मकवानपुर । नेपालीका काग्रेशको असाेज ९ गते शनिबार हुने स्थानीय तह गाउँ/नगर निर्वाचनमा हेटौंडा उपमहानगरपालिका सभापतिमा उत्सब इटेनी सहतिको प्यानल घोषणा गरिएको छ । शुक्रबार पत्रकार सम्मेलन गर्दै इटेनीको प्यानल घोषणा गरिएको हो ।
इटेनी तर्फका नगरउपसभापतिमा रामकृष्ण कोइराला र डोल्मा स्याङबो, सचिबमा सविन न्यौपाने र हर्करत्न लामा, सहसचिबमा निगम श्रेष्ठ र विकास बाँनियाँ लगायतका रहेका छन् ।
नगर सभापतिका उम्मेदवार राउतले प्यानल घाेषणा गरी प्रचारप्रसारलाई तिब्रता दिइरहेका छन् । मकवानपुर उद्योग बाणिज्य संघको अध्यक्षको उम्मेदवार घोषणा गरेर अघि बढेका उनलाई दुबै चुनावको प्रचारप्रसारको चाँजोपाँजो मिलाउनु पर्नेछ ।
यता, मकवानपुर सभापति तथा कांग्रेस बागमती प्रदेश संसदीय दलका नेता ईन्द्रबहादुर बानियाँले मकवानपुरका स्थानीय तहका १ सय २ वडामध्ये ८९ वडामा सर्वसम्मत ढंगले निर्वाचन सकिएको बताए । उनले गाउँ/नगरको अधिवेशन पनि सर्वसम्मत ढंगले सम्पन्न हुने विश्वास व्यक्त गरेका छन् । उनले भए अधिकतम सहमती र नभए चुनावी प्रक्रियामार्फत सौहार्द्धपूर्ण वातावरणमा अधिवेशन सम्पन्न गर्नुपर्ने विभिन्न कार्यक्रममा सम्बोधनका क्रममा बताउँदै आएका छन् ।
नगर अधिवेशनले सभापति, २ उपसभापति, २ सचिव, २ सहसचिव, कार्यसमिति सदस्यमा प्रत्यक्षतर्फ न्युनतम १९ महिलासहित ५७ जना, खस आर्यतर्फ न्युनतम ८ महिलासहित १६ जना, आदिवासी जनजातितर्फ न्युनतम ९ महिलासहित १९ जना, एक मधेशी र न्युनतम एक महिलासहित २ दलित गरी १ सय २ सदस्यीय कार्यसमिति चयन गर्ने छ । नगर अधिवेशन शनिबार हुँदैछ । नगरकार्यसमितिलाई हेटौंडाका १९ वडाका सभापतिसहित ४२० क्षेत्रीय प्रतिनिधिले मतदान गर्नेछन् ।
मकवानपुर । कांग्रेस मकवानपुरका जिल्ला सदस्य अर्जुन दाहालले नेपाली कांग्रेसको अधिवेशनमा मकवानपुरगढी गाउँपालिकाको सभापति पदमा उम्मेदवारी घोषणा गरेका छन् । नेपाली कांग्रेसको १४ औँ महाधिवेशनको चुनावमा कांग्रेसमा युवा पुस्ताको सक्रियता बढेको छ ।
स्थानीय, नगर/पालिकाको अधिवेशन असोज ९ शनिबार हुदैछ । महाधिवेशन चुनावका लागि स्थानीय क्षेत्रमा कांग्रेस नेताहरुले उम्मेदवारी घोषणा गर्न थालेका छन् । यसै क्रममा दाहालले गढी गाउँपालिकाकाे सभापतिमा उम्मेदवारी घाेषणा गरेका हुन् । मकवानपुरगढी गाउँपालिकाको सभापति पदमा ४ जनाले उम्मेदवारी दिएका छन् ।
सानै उमेरदेखि नै राजनीतिमा चासो राख्ने अ्र्जुन दाहालले तत्कालिन समयमा पञ्चायती व्यवस्था तथा २०६२/६३ मा पञ्चायती व्यवस्थाविरोधी आन्दोलनमो निरंकुश राजतन्त्रविरुद्ध अग्रभागमा रहेर आवाज उठाउने गरेका थिए । पार्टीका विभिन्न आन्दोलनका कार्यक्रममा समेत सहभागि भएका दाहाल वि.सं.२०४६ सालको आन्दोलन पछि राजनीतिमा सक्रिय रुपमा अगाडि बढेका हुन् ।
वि.सं.२०३१ बैशाख १८ गते तत्कालिन मकवानपुरगढी गाविसमा जन्मिएका दाहाल विद्यार्थी उमेरमा नै उनले आधिकारिक रुपमा नेपाल विद्यार्थी संघ (नेवि संघ) मार्फत राजनीतिमा पाईला टेकेका हुन ।दाहाल गाउँ कै श्री भानु माविमा कक्षा ७ सम्म अध्ययन पुरा गरेर कक्षा ८ मा अध्ययनका लागि हेटौंडा उपमहानगरपालिका वडा नं ६ मा रहेको श्री वंशगोपाल माविमा भर्ना भइ त्यहीबाट एसएससीसम्मको अध्ययन पुरा गरेका थिए । त्यस पश्चात भने दाहालले निरन्तर कांग्रेसको विभिन्न भातृ तथा शुवेच्छुक संगठनमा आवद्ध रहेर अनुभव समेत बटुलेका छन् ।
नेपाली कांग्रेसको १२ औँ महाधिवेशनबाट दाहाल क्रियाशील सदस्य भए । क्षेत्र नं १ को सचिवका रुपमा काम गरी उनले कार्य कुशलता प्रदर्शन गरे । यस्तै, कांग्रसको १३ औं अधिवेशनबाट पार्टीको जिल्ला सदस्य भएका उनी आसन्न असोज ९ गते हुने गाउँपालिका स्तरीय निर्वाचनमा मकवानपुरगढी गाउँपालिकाको सभापति पदमा उम्मेदवारी दिने तयारीमा छन् ।
समाज रुपान्तरणका लागि समाजमा भएका विसंगती, विकृति विरुद्ध आवाज उठाउने, आफू जन्मिएको, हुर्किएको गाउँलाई नै समृद्ध बनाई युवा प्रोत्साहन मुलक कार्य पनि गरे। यतिमात्र हैन महिलाहरुलाई पुरुष सरह नै अगाडि बढाउनु पर्छ भन्ने हिसाबले महिला सशक्तिकरणका कामहरु सक्रिय रुपमा गरिरहे जसका कारण दाहाल सबैको विश्वासको पात्र बने ।
समाजमा भएका असहजिला पाटाहरुलाई सहजीकरण गर्दै सिगों गाउँलाई नै विकासतर्फ उन्मुख गराउन महत्पूर्ण भूमिका समेत निर्वाह गरे । यसर्थ राजनीतिक क्रियाकलापमा मात्र सक्रिय हैन उनी सामाजिक गतिविधिहरुमा समेत क्रियाशील छन् । राजनीतिसंगै सामाजिक सेवाका काममासमेत उनको राम्राे उपस्थिति देखिन्छ ।
चुच्चेखोला सामुदायिक वन उपभोक्ता समितिमा एक कार्यकाल उपाध्यक्ष र ३ कार्यकाल अध्यक्ष भएर उनले काम गरेका छन् । हाल उनी मनकामना दूग्ध उत्पादक सहकारी संस्था लिमिटेडको अध्यक्ष पनि हुन् । सबैको साथ र सहयोग पाए भने दाहाल सभापति पदमा निर्वाचित हुनेछन ।
मकवानपुर । मकवानपुर प्रहरीले सरकारी कागज छाप दस्तखत किर्ते तथा डाँका मुद्दाका फरार प्रतिवादी २ जना पक्राउ गरेकाे छ । पक्राउ पर्नेमा सरकारी कागज छाप किर्ते मुद्दाका फरार प्रतिवादी हेटाैडा १७ का रामलाल मानन्धर र डाँका मुद्दाका फरार प्रतिवादी हेटाैडा ९ का दिप सागर मिजार रहेका छन् ।
मकवानपुर जिल्ला अदालतको २०७० साल जेठ २३ गतेको फैसलाले सरकारी कागज छाप दस्तखत किर्ते मुद्दामा १ बर्ष ५ दिन कैद भुक्तान गर्न बाँकी फरार प्रतिवादी मानन्धरलाई जिल्ला प्रहरी कार्यालय मकवानपुरबाट खटिएको प्रहरी टोलीले असाेज ७ गते विहीबार साविक हटिया गा.बि.स. वडा नं. ३ हाल हेटाैडा १७ स्थितबाट पक्राउ गरिएकाे जिल्ला प्रहरी कार्यालय मकवानपुरले जनाएकाे छ ।
यसैगरी मकवानपुर जिल्ला अदालतको २०७७ साल फागुन ५ गतेको फैसलाले डाँका मुद्दामा ३ महिना ४ दिन कैद र २० हजार रूपैया जरिवाना भुक्तान गर्न बाँकी फरार प्रतिवादी मिजारलाई ईलाका प्रहरी कार्यालय पशुपतिनगर मकवानपुरबाट खटिएको प्रहरी टोलीले असाेज ७ गते विहीबार हेटाैडा ९ बाट पक्राउ गरिएकाे कमवानपुर प्रहरी प्रवक्ता जयश्वर रिमालले जानकारी दिए ।
पक्राउ परेका दुवै जनालाईआवश्यक कारवाहीको लागि सम्मानित जिल्ला अदालत मकवानपुर उपस्थित गराईएको मकवानपुर प्रहरीले जनाएकाे छ ।
मकवानपुर । मकवानपुर प्रहरीले लागूऔषध अफिम जस्तो देखिने बस्तु २ किलो १ सय ग्रामसहित १ जनालाई प्रक्राउ गरेको छ । प्रक्राउ पर्नेमा मकवानपुरको कैलाश गाउँपालिकाका राजन मोक्तान रहेका छन् ।
शुक्रबार बिहान ९ बजेको समयमा भीमफेदी गाउँपालिकाको भैंसेस्थित प्रहरी चौकी भैंसेबाट खटिएको प्रहरी टोलीले शंकास्पद रुपमा हिँडिरहेको अवस्थामा कैलाश-२ का २१ वर्षीय मुक्तानलाई सुरक्षाजाँच गर्ने क्रममा लागूऔषध अफिम जस्तो देखिने पदार्थसहित भैंसे बजारबाटै पक्राउ गरेको जिल्ला प्रहरी कार्यालय मकवानपुरले जनाएको छ । पक्राउ परेका राजनलाई प्रहरीले हिरासतमा राखी आवश्यक अनुसन्धान गरिरहेको जनाएको छ ।
यसैगरी मकवानपुर प्रहरीले राक्सिराङ गाउँपालिकमा ३ हजार गाजाँकाे बिरूवा नष्ट गरेकाे छ । असाेज ८ गते शुक्रबार ३:४५ बजेको समयमा प्रहरी चौकी चैनपुर राक्सिराङबाट प्रहरी सहायक निरीक्षक दिपकराज न्यौपानेको कमाण्डमा खटिएको प्रहरी गस्ती टोलीले उक्त परिणामकाे लागु औषध गाँजाकाे बिरूवा नष्ट गरेकाे हाे ।

राक्सिराङ वडा नं. ३ झिल्किनीबाट पलासे तर्फ गई रहेको नम्वर नखुलेको मोटरसाइकलमा रहेका व्यक्तिले गस्ती प्रहरी टोलिलाई देखि मोटरसाइकलमा ल्याएको २ वटा सेतो बोरा फालि भागेको थिए । प्रहरी टाेलीले उक्त बोरा खोली हेर्दा बोरा भित्र करिब ३ हजार वटा लागुऔषध गाँजाको बिरुवा फेला पारी नष्ट गरिएको मकवानपुर प्रहरीले जनाएकाे छ । उक्त बिरुवा ल्याउने ब्यक्तीको खोजतलाश गर्ने कार्य भई रहेको जिल्ला प्रहरी कार्यालयका प्रहरी प्रवक्ता जयश्वर रिमालले जानकारी दिए ।
मकवानपुर । नेपाली कांग्रेसको नगर तथा पालिका स्तरिय निर्वाचनकाे लागि हेटाैडा उपमहानगर सभापतिमा महेन्द्र राउतले प्यानल सार्वजनिक गरेका छन् । राउतले निर्वाचनको अघिल्लो दिन पत्रकार सम्मेलन मार्फत आफनो प्यानल सार्बजनिक गरेका हुन । नेपाली कांग्रेसको नगर तथा पालिका स्तरिय निर्वाचनकाे असोज ९ गते हुदैछ ।
राउतको प्यानलमा उपसभापती रोशन गोले र ज्योती कोईराला रहेकाछन् भने सचिबमा गंगा पौडेल र कुमार पोख्ररेल रहेकाछन् । यस्तै सहसचिबमा अन्जनी पराजुली र सोममाया मोक्तान रहेको बताएकाछन् । यस्तै सदस्यहरुमा सरस्वती श्रेष्ठ ,दोर्नचार्य दाहाल, अमित बिक ,भिम बा देउला,सरस्वती श्रेष्ठ,लगयतका रहेका छन ।
यस अघि पार्टीको जिल्ला सदस्य बनीसकेका राउत यो पटक नगरसभापतिमा सहित जीत सुनिश्चित गर्ने दाउमा छन् । राउत पेशाले ईलेक्ट्रोनिक्स व्यवसायी हुन् । मकवानपुर उद्योग वणिज्य संघमा पूर्व महासचिव भएर समेत उनले अनुभव संगालेको छन् । आफु युवा राजनितिबाट आएकाले युवालाई नै समेटेर अगाडी बढने उनको योजना छ ।
बिस २०४६ सालको आन्दोलन देखी विद्यार्थी राजनिति सुरु गरेका राउतले नेवि संघ जिल्ला कोषाध्यक्ष,जिल्ला सभापति हुदै नेपाली कांग्रेसको विभिन्न तहमा सकृय भुमिका रहदै आएका छन् । नेपाली कांग्रेसको १२ औ देखी १४ औ अधिवेशनसम्म अत्याधिक बहुमतका साथ क्षेत्रिय प्रतिनिधिमा आफनो बिजयी सफलता पाईसकेका राउत नगर सभापतिमा आफनो दाबेदारी रहेको बताउँ छन् । आफुसंगै विद्यार्थी राजनिति गरेका अन्य साथीहरु केन्द्रिय नेतृत्वमा पुगीसकेको बताउदै पार्टीभित्र आफु पछाडी परेकोले अबको यात्रा नगरसभापतिमा रहने राउतले बताए ।
पत्रकार सम्मेलनमा काङ्ग्रेस मकवानपुरका सल्लाहकार प्रभात दाहाल,पुर्ब जिल्ला सभापति राम चन्द्र अर्याल,नेतृ रिता खनाल,इन्दिरा नेउपाने,प्रबक्ता प्रदीप कोइराला,नेत्री उमा दाहाल, नेता तारा प्रसाद चौलागाईं लगाएतका नेताहरुको सहभागिता रहेको थियो ।