मकवानपुर/ हेटौंडाको हुप्रचौरमा जारी मेयरकप फुटबल प्रतियोगितामा मंगलबार २ खेल भएका छन् । मंगलबार भएको खेलमा हेटौंडा ६ र १३ ले विजयी भएका छन् ।
मंगलबारको पहिलो खेलमा वडा–६ ले वडा–१४ लाई १—० गोलअन्तरले हराएका छ । वडा–६ का आलोक श्रेष्ठले ३५ मिनेटमा गोल गरेस“गै टिम विजय बनेको थियो । म्यान अफ दी म्याच भने वडा–१४ का सन्दीप घलान घोषित भए । मंगलबार भएको दोस्रो खेलमा हेटौंडा–१३ र वडा–९ को खेल २–२ गोलको बराबरीमा टुंगिएको थियो ।
वडा–१३ बाट २७ मिनेटमा रवि थिङले गोल गरेका थिए भने ३३ मिनेटमा सुवास लुङ्बाले गोल गरेका थिए । वडा–९ बाट १९ मिनेटमा अमिर श्रेष्ठ र २३ मिनेटमा आशीष लामाले गोल गरेका थिए । खेल बराबरीमा टुङिगएपछि टाइब्रेकरमा ५—३ गोलअन्तरले वडा–१३ विजयी बनेको हो । खेलको म्यान अफ दी म्याच वडा–९ का अमिर श्रेष्ठ घोषित भए ।
आज बुधबार हुने पहिलो खेल वडा–१० र वडा–४ विच खेल हुनेछ भने दोस्रो खेलमा वडा–१५ र वडा–१८ बीच भीडन्त रहेको छ । २४ गते फाईनल हुने प्रतियोगिताको विजेतालाई नगद दुईलाख रुपैयाँ, उपविजेताले नगद एकलाख ५० हजार रुपैयाँसहित शिल्ड, मेडल र प्रमाणापत्र प्राप्त गर्नेछन् । प्रतियोगिताका सर्वोत्कृष्ट खेलाडीलाई नगद दशहजार रुपैयाँ, उत्कृष्ट डिफेन्डर, मिडफिल्डर, गोलरक्षक, प्रशिक्षक तथा सर्वाधिक गोलकर्तालाई जनही पाँचरपाँचहजार रुपैयाँ प्राप्त गर्नेछन् ।
मकवानपुर/हेटौंडाको हुप्रचौरमा जारी मेयरकप फुटबल प्रतियोगितामा सोमबार २ खेल भएका छन् । सोमबार भएको खेलमा वडा नम्बर ५ र वडा नम्बर १८ विजयी भएको छ ।
सोमबार भएको पहिलो खेलमा १२ नम्बर वडालाई १८ नम्बर वडाले २–१ गोलअन्तरले हराएको छ ।
म्यान अफ द म्याच वडा नम्बर १८ का रोशन मोक्तान घोषित भए । यस्तै सोमबार भएको दोस्रो खेलमा वडा नम्बर ५ ले वडा नम्बर ८ लाई टाइब्रेकरमा ७–६ गोलअन्तरले हराएको छ । म्यान द म्याच वडा नम्बर ८ का विजयी बिक घोषित भए ।
निकै प्रतिस्पर्धात्मक खेल भएता पनि ८ नम्बर वडाका खेलाडीहरुले लक्षित आक्रमण कम गर्दा खेलमा नतिजा नआएको देखिन्थ्यो । २४ गते फाईनल हुने प्रतियोगिताको विजेतालाई नगद दुईलाख रुपैयाँ, उपविजेताले नगद एकलाख ५० हजार रुपैयाँसहित शिल्ड, मेडल र प्रमाणापत्र प्राप्त गर्नेछन् ।
प्रतियोगिताका सर्वोत्कृष्ट खेलाडीलाई नगद दशहजार रुपैयाँ, उत्कृष्ट डिफेन्डर, मिडफिल्डर, गोलरक्षक, प्रशिक्षक तथा सर्वाधिक गोलकर्तालाई जनही पाँचरपाँचहजार रुपैयाँ प्राप्त गर्नेछन् ।
मकवानपुर । हेटौंडा नगर खेलकुद विकास समितिद्वारा आयोजित जारी मेयर कप फुटबल प्रतियोगिता अन्तर्गत आईतबार भएको खेलमा वडा नम्बर ४ र वडानम्बर ७ विजयी भएको छ ।
हेटौंडाको लोकतान्त्रिक हुप्राचौरमा भएकाे प्रतियोगिता अन्तरगत आयतबार भएको पहिलो खेलमा वडा नम्बर ४ ले वडा नम्बर २ लाई ४–१ गोल अन्तरले पराजित गरेको छ । वडा नम्बर ४ को जितमा अनिस महर्जनले दुई, विवेक देउलाले एक गोल गरेका थिए भने एक गोल २ का खेलाडीले आत्मघाती गरेका थिए ।
महर्जनले खेलको छैठौँ र ५४ औँ मिनेटमा गोल गर्दा देउलाले खेलको ४२ औँ मिनेटमा गरेका थिए । यस्तै वडा नम्बर २ का सुनिल खड्कीले खेलको १३ औँ मिनेटमा एक गोल फर्काएता टोली खेलमा फर्कन सकेन । उत्कृष्ट दुई गोल गरेका अनिस महर्जन म्यानअफ द म्याच घोषित भएका थिए ।
त्यस्तै आईतबार नै भएको दोस्रो खेलमा वडा नम्बर ७ ले वडा नम्बर ३ लाई ४–० गोलको फराकिलो अन्तरले पराजित गरेको छ । वडा नम्बर ७ लाई जित दिलाउनका लागि सुजन कुमार थापाले दुई, अमित लामा ब्लोन र सुजल श्रेष्ठले एक–एक गोल गरे । थापाले खेलको चौथे र ४२ औँ मिनेटमा गोल गर्दा ब्लोनले छैठौँ र श्रेष्ठले ६० औँ मिनेटमा गोल गरेका हुन् । वडा नम्बर ७ लाई जित दिलाउन दुई गोल गरेका सुजन कुमार थापा म्यानअफ द म्याच घोषित भए । जितसंगै वडा नम्बर ४ र ७ दोस्रो चरणमा प्रवेश गरेको छ ।
आज प्रतियोगितामा दुई खेल हुनेछ । समुह डि को वडा नम्बर ५ ले वडा नम्बर ८ संग प्रतिस्पर्धा गर्नेछ भने समुह सि को वडा नं १८ ले १२ संग प्रतिस्पर्धा गर्ने आयोजकले जनाएको छ । प्रतियोगितामा हेटौंडा उपमहानगरका १९ वटै वडाका टोलीको सहभागिता रहेको छ ।
प्रतियोगिताको विजेतालाई नगद दुईलाख रुपैयाँ, उपविजेताले नगद एकलाख ५० हजार रुपैयाँसहित शिल्ड, मेडल र प्रमाणापत्र प्राप्त गर्नेछन् । प्रतियोगिताका सर्वोत्कृष्ट खेलाडीलाई नगद दशहजार रुपैयाँ, उत्कृष्ट डिफेन्डर, मिडफिल्डर, गोलरक्षक, प्रशिक्षक तथा सर्वाधिक गोलकर्तालाई जनही पाँचरपाँचहजार रुपैयाँ प्राप्त गर्नेछन् ।
मकवानपुर । बागमती प्रदेश स्तरीय बक्सिङ प्रतियोगितामा सहभागिता जनाउन मकवानपुरे बक्सिङ खेलाडी काठमाडौं प्रस्थान गरेका छन् । वीर गणेशमान सिंह स्मृति प्रदेश स्तरीय प्रतियोगितामा सहभागिता जनाउन जिल्ला बक्सिङ संघ मकवानपुरका अध्यक्ष दीपेश जोशी, प्रशिक्षक लालबहादुर पौडेलसहित पाँच जना खेलाडी आइतबार काठमाडौं प्रस्थान गरेका छन् ।मकवानपुरे बक्सिङ खेलाडी काठमाडौं प्रस्थान गरेका हुन् ।
नेपालको प्रजातान्त्रिक आन्दोलनका सर्वमान्य नेता स्व. गणेशमानको स्मृतिमा आयोजना हुने प्रतियोगिता फागुन १७ गते साेमबारदेखि २२ गतेसम्म सञ्चालन हुँदैछ । प्रतियोगितामा अनन्त ओझाले ४९ केजी तौल समूहमा, बुद्ध तितुङले ५२ केजी तौल समूहमा, महेन्द्र राईले ५६ केजी तौल समूहमा, सुचितध्वज कार्कीले ६० के.जी तौल समूह र निश्चल विष्टले ७५ केजी तौल समूहमा प्रतिस्पर्धा गर्ने छन् । प्
प्रशिक्षण राम्रो भएकोले खेलाडीले उत्कृष्ठ प्रदर्शन गर्नेमा विश्वस्त रहेको प्रशिक्षक लालबहादुर पौडेलले बताए । प्रतियोगिताका हरेक तौल समूहका विजेता खेलाडीले नगद १० हजार रुपैयाँ पुरस्कार पाउनेछन्। दोस्रो हुनेले सात हजार र तेस्रो स्थान हासिल गर्ने खेलाडीले चार हजार रुपैयाँ पुरस्कार पाउनेछन्।
प्रतियोगिताको लागि हेटौंडा ५ निवासी माधवकुमार न्यौपानेले आफ्नो स्वर्गीय पिता हरिप्रसाद न्यौपानेको स्मृतिमा खेलाडी तथा प्रशिक्षकलाई २५ हजार रुपैयाँ, सानोपोखरा निवासी तथा खेलकुदप्रेमी विनोद महतले यातायात खर्च १० हजार रुपैयाँ, पूर्व कराते खेलाडी प्रकाश श्रेष्ठले खाजा खर्चको लागि ५ हजार रुपैयाँ सहयोग गरेका छन् ।
खेलाडी बिदाई कार्यक्रममा प्रतियोगिताका व्यवस्थापक सुशिल घिमिरे, जिल्ला बक्सिङ संघ मकवानपुरका सचिव, भाजुरत्न श्रेष्ठ, सदस्य रोशिक श्रेष्ठलगायत पदाधिकारीको उपस्थिती रहेको थियो ।
मकवानपुर । हेटाैडा उपमहानगरपािलका नगर खेलकुद परिषद्काे अायाेजनामा हेटाैडामा जारी मेयरकप फुटबलमा शनिबार भएकाे खेलमा ९ र १९ नम्बर वडा विजयी भएको छ ।
हेटौंडा—४ स्थित हुप्रचौरमा शनिबार भएको पहिलो खेलमा वडा नम्बर ९ ले वडा नम्बर १७ लाई सडनडेथमा ६–५ गोलअन्तरले पराजित गरेको हो । निर्धारित समय खेल २–२ गोलको बराबरी भएपछि खेल टाइब्रेकरमा धकेलिएको थियो । टाईब्रेकरमा पनि ५–५ गोलको बराबरी हुँदा खेल सडनडेथमा पुगेको थियो । खेलमा वडा नम्बर ९ का तर्फबाट डेभिड रुम्बा र पूर्ण श्रेष्ठले एक–एक गोल गरे । वडा नम्बर १७ का लागि २ गोल गरेका समीर थोकर म्यान अफ द म्याच घोषित भए पनि टिमलाई जिताउन भने सकेनन् ।
यस्तै शनिबार भएको दोस्रो खेलमा वडा नम्बर १९ ले वडा नम्बर १६ लाई १–० गोलले पराजित गरेको छ । वडा नम्बर १९ लाई जित दिलाउन अजय थोकरले निर्णायक गोल गरे । थोकर म्यान अफ द म्याच घोषित भए ।
प्रतियोगिताको विजेताले नगद दुईलाख रुपैयाँ र उपविजेताले नगद एकलाख रुपैयाँ प्राप्त गर्नेछन् । फागुन २४ गतेसम्म सञ्चालन हुने प्रतियोगिताका सर्वोत्कृट खेलाडी र उत्कृष्ट खेलाडी तथा प्रशिक्षकलाई समेत विधागत रुपमा नगद पुरस्कारको व्यवस्था गरिएको छ ।