मकवानपुर । नेकपा एमाले कोशी प्रदेश अध्यक्षमा घनश्याम खतिवडा विजयी भएका छन् ।
खतिवडा प्रतिस्पर्धी विनोद ढकाललाई ७३ मतले हराउँदै अध्यक्षमा विजयी भएका हुन् । खतिवडाले ५ सय १२ मतसहित विजयी हुँदा ढकालले ४ सय ३० मत प्राप्त गरेका छन् ।
प्रदेश कमिटीको उपाध्यक्षमा यसअघि उपाध्यक्ष रहेका धनकुटाका टीकाराम चेम्जोङ निर्विरोध भएका छन् ।
यस्तै, सचिवमा पाँचथरका राजकुमार भण्डारी ५ सय २४ मत ल्याएर विजयी भण्डारी विजयी हुँदा अर्का उम्मेदवार उदयपुरका शैलेश लामाले ३ सय ८१ मत प्राप्त गरे ।
यस्तैगरी, उपसचिव २ पदमा झापाकी जलवर्षा राजवंशी ६ सय २८ मत र खोटाङका देवान राई ६ सय १० मत ल्याएर निर्वाचित भएका छन् ।
एमाले कोशी अधिवेशनमा कूल ९ सय ९७ प्रतिनिधि रहेकोमा ९ सय ७७ मत खसेको थियो ।
बागमती मन्त्रिपरिषद्ले गर्यो ५ निर्णय मकवानपुर । बागमती प्रदेश सरकार मन्त्रीपरिषद्को बैठकले ५ निर्णय गरेको छ ।
असोज १५ गते सोमबारको बैठकले प्रदेशको संगठन संरचना तथा दरबन्दी तेरिज स्वीकृत गर्ने लगायतका ५ वटा निर्णय गरेको छ ।
मुख्यमन्त्री शालिकराम जम्कट्टेलको अध्यक्षतामा बसेको बैठकले उक्त निर्णय गरेको सरकारका प्रवक्ता गगा नारायण श्रेष्ठले जानकारी दिए ।
यस्तो छ प्रदेश सरकारको ५ निर्णय
१ संगठन संरचना तथा दरबन्दी तेरिज स्वीकृत गर्ने ।
२ प्रदेश सुशासन केन्द्र (स्थापना तथा कार्य सन्चालन) आदेश २०७७ संशोधन सम्बन्धमा
३ प्रदेश प्रशिक्षण प्रतिष्ठान बिधेयक तर्जुमाका लागि सैद्धान्तिक स्वीकृति प्रदान गर्ने।
४ हस्तकला ग्राम स्थापना तथा सन्चालन गर्न बनेको बिधेयक २०८० प्रदेश सभामा पेश गर्ने ।
५ चलचित्र बिधेयक तर्जुमाका लागि सैद्धान्तिक स्वीकृति प्रदान गर्ने ।
मकवानपुर । स्थगित भएकाे १५ दिन पछि बसेकाे बागमती प्रदेश सभामा सरकारी कामकाजको भाषा सम्बन्धी विधेयक माथि छलफल भएको छ । प्रदेश सभाको आइतबार बसेको दोस्रो बैठकमा सरकारी कामकाजको भाषा सम्बन्धमा व्यवस्था गर्न बनेको विधेयकमाथि सौद्धान्तिक छलफल भएको हो ।
उक्त विधेयक संस्कृतिक, पर्यटन तथा सहकारी मन्त्री पुकार महर्जनले सौद्धान्तिक छलफल गरियोस् भनि संसदमा प्रस्ताव टेबुल गरेका थिए । प्रस्ताब टेबुल गरिए पछि प्रदेश सभा सदस्य रमा आले मगर, सुरेन्द्रराज गोरसाईँ, सृजना सैजू, मधुसुदन प्रसाद पौडेल, बसन्त मानन्धरलगायतले आ–आफ्नो धारणा राखेका थिए ।
छलफलको क्रममा प्रदेश सभाका सदस्यहरुले सरकारद्वारा प्रस्तुत गरिएको उक्त विधेयककाे प्रशंसा गर्दै प्रदेशका बसाेबास गर्ने सुनुवार, जिरेल र मगर भाषालाई उत्थान गर्न प्रदेश सरकारले पहल गर्नुपर्ने बताएका थिए । उनीहरुले सानैदेखि विद्यालय तहबाटै मातृभाषामा अध्ययन अध्यापन गराउने प्रदेश र स्थानीय तहबाट हुनु पर्ने विविध भाषा हराउँदै जानु भनेकाे हाम्राे सभ्यता गुम्दै जानु भएकाेले विभिन्न भाषाकाे संरक्षण गर्नु पर्ने बताएका छन् । प्रदेश सभा सदस्यहरुले नेवारी परम्पराका जात्रा पर्वलाई सम्पदा सूचीमा सूचीकृत गरी संरक्षण गर्नेतर्फ सरकारकाे दीर्घकालिन कार्यलाई प्राथमिकतामा राखी तीब्रता दिनुपर्ने बताएका छन् ।
यस्तै, भाषा सम्बन्धी विधेयकमाथि उठेका प्रश्नको जवाफ दिँदै सहकारी मन्त्री महर्जनले प्रदेश सरकारले दीर्घकालिन भाषिक विकासको लागि पहिलो चरणमा नेवारी र तामाङ भाषालाई प्राथमिकता दिएर संघीयताको आधारलाई कार्यान्वयमा ल्याउन लागिएको बताए । उनले प्रदेशको विभिन्न जिल्लामा रहेका आदीवासी जनजाति, दलितहरुको पनि मातृभाषासहितको भाषिक विकासको लागि क्रमशः विधेयकहरु प्रस्तुत गर्दै लैजाने सरकारको नीति रहेको सभामा जानकारी गराएका थिए ।
यस अघीकाे आजकाे प्रदेश सभाकाे पहिलाे बैठककाे शुन्य समयमा सभा सदस्यहरुले राष्ट्रिय तथा प्रदेशका जल्दाेबल्दाे विषयमा आफ्नाे धारणा राखेकाे थिए र आजकाे बैठकमा विशेष समय नरहेकाे जानकारी सभामुख भुवनकुमार पाठकले गराएका थिए ।सभामुख पाठकका अनुसार प्रदेश सभाको अर्को बैठक असोज १५ गते साेमबार दिउँसो २ बजे बस्ने गरी स्थगित भएकाे छ ।
गत भदाै ३० गते शनिबारकाे प्रदेश सभा बैठकले ४ वटा विधेयक विभिन्न समितिमा पठाउन स्वीकृती प्रदान गरेको थियो । साथै पूर्व सभामुख एवम् संविधान सभा सदस्य सुवासचन्द्र नेम्वाङको निधनमा शोक प्रस्ताव सर्वसम्मतिले पारित गर्दै आज आइतबारकाे लागि अर्काे बैठक बस्ने गरी स्थगित गरिएकाे थियाे ।
मकवानपुर । हेटौंडामा वैदेशिक रोजगारीको क्षेत्रमा देखिएका विधमान समस्याका बारेमा प्रदेशस्तरीय अन्तरक्रिया कार्यक्रम भएको छ ।
सुरक्षित आप्रवाशनका लागि राष्ट्रिय सञ्जालको आयोजनामा वैदेशिक रोजगारका सम्बन्धमा देखा परेका वर्तमान समस्या, सरकारद्वारा जारी नीति, ऐन, नियमावलीका बारेमा प्रदेशका सरोकारवाला निकायबीच अन्तरक्रिया भएको हो ।
सञ्जालको केन्द्रीय कोषाध्यक्ष चाँदनी राणाको सभाध्यक्षतामा भएको कार्यक्रममा हेटौंडा उपमहानगरपालिका प्रमुख मिनाकुमारी लामा, प्रदेश नीति तथा योजना आयोगका प्रा.डा. नरविक्रम थापा, श्रम रोजगार तथा यातायात मन्त्रालय बागमती प्रदेशका सचिव तिर्थराज भट्टराईलगायतको उपस्थिति थियो । श्रम तथा रोजगार विज्ञ निलाम्बर बडानले प्रस्तुतीकरण राखेका थिए ।
बडालले बागमती प्रदेश वार्षिक नीति तथा कार्यक्रम २०८०/८१ बारे जानकारी गराउँदै सातवटा प्रदेशमध्ये श्रम तथा रोजगारको क्षेत्रमा बागमती प्रदेशले बनाएको कानुन सबैभन्दा प्रभावकारी रहेको बताए । अन्य प्रदेश भन्दा बागमती श्रम तथा रोजगारको नीति निर्माणमा अब्बल देखिएको बडालको दाबी थियो ।
उनले ‘सिक्दै, कमाउँदै–कमाउँदै सिक्दै’ (व्यवसायिक र प्राविधिक शिक्षा) कार्यक्रम, सीप परिक्षणको संस्थागत प्रवन्ध (वैदेशिक रोजगारीमा आर्जित सीप), विप्रेषणलाई उत्पादनसँग जोड्न प्रोत्साहन, युवा उद्यमशीलता तथा रोजगार अभिवृद्धि कार्यक्रम, वैदेशिक रोजगारीबाट फर्किएकाहरुको ज्ञान, सीप र क्षमता उपयोग, समस्यामा परेर फर्केकाहरुको पुनःस्थापना, नेपाल पक्षराष्ट्र भएका सन्धि प्रतिवद्धता कार्यान्वयन प्राथमिकतामा रहेको बताए ।
बडालले वैदेशिक रोजगारीमा देखिएका समस्या तथा चुनौतीमा महिला आप्रवासी श्रमिक र घरेलु श्रमिकलाई लगाइएका विभिन्न स्वरुपका प्रतिबन्धले मानव बेचबिखन र शोषणको जोखिम बढाएको बताए ।
पर्याप्त जानकारी र सीपको अभावका कारण नेपाली महिलाहरु कम पारिश्रमिकमा काम गर्न जान बाध्य भएको, लिंग र लैंङ्गिकतामा आधारित खण्डिकृत तथ्यांकको अभावमा महिला र अन्य लिंगका व्यक्तिका अनुभव र योगदानको निरन्तर वेवास्ता भइरहेको बडालको भनाई थियो । नेपालले गन्तव्य मुलुकहरुसँग गरेका अधिकांश द्विपक्षीय सम्झौतामा लैंङ्गिक प्रावधान समाविष्ट नभएको, जोर्डनसँगको बाहेक अन्य सम्झौतामा घरेलु श्रमिकका अधिकार रक्षा सुनिश्चित नभएको, सेवा सुविधाको विकेन्द्रीकरण नहुँदा वैदेशिक रोजगारीका अवसर र न्यायमा पहुँच कम भएको बडालले बताए ।
अन्तरक्रियालाई सम्बोधन गर्दै नगर प्रमुख लामाले वैदेशिक रोजगारमा जाने नेपालीहरु हरेक देशमा पुगेको बताइन् । नेपालका नागरिकलाई धेरै अधिकार रहेको बताइन् । उनले ऐन, नियम कानुन कार्यान्वयन हुन नसक्दा एउटा जनप्रतिनिधिले चाहेर पनि राम्रो काम गर्न सहज नभएको बताएकी छन् । उनले संघ, प्रदेश र स्थानीय सरकारबीच काम गर्दा सहकार्य नहुनाले श्रम तथा रोजगारको क्षेत्रमा उल्लेखित प्रगति हासिल हुन नसकेको बताइन् ।
मेयर लामाले सक्षम नागरिक उत्पादन गर्ने र श्रम गर्न वैदेशिक रोजगारमा जादा कसरी सुरक्षित हुने कुरा सिकाउन जरुरी रहेको बताइन् । माइती नेपाल मकवानपुरको समन्वयमा कार्यक्रम भएको हो । स्थानीय तहको समन्वयमा वैदेशिक रोजगारलाई व्यवस्थित गर्नुपर्ने बारे छलफल भएको माइती नेपाल मकवानपुर प्रमुख माया लामाले बताइन् ।
मकवानपुर । सहमतीमै नेतृत्व छान्ने कसरत गरेकाे एमाले बागमतीकाे अधिवेशन अन्ततः निर्वाचनमै गएकाे थियाे । निर्धारित समय भन्दा ढिलाे गरी सुरु भएकाे निर्वाचन शुक्रबार बेलुका सकिएकाे छ ।
एमाले बागमती प्रदेश अधिबेशनकाे लागि भूगोल, जनसंगठन र मनोनीत गरी १ हजार १ सय ७४ प्रतिनिधि चयन भएकाेमा मतदानमा जम्मा १ हजार १ सय ३५ मत खसेकाे छ । मतदानमा ३२ जना अनुपस्थित भएको निर्वाचन कमिटिले जनाएकाे छ । आजै सकिएकाे निर्वाचनकाे आजै रातीसम्म आउने बताइएकाे छ ।
बागमती प्रदेश कमिटीको निर्वाचनमा यस अघि १ सय ६२ पदमा निर्विरोध निर्वाचित भएका छन् । सोमबार एमाले अध्यक्ष केपी शर्मा ओलीले उद्घाटन गरेर सुरु भएकाे अधिवेशनकाे पाचाैं दिन शुक्रबारसम्ममा २ सय ४५ पदमध्ये १ सय ६२ पदमा पदाधिकारी निर्विरोध निर्वाचित भएका हुन् ।
चितवन, सिन्धुपाल्चोक,काभ्रे, रसुवा जिल्लामा सर्वसम्मत हुँदा ९ जिल्लामा आंशिक निर्विरोध भएकाे नेता शेरबहादुर तामाङले बताए । निर्विरोध भएका १ सय ६२ पद मध्ये पदाधिकारीसहित ८३ र लेखा आयोग ७ पदमा निर्वाचन भएकाे हाे । एमाले पार्टी कार्यालय च्यासलमा भएकाे मतदानमा ४० वटा विद्युतीय मेसिन प्रयोग गरिएकाे थियाे ।
बागमतीको अध्यक्षमा केन्द्रीय सदस्यहरू कृष्णप्रसाद दाहाल र कैलाश ढुंगेल प्रतिस्पर्धामा छन् । ढंगेल र दाहालले अन्य ४ पदाधिकारी पदमा समेत प्यानल बनाएका छन् ।
त्यसैगरी उपाध्यक्षमा ईश्वरचन्द्र पोखरेल, दावादोर्जे लामा, नारायण खतिवडा र सुभाषचन्द्र ठकुरी प्रतिस्पर्धामा रहेका छन् । त्यस्तै उपाध्यक्षमा पनि पाँच जनाको उम्मेदवारी परेको थियाे । उपाध्यक्षमा ठकुरी, खतिवडा, लामा, पोखरेल र राजेन्द्र राजथला उम्मेदवारी दिएकाेमा राजथलाले पछि उम्मेदवारी फिर्ता लिएका थिए । यसैगरी सचिवमा रत्न गुरुङ, नवराज सिलवाल, हस्तबहादुर पण्डित र रामकुमार अधिकारीले उम्मेदवार छन्।
उपसचिवमा १२ जनाको उम्मेदवारी दिएका छन्। खड्कबहादुर खत्री, गंगादेवी श्रेष्ठ, डबल पाण्डे, टासी लामा, भक्तकुमारी लामा, ओमराज पन्त, ठाकुरप्रसाद गजुरेल, कृष्णहरि थापा, रमेश महर्जन, प्रेमबहादुर महर्जन, राजेन्द्र श्रेष्ठ र रीता गौतम ढकालले उपसचिवमा उम्मेदवार छन्।