हेटौडा / हेटौडा ५ पिप्लेमा निर्माणधिन कभर्ड हल निर्माण सहयोगको लागि मदन भण्डारी स्पोर्टस एकेडेमी मकवानपुरले आर्थिक सहयोग गरेको छ ।
बक्सिङका अन्तराष्ट्रिय खेलाडि तथा पिप्ले युवा क्लबका अध्यक्ष सुशील घिमिरेको पहलमा निर्माणाधिन कर्भड हललाई पुर्णता दिन एकेडेमीले शनिबार ७७ हजार ७ सय ७७ रुपियाँ सहयोग रकम हस्तान्तरण गरेको हो । एकेडेमीका सदस्य, शुभचिन्तक तथा मातहतका कमिटिबाट संकलित रकम एकेडेमीका अध्यक्ष निरज सिंह ठकुरीले हल निर्माण कार्यको नेतृत्व गरिरहेका खेलाडी सुशील घिमिरे लाई हस्ताण्तरण गरेका हुन् ।
रकम हस्तान्तरण कार्यक्रम मा जिल्ला खेलकुद विकास समितिका अध्यक्ष सानु लामा, ऐकेडेमीका सल्लाहकार सन्तोष पौडेल, अध्यक्ष निरजसिं ठकुरी, समाजसेवी अर्जुन ढकाल लगायतले खेलकुद र महत्वको बारेमा बोलेका थिए ।
मदन भण्डारी स्पोर्टस एकेडेमीले जिल्लामा पछिल्लो समय खेलकुद क्षेत्रको विकासको लागि महत्वपुर्ण भुमिका निर्वाह गर्दै आएको छ । आगामी दिनमा समेत कर्भड हल निर्माणको लागि आवश्यक आर्थिक तथा भौतिक सहयोग सदैव तयार रहेको कमिटिका सल्लाहकार सन्तोष पौडेलले जानकारी दिए । एकेडेमिका अध्यक्ष निरजसिं
ठकुरीले कर्भड निर्माण अनुकरण्ीाय कार्य भएकोले थोपाथोपा संकलन
गरेर सहयोग गरिएको बताए ।
कार्यक्रममा नेकपा जिल्ला सदस्य ईश्वर ढुंगाना, नगर सदस्य विशाल महत, वडा अध्यक्ष देवि गौतम, सचिव पदम बजगाँई, एकेडेमीका सल्लाहकार सुनिल लोप्चन, जिल्ला उपाध्यक्ष प्रकाश सुवेदी, सचिव आकाश अधिकारी, नगर अध्यक्ष सुबिन लामा, शिक्षक खेलकुद संघका अध्यक्ष राजाराम पोखरेल लगाएतको सहभागिता
रहेको थियो ।
एजेन्सी।कप्तान सर्गियो रामोसले दोस्रो हाफमा गरेको एक मात्र पेनाल्टी गोल मद्दतमा ला लिगा लिडर रियल मड्रिडले एथ्लेटिको विल्वाओलाई १-० ले पराजित गरेको छ ।
रामोसले ७३ औं मिनेटमा भीएआरको सहायतामा प्राप्त पेनाल्टीमा गोल गरेका हुन् । विल्वाओका डानी गार्सियाले रियल मड्रिडका मार्सेलोलाई पाल्टी एरियामा फाउल गरेपछि रियलले पेनाल्टी पाएको थियो । रेफ्रीले भीएआरको मद्दतमा लिएर रियललाई पेनाल्टी अवसर दिएका थिए । रामोसको उक्त गोल नै रियललाई ३ अंक दिलाउन निर्णायक बन्यो ।
उक्त गोलपछि रामोस एकै सिजन ला लिगामा १० गोल गर्ने २००५ यता पहिलो डिफेण्डर बनेका छन् । २००५-०६ मा गेटाफेका डिफेण्डर मारियानो पर्नियाले उक्त उपलब्धी हासिल गरेका थिए ।
रामोसले कोरोना भाइरसको महामारीका कारण स्थगित भएको खेल सुरु भएपछि ला लिगामा ७ खेलबाट ५ गोल गरिसकेका छन् ।
जितपछि रियल मड्रिडले दोस्रो स्थानको बार्सिलोनामाथि ७ अंकको अग्रता बनाउँदै उपाधि होडलाई बलियो बनाएको छ ।
यद्यपि बार्सिलोनाले एक खेल कम खेलेको छ । रियलले ३४ खेलबाट ७७ अंक जोड्दा बार्सिलोनाको ३३ खेलबाट ७० अंक छ । बार्सिलोनाले आजै राती भियारियलसंग खेल्दैछ ।
नयाँ खेलकुद विकास ऐन २०७७ बिहीबारदेखि लागू भएपछि राष्ट्रिय खेलकुद परिषद्का पदाधिकारीहरु स्वतः पदमुक्त भएका छन् । खेलकुद मन्त्री जगतबहादुर विश्वकर्माले २०७५ फागुन २६ गते खेलकुद विधेयकलाई राष्ट्रिय सभामा पेश गर्नुभएको थियो । यसपछि यस विषयमा पर्याप्त छलफलपछि गत असार ११ गते राष्ट्रपति भण्डारीले प्रमाणिकरण गर्नुभएको थियो ।
ऐनमा उल्लेख भएअनुसार प्रमाणिकरण भएको एक सातापछि सो कानून लागू हुनेछ । खेलकुदमा नयाँ ऐनको आगमनले राष्ट्रिय खेलकुद परिषदका पदाधिकारीको पद पनि स्वत खारेज भएको छ । राष्ट्रिय खेलकुद परिषद्का सदस्यसचिव रमेशकुमार सिलवालले आफु कार्यालयमा उपस्थित हुन नसकेको बताउनुभयो ।
नयाँ कानूनले उहाँको पद पनि स्वत समाप्त भएको छ । अब यसका लागि विकल्प यही हुनेछ कि राष्ट्रिय खेलकुद परिषद्मा छिटै सदस्यसचिव र पदाधिकारीको नियुक्त हुनु हो । जसमा सिलवाल स्वयम पनि नयाँ नियुक्तिमा आउन सक्नुहुन्छ । या खेलकुद मन्त्रालयले उहाँको सट्टामा नयाँ सदस्यसचिव पनि ल्याउन सक्नेछ ।
मन्त्रालयले नयाँ ऐनमा व्यवस्था भएका कानूनी प्रक्रिया र प्रावधानबारे आन्तरिक छलफल गरिरहेको जानकारी गराएको छ । प्रवक्ता मानबहादुर विकको अनुसार राष्ट्रिय खेलकुद परिषद्का कार्यकारी नियुक्तिको प्रक्रिया लम्बिने सक्ने र ऐनमै उल्लेख भएअनुसार कर्मचारीबाटै निमित्त जिम्मेबारी दिन सक्नेछ ।
नयाँ कानून आयो पनि असारको मध्य समयमा । आर्थिक वर्षको अन्तिम समयमा राष्ट्रिय खेलकुद परिषद पदविहीन हुँदा काम कारवाहीमा पक्कै प्रभावित हुनेछ । यस्तो नहोस भनेर निमित्त जिम्मेबारी दिन सकिने प्रवक्ताको भनाई छ । उहाँले मन्त्रालयकै कर्मचारी वा राष्ट्रिय खेलकुद परिषदका वरिष्ठ कर्मचारीलाई निमित्त जिम्मेबारी दिन सकिनेछ । उता नयाँ कानून लागु भएर पदविहीन हुनुभएका सदस्यसचिव सिलवालले अन्योल धेरै दिन राख्न नहुने बताउनुभयो ।
न्युज अफ नेपाल
एजेन्सी ।
स्पेनिस ला लिगा फुटबलमा लिग लिडर रियल मेड्रिडले ४ अंकको स्पष्ट अग्रता बनाएको छ । लिगको ३३औं चरणको खेलमा रियलले छैटौं स्थानको गेटाफेमाथि १–० को संघर्षपूर्ण जित निकाल्दै उपाधि होडमा चार अंकको अग्रता बनाएको हो ।
दवाबपूर्ण खेलमा रियललाई घरेलु मैदान अल्फ्रेडो डेस्टेफानोमा जित दिलाउन खेलको अन्तिम समयतिर कप्तान सर्जियो रामोसले गरेको १ मात्रै पेनाल्टी गोल नै निर्णायक सावित बन्यो । निकै प्रतिस्पर्धात्मक बनेको उक्त खेलको ७९औं मिनेटमा रियलले पेनाल्टी पायो ।
ड्यानीले बल लिएर दौडिरहेका बेला बक्समा गेटाफेका खेलाडीले फाउल गरेर लडाएपछि रेफ्रीले रियललाई पेनाल्टी हान्ने अवसर दिएका थिए । जसमा कप्तान रामोसले बिना गल्ती बललाई जाली चुमाएपछि रियल १–० ले विजयी बन्यो ।
जितसँगै रियलले उपाधि होडमा ज्यादै महत्त्वपूर्ण ३ अंक जित्न सफल भएको छ । रियलले लिगका ३३ खेलबाट ७४ अंक जोडेको छ । समान ३३ खेल नै खेलेको बार्सिलोना ७० अंकसहित दोस्रो स्थानमा छ । बार्सिलोनालाई रियलले स्पष्ट ४ अंकले पछाडी पारेको छ ।
रियलले अंक अग्रता बढाउँदै लग्दा बार्सिलोनाको उपाधि होड भने झन् संकटमा परेको छ । अब लिगमा अन्तिम पाँच खेल बाँकी छन् । यी खेलमध्ये रियलले तीन खेल जित्दै एक खेल हारेर एक खेल बराबरी गरे पनि उपाधि जित्छ, यदि बार्सिलोनाले आफ्ना ५ मध्ये कुनै खेल हारे वा बराबरी गरे भने रियलले अझै चाँडो उपाधि जित्नेछ ।
तर, बार्सिलोनालाई भने उपाधि जित्नका लागि आफ्ना बाँकी ५ वटै खेल जित्नुका साथै रियलले २ खेल हार्नुपर्ने छ । ला लिगा अन्तर्गत शुक्रबारै भएको अन्य खेलमा अोसासुनाले आइबरलाई २-० ले तथा रियल सोसीडाडले ईस्पान्योललाई २-१ ले पराजित गरे ।