राई, विशाल भट्टराई, खिमलाल भट्टराई, योगेश भट्टराईहरु लगायतका नेताहरू एमालेकाे केन्द्रिय तहामा नै छन् । विभिन्न आरोह अवरोहलाई छिचोल्दै एकालाल अहिले नेकपा एमाले मकवानपुर जिल्ला कमिटी अध्यक्षको जिम्मेवारीमा छन् । तत्कालीन समयमा अनेरास्ववियुको मध्यमाञ्चल प्रमुख समेत भएर काम गरेका श्रेषठले २०४८ सालमा एमालेको पार्टी सङ्गठित सदस्यता प्राप्त गरी नेकपा एमालेको राजनीतिमा पाइला टेकेका हुन् ।
२०४९ सालमा तत्कालीन हेटौंडा नगरपालिका वडा नम्बर १ को नेकपा एमाले पार्टी कमिटीको पहिलो अध्यक्ष हुने सौभाग्य पनि उनकै नाममा छ । २०५० सालमा हेटौंडा नगर कमिटीको सदस्य हुदै २०६१ सालमा एमाले मकवानपुरको जिल्ला कमिटी सदस्य भएका थिए । पार्टी राजनीतिमा धैर्य र संयमता अपनाए अवसर आउँछ भन्ने उनको मनमा लागिरह्यो । २०६२–०६३ को मकवानपुरको आन्दोलनमा सक्रीय रुपमा सहभागि हुँदै गर्दा उनले ठाउँठाउँको आन्दोलनको नेतृत्व गरेका थिए ।
त्यसरी आन्दोलनको अगुवाइ गर्दा पटक–पटक सरकारले दमन गरी पक्राउ समेत गरेको थियो । निरन्तर नेकपा एमालेकै विभिन्न क्षेत्रमा सक्रीय एकालाल २०७२ सालमा नेकपा एमाले मकवानपुरको सचिव भए । नेकपा एमाले र नेकपा माओवादी केन्द्र मिलेर नेकपा बनेपछि भएका विभिन्न घटनाक्रमलाई नजिकबाट अवलोकन गरेका एकालाल पार्टीलाई सङ्कट परेको अवस्थामा नेतृत्व लिएर २०७७ साल पुस २५ गते पार्टीको अध्यक्ष बने । त्यसको एकवर्षपछि पुन २०७८ साल पुस २५ गते भएको नेकपा एमालेको जिल्ला अधिवेशनबाट एमाले मकवानपुरको अध्यक्षका रुपमा निर्वाचित भए एकलाल ।
यस्तै नेपाल बुद्धीचाल संघको केन्द्रिय कमिटीको विभिन्न जिम्मेवारीमा रही महासचिब हुँदै २०७२ चैत्र १३ गते केन्द्रीय अध्यक्षका रुपमा चयन भए । बुद्धिचाल खेलमा राम्रो अनुभव रहेका एकालालले नेपालमा पनि यो खेलको राम्रो आकर्षक छ भन्ने विदेशमा चिनाउने काम गरे । नेपालका बुद्धिचाल खेलका सन्दर्भमा नेपालका धेरै जिल्लाका साथै विभिन्न देशहरुमा समेत उनले नेपालको प्रतिनिधित्व गराउन सफल भएका छन् । एसियायी चेस महासङ्घको अध्यक्षको सल्लाहकार सन २०१८ देखि हालसम्म , विश्व बुद्धिचाल महासङ्घको बिकास आयोगको सदस्य सन् २०१५–२०१८ सम्म काम गरेर अन्तर्राष्ट्रिय खेलकुद क्षेत्रमा पनि आफ्नो अनुभव सङ्गालेका छन् ।
निर्माण ब्यवसायी महासङ्घ मकवानपुरको दुई कार्याकाल महासचिव, मकवानपुर उद्योग वाणिज्य सङ्घको सल्लाहकार भैसकेका छन् एकालाल । यस्तै मकवानपुरको पुस्तकालय स्थापना एबम सामुदायिक बनहरुको अभियानमा समेत उनी जोडीएका छन् । यस्तै राजनीतिक अभियान सँगै सहकारी अभियानमा पनि उनी जोडिएका छन् । सहकारी संस्थाहरुको विभिन्न भूमिकामा गाँसिएका एकालालमा आजसम्म कुनै दाग लागेको छैन । श्रीलंका, नर्बे, अजरबैजान, जर्जिया, युएइ, बंगलादेश र भारतलगायतका देशहरु भ्रमण गरेका उनले विदेशी नीति र विकालाई पनि नियाल्ने मौका पाएका छन् ।
लामो समय राजनीति र समाजसेवामा सक्रिय एकालालमा युवा जोश छ अनि जाँगर छ । जनप्रतिनिधिका लागि पहिलोपटक प्रतिस्पर्धामा उत्रिए पनि उनिसँग अन्य धेरै कुराको अनुभव छ । सामाजिक, आर्थिक र खेलकुद क्षेत्रमा जोडिएका उनमा केही नयाँ गर्ने उत्साह छ । यो उत्साहलाई कायम राख्न हामी हेटौंडाबासीको एकालाललाई अमुल्य साथ रहने विश्वासका साथ उनी मकवानपुर क्षेत्र नम्बर १ को (ख) बाट नेकपा एमालेको तर्फबाट प्रदेश सभा सदस्यको उम्मेदवार बनेकाे बताउँछन् ।

मकवानपुर । सत्ता गठबन्धनकाे तर्फबाट मकवानपुर क्षेत्र नं. १ प्रदेश सभा ख का उम्मेदवार आनन्दराम पराजुली मकवानपुरमा सान्त्वना खाेज्दै घरदैलाे कार्यक्रममा व्यस्त छन् । नेपाली काँग्रेस हेटौडाका पूर्व नगर सभापती आगामी निर्वाचनमा प्रदेश सभा ख सदस्यमा विजयी हुने उत्साहका साथ चुनावी प्रचारप्रसारमा घरघर पुगेर मतदातकाे आशिर्वाद लिन व्यस्त छन् ।
मतदाता शिक्षा दिन नसकेकै कारण २०७४ सालकाे स्थानीय तह निर्वाचनमा हेटाैडा उपमहानगरपालिकाकाे मेयरमा थोरै मतले पराजित भएका कांग्रेस नेता पराजुली यस पटक जनताकाे प्रतिनिधि चुनिनेमा विश्वस्त रहेका छन् । अघिल्लाे स्थानीय तहकाे निर्वाचनमा हेटाैडा उपमहनागरपालिकामा नेकपा माओवादी केन्द्रसँगकाे चुनावी तालमेल भएकाेमा मतदाता शिक्षाकाे कमीले उनी परानीत भएका थिए । मकवानपुरे जनतामा परिचित उनी अहिले हेटौडा उपमहानगरकाे १२ वडाकाे प्रतिनिधित्व रहने प्रदेश सभामा उम्मेदवार भएर प्रचार प्रसारमा व्यस्त छन् ।
गत स्थानीय निर्वाचनमा हेटौंडा उपमहानगरपालिकाको मेयरकै टिकट पाउनसक्ने नेताको रुपमा गनिएका उनी गठबन्धनका कारण नेकपा (एस) को भागमा परेपछि चित्त बुझाउँदै गठबन्धनलाई जिताउने अभियानमा सक्रिय रहेका थिए । अहिले कांग्रेसले प्रदेशसभा सदस्य पदको टिकट दिएपछि उनीमाथि ‘न्याय’ भएको र ‘जित सुनिश्चित’ रहेको भन्ने मतदाताहरु पनि रहेका छन् । ‘अघिल्लो पटक हेटौंडा उपमहानगरपालिकाको मेयर पदमा चुनाव लडेकोले पनि मलाई यो पटक धेरै सहज भएको छ’, उनी भन्छन्, ‘मतदाताको साथ, सहयोग, सद्भाव र हौसलाले थप उर्जा मिलेको छ । माहौल निकै राम्रो छ, गठबन्धनको जित सुनिश्चित भैसकेको छ ।’ उनलाई अहिले कांग्रेससहित गठबन्धनमा रहेका दल नेकपा माओवादी केन्द्र, नेकपा (एस), जनमोर्चा लगायतको दलको पनि साथ रहेको छ ।
उनी गठबन्धन बाहिर रहेका पार्टीका नेता कार्यकर्ताको पनि रोजाई बनिरहेका छन् । ‘म कांग्रेसको कार्यकर्ता हुँ । म निरन्तर पार्टीलाई मजबुत बनाउन र यहाँका जनताको सुखदुःखमा साथै रहेको छु । पराजुलीले शुक्रबार हेटौंडा ५ र २ नम्बर वडाको घरदैलाे अभियानको क्रममा पनि मतदाताको धेरै साथ र सहयोग पाएको बताए । पटक पटक चुनाव जितेको एमालेका उम्मेदवारहरुले कुनै एजेण्डा नै नभएपछि अनेक अफवाह र भ्रम फैलाइरहेका उनले बताए । हामी त्यसलाई चिर्दै अघि बढेका छौं ।’
कांग्रेसकै पनि एउटा समूह तपाईंको विरुद्धमा छ भनिन्छ नि ? भन्ने प्रश्नमा उनले यो सब विरोधीले चलाएको अनावश्यक झुटो हल्ला मात्र भएको बताए । ‘कांग्रेस ठूलो पार्टी हो, यहाँ एकसेएक नेताहरु रहेका छन् । टिकटका लागि मसहित अन्य नेताहरुको पनि दावेदारी थियो । दावेदारी हुनु स्वभाविक पनि हो’, उनले भने, ‘टिकट मेरो नाममा आयो । अहिले सबै नेताहरु मकवानपुरमा गठबन्धनका उम्मेदवारलाई जिताउने अभियानमा लागेका छौं ।
‘एकजनाले मात्रै हार्दा पनि गठबन्धनप्रति विश्वास नहुने, पार्टीमै समस्या आउने हुनसक्छ भन्ने बिषयमा हामी क्लियर छौ ।’ पराजुलीले भने ‘गठबन्धन र कांग्रेसभित्र कुनै समस्या रहेकाे छैन ।’
मकवानपुर । बागमती प्रदेशस्तरीय प्रधानमन्त्री कप क्रिकेट प्रतियोगिताको उपाधि मकवानपुर जिल्लाले हात पारेको छ । काठमाडौंमा आयोजना भएको बागमती प्रदेशस्तरीय प्रधानमन्त्री कप एक दिवसीय क्रिकेट प्रतियोगितामा मकवानपुर बिजेता बनेको हो ।
काठमाडौंको मुलपानी क्रिकेट मैदानमा शुक्रबार भएको फाइनल खेलमा ललितपुरलाई २ विकेटले हराउँदै मकवानपुर विजेता बनेको हो ।
टस जितेर पहिले ब्याटिङ गरेको मकवानपुरले ४० ओभरको गेममा ९ विकेटको क्षतिमा १ सय ५१ रन बनाएको थियो । यस्तै ललितपुरले १ सय ४९ रन बनाएको थियो । मकवानपुरलाई जित दिलाउन ५ विकेट लिएका मकवानुरका पियुश शर्मा म्यान अफ द म्याच घोषित भएका छन ।
५ विकेट लिए बापत शर्मालाई मकवानपुरका पूर्व खेलाडी उत्सव सिग्देलले १३ हजार नगद प्रदान गरेका थिए ।