मकवानपुर । मकवानपुरकाे राक्सिराङ गाउँपालिकाका विपन्न चेपाङ तथा तामाङ समुदायका जाडोबाट प्रभावित ४ सय ७५ घरपरिवारलाई सोमबार न्यानो कपडा वितरण गरिएको छ। नेपाली कांग्रेस बागमती प्रदेशका सभापति एवं कांग्रेस बागमती प्रदेश संसदीय दलका नेता ईन्द्रबहादुर बानियाँको सहयोगमा राक्सिराङ ४ रतुवाका विपन्न चेपाङ तथा तामाङ परिवारलाई न्यानो कपडा (कम्वल) वितरण गरिएको हाे ।
रतुवाका ४ सय ७५ घरपरिवार सँगै राक्सीराङकै सुर्योदय माविको छात्रावासका विद्यार्थीहरुलाई ४० थान न्यानो कपडा कम्वल वितरण गरिएको हाे । १ सय ८५ थान न्यानो कपडा अवस्था हेरेर स्थानीयलाई वितरण गर्ने गरी कांग्रेस राक्सिराङ गाउँपालिका सभापति बीरेन्द्र जिम्बालाई हस्तान्तरण गरिएको छ ।
‘आफूले निर्वाचन जितेपछि राक्सिराङका जनतालाई सकेकाे सहयोग गरिरहेकाे छु‘ कपडा वितरण कार्यक्रममा बोल्दै नेता बानियाँले भने– ‘आउने दिनमासमेत दिलोज्यान दिएर जनताको सेवामा लागिरहने प्रतिबद्धता व्यक्त गर्दछु ।’
न्यानो कपडा वितरण कार्यक्रममा प्रतिनिधिसभा २ का संघीय सभापति लोक मोक्तान, काठमाडौं क्षेत्र नम्बर २ का क्षेत्रीय सभापति कबिर शर्मा, महाधिबेशन प्रतिनिधि उपेन्द्र कार्की, कांग्रेसका जिल्ला सदस्य एवं राक्सिराङ गाउँपालिका अध्यक्ष राजकुमार मल्ल, जिल्ला सदस्य एवं राक्सीराङ ८ का वडाअध्यक्ष रामकृष्ण प्रजा, राक्सिराङ गाउँपालिका सभापति बिरेन्द्र जिम्बा, मनहरी गाउँपालिका सभापति प्रकाश बर्तौला, राक्सिराङ गाउँपालिका उपाध्यक्ष निर्मला हिमडुङ, राक्सिराङ गाउँपालिका ४ का तरुण सभापति हिरालाल भ्लोनलगायतले मन्तव्य व्यक्त गरेका थिए ।
कांग्रेस राक्सिराङ गाउँपालिका ४ का वडा सभापति विकास ब्लोनको सभाध्यक्षता तथा कांग्रेस बागमती प्रदेश सभापति बानियाँको प्रमुख आतिथ्यतामा भएकाे हाे ।
मकवानपुर । मकवानपुरमा २० जना काेराेना संक्रमित थपिएका छन् । पछिल्लो २४ घण्टामा जिल्लामा थप २० जनामा संक्रमण पुष्टि भएको स्वास्थय कार्यलय मकवानपुरले जनाएको छ ।
सोमबार जिल्लामा ४२ पिसिआर परीक्षणमा १३ जना र ४३ एन्टीजेन परीक्षणमा ७ जनामा गरी २० जनामा कोरोना पुष्टि भएको हो । पुष्टि हुनेहरुमा १३ जना हेटौंडा उपमहानगरपालिकाका र ७ जना मनहरी गाउँपालिका भित्रका रहेको कार्यलयले जनाएको छ । यो संगै जिल्लामा सक्रिय संक्रमितको संख्या ७९ जना पुगेको छ ।
जिल्लामा सोमबार थप २ जना संक्रमितले संक्रमणलाई जितेका छन् । जिल्लामा हालसम्म कोरोनाको कारण १ सय ६७ जनाको मृत्यु भएको छ ।
यसैगरी नेपालमा थप १ हजार ४ सय ४६ जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा ११ हजार ४ सय २९ जनामा गरिएको परीक्षणमा १ हजार ४ सय ४६ जनामा कोरोना भाइरस संक्रमण पुष्टि भएको स्वास्थ तथा जनसंख्या मन्त्रालयले जनाएको छ ।
यस्तै सोहि समयमा नेपालमा थप २ सय ५५ जनाले संक्रमणलाई जितेका छन् । देशभर पछिल्लो २४ घण्टामा कोरोनाको कारण थप २ जनाको मृत्यु भएको छ । नेपालमा हाल ७ हजार ८ सय ५५ जना सक्रियस संक्रमित उपचाररत रहेका छन् ।
मकवानपुर । मकवानपुर प्रहरीले लागूऔषधसहित ६ जनालाई पक्राउ गरेको छ । प्रहरीले हेटौंडा उपमहानगरपालिका वडा नम्वर ९ मास्टरचोकबाट अवैध लागूऔषधसहित ६ जनालाई पक्राउ गरेको जिल्ला प्रहरी कार्यालय मकवानपुरका प्रहरी निरीक्षक राजकुमार सापकोटाले जानकारी दिए ।
पक्राउ पर्नेहरुमा सुनसरी घर भई हाल हेटौंड–९ मास्टरचोकस्थित शंकर केसीको घरमा डेरा गरी बस्ने २५ वर्षीय बिशाल बिक, २० वर्षीय राज खत्री, २३ वर्षीय रोमन थापा मगर, २१ वर्षीय निरन राई, २२ वर्षीय प्रजेन महर्जन र हेटांैडा–१० बस्ने १८ वर्षीय सुमित कुमार बानियाँ रहेका छन् ।
उनीहरुलाई ईलाका प्रहरी कार्यालय पशुपतिनगर मकवानपुरबाट खटिएको प्रहरी टोलीले आइतबार पक्राउ गरेको हो । विशेष सूचनाको आधारमा पुगेको प्रहरी टोलीले उक्त घरमा बस्ने बिशाल विकको कोठा चेकजाँच गर्दा नाइट्राजेपाम ९७ ट्याब्लेट, नेमाडोल १४८ क्यापसुल, स्टगन १६ ट्याब्लेट, सिओना २ १२ ट्याब्लेट र १६ ग्राम गाँजा बरामद गरेपछि निजहरुलाई पक्राउ गरेको प्रहरी निरीक्षक सापकोटाले बताए ।
पक्राउ परेका उनीहरुमाथि आवश्यक अनुसन्धानका साथै कानूनी प्रकृया अगाडि बढाइएको मकवानपुर प्रहरीले जनाएको छ ।
प्रीति आत्रेय ज्ञवाली
मान्छे जे कुरामा पनि
सकारात्मकता खोज्छ
कामको परिणाम
पढाइको नतिजा
व्यक्तिको भरोसा
जुनै पनि आशावादी
कामको लागि
हुन्छ सधैँ सकारात्मक ।
कोरोनाको जाँच गर्दा
आउने रिपोर्टमा भने
सकारात्मक त रहन्छ
तर नतिजा भने
नकारात्मक आओस् नै भन्छ ।
सकारात्मकताको सकारात्मकतामा
पनि भिन्नता छ
किनकि व्यक्तिलाई
बाँच्नु छ यही समाजमा
केही गरी सकारात्मक देखिइहालेपनि
व्यक्तिको आफूप्रति हेर्ने
दृष्टिकोण नै फरक भैदिन्छ
बोली नै फरक भैदिन्छ
र व्यवहार पनि
मानौँ कुनै ठुलो गल्ती नै गरेजस्तो ।
बिचरा !
जो सधैँ सकारात्मकतामा
बाँचिरहेको हुन्छ
ऊ आफैँ आफू
अन्जानवश शिकार भएको
नकारात्मकीय सकारात्मकतामा
आफूलाई पाउँदा
अल्मलिन्छ ।
अनि आफैँ अरूलाई
त्यसको प्रभाव नपरोस् भनी तर्किन्छ
कसैलाई यस्तो नहोस् भन्दै
फेरि सकारात्मक भैदिन्छ
र आफ्नो अर्को परिणाम
नकारात्मक आओस् भन्दै
सकारात्मक हुँदै बस्छ
अचम्मको सकारात्मकता ।
बुटवल हाल कम्बोडिया
मकवानपुर । बागमती प्रदेशको मुख्यन्यायधिवक्तामा श्यामनारायण श्रेष्ठ नियुक्त भएका छन् ।बागमती प्रदेशका मुख्यमन्त्री राजेन्द्रप्रसाद पाण्डेको प्रदेश प्रमुख यादवचन्द्र शर्माले नेपालको संविधानको धारा १६० को उपधारा २ बमोजिम सिफारिसमा श्रेष्ठलाई मुख्यन्यायधिवक्तामा नियुक्त गरेका हुन् ।
धादिङ जिल्ला ज्वालामुखी गाउँपालिका-२ हटिया निवासी श्रेष्ठलाई सोमबार उच्च अदालत पाटनका मुख्यन्यायाधीश नृपध्वज निरौलाले पद तथा गोपनियताको सपथ गराएका हुन् । संविधान अनुसार मुख्यमन्त्रीले चाहेको अवधिसम्म आफ्नो पदमा बहाल रहने मुख्य न्यायाधिवक्ता प्रदेश सरकारकाे मुख्य कानुनी सल्लाहकार समेत हुनेछ ।
सपथ ग्रहण कार्यक्रममा प्रदेशका मुख्यमन्त्री पाण्डे, आर्थिक मामिला तथा योजना मन्त्री शालिकराम जम्मकट्टेल, आन्तरिक मामिला तथा कानूनमन्त्री कृण्णप्रसाद शर्मा खनाल, स्वास्थ्यमन्त्री निमा लामा, कृषि तथा पशुपन्छी मन्त्री बसुन्धरा हुमागाईं लगायतको उपस्थिति थियो ।